好運泰國美食

營業中

休息中

今次嚟食泰式雞飯！依間嘅雞飯真係無得輸💛唔肥之餘仲要有啫喱！！！啲人成日話啫喱好重要架嘛！雞又滑又香，無腥無血水。而且份量都算多呀！唔係得幾舊雞！個油飯都做得好好，有香茅味～三個醬都調得好好食，泰式薑蓉酸酸辣辣。另外甜豉油濃淡適中。中間個醬唔知係咩醬但我最鍾意佢！仲配一碗菜乾湯！但如果係雞湯就更好喇！一個餐包一杯特飲，我話要熱飲，店員仲整咗杯熱既香茅檸檬茶比我🥰非常貼心！一個餐都只係$56，絕對抵食！

在新地方重開，仲同另一間日式一齊做，質素一樣好，地方又大過之前，邊食仲可以邊賞魚😄 船河好好味，另外仲叫咗豚肉串燒，掛住食無影到相 之前仲食過香葉肉碎飯，一樣好味！

夜晚同個fd去食飯之前未食過又見蘋果介紹去食下點知就出事我唔detail打過程啦剩係講重點：1. 金邊粉- 真係唔係泰式炒金邊粉我會覺得似港式多啲，連豆乾芽菜都無2. 青檸冰- 真係普通青檸汁再加冰水比你3.冬陰功粉- 真係得冬陰功湯加果餸，唔會有菇同茄4. 燒雞- 問個waitress燒雞有無醬跟，佢答我「通常剩係海南雞先會有醬跟嫁，你想要我咪拎比你囉」，嘩，我聽到個「囉」字，我心諗我欠你嫁？首先我平日都成日係九龍城食燒雞，最基本都會跟一個「雞醬」，其次係你自己本menu張相隔離都有跟一碟「雞醬」5. 除咗宜位傑出女員工之外，仲有一位男員工，係我想加單既時候，完全感覺到佢對眼既眼神好似好唔願意落單咁最後真心想講，做黃店真係唔係老馮有人幫襯，連食物同服務都做唔好，唔會有客想回頭幫襯

以前喺新蒲崗返工，其實呢間小店一路都係我嘅食堂，之後去左港島區返工，已經好少踏足呢區喺social media見到佢地開番嘅消息，即刻過去幫襯下，鋪頭比以前大左好多，光猛左亦坐得舒服好多，而呢次推介嘅海南雞飯同以前味道一樣，雞肉好嫩滑，喺雞皮下亦有啫喱，而家已經好少鋪頭可以做到呢一點，油飯亦做得好出色，菜乾湯就普普通通啦，隻碟好靚擺盤方面好吸引，影相一流午市仲會送杯檸檬香茅特飲，酸酸甜甜，好開胃最估唔到係喺戴口罩嘅情況下老闆竟然仲認得我，其實最開心係呢一樣良心小店值得支持

太耐無食泰國菜，真係好想食，放工即刻去新蒲崗，搵左呢間評語吾錯既泰菜一入到去，好嘈，坐位之間完全無任何物件隔離，只得半隻手距離，都算，念住快快食完，最緊要好食第一道上菜係生蝦，好耐無食，好期待但完全吾新鮮，隻蝦未溶晒冰，仲有少少硬個醬汁偏咸，一d都吾辣出面吾多餐廳有得食，所以忍吾住點左一碟份量勁少，都算，螄蚶苦苦地，係我太耐無食定點，超吾好食生菜包係重災區，d豬肉用好多粉漿住左，好厚粉，好Q難食，垃圾級別，差到無敵全晚最正常係濕炒海鮮河，份量都算多，不過不失，但已經係今晚可以食得落唯一一樣如果有選擇，千祈吾好黎，實後悔

首先值得講既係飲品，今日飲品係香茅檸檬，飲品好飲，帶有梅味，唔知係咪加左話梅呢。態度：因為船麵餐牌冇寫清楚三選一咪問清楚，個待應先生好不耐煩的感覺，已經想撤退，之後有見其他人都好好態度既，可能我遇既待應先去唔中意答問題啦⋯⋯點知等咗一兩分鐘已經上餐，好快手。但...船麵湯水稀稀，正唔正宗就唔知啦（個人唔係太鐘意，好普通）個湯唔夠熱、啲海南雞放咗上去個湯度（冇分開上）雞都唔夠滑，另外一個麵，冬陰功湯要中辣一啲辣都冇，豬頸肉冇燒好邊總結：期待而來失望而歸

一向都係新蒲崗返工，呢間鋪頭我亦幫襯左好多年，前年聽到佢地唔做嘅消息，覺得好傷心同埋好不捨，又少左一個飯堂終於見到佢地開番喇，好開心，老闆竟然仲認得我，仲記得我以前食開幾辣，食咩餸，不枉我特登返嚟幫襯，食物質素同以前一樣出色，我今日叫左個冬陰功豬頸肉金邊粉，湯底依舊濃郁，分量亦好大碗，我一個男人啱啱好舊區就係有呢種人情味，去到同老闆傾計就好似見返個舊朋友咁，希望香港可以保留呢一種小店情懷，唔好全部都係大商場連鎖食店

疫情之下真的少了見朋友，不過始終也想聚一聚會。由於朋友住在這區的附近，所以我就選了這間餐廳，我從來未到過這區，從黃大仙坐小巴前來時過了站，下車後也迷路了。雖然當日天氣熱得像夏天，迷路時也很辛苦，但食物高質，都抵返哂!餐廳位於商場內，本來以為兩間店是分開，但其實也是同一個門口。枱面上放了兩種MENU，一是泰菜，一是日本菜，其實兩種菜也很吸引，不過我們點泰菜比較多，基本上大部份菜式都是朋友選的，我其實也沒太詳細看過餐牌。海南雞飯本身也列明是雞脾，配上三種醬汁，海南雞真的真的非常嫰滑，吃完第一件已經接著想再吃第二件。燒豬頸肉，我一向也很喜歡吃豬頸肉，可惜並不是每間餐廳都好吃，這裡的豬頸肉真的非常美味，肥瘦適中，好香，很多餐廳都只有幾塊，吃了少少就已經沒有了，但這裡的份量很足夠，加上豬頸肉配上炸脆非常好，令豬頸肉更加香口，整個層次都提升了，吃完這碟豬頸肉真是大滿足。串燒方面，點了雞腎和牛肉，雞腎好爽，好味，牛亦很好，易咬之餘亦有口感。泰式炒金邊粉，朋友一望就話覺得好靚，而且亦都好好食。清酒一上到枱，立刻充滿了日本氣氛，老闆推薦的這種清酒易入口，很適合我們，想不到和泰菜也很配。這裡環境雖然不算很

查到新蒲崗唯一有粉紅凍奶的餐廳，但原來搬遷後都沒有了。可能換了老闆，希望會有返呢個泰國特色飲品～試咗泰式奶茶，好正宗！因為夠甜，一飲好似去左泰國咁。期待下次再試埋野食～

自從中學好友搬去黃大仙之後。最近同佢食飯都係出九龍。咁啱今日上完佢屋企玩之後。就好想食泰式食物。佢就推介我哋去呢間小店度食。呢間舖頭完全係一個唔起眼嘅地方。但我朋友相當識食，所以就相信咗佢坐低啦。首先我哋叫咗個海南雞飯，食泰式食物點可以少得海南雞飯呢。海南雞飯啲飯用咗油飯。一上枱即刻聞到飯嘅油香味。而且飯亦都做到粒粒分明。至於啲海南雞。入口非常之幼嫩。亦都食唔出雪味我哋亦都叫咗個冬陰功河。冬陰功唔會話太酸，亦都唔會話太辣。河粉夠滑。另外我哋亦都叫咗個生蝦刺生。蝦肉食落一啲都唔霉。而且食得出佢好新鮮。估唔到呢間小店會比到我哋無限嘅驚喜。

一直都好鍾意食泰國🇹🇭野，間中都會好想食~最近這段時間真的多了外賣🥡，外賣都真的是多了選擇!🥳-這天突然又想食泰國菜，剛好看到了「好運泰國美食」🙈，小小的店，也有不同的菜式選擇!🍽價錢也十分相宜，食物都有驚喜呢!🥢-特別最喜愛的是泰式冬陰公金邊粉，一定要選雞!💯雞肉真的很滑，很好吃!‼️如果食金邊粉一定要點雞呀!😍而且外賣是湯及麵也是分開上的，不會因為外賣而影響湯麵的狀態呢!🍜所以食落都特別好食呢!濃濃的冬蔭公湯底，配上滑滑的雞肉，好好味!喜歡吃湯麵的，一定要試下!✅-另外，主食方面也點了泰式炒金邊粉配上蝦🍤，我總是認為點金邊粉🍝，每次也有不同的感覺，也感受到餐廳是否好吃，這次的金邊粉，食落少少辣🌶，同是香口，開胃又唔會太乾呢!-最後我也點了泰國菜的最愛-肉碎生菜包🥬🥒，這次點了小辣，肉碎還有一點點濕潤，不會乾身🧄🍠，配上新鮮的生菜，正好帶來一點清新的感覺，會不斷想食，也不會太膩呢!😋😋-泰國菜，也有相宜又好吃的選擇🔥也可多多支持小店呀!🍋☀️

限聚令之下，想一家人晚餐只能夠嗌外賣。上個星期五就試咗呢間係新蒲崗嘅泰國嘢，之前都唔係好留意到有呢間餐廳，依家一試，實在有驚喜。當晚嗌咗泰式海南雞髀飯，泰式牛肉炒金邊粉，泰式雞肉炒金邊粉同埋一碟馬拉盞通菜。由於天氣都轉凍，當然期望食一啲熱辣辣嘅美食，見到飯盒啲蒸氣就知道呢間餐廳唔會令人失望。餐廳距離屋企大概15分鐘左右路程，但係去到屋企仍然保持到溫度。海南雞髀飯非常足料，雞髀啖啖肉，而且肉質嫩滑，油飯亦都非常香。餐廳亦都非常細心，附送左唔同嘅配料調味。馬拉盞通菜炒得好入味，同時通菜仲保持到翠綠，重點係份量非常之足夠，填滿晒整個飯盒。泰式牛肉炒金邊粉做得好有水準，忍唔住食晒。至於泰式雞肉金邊粉，非常之有驚喜，並唔係成日會見到嘅雞柳而係真雞。

之前去新蒲崗圖書館，在商場見到有間泰國菜餐廳，叫泰國好運美食。餐廳地方不大，但裝修擺設好特別，一邊是泰國格調，另一邊是日本風格。令我留下深刻印象，今日就同老公去試吓！餐廳有泰菜和日本菜，今天就食泰國菜先。海南雞飯：雞已去骨啖啖肉，雞肉滑滑，蘸些特製的三款醬汁拌著吃，美味可口。香飯更是吸引，飯粒粒分明，又香又夠味！泰式豬手飯：豬乎炆得又林又入味，豬手皮口感滑溜，充滿骨膠原，肉質好嫩滑，醬汁調得夠味。泰式乾炒豬肉河：河粉炒得乾身又夠鑊氣，豬肉鮮嫩唔鞋口。泰式奶茶香濃滑順！

現在大四波疫情越來越嚴重，政府公佈晚間六點後，餐廳取消堂食，現在在家食了好一段日子，今晚想試下外買回家食，在新蒲崗收工後，來到祟齡街的好運泰國美食。回到家后，見到外賣盒裝得很企理精緻 ，不會有汁液流出。泰式海南雞 雞髀飯 油飯金黃金黃的很香口。帶金黃的雞皮，一點也不會肥，雞髀肉已經去骨，肉質嫩滑，認真啖啖肉，當中有三款醬汁，就數酸酸甜甜的那一款我最愛。泰式濕炒牛河 廚師都很細心，將河粉及茨汁分上下格分開，打開食時隻需將茨汁淋上河粉面上就可以，簡單方便又細心。牛肉切得很大件，一點也不韌， 泰式濕炒河例牌也有很多的配菜，有介蘭及秀珍菇…等，食落清新可口。酸辣無骨鳳爪酸辣無骨鳳爪是我食泰菜的最愛，醃得爽口入味。外賣回家食方便簡單又滋味！！

疫情第四波6點後又無得堂食迫住叫外賣啦。突然想食泰國菜，酸酸辣辣開胃啲即刻打黎嗌外賣自取。餐廳環境舒服乾淨，一邊泰國一邊日本嘅感覺。野食價錢合理，又多選擇買咗三樣嘢食都係$200有找。泰式豬頸肉飯，豬頸肉又爽又林配上個泰式辣椒汁好開胃不過略嫌豬頸肉小左d, 因為好食停唔到口另外仲嗌左牛肉泰式炒金邊粉甜甜辣辣，麵質又彈牙。牛肉份量又多，唔會炒得好乾身最後有肉碎生菜包一大盒肉碎，包都好多先夠菜包得哂肉碎唔會馬虎，肉質彈而滑，d汁唔好太酸太多。整體外賣分量夠多又好食等15分鐘到就拎得，服務亦都好好