好日子皇宴

營業中

休息中

今日係元宵節 當然又有藉口罷煮啦! 一家三口就嚟市中心搵食 行行下見到呢間好日子 17:00入座 任飲任食兩個半鐘 只係$128.00 (另加一) 打邊爐係我嘅最愛 食早啲都無所謂啦! 16:47到達攞飛 17:00輪號碼叫入座生料食物種類都算多 另外又有熟食 (雞翼, 魚餅, 九菜豬紅, 豬手, 蝦多士, 鳳爪, 薑醋......) 仲有乳酪雪糕添先去熟食區搵食 雞翼 同埋蝦多士都好正 好脆此時  湯底已到 order咗胡椒豬肚湯 微辣 濃郁胡椒香味手切肥牛--肥瘦適中  可惜得三塊  都未夠俾百厭仔攝牙隙雲吞--味道唔錯 手打墨丸/豬肉丸夠彈牙 正! 相對鯪魚丸就無咁彈生蝦串/脆鯇片/鯇魚腩/九肚魚夠新鮮花膠夠爽口帆立貝/鵝腸/柏葉/滑牛都ok仲有係炸魚皮 真係好脆最後梗係食埋百厭仔最愛嘅乳酪雪糕啦超級滿足嘅一餐

1月2日，假期黎食。唔要等好耐都有位。7點半黎食都仲有花膠，青口，包汁雞腳，牛骨髓，帆立貝，羊肉片，熟食類就算你幾點黎都好，都一定有好野你食，8點半有大量燒味出場，口感都唔太差，唔會似外面d火鍋過左第一輪時間就乜都無都無。幾好，唔太差。種類繁多。不過花膠要好耐先爽，都算還可以。菜類都唔差，有菜心苗，老人家喜愛，串蝦都算幾新鮮，湯底真係加湯，唔係加水。地方夠大。夠光服務唔錯$148加1，唔太差，可以再黎食。飲品種類都幾多。

好日子裝修後改左叫蘭庭居，又裝修改了好日子皇宴，等了一陣有位，同隔離的打通了！叫了些點心一齊食，有煎腸粉，好淋，只是面及底煎左，中間完全冇煎，係蒸一樣。鮮蝦菜苗餃，賣相已經唔太吸引，因為皮唔D薄，味道ok。不難食，可以，都是有蝦，菜苗，一般般啦咖哩魷魚，賣相都幾靚，味道也好，爽口的，幾大件的，好味，唔算辣。雞包仔冇蝦的，都叫軟身同香的，雞肉，薑咁，ok糯米飯細細碗，蛋絲，蠟肉，葱，配合得幾好，唔太淋，啱啱好的，好味！燒賣，蟹子……甩色架，好驚蝦，豬肉，唔算肥，味道其實ok, 蟹子甩色影響晒雞絲粉卷，腸粉皮厚左d，入面d肉都可以干蒸牛肉，賣相係山竹牛肉，味道係山竹牛同，淋身唔乾的，味道ok的，不會好多粉。叉燒燒肉飯，飯唔靚，唔知咩米，灰灰黑黑咁，好粗糙，叉燒還是以前一樣，軟硬適中，多汁的，好味，燒肉唔靚，好肥又唔脆口！新店失色了……

任飲任食火鍋在屯門區比較少，所以抱住一試的心態光顧。相比屯門區同樣做任飲任食火鍋的酒樓，這裡相對乾淨企理和價錢相宜，食物亦算新鮮。但有些枱不能使用電磁爐，覺得有點不方便。火鍋點菜紙上的食品不算多，而備有雪櫃存放菜蔬類、菌類、豆腐、飲品等。還有熟食，例如煎炸食物、胡椒豬肚、燒鴨、豬紅、薑醋等。另有一樽樽的湯底供人取用。總體而言，我覺得以這個價錢和質素算是合格。

因為大家都住系屯門，所以大家決定系屯門附近搵食，聽人講話市中心有間新開張打邊爐唔錯，任飲任食，仲有小炒、韓式乳酪、仲話可以食2個半，因為人太多，所以就預早book位