奇趣餅家

營業中

休息中

行開附近都必去買一個燒餅邊行邊食，行出街口就食晒，再加五蚊兩件合桃酥回家食。次次d燒餅都熱烘烘的，食落口煙煙韌韌，豆沙唔太甜岩岩好。咁正的燒餅，真係要新鮮趁熱食先得。合桃酥好香，好鬆化，但唔係一咬就散落四周那種。有次試過放左響locker，太香的味道惹來一條蟻路，慘被報銷。

下午上堂前...貪口痕見到有好多酥餅...只係想試少少野....就買左個鮑魚酥...3蚊一個! 5蚊兩個! 我都只係想試...所以買左一個! 內裡係南乳味..但就唔知同鮑魚有咩關係, 我買既時候已經唔熱...凍冰冰打左折扣, 但就幾脆!

每次假日經過總係俾既香氣吸引就算唔肚餓都會買番d小食歸家當甜品又好當消夜亦好椰撻新鮮出爐時最正豐富又香既椰絲令人不自覺一口氣食晒4隻蛋撻雖然係曲奇皮但蛋味一般又唔算好滑只屬一般至愛既始終係佢既豆沙燒餅餅身較一般既厚但放足一日都唔會變硬餡唔太甜又夠多差唔多每啖都食到但今日買既就較平時油膩希望只係一時失手唔好係質素下降啦

見到咁多網友praise 奇趣急不及待去了旺角找~一次試了很多:1.豆沙燒餅-名不虛傳,好煙un,但個人喜歡凍吃~2.皮蛋酥- 一般3.椰撻-不錯4.蛋撻-蛋漿差左小小5.光酥餅-最驚喜是這個,很好吃,不粉又不太乾,有香甜味,一口氣吃了全包~奇趣真係好多人光顧,d 餅出爐好密~好新鮮而服務又ok,不像想像中的老一輩style~下次會再買光酥餅^^

我原本都係好鐘意食香蕉糕既人，但可惜市面上既香蕉糕唔係太硬就太甜，今次甘岩經過里度，點都要試番下，於是買左5蚊/3條香蕉糕黎試，真係好軟好香，又唔會食到有沙糖粒既感覺，更加無我最討厭既粉味!香蕉糕，下次我會買夠10蚊黎滿足自己

行過旺角道, 專登轉入花園街幫襯奇趣之前次次去都係買燒餅, 今次就試埋其他啦買左,香蕉糕($5/3pcs)，鹹老婆餅($5/2pcs)，同光酥餅($4/包)。香蕉糕超軟熟.濃濃香蕉油味,食過奇趣既香蕉糕一定唔會食其他非奇趣架喇因為坊間一般既香蕉糕簡直無得比,硬身好多,粉味又勁.鹹老婆餅係我至喜歡既南乳味而且個餅餡既軟糯口感真係令人齒甲留香個人偏心地認為好味過甜老婆餅架光酥餅一包兩個, 又係食過就唔想食其他地方既出品,好鬆軟,入口即融, 同平時外面果d又實又乾既西樵大餅簡直天壤之別..好似誇張左d..但我食完真係有咁既感覺!!講起又想食喇......

豆沙燒餅($3)：燒餅很煙韌，豆沙餡不會太甜，恰到好處。香蕉糕($2)：重香蕉味，很軟熟。

放工去搵媽媽之前黎買左3個豆沙燒餅同一個蛋撻石沙燒餅仲熱熱地既，二話不說地消滅一個先好煙韌，但係我覺得甜左少少，我鍾意食卓越既多d至於個蛋撻，拎上手就知唔對勁，因為係凍既!!好唔好味唔評住，因為凍食同熱食會差好遠燒餅俾左一個媽媽食，佢話係好味呀，但係太甜了可能個別case唔同卦

每日放工經過花園街必定去呢間老字號餅店度買豆沙燒餅食, 佢d豆沙同燒餅實在配合得太美妙,豆沙唔係太甜,燒餅軟綿綿,真係無牙都食到.最重要係佢無時無刻都新鮮出爐,熱辣辣,都只係賣三蚊個,實在太抵喇!!!另外佢地既合桃酥都係值得推薦比大家,$10有4大個,去邊度搵呀?!買4個返公司同同事一齊分享,食完真係個個都擧起手指公大叫好味,既鬚化又有合桃味.真係最佳零食,好過食蝦條.最後大家記住過年果陣一定要早d去佢度買油角,因為好早會賣哂. d油角間直一流,d料一d都唔媽夫, 十足料,花生,椰絲,沙糖等樣樣齊,每個角仔都脹卜卜,又鬚化,過年擺响屋企真係身份既象徵,肯定會多d人黎拜年呀!!!

每次去旺角花園街，必定光顧此店。必食推介：豆沙燒餅豆沙燒餅：$3一個，size比一般麵包店的大。糯米皮很煙韌，豆沙餡甜而不膩，超好味！嚤囉酥：$10有4個，很大個和很重，餡料很多，很好味！椰撻仔：$5有4個，烘得剛剛好，很香，又不太甜。其他食品：雞仔餅、光酥餅、花生酥、飽魚酥、老婆餅、香蕉糕、蛋撻仔、棋子餅......（這些未試過，下次要試試～～）

有日,我個妹帶左幾個豆沙餅番屋企隔左夜,再'hong'番熱d豆沙餅,都好好食=]甜度armarm好~又夠yin yan...好味隔左夜都咁好食,好想試下新鮮出爐咁食!

上次同屋企人行過，就比佢\\\剛出爐燒餅吸引住！同媽咪一人一個邊食邊行街。入口鬆軟好味，豆沙味道剛剛好，又唔會太甜。

13/7(四) 6:45pm返學前到始創買畢東西,看看手錶已沒多餘時間坐低填肚,唯有在此買點餅食,買了2個蛋撻仔$3,1包小光酥餅$7.蛋撻雖凍,但撻仍有鬆化的餘韻.已有一段日子沒嚐小光酥,一口一個,頗香麵粉味且不嗆喉.想當年與男友各處加國的兩端,不時收到男友寄的食物郵包,我喜愛的光酥餅亦時常在內,水準雖不及香港的,但最少接收了那份心意!

上星期經過買左個無餡既燒餅好好彩買到最後一個雖然只係微暖但仍然十分煙韌好好味但個人喜好因為鍾意食紅豆沙所以都係prefer豆沙燒餅多d雖然阿叔講野大大聲但其實佢地好helpful

7.13(四)呢到又係我出親旺角必定會去朝拜既一間小食店平時最like買豆沙燒餅,椰撻仔,合桃酥,咸/甜老婆餅同雞仔餅今日放工之後順道黎買早餐,買左個雞蛋糕,另外又買左香蕉糕不過呢兩樣都麻麻地~雞蛋糕唔夠鬆軟,同埋食食下竟然有雞蛋碎,另外我就覺得呢到d香蕉糕太淋batbat,可能係唔太0岩我口味啦繼續支持豆沙燒餅,椰撻仔,合桃酥!!!!