好運泰國美食

營業中

休息中

今晚同朋友去新蒲崗搵食，行過商場見到間泰國菜館，價錢幾平民就試下啦！ 首先叫咗個**蒜蓉炒芥蘭**，夠鑊氣又唔會太油，芥蘭爽脆仲有蒜香，好開胃！跟住個**菠蘿炒飯**都唔錯，炒得粒粒分明，仲有啲肉鬆，口感豐富。 最驚喜係個**香酥薄餅**，外皮脆到不得了，入面軟熟，點埋咖喱食真係無得彈！講到**黃咖喱海鮮**，椰香味濃但又唔會太辣，海鮮份量都算足，撈飯食一流。 另外叫咗**豬肉串燒**同**雞肉串燒**，燒得啱啱好，肉質嫩滑，點埋沙嗲醬更加惹味。 整體來講，呢間泰國菜性價比高，味道正宗又抵食，下次一定會再幫襯！

位於屋邨商場嘅泰國餐廳泰國菜款式都幾多👍🏻叫左泰式肉碎蛋餅半煎炸嘅蛋餅好香脆而且可以點埋辣醬，就算唔點都夠調味喇沙摻摻椰香味都幾突出而且唔會好鹹有魚蛋，蝦，豬皮，豆卜好多料😋米粉同油麵嘅口感都啱啱好唔會淋曬！串燒飯除左豬牛雞嘅串燒，仲有煎太陽蛋！串燒嘅調味都唔會好鹹點埋沙爹/酸辣醬好開胃🤤椰汁西米糕甜度適中而且share每人兩粒啱啱好～龍眼冰超多龍眼肉😍整體飲落唔會太甜椰汁冰椰香濃郁好好飲

今次喺新蒲崗廣場搵到間好唔起眼嘅泰國餐廳，食物有驚喜！1. 香葉肉碎飯（$59 + 煎蛋 $8）一上枱已經聞到香葉嘅香氣，肉碎炒得夠乾身、唔油膩，由細辣到大辣任揀，我揀咗中辣，啱啱好又唔會搶味。煎蛋煎到外脆內流心，撈埋飯一齊食超正，辣香撲鼻，一啖接一啖。2. 泰式豬頸肉飯（$61）豬頸肉炭香味突出，外脆內嫩，咬落仲有啲肉汁，加埋酸酸辣辣嘅醬汁，解膩又惹味。白飯好香，整體份量啱啱好，配菜都算有心思。整體嚟講，環境舒服、裝修有泰式風味，價錢親民，值得再嚟試下其他小炒同甜品！

今日同同事去咗新蒲崗食lunch，雖然位置有啲難搵，但食物真係幾正宗！🍚 香葉辣椒肉碎炒飯一上枱就聞到好香香葉味！炒飯夠鑊氣，辣度啱啱好（可以叫佢調校辣度）。🍜 泰式干炒河河粉炒得夠乾身，唔會一pat pat。配料有豬、芥蘭同蛋絲，幾啱香港人口味。嫌唔夠辣可以問佢拎辣椒粉～🍮 芒果糯米飯芒果超甜！糯米飯暖暖地，椰汁香得嚟唔會太漏。雖然唔係用原個芒果上枱，但呢個價錢來講已經好抵食！🦐 泰式炸蝦餅即叫即炸熱辣辣，外皮香脆，蝦肉彈牙，點埋甜酸醬。一份有四件，兩個人share啱啱好。🧋 泰式奶茶茶味夠濃，甜度適中。最緊要係夠凍，食完辣嘢飲一啖真係爽呀！環境：冷氣夠涼。雖然位置有啲隱蔽，但午市都幾多街坊幫襯，證明係有實力！服務：態度幾好，落單快上菜更快。趕返工嘅話呢度絕對係好選擇～總括：食物質素拍得住九龍城泰菜！兩個人食到飽飽，絕對會encore！下次想試埋佢個生蝦刺身同青咖哩～

黯然銷魂飯與泰式小吃位於新蒲崗廣場一家泰式餐廳。首先是“黯然銷魂飯”，這道菜的米飯軟糯，淋上濃郁的醬汁後，口感特別好。泰式叉燒做法有所不同，食落去實在是令人難以忘懷。有少少像鴨胸的烹調手法值得一試。然後是“泰式手抓餅”，外皮酥脆，裡面的餡料也非常多汁，搭配上特製的醬料，真的是一口接一口停不下來。再來的“喇沙摻撥”則是另一種驚喜，湯頭鮮香，搭配滑順的麵條，滿足！串燒部分也相當出色。“牛肉串燒”、“雞肉串燒”和“羊肉串燒”都烤得恰到好處，特別是牛肉串，肉質鮮嫩，散發著誘人的香氣，讓我忍不住多點幾串。最後，我點了一杯“泰國奶茶”，濃厚的奶香和茶香圍繞在嘴裡，讓人感覺十分放鬆。整體而言，這頓飯的價格也相當合理，對於喜愛泰式料理的朋友們，這裡絕對值得一試！真心推薦！

前排同朋友搵食，搵到一間新蒲崗嘅泰式餐廳，點咗六款菜：泰式脆皮燒五花肉飯、青咖喱牛肉、蒜蓉炒通菜、蒜蓉包、蜂蜜生薑茶同椰汁冰。真係食到我哋讚不絕口，每道菜都有驚喜，味道正宗，簡直係泰國街頭feel！💥首先講講泰式脆皮燒五花肉飯，呢個真係全場MVP！五花肉燒到外皮金黃脆卜卜，一咬落去「喀滋喀滋」，真係爽到飛起。肉質肥瘦啱啱好，油香同瘦肉嘅咬口完美平衡，仲有陣陣燒烤醬汁嘅甜鹹味，泰式風味爆棚。配飯更加係粒粒分明，吸晒啲肉汁同醬，食落又香又滿足，份量啱啱好，鍾意燒肉嘅朋友一定唔好錯過！💥跟住試咗青咖喱牛肉，呢個真係泰國菜嘅靈魂！青咖喱醬濃稠得來唔會膩，椰奶香氣撲鼻，仲有青檸葉、羅勒同少少辣椒嘅清新辛香，辣度啱啱好，刺激味蕾又唔會太過火。牛肉燉到入口即化，每啖都沾滿咖喱嘅濃郁味道，配碗白飯，食到好似置身泰國街頭小店咁！同五花肉飯比，青咖喱更濃烈，鍾意重口味嘅朋友會好中意。💥蒜蓉炒通菜就係一道清爽嘅配菜，平衡咗成餐嘅濃味。通菜炒到爽脆，仲保留到菜嘅鮮嫩口感，蒜蓉香氣好濃但唔嗆，簡單調味已經夠突出食材嘅原味。喺濃味主菜之間食呢個，係一個好嘅「休息站」，畀味蕾透透氣。雖然係簡單菜式，但炒功同食材質素

星期日同男友去咗新蒲崗一間泰國菜餐廳，期待已久嘅泰國美食終於嚟到！餐廳環境簡潔明亮，裝潢帶有濃厚的泰國風情，讓人一走入去就感受到熱情與活力。### 燒牛肉串燒首先，我哋點咗「燒牛肉串燒」。牛肉串燒外焦內嫩，香氣四溢，淋上特製的醬汁，味道更加出色。牛肉的質地非常鮮嫩，燒烤過程中保留住肉汁，咬下去非常多汁，配搭上新鮮的青椒和洋蔥，增加了不少口感和風味。##＃燒白鱔接下來，我哋又叫咗「燒白鱔」。這道菜在泰國菜中頗受歡迎，白鱔的肉質滑嫩，燒至外表微焦，口感更佳。配上香料和檸檬，鮮味被充分釋放，吃起來非常開胃。### 馬拉盞炒通菜第三道菜係「馬拉盞炒通菜」。馬拉盞是泰國特有的香料，味道獨特，這道菜用上新鮮的通菜，炒至翠綠，保持了菜的原汁原味。馬拉盞的香氣和微微的辣味完美融合，增加了通菜的風味。。### 豬頸肉炒飯接著，我哋點咗「豬頸肉炒飯」。豬頸肉嘅肉質鮮嫩，搭配米飯炒得粒粒分明，每一口都能感受到肉香與米香的交融。特別係炒飯的調味，恰到好處，不會太鹹，還帶有淡淡的香氣，讓人食欲大開。加上新鮮的蔬菜，令整碗炒飯更加豐富，口感層次更加多樣。

最近我同朋友去咗新蒲崗廣場「好運泰國美食」，食咗一餐泰國料理🇹🇭✨主菜我哋叫咗一碟泰式炒蝦肉金邊粉。蝦肉新鮮，金邊粉滑潤，醬汁香濃，落埋青檸汁帶有一點微酸，非常開胃🍤🍋‍🟩炭燒豬頸肉，大大塊又多件，肉汁十足。搭配特製醬汁，味道更上一層樓！呢道菜非常適合與朋友分享🍖 👍 串燒我哋叫咗燒生蠔，蠔肉新鮮，配埋蒜蓉食正呀🦪 另外仲叫咗雞肉串燒，肉質嫩滑，香氣四溢，可以配搭花生醬或者甜酸醬，味道更加豐富🍢 😋甜品方面，芒果糯米飯絕對係一大亮點。白色同紫色糯米加埋芒果，顏色配搭鮮艷。糯米香軟，搭配新鮮芒果，加埋椰汁甜而不膩🥭 ❤️飲品方面，朋友點咗黑咖啡椰汁冰，配搭特別又有香濃咖啡味☕️🥥 我就叫咗泰式奶綠，而泰式奶綠則香濃順滑，適合炎熱的天氣🍵

新蒲崗返工無意間發現「好運泰國美食」，主打地道泰菜，價錢落地但份量十足，啱晒鍾意泰菜又想食得飽嘅朋友！今次試咗幾款招牌菜式，首先係泰式濕炒雞河（$70），一上枱已經聞到撲鼻鑊氣香，雞肉炒得嫩滑多汁，唔會乾柴。河粉掛滿金黃色醬汁，鹹香中帶微微甜味，同時有淡淡辣意，味道層次豐富，炒得夠鑊氣又唔油膩，真係令人停唔到口。泰式豬頸肉炒飯（$66）同樣令人驚喜，炒飯粒粒分明，油香四溢，炒得夠乾身。豬頸肉肥瘦適中，燒得微焦香脆，入口煙韌富咬口，咬開仲滲出肉汁，配埋少少青檸同辣椒魚露更加惹味！最後一定要試佢哋嘅泰式炸蝦餅（$78），外皮炸得酥脆金黃，唔會油淋淋，內裡真係望至有蝦肉，好彈牙，配埋酸甜泰式醬汁一齊食，更加開胃！

以前想食泰國野都會去九龍城，但今次意外發掘左新蒲崗呢間都不錯！——好運泰國美食餐廳提供既美食應有盡有, 有串燒, 湯河, 金邊粉, 沙律, 等等泰式美食, 價錢亦超值正宗泰式船河($52)+豬頸肉(+$5)算係我食過其中一碗最好食嘅船河! 湯頭濃郁好夠肉味, 配上豬頸肉, 比例剛剛好！豬頸肉真係值得一贊！唔會肥, 食落好爽口, 份量亦都足, 非常滿意!强烈推薦！蒜蓉炒通菜($58), 好香蒜蓉味, 唔會太油, 比例剛剛好, 少少辣，但可接受！份量亦足夠！青胡椒炒大蜆($138)青胡椒炒大蜆辛香撲鼻，蜆肉好肥美！微辣胡椒唔會遮蓋左蜆的鮮甜味，辣辣地又有蜆汁既鮮味,味道不錯！而且火候岩岩好, 蜆肉仲係彈牙口感,！不得不説蜆真係好大粒，同埋係真係新鮮！ 菠蘿梳打大大杯,好清甜，配泰餐好適合！總結: 極具風味既泰式隱世小店， 價錢宜人，味道可口，非常推薦各位一試！

在新蒲崗圖書館看了書之後來到2樓就有一家很有泰國風情的餐廳，一進門就是一個超級大的魚缸，裡面有好大條的金魚和烏龜，特別有趣。不但墻壁上掛有一些泰國畫作，就連屋頂都用一些五彩繽紛的佈料做了裝飾，就猶如身處泰國享受美食！## 冬陰公湯粉湯汁散發出濃郁的香氣，一口喝下去，既暖身又開胃！湯中有蝦肉、魷魚和大蜆。河粉充滿了海鮮的鮮味和冬陰公的香味，酸辣可口！## 青咖喱牛肉香濃的青咖喱色澤鮮豔，氣味撲鼻，嫩滑的牛肉充分吸收了青咖喱濃郁的香味，軟嫩可口，香氣四溢！## 正宗泰式船河好有泰國風味，湯底的味道也是與眾不同，濃郁帶香，除了白嫩的蝦肉還有炸豬皮，一點兒都不肥膩，散發著誘人的香氣！## 爆漿糍粑糍粑好鬆軟，Q彈口感，咬下去的瞬間，紅糖會像湧泉一樣流出，甜蜜的滋味瞬間充滿口腔！## 泰式燒雞翼雞翼外皮燒得有點焦，好香，肉質鮮嫩多汁！

今日我同朋友去咗新蒲崗一間泰國餐廳，叫咗幾樣菜式，同大家介紹一下泰式炒通菜呢碟炒通菜菜心鮮嫩，炒得啱啱好，食落去好開胃。雞冬陰公金邊粉呢碗雞冬陰公金邊粉湯底酸酸辣辣，非常開胃，雞肉嫩滑，金邊粉吸滿咗湯汁，食落去口感一流。冬陰公嘅香料味撲面而來。泰式蝦炒金邊粉呢碟蝦炒金邊粉一上嚟就已經吸引到我。蝦肉鮮甜，炒粉炒到香脆。燒乳鴿燒乳鴿皮脆肉嫩，肉質鮮美，配上特製嘅醬汁，真係好過癮。每一口都帶來滿足感。泰式奶茶最後，飲返杯泰式奶茶，呢杯茶香濃滑順，甜度啱啱好，正好可以中和一下辛辣嘅味道。

今日去新蒲崗開會，所以約咗地膽叫佢介紹餐廳俾我試吓。朋友介紹我去新蒲崗廣場，如果唔係佢帶我去，都唔會發現呢間隱世性價比其高嘅泰式餐廳👍。餐廳店面唔大，環境幾舒服。但係坐坐下嘅時候，發現原來佢有個私人房間，隱密性好高，入面放咗兩張大枱，如果多朋友嘅話喺新蒲崗呢一區，呢間餐廳實在係不二之選。我哋嗌咗一個蒜蓉炒椰菜苗、冬陰功湯金邊粉、燒大鱔、燒鮑魚仔，同埋芒果糯米飯。上菜好快，唔使幾分鐘就有得食，仲有杯泰式奶茶好地道，大家一定要試下😋。蒜蓉炒青菜蒜蓉味香濃，而且夾雜一啲炸蒜，好香口，份量都算足夠❤️。最驚喜係個金邊粉，有得揀辣度，我哋揀咗小辣，作為米線10小辣嘅我，呢個辣到真係好適合。個湯底甜甜酸酸，加埋雞肉（係雞髀呀），啲雞肉好嫩滑，配埋個湯金邊粉，同埋其他配菜，有驚喜。坦白講，比起連鎖式嘅泰式餐廳，呢個冬陰功湯金邊粉有過之而無不及。燒白鱔都好食，油脂比例均勻，冇骨，性價比高，都係廿幾蚊。至於燒鮑魚， 30幾蚊竟然有三粒鮑魚仔，煙靭得來唔硬身，炭燒到剛剛熟，好香口，好值得嗌。至於芒果糯米飯絕對係全晚嘅highlight，淨係賣相都已經加晒分👍👍👍，同埋每粒芒果都好甜，椰汁味濃，三樣嘢加埋配合

雞肉完全冇彈性好難食 完全冇口感唔會再有下次今次因為肚餓叫外賣嗌咗一隻而家我好後悔早知道就係叫半隻試下味道另外仲叫咗泰式奶茶但係覺得完全唔係個一回事連普通港式奶茶都不如一啲都唔甜另外有個馬拉盞通菜完全唔掂完全同馬拉盞一啲關係都冇

位於新蒲崗的好運泰國美食，主打地道泰式料理，讓客人不必遠行也能感受正宗泰國風味。首先係青木瓜沙律，清爽的口感搭配微辣的泰式醬汁，帶出食材的鮮甜與爽脆，開胃前菜。接著，泰式肉碎煎蛋餅，為味蕾帶來濃郁的香氣，蛋餅煎到外脆內嫩，肉碎配上泰式香料，更添層次感。菠蘿炒飯係經典的泰式主食之一，飯炒到粒粒分明，菠蘿帶來自然的果香，搭上適量的海鮮與香料，讓人一口接一口。芒果糯米飯亦係食泰國菜必點甜品，糯米飯的軟糯與芒果的香甜完美融合，再配上椰漿，入口細膩。飲品方面，白桃梳打清新怡人，淡淡的白桃香氣與氣泡水相得益彰，而巨峰活乳酸梳打 則帶來酸甜交織的獨特口感。總結，小店以平實的價格帶來高水準的泰式風味，絕對係一個美食的好去處。