好好上海小館 (已結業)

今日出開嚟尖沙咀下午三點幾個肚打晒鼓(因為無食lunch🙈唔係大食積😂)醒起好耐無幫襯過好好於是就行咗10分鐘腳程過去了門面非常樸實小店風格樓面姐姐如常地咁親切咁好態度呢個時間無乜客一個人獨佔個卡位😆好好無下午茶餐但普通餐牌價錢都係十分貼地豆漿有凍有暖今日食咗個豬扒上海麵豬扒唔會分上有少少浸淋咗不過個味道都係好出色好入味份量又足啖啖肉好滋味🤤上海麵又唔會煮得過爛有啲咬口食兩啖原味再加埋個辣油不得了成碗麵嘅香味又再提昇咗辣油唔會死辣嗆口我仲加咗少少豆瓣醬嗜辣朋友記得唔好走寶杯豆漿真係暖嘅唔會熱到飲唔到嗰日天氣濕凍飲完個人暖笠笠豆味香濃唔會有燶味讚！等食期間周圍張望原來好好以前拎過米芝連三星😲高手在民間食到飽飽都係38蚊好抵如果午市嚟食呢個餐就簡直係超值𠻹！

雖然冇華麗/打卡嘅裝修但絕對係一間好熱情又好味嘅小店😋同男朋友叫左個$178 二人餐酸辣湯醉雞(熱情嘅姐姐仲好好人話比個雞脾位我食😆)回鍋豬頸肉另外，仲叫左個豬扒擔擔麵 $45厚切豬扒 又唔乾擔擔湯底一流 好濃郁嘅花生醬味好似細個食嘅味道

因為今晚會喺附近嘅 fitness centre 做運動所以諗住食少少嘢先見到對面有間上海舖 就入去試下 晚市時間都好多人不過仲可以搭枱由於之後要做運動唔可以食得太飽所以我就所以就問姨姨可唔可以單點一個麵見到餐牌上面有my favourite酸辣湯麵即叫!呢度有粗麵同幼麵揀粗麵就係烏冬所以我就揀咗幼麵佢地幼麵畀上海麵再幼少少 口感好煙韌 湯底既酸辣度好平均都幾啱我口味而最值得讚嘅呢就係食到最尾嘅時候個湯底冇變水 係外面食好多時候淥完個面即刻放去個湯底最尾就會浠曬冇味 今次食到最後尾飲埋碗湯仲係好濃 唯一美中不足就係酸辣湯裏面嘅材料主要係筍、豆腐同有少量嘅豬肚絲如果材料再豐富啲就更加吸引呀 會再嚟試下佢嘅小菜 同埋客飯順帶一提姨姨好好人同埋杯茶好好飲

因為剛剛放工，並且要在佐敦上課所以到這裡吃飯；我們叫了薫魚同排骨菜飯，菜飯一些味道都沒有，排骨只有甜味，一些肉味也沒有；至於那些薰魚，又是甜味，薰魚也燒得過火，帶些燒燋的味道；吃完後覺得十分口喝，一定落了很多味之素。只此一次，下不為例！

因為我喺佐敦返工 又要輪更 所以成日都會約我老公喺返晏嘅之後一齊食嘢呢間好好喺佐敦同尖沙咀之間 地方好方便 所以好多時我都會食 因為佢都開到好晏 同埋 因為已經餓咗成日 佢哋上菜好快 所以我成日都食 鎮江排骨菜飯 睇圖就見到肉多過飯 鎮江排骨好入味 好食又霖 唔經唔覺就食曬全部 好開胃但係相對啲菜飯就爭啲 唔夠油黐埋一齊 亦都唔會冇乜菜飯味 可能啲菜已經煮咗一段時間 擔擔拉麵呢個面就好多 花生味好重 感覺佢落咗好多花生醬做湯底不過夜晚食就略嫌油膩咗啲 如果日頭食 就perfect 醉雞例牌 好香酒味 啲肉又好嫩 係好食嘅 不過因為我已經食咗兩個麵打底我哋都係食咗一半 酸辣湯係我食咗咁耐最多筍嘅酸辣湯 佢仲有豆乾呀 木耳絲 嗰啲例牌嘢撈埋一齊 呢個酸辣湯酸咗啲 不過好在都夠傑身 口水雞 因為已經食咗醉雞 口水雞都係食咗一半 但係口水雞麻辣味好足 碟頭又大啲 因為我哋兩個都食得好辣 所以覺得口水雞比醉雞好食

已經很久沒有入好好了中午太多人坐得不好今日是5一假期見佢係無太多人便看看有冇抵食餐點知收銀女掌櫃走出來拉生意我是上海人當然要俾面而且他們今天仍有客飯套送熱湯或豆漿選了粟米湯湯是極熱的瘦肉粒味道不錯很難得的餐湯50幾一個問她鱔糊得唔得？她說：一天入10 斤妳話得唔得喇先上桌一看好多芽菜那料愈來愈多鱔片真係多又新鮮超級即炒熱辣辣老闆娘仲話平日只要48蚊我便說平日人多炒鱔糊那有今天人少那麼有心機她保證：一定即炒

頻撲咗成日，終於有嘢落肚🍜 咁啱喺佐敦呢頭，諗起好耐冇去 #好好上海小館 幫襯，就入去試吓老闆手勢🥢原來下晝四五點呢個鐘數都仲有好多揀擇，#上海粗炒、#擔擔面、#客飯... 你都可以喺餐牌上搵到👀 呢日 #口淡淡😚 #小秘書 叫咗個 #豬扒擔擔麵🍜 #落單嗰位阿姐 問我食唔食得辣... #小秘書 諗住 #人一世物一世，咩都要試吓🥢 可惜期望過高😅 完全搵唔到辣嘅味道喎💨💨 不過個 #麵底 真係唔錯，麵條剛好索晒 #擔擔麵 啲湯汁，配埋件 #即炸嘅豬扒 放喺湯麵上面，咬落去一啲都唔油膩仲幾鬆化👍🏻 加埋杯 #凍豆漿，的確係 #食平啲啲 嘅好選擇！　

如果路過可以一試，當晚見到的應該是事頭婆，她非常熱情，很明白每個客人的需要，會盡量安排你坐卡位，老實講整體食物平均大約70分到，叫了一分獅子頭都算唔錯，但係個酸辣湯和擔擔麵就有點失望，味道都比較淡和不夠濃郁，和叫了一碟雪耳都算可以接受，地方不算很大，如果5至6人以上就不用考慮了，如果想去的話，店舖門口貼了很多相片所以尼遠都可以見到。價錢嗰方面都可以算合理，三個人食咗$270，但喺未必會特登再。去，

尖沙咀已經好少4字頭既lunch，自己又喜歡中式野，就揀左佢。點左鎮江小排骨菜飯，有鎮江排骨應有既甜味，但就唔係酸酸甜甜，開胃果隻。肉質一d都唔嫩滑。似煲完湯既瘦肉咁鞋。不過我喜歡佢既甜度。同埋菜飯唔油，感覺健康d。肉都多。想平平地吃一餐，要求唔高，都可以考慮下。

我叫了一個豬扒擔擔麵擔擔麵到了 卻是類似米粉的麵條 麵身太淋 沒有口感豬扒竟然沒有另上 放在湯中 浸到軟曬 而且炸粉甩曬 湯底花生味都算足夠 勉強合格吃完發現原來係米芝蓮餐廳 晴天霹靂 黑人問號

已經有一段時間無食上海菜嚕，記憶中，係我返學地點，鄰近有間上海菜館，於是乎放學就去幫襯吓！入到去先知，佢地早年曾經得過米芝蓮！個心即時寒一寒！經驗所知，米芝蓮推介嘅餐廳，好似都..... 但係.... 唔入都入咗去，咪當普通一間上海菜館幫襯囉....點咗個蛋散，冷盤海蜇，菜心獅子頭同千層咕嚕肉.蛋散：心目中嘅蛋散係大大件，一啖一定食唔哂，但眼前嘅蛋散..... 唉..... 失望.冷盤海蜇 ： 餐廳提供醬汁係醋，但如果落麻油，麻醬相信更好味.菜心獅子頭 ： 一上枱，獅子頭散開一半！論口感，土瓜灣滬菜館嘅肉質更細緻，份量更大.千層咕嚕肉 ： 估計由豬肉條壓到實落鑊炸香而成，炸到成個球形亦唔簡單，但係壓到過實，口感過硬硬，唔識欣賞囉.凍豆漿 ： 夠凍，但太淡.如果唔係待應熱情招待，我相信我會俾負評....米芝蓮推介.... 唉......

佐敦是食肆林立的地方，大約晚上9點還未食飯，行經佐敦看見這間餐廳，雖然門面一般，但有我最喜歡的上海菜，而且標榜米芝蓮得獎，故決定試一試。我點了金牌豬排擔擔麵($48)。賣相不錯，有4至5塊炸豬排，麵線也很多，個人覺得份量很充足。麵條是幼麵，浸於湯汁中非常吸味，又不會太淋沒有口感。但湯底不夠濃稠，沒有花生味。另外炸豬排浸於湯底也變得不香脆，建議另上會更好。餐廳原來是2014和2015拿取米芝連獎項，幾年後食物質素變得沒有驚喜，希望繼續努力爭取上榜機會。

今日同我屋企個老細路經佐敦。見肚餓。又差不多晩飯時間 （ 大約18:00)。就入左去。眼見都🈶️幾多人幫襯。坐低後。我們叫左個四川勁辣回鍋肉同肉絲津白。勁辣回鍋肉。失望。一D都唔辣。同D肉用梳打粉淹太耐掛。食落冇肉味。🈶️梳打粉味。肉絲津白。正常野。冇特別。酸辣湯，得個酸。唔好飲。仲🈶️。我地叫左菜飯。失望。佢地係白飯加切碎的菜,撈在白飯裏，之後仲用微波爐叮........😑😑😑唉。我唔會再去啦⋯⋯

地道好好味的米芝連小店佐敦呢區，一直都有唔少地道而又出名的食店，但大多數都雲集於廟街一帶。今次推薦呢間（好好）就位於較近尖沙咀的柯士甸道，所以非常方便行完尖沙咀過黎食飯/食完野再落去shopping。早於學生時期已經食過呢間上海店，果時都不定時會幫襯下，今次係尖沙咀諗唔到食野的情況下，行左一陣就黎返呢度食晚餐。佢有小菜套餐或者客飯/麵食餐，由於想食得比較輕便同便宜，所以叫左一個客飯餐同麵餐share食。每個餐麵有份小食揀同一杯野飲。小食叫左個牛𦟌併油荀同埋雞絲海蜇個牛𦟌係冷盤，但肉質唔會鞋口同埋個味都好夠，唔會只靠汁先有味。油荀食落唔太X，唔會食到一口油的感覺。荀係用有一節節坑紋的，食落口感比較得意，腍腍地但都有爽口的感覺。海蜇比較乾身，但保持到清爽的口味，食落係唔錯，清新頭盤菜。呢個係鎮江骨菜飯，但唔同店食ge鎮江骨都有唔同煮法同唔同味，到現時為止都未確定正宗的鎮江骨的點樣😅。呢個鎮江骨係一口就食到，又唔係有好多汁果隻。但佢味道偏向甜果種，食落幾吸引。而肉質就比較實，但又不致於硬果種。麵就叫左上海粗炒，佢個色唔太濃煮法同唔同味，到現時為止都未確定正宗的鎮江骨的點樣😅。呢個鎮江骨係一口

毫不起眼的一間老式上海菜館子，原來曾經榮獲兩屆米芝蓮，真係臥虎藏龍。午市人流不絕，相信有名氣之外，價錢亦相當吸引，算是合理。酸辣湯麵代表作之一。酸度，辣度相當平均，恰到好處。麵底吸盡精華，每一啖都滋味。跟餐有豆漿奉送，不過甜膩，豆香滿溢。