好景海鮮飯店

營業中

休息中

好耐都無去西貢, 所以約齊屋企人去嘆返餐海鮮, 其實都無話特定去開邊間飯店, 所以係小巴站落車後行左一圈睇下邊間好, 今次我比一間叫做『好景海鮮飯店』所吸引, 因為門口寫住(Corner Café), 覺得好攪笑又好奇, 所以想去幫嚫下。豉椒炒花甲花甲肥大肉厚, 豉椒香口野味, 辣度適中, 水準之作 !酥炸砵酒蠔利用筒蠔炸到外趣內滑, 食落口中傳來陣陣鮮味, 真係有一種好creamy既感覺, 正呀!黃金蝦黃金蝦我食過好多, 未食過咁重料的, 咸蛋超多, D蝦又大又新鮮, 用來送啤酒一流 ! 清蒸老虎斑老虎斑非常新鮮, 最重要梗係火喉剛剛好, 肉質好滑, 配合薑蔥豉油, 真是美味無窮 !避風塘炒蟹用料新鮮又大隻, 蒜頭嘅香味溶入蟹中, 食落去啖啖肉, 必叫菜式 !鵝掌扣大鮑魚鮑魚非常入味, 鵝掌炆到入口即溶, 真是師傅的招牌菜 !今晚餐飯真係食得好飽好滿足, 菜式水準又到家, 最重要就係價錢平民化, 真係大件夾低食 !

小妹雖然係西貢讀書讀左成7年 但今次係第一次係西貢食Seafood!一行5人 我地選擇去呢間新開無耐的好景!!地方乾淨 而且又唔會太逼 好過大熱天時係條街食!!我地幾個女仔食得唔多野 所以叫左5碟 and 2個飯風沙蟹 (呢個聽老闆個太子女話係秘製的 哈 都幾辣...不過好野味!!食得辣既朋友不妨一試)椒鹽豆腐x2 (呎個係推介好好味 皮脆豆腐滑~yummy!!食唔停口...所以我地係叫左2碟..哈哈)脆皮雞 (唔係好記得呢隻雞叫咩名~皮脆脆的 我的朋友們好喜歡這個雞!!還有一個汁可以點 唔點汁就食到雞既鮮味 點左又變左另一個感覺)清蒸石斑 (蒸得剛剛好 好滑..好鮮味!!)有機會要再試下其他野食先得!!!黎西貢食海鮮又一新選擇!!

星期日同一班朋友去海灘玩，既然黎到西貢，梗係要去食下海鮮啦~因為西貢大部分食海鮮的地方都去過，所以今次想試新野。行行下見到有一間新開既飯店未食過...一於就去試一試~初初見到出面冇得揀海鮮以為要自己買...不過原來個度都有海鮮供應既...因為個度地方唔大...開頭都以為要等位...好在咁岩有一檯走左所以我地就有位~我地一行六人點了4個海鮮，1個炒飯同1個菜:黃金蝦: 同脂肪跟膽固醇做朋友的一道菜，蝦殼上面沾滿左鹹蛋黃，Yummy!蒜蓉粉絲蒸蟶子: 蟶子鮮甜又大隻，一人一隻岩岩好，正!蒸魚: 其實都唔係好知係咩魚，淨係知佢係一條斑，不過魚肉好滑，好味道。風沙蟹: 又一同脂肪跟膽固醇做朋友的一道菜，d蟹有好多羔，配埋d蒜同乾蔥食真係一流~連我呢個唔食辣既人都食到停唔到口!炒通菜: 都係普通炒菜一碟啦~蛋白炒飯: 因為掛住食海鮮既關係所以冇影相，味道OK! 其實大家已經將個focus放左係d海鮮度...呢d配角係點都唔重要啦~本來諗住一人$200冇走雞，點知埋單$1000有找，抵! 淨返個d錢可以去食埋糖水雖然呢一餐要同脂肪跟膽固醇做朋友....不過幸福在口中蕩漾著的溫馨感覺真好!♥