如富上海麵館

以前返學嘅時候成日同同學食，嗰陣個排骨好好味，兩年後再嚟食已經唔同晒味，同之前爭好遠，碗擔擔麵味道好淡，食食吓碗擔擔麵仲要食到鐵絲，店員首先嘅解決方法係話見到就冇嘢，叫我整個鐵絲出嚟，話碗麵唔污糟，當冇事，可以照食🙂‍↕️之後話杯豆漿免費，見我食唔落口，面露難色，然後先再話可以換過碗俾我，令我有啲失望，最終都係冇再食碗麵換着係以前嘅麵館，我會好推薦大家試吓，而家嘅麵館，我覺得已經冇必要特登去食🥲…查看更多

收工仲可以買到下午茶餐真係好開心，原來呢間上海麵店下午茶餐至到6:30pm,太開心了。叫咗擔擔麵加2隻鍋貼包埋豆漿都係$42，外賣加1蚊,擔擔麵湯底吾會只係有花生醬味，個麵底仲幾好食，鍋貼就好似細隻咗少少。但呢個價錢真係抵吖😁…查看更多

外賣自取，買咗一盒煎餃同埋湯餃，只係俾咗一份醋同埋辣醬，回頭叫佢比多盒嘅時候佢竟然同我講話餃子只係得一份，但係我明明買左兩份餃子，佢又話湯餃一向唔跟醋，但明明我之前買嘅時候佢有跟到。大佬我兩個人食，冇理由得一盒仔唔滿嘅醋兩個人share囉。跟住佢就立即改口話要多粒醋要加錢喎，咁唔該寫到明啦我下次買嘅時候直接加埋，加錢唔係問題問題係講聲，真係冇下次。仲要我明明係買咗（兩份係兩份）！下次如果真係有人要去呢間堂食嘅話都小心啲，既然外賣要多少少得半匙羹都冇嘢醋都話要加錢，分分用多啲都俾說話你聽，食之前問清楚好啲😒…查看更多

位於葵興站A出口的如富上海麵，好親民，一般下午茶五點或六點結束，而呢間餐廳的老闆提供到六點半，真係難得。先講講呢間既菜肉雲吞，韮菜水餃同香茜飯係鎮店之寶。今日香茜餃已經賣晒，淨餃6隻連凍熱豆漿只係$34。如果叫菜肉雲吞上海麵就3隻加麵底配豬骨湯，都跟豆漿$39。最平的下午茶係鍋貼4隻跟豆漿只係$26。我今日食左兩款食物，菜肉雲吞上海麵配凍豆漿 $39雲吞皮薄，十分足料，餡以白菜同豬肉做餃，而且係老闆人手每日新鮮包，上海麵十分爽口。上海排骨菜飯 $47呢個餐在午餐時間時會跟豆漿，同樣價錢。脆炸排骨，薄薄的粉，好脆跟甜豉油，同菜飯十分美味。…查看更多

當初愛上食口水雞係因為喺呢間店食過，真係覺得好好味，但自從轉人後，之前食佢嘅酸辣湯麵，味道就係似街邊碗仔翅加咗少酸少辣，但都算還可，，今次食返口水雞擔擔麵，啲雞酥臭得連辣油都遮掩唔到，口水雞汁其實只係辣椒油汁，一點花椒香都唔覺有，至於個擔擔面我要少辣味，佢居然無晒花生味，佢雖然跟前手做法加櫻花蝦，但完全帶唔到個鮮香味，面味道還可以，但絕對唔係擔擔麵囉 最後我走時都同老闆講雞好覆好難食！ 希望宜家仲有開舖嘅食店，真係用心去煮嘢啦！香港啲食肆真係越嚟越難食啦肚餓係最好調味料，但呢餐真係頂唔順…查看更多