好景食堂

營業中

休息中

難得果位同事搵返我，便再約於此共聚...今日帶埋老婆黎食，照舊都係3個沙嗲煲仔麵餐！其他飲品 糖水 湯 味道依舊...唯獨沙嗲煲仔麵汁醬真係太濃！對比上次果碗真係差好遠....開到食覺得好咸...我地3個都係食到一半，就發覺d汁醬似漿糊狀態完全放唔到入口便放棄了我明白廚師係要撞運氣，時好時壞，由天決定況且女老闆娘好好傾 瞬間便忘記難食的味道不過以呢個價錢咁多野食，實在冇野可以挑剔期待下次再光臨時質素會轉好

與一位 保安新牌仔同事聚餐慶祝小弟特別帶佢去此飯堂進食因為佢胃口太大，此飯堂能滿足佢需求56蚊一個套餐，有沙嗲煲仔麵，一碗湯，糖水及一杯飲品！就算轉凍檸樂都唔需要加錢！沙嗲煲仔麵真係要盡快食，因為麵耐左會淋！例湯都夠味，飲完會口渴！糖水就好奇怪，紅豆沙無厘頭加隻蛋落去....不過整體黎講係幾好食本人係食哂成個餐，但最後因為一個套餐內有兩隻烚蛋，被迫放棄一隻！完全唔明點解要加蛋落糖水請左呢位新牌保安同事食飯後，佢話佢係越南果邊開賭場撈唔掂偷渡返黎香港，乜都冇，比左1大堆食物同新皮鞋比佢！結果呢餐係最後的午餐，佢轉左做地盤佬後從此失去聯繫，明白既，富貴左就自然唔識人我係傻仔，我認命！希望李x鴻Simon 身體健康，生活愉快

第一次分享進食心得食物ok，好大份因為大份，價錢較高少少餐廳內有隻貓，食食下係收銀隔離牆角條水喉管上見到隻老鼠爬行！超大隻！我諗成間餐廳都見到！超 級 無 奈。講真外出食飯餐廳有老鼠都…預左不過啲員工連老闆娘見到都無任何反應同不安…反而隻老鼠因為太近我，嚇到腳軟+彈起，我反而仲唔好意思。唔會再幫襯。

呢間餐廳都係有同事介紹因為佢哋都知道我比較鍾意坐戶外位置出邊露天位有好多餐廳本身養貓貓狗狗全部喺度曬太陽瞓晏覺😝因為餐廳好近公司所以基本上一星期都會過去食幾日佢哋啲嘢飲超級大杯！而且食物嘅份量都好大份，有時有一個女仔食 都會叫佢哋減返少少份量費事食唔晒🥹而且佢哋食物種類好多配搭都好多！除咗包括飲品之外仲會有埋甜品提供全部都係自家製嘅布甸啫喱等等！唔知點解有一種懷念嘅感覺🤣🤣而且嗰度嘅姐姐服務態度都好好平時食飯時間基本上都爆曬場👍🏼👍🏼

位置位於工業區，位於三樓，環境一般，員工不錯，食物份量大，味道正常，午市堂食有湯，甜品／糖水送。外賣就送紙包飲品。餐牌有不少選擇，沙嗲煲仔面是喜愛之選，食完好飽。抵食之選。

#好景食堂 @hoking_canteen 真係大件夾抵食，人人都話佢開善堂！🙈呢個價錢係有質素嘅！唔係普通地盤飯🤣多謝朋友帶我黎食🤟🏽😋😘有室內同室外可以坐，坐出邊好似喺工廠中既綠洲咁首先主菜已經有10樣嘢可以揀，一定會揀到啱🙌🏻不過飲品同甜品就真係花多眼亂，因為有好多好特別嘅飲品，入去嗰陣見到熱茶係會連埋個壺一齊上，好似人哋嘆花茶咁🫖口水雞髀飯@🐣🍚口水雞既醬汁幾好喎，少少辣但係都幾香💕好啱送飯食，係個雞鼻有少少鞋黑椒汁（/洋蔥汁）豬扒腸仔飯🍛我已經叫咗少飯🤣都食唔晒，我鍾意呢啲頹飯嘅感覺😂👍🏼好耐冇食過桂圓雪梨燉桃膠呢杯野真係不得了，佢哋係事先整定嘅，用咗保鮮紙包住🙏🏼當你叫嘅時候再整返熱佢，呢個天氣飲係非常之補身雲呢拿可樂🥤佢用個杯裝住左雲呢拿汁再加糖水～另外比一罐可樂，類似凍檸樂嘅做法🤟🏽佢就比普通可樂更甜少少🤏🏼❣️小提示，要唔怕污糟，帶一啲清潔用品去，因為戶外現場比較混亂📍 好景飯堂 (屯門)屯門建發街11號好景工業大廈A座3樓2室

谷友介紹，今日專登走入工廈區搵食，地點唔算難搵，3樓一開lift門就見到，地方唔算大，但估唔到星期六3點竟然坐滿，證明附近好多居民都識黎搵食，先黎個下午茶揚州炒飯，38蚊連飲品再另送糖水炒飯味道正常，份量偏多，0茶亦有水準，甜品係大菜糕，可惜唔岩我口味，可以轉 啫喱，奶凍或糖水... 另一樣係炸髀薯條，都係38蚊，跟drink同糖水炸髀夠晒juicy，超大隻，薯條亦係即炸香脆，絕對水準之上 最後講下呢碗送嘅紫米露糖水，超足料，仲有隻蛋，煲到起晒沙，冇得輸 一般糖水鋪都賣30蚊啦，唔明佢點圍皮... 總括黎講，高CP，大件又抵食，不過糖水甜品果d就食得晒先好要，唔好浪費食物