好叉燒魂

營業中

休息中

#鼠尾草食飲玩 #sagefoodiehk必去🙌🏻 × 燒味🔥 × 香脆🤤呢間位於鰂魚涌嘅燒味舖必去🥰！自家製嘅燒味真心手勢好，夠香又夠脆口。舖頭主打廚房裏面有太空爐炮製燒味🔥，半肥瘦叉燒會三段式咁燒到燶邊，而燒腩仔會二重燒製，令到脆皮keep住長期香脆🤤。至尊燒鵝飯揀咗雙拼埋叉燒，同埋加購飲品。燒鵝外皮燒得夠脆夠香，裏面肉質好好，重點係超重油香感覺，好好食😋。叉燒係半肥瘦，口感好正。而且邊位燒到微燶、好香，亦都食到蜜汁嘅甜味，超級餸飯✨。雙拼燒味就揀咗叉燒同埋燒腩仔，同樣有優惠價加購飲品。呢度嘅燒腩仔出品好好，食嘅時候超級酥脆，脆皮唔會淋咗😍。揀咗配瀨粉，烚出嚟嘅口感都啱啱好。💰至尊燒鵝飯(雙拼套餐$70)💰燒味自選組合（雙拼套餐$65）

系附近做完嘢，經過嘅時候俾佢外牆好吸睛嘅燒味painting吸引左，加上好耐冇食過燒味，就決定食呢間🍽️ 大滿貫燒鵝五寶飯（$80）如果想試哂唔同燒味嘅話，我會推薦呢款；入面有齊晒燒鵝、叉燒同燒腩仔，仲有紅腸同咸蛋，每樣燒味份量唔少；燒腩仔經過太空爐兩重燒制，皮脆肉嫩；燒鵝皮脆但如果鵝肉再嫩身d就完美喇；個人認為燒腩仔同叉燒比較出色🍴 黯然銷魂飯 （$63）叉燒燒得香氣十足，外層帶有香脆嘅燶邊，佢用咗半肥瘦梅肉，肉質肥美適中而不膩，而且非常入味；加上煎到脆邊嘅湖北蛋，蛋香味濃，兩者夾埋係絕配🥄老火靚湯個湯對我嚟講有驚喜，因為飲落口令我諗起屋企煲嘅湯；無落味精之餘亦好足料，有大大隻雞腳，1/3隻手掌大嚿嘅豬肉同蟲草花，而且跟餐加$5就可以飲到🥗鵝汁菜心（$20）菜心份量頗多，而且灼嘅時間啱啱好，仍然保持翠綠唔會老身，鵝汁味道偏淡，但個人認為配上濃味嘅燒味飯就啱啱好

經過鰂魚涌見間燒味鋪幾多人幫襯，又去試吓，結果一試愛上❤️ 下午茶時段自選燒味飯仲減$10，一定要試！🐷叉燒腩仔雙拼飯($58)，叉燒揀咗半肥瘦，亦有瘦叉/燶邊任君選擇，非常貼心🥰 半肥瘦梅頭豬肉脂肉均勻，肉質香軟，蜜汁夠多，一試難忘❤️ 燒腩仔外皮脆卜卜，肉質軟腍，幾好食😋 本來想食乳豬，可惜冇供應🥲 改要🪿至尊燒鵝油雞雙拼濃湯瀨粉($63，轉鵝胸+$8)燒鵝外皮微脆，一咬香濃鵝油滲出玫瑰豉油雞淨係睇賣相都知好食，仲要係雞脾肉🥰 雞肉好嫩滑，整得好入味😋本身想飲老火湯，好可惜賣哂🥲 加配菜芯($16)同熱菜蜜($3)餐廳採用手機落單，環境光猛企理，落單後好快上菜呢個價位有咁高質嘅燒味，下次可以買返屋企加餸，推介👍🏽

Lunch hour時喺北角諗住搵食😛沿途見到一眾打工仔們都拎住一式一樣嘅外賣返office😂行左一輪終於比我搵到個源頭🥹🥹🍳黯然銷魂飯 ($63)食叉燒梗係要揀半肥瘦🤤除此之外，落單嘅時候仲有得揀叉燒要肥啲瘦啲，我就揀咗淋啲同燶邊，勁貼心☺️蛋又可以揀煎蛋、反蛋、太陽蛋，粉就可以轉米粉瀨粉🥰叉燒好高質，燒到立立令，入口軟腍連帶邊邊有層細細的肥膏🤤加埋我最愛嘅燶邊，又香又惹味😍😍太陽蛋估唔到有兩大隻咁足料，煎到燶邊最啱我撈飯😋😋

朝早十點幾落左外賣自取，12點顯示可以取餐，在店後發現未攞得，店內職員聲稱有單不過仲整緊，再係門口等左20分鐘後再追問，竟然話原來部機冇我地張單 (在app 上顯示有)，明白會有技術故障，但一開頭就唔好話有單仲整緊。

其實唔算係燒味愛好者因為淨係會食瘦叉、腩仔同紅腸偶然發現附近有間新燒味店裝修期間有晚仲望住佢地畫門口嘅燒味壁畫☘️☘️☘️☘️☘️☘️☘️☘️靚女老闆娘會認得食客同客人口味試過夜晚去冇哂叉燒老闆娘話下次可以打電話留一份打去時淨係話瘦叉佢已經認得我😂係街坊小店嘅人情味呀！老火湯好味 飲完唔口渴叉燒又淋又香瘦叉都唔會痴牙值得推薦👍🏻😋價錢都好實惠而家除咗連鎖店5-60蚊有質素仲要有餐飲選擇唔算多要支持一下👍🏻👍🏻

燒味部份，全是垃圾。++ 燒鵝：燒鵝皮好似柴咁，完全咬唔開。垃圾。 燒鵝。得骨。完全無肉食。係無肉呀。咁多件都係骨。。。😬😬😬😬++ 叉燒：鞋到死。叉燒汁又唔好。仲有好嬲既係。廚師連斬叉燒都唔識。斬都又大舊。又四方型咁。好似俾狗食咁。離哂譜。++ 油雞 : 一食覺得係隔夜貨。雞肉又係鞋到死。食一口，係令你唔想食第二啖。好難食。有無搞錯可以咁垃圾既燒味！！！！！我係食唔哂。而且唔想再食。輕輕聽到隔離檯食客都話難食。又難食又貴。大家都估應該係捱半年就玩完。。。。。。。。。。。。。真係後悔試新野。。。。

很好味的燒味飯，又不會過鹹，剛剛好。燒鵝皮脆皮，叉燒好香，飯又軟硬適中。如堂食位置寬闊一點會更加好。下次要試吓飲佢嘅例湯，今日太飽，所以冇飲到。很值得推介的一間燒味店。

本身住新界好少過港島，今日因為有啲事就同個仔過左十年都唔去一次既鰂魚涌，下晏搵飯食既時間途經一間畫滿哂叉燒壁畫既燒味店，再睇個名叫好叉燒魂，見同附近啲茶餐廳有啲唔同，加上自己同個仔都鐘意食燒味飯，就決定入去試下。坐低之後叫左個黯然銷魂飯，阿仔就叫左個銷魂叉燒飯，黎到都幾大碗，叉燒肥瘦岩岩好，仲有少少燶邊，幾好味！伙記見我個仔咁細個都食到成碗飯，就問好唔好味，我個仔就亂答叉燒有蜜糖味好正（哈哈）傾多兩句先知間鋪原來唔係開左好耐，老闆仲要幾後生，見佢都親力親為出出入入，雖然間鋪唔係好大，但見到食物以外的每個用心位，欣賞每個有志創業的年青人，特登黎留個好評支持佢！加油～

乳豬燒得好均勻👍🏻唔會太鹹，拎咗返去放咗幾個鐘都仲係好趣脆🥰！雞都好好味、好滑！叉燒果然名不虛傳真係好叉燒魂😆😆 感受到食物係用心製作👍🏻一定會再幫襯！😜

自從北角最高CP值既燒味店執笠之後，係呢區，午市能用$50以下食到燒味已成絕響。最近，原一燒味位置重開一間燒味，試試佢。佢又係用名爐燒味作招徠，多謝盛惠最少 $50（單拼無野飲）叫左個雙拼（叉燒燒肉）+湯，多謝$60 ，原本諗住叫熱飲既，oh sorry, 所有熱飲賣晒！err大家先研究一下個湯，應該係蟲草花瘦肉湯，味道甜甜地，係足料既，不過，點解碗湯面有成「吋」厚既油既？食主菜啦，雙拼份量係正常水平。不過呢，可能我無要求要瘦叉瘦腩啦，我呢個飯的雙拼肉，肥嘟嘟既 ~ 肉質唔「柴」，腍腍地，但唔係特別好𡁻，只能說中規中矩。叉燒，無乜蜜糖，所以無咩叉燒果種「叉蜜」甜。最敗筆係，老細！你無熱飲姐，你唔係無火燒燒味下話？！啲燒臘未至於凍，但完全唔熱嫁喎！中午約12點幾姐，你啲燒味就已經「凍冰冰」，點算呀？肥既燒臘配上唔熱既texture, 感覺係點，都唔洗點形容啦 ~ 唉 最後既總結係，湯係ok, 但燒味唔熱，整體來講肥腍腍，是一個增肥餐。題外話，呢間食肆好似係唔support 外賣平台下單，雖然門口有貼一個外賣QR code (最近好多食肆都係咁，都係來自同一間POS 公司既傑作！）, 但又

好耐冇食過好食嘅燒味，呢間好叉燒魂真係要推介一下，第一次食佢係喺朋友屋企，佢係朋友介紹嘅用心食店，以我所知，全部都係老闆自己晨咁早起身自己整嘅，好有heart❤️，唔係周圍都有，已經唔係第一次食啦，對上兩次係嗌外賣嘅，佢哋仲會教你點樣翻熱啲叉燒嚟達致最佳效果😆，今日第一次堂食燒鵝髀米粉同埋加個例湯，真心好好食👍🏻，之後再買咗半斤叉燒，例牌海蜇同埋招牌紅腸返屋企繼續食😝未試過嘅真係要試吓啦，佢哋啲叉燒好快賣晒㗎❤️

真心食物好OK嘅，叉燒、油雞都不錯！同事食乳豬都讚好味道呀，非常可惜服務真係唔得吖！嗰兩個伙記都發緊夢咁！已經係第二次，上次堂食都漏單又話係我嘅問題，幾個同事多等咗半個鐘...睇往我食 今日熱到死唔想周圍去，咁就諗住比個機會叫外賣自取啦，點知叫咗熊貓外賣但去到先至知訂單被取消...我哋估因為兩份双拼熊貓平三十幾蚊？如果係就唔好開放平台啦！決定要等都現場叫啦，大把位就想堂食，叫極都冇人比反應最後的失望，叫咗走葱張單都有寫但冇走，差評走唔甩，亦都唔會再幫襯囉

每次坐叮叮都比呢間新開燒味餐廳外貌吸引，但每次都大排長龍完全無緣光顧，一於星期六先黎碰碰機會試吓佢。坐喺落地玻璃位置飲住無味精蟲草花紅棗湯食住肥义燒腩飯享受難得優靜嘅鰂魚涌風光，睇住叮叮一部一部喺眼前慢速駛去，很是浪漫過了好美好的午餐時光。老火湯不加味精，真材實料，味道香濃义燒賣相吸引淋而入味，入口有肥油甘香脆皮燒腩選用優質五層肉炮製，嫩而不膩令人一試入魂值得推介的隱世燒味餐廳身傍食客s嘅招牌四寶飯同燒鵝脾瀨粉都相當吸引，下次要再黎試試

朋友介紹燒味專門店, 地方四正, 飯前店長盛了碗蟲草花湯, 誠意靚湯落足料，冇味精，好好飲！點了叉腩雙拼飯，叉燒肥瘦適中，又淋又嫩，仲係燶邊嘅！燒腩仔都必食＇又香又脆！鍾意食燒味嘅朋友，唔好錯過呢間小店！A friend recommended a specialty roasted meat shop with a great location in Quarry Bay. Before our meal, the restaurant server generously served us a bowl of cordyceps flower soup that was delicious and made with quality ingredients, and without any MSG.We ordered the roasted pork belly and barbecue pork combo with rice. The barbecue pork had the perfect ratio of fat and lean meat, tender and fl