奇趣餅家

營業中

休息中

人人買豆沙燒餅，但奴隸獸要主人買月餅，主人覺得中秋將致，就試一試奇趣D月餅啦！1.雙黃白蓮蓉（HK$28）：皮薄、蛋黃OK、白蓮蓉香滑不糊口，味道好，不遜色於任何有品牌的餅店。經濟之選。2.雙黃蓮蓉（HK$25）：皮薄但不均勻、蛋黃不OK、蓮蓉炒得不夠香，失望。

放左工餓餓地, 想搵d小食食下, 去會合朋友之際咁岩經過lee間野, 又見到岩岩出爐的兩大盤紅豆燒餅, 我當然唔放過啦~拎起個燒餅, 即刻咬左一啖, wow~~ 熱辣辣, 燒餅好煙un, 入面d 紅豆沙甜度十分適中, 完全無過漏的感覺。我個人最怕過甜既食物, 這個真的好perfect! 下次我都想試下其他野食, 不過都係prefer新鮮出爐果d!

前晚(12-9-2007 Wed)出o黎學o野,諗住再買定豆沙燒餅為尋日(13-9-2007 Thu)o既早餐,至於光酥餅就隨緣吧.去到,豆沙燒餅只剩下一盤,成間舖大部份都係各色各樣o既月餅,重有公仔餅同棋子餅,而光酥餅亦已經賣晒lu.今次我買o左五件豆沙燒餅,亦忍唔住手用$10.00買四個棋子餅.順帶補充返豆沙燒餅,尋日朝食時,發覺第一件豆沙少o左啲,亦唔均勻,形成餅皮一邊好厚一邊好薄;而食第二件時又冇咁o既情況,豆沙餡依然飽滿,餅皮亦薄.我諗,應該係每個師傅手勢唔同o掛.棋子餅:尋日帶o左兩個返公司,諗住晏晝當tea,但朝早太飽,於是把心一橫請公司亞姐食.到lunch時,佢大讚話好味.心諗:真係咁好味?我未食過啊,唔知屋企o個兩個重o係唔o係o度呢?放工返到屋企,啊,剩返一件,應該係爸爸食o左件.還好.我即刻要試試喇.哎落去,蓮蓉餡唔太甜,皮唔算好薄但唔厚,整個棋子餅感覺唔油膩,o岩o岩好,食完隻手都冇油,OK o既.衛生:今次豆沙燒餅個盤有用透明膠蓋住,不過其他o既好似唔係冇.味: 4 環: 3 衛: 3 抵: 4 服: 3

　　早上看完電影，途經奇趣餅家，回想起這裡獲得甚多好評，加上，豆沙燒餅剛好出爐，便買了兩個，一試味道！另外，也買了些光酥餅。　　第二天再吃光酥餅，味道依然，而且，沒有變硬，難怪獲得這麼多好評。至於豆沙燒餅，不算太甜，味道不錯。

9.2 (sun) breakfast昨日去太子經過買既，o個時太飽就當今日早餐囉光酥餅俾我既印象係等於食紙，冇味，但見咁多人買就試下啦！終於冇食紙既感覺，阿媽話甜，但我覺小甜啦，冇甜又唔得喎，幾好食，清清地食下光酥餅做早餐，5/6個都飽喇＄７一包＄２０三包

花園街三人行,見到有堆人喎...梗有好野啦!再見到有人一路行,一路拎住d野食...唔!!明白哂~~湧埋去睇下先,原來係好多好評既奇趣呀~點都要試下啦!有兩大盤豆沙燒餅,買左即刻試,仲辣手架!!一咬落去,除左覺得好熱辣辣外,仲好煙un,真係唔錯呀~~d豆沙又唔係太甜,d皮又唔會肥淋淋喎...good!!不過$3個就好似貴左d...不過有機會經過,佢又新鮮出爐,都會encore既~~嘻!!!

前晚(29-8-2007 Wed)又出o黎上堂,上次重有o野未買,於是又o黎買過,6:45左右o黎到,最想試o既光酥餅又賣晒,於是買兩件合桃酥(共$5.00)同15件豆沙燒餅(共$39.00)請朋友&同事食,我問亞叔可唔可以留起光酥餅(其實我覺得唔得,不過即管問問),佢話先畀錢便留,但我一星期至o黎一次喎,o衣o家畀?佢答可以,例如今日畀,聽日o黎攞.豆沙燒餅冇上次咁熱,今次我都係趁熱食吓先,同女性朋友C share,因為原來佢唔係咁好紅豆,而且好快就食晚餐.唔…點解好似冇上次o既驚喜感覺o既?唔通真係學朋友話齋會厭?抑或我唔鍾意熱食呢?算吧啦,反正我都想試另一間o既豆沙燒餅作比較.不過尋日畀同事食,有一個同我第一次食o既感覺係一模一樣,亦有個一早知呢o度出晒名o既豆沙燒餅,佢依然讚不絕口,亦因為好多時買唔到,所以好耐冇食喎.合桃酥係畀我家人一齊分享,尋晚又唔想食o左後食唔落飯,於是到今朝試o左半件,唔…同其他o既好似冇咩分別喎.不過都要讚啲亞叔,佢o地不單止好快手執好你要o既o野,重擺到好企理o架,真係好好人.但,其實衛生可能差o左啲喎,因為佢o地冇o野蓋住啲燒餅同唔戴口罩.

早上8點去到, 已經有紅豆餅出爐, 放在竹盆上. 3蚊一個, 其實都好油, 紅豆又唔夠多, 無咩特別遮! 行過試下無訪, 但專誠去就不必啦!

次次行過都比佢o既香味吸引左埋去...至愛係佢d雞仔餅...不過成日都會無晒...但好在其他食物一樣出色,所以即使買唔到呢樣都仲有其他代替,總算唔會失望而回...佢d雞仔餅好煙"un"好好味...次次買完返去都會同家人/朋友一齊食,個個食過都話好味^^其實一直都想試下個大光酥餅,硬係覺得佢咁大個好得意,但每次我都會打退堂鼓...因為真係太大個,覺得唔會食得晒...所以到而家都係未買過...><...

上次話過，食完光酥餅仔再評，依家補番。細細粒，容易食，兩分鐘搞掂半包，急停！口感非常好，唔會好硬，但係唔「痴」牙，又唔會好口乾或者一口粉。味道：夠香，有蛋味，唔會好甜。個人推介。

上星期日去奇趣餅家一心想試下大家讚不絕口的光蘇餅,點知去到已經賣晒...所以就買左個豆沙燒餅,伯伯叫我小心熱,一拎起果然熱到辣手,食完覺得好好味,好煙un,而且豆沙又不太甜,味道岩岩好。仲有其他餅類,留返下次再試。

第二站，荳沙燒餅，十三蚊五個；光酥餅仔，七蚊一包。去到見到人山人海都有Ｄ驚，原來有部份人係齋睇唔買，有部份人係「搵食中」，所以我好快係護住荷包嘅情況下買咗以上食品。趁熱食燒餅先！好煙靭，唔太甜，無想像中咁油，仲有好香芝麻味。個人推介！光酥餅未食，食完再評。Ｐ．Ｓ．荳沙餅係晚上翻叮當宵夜都重得！！

不嬲都咁正! 我很耐之前，己食過佢\地既豆沙餅, 公仔餅。我媽咪去mong kok 實去奇趣買佢\地整既野。依然保持水準!

尋日(22-8-2007 Wed)放工後因要出旺角學o野,而時間尚早,於是走o黎呢o度買一件豆沙燒餅,兩件冇餡燒餅,半磅花生酥同兩件老婆餅,合共$27.00.兩款燒餅仍然係熱o既,但我唔可以食住啦.到今朝(23-7-2007),豆沙燒餅就成為我o既早餐o勒,凍晒o既燒餅,變乾,不過唔硬,咬落去,有啲粉o係o度,啲皮依然係煙煙韌韌,餡料又足,唔太厚o既皮包住滿滿,甜度適中o既紅豆沙,真係好好味,凍食都咁好食,何況熱食?下次再出o黎買埋其他未買o既餅食後,要拎返公司叮翻熱佢至得.其他o既主要都畀我雙親試同作為大家o既小食,不過我都偷o左少少o黎試.冇餡燒餅同豆沙燒餅一樣,面上面有啲芝麻,冇餡燒餅o既芝麻香更濃,而且亦係煙煙韌韌.花生酥,一個直徑大約有4cm啦,其實尋晚買o既時間已經聞到好香o既花生味,今朝依然好香,咬落花生粒唔太大,但唔算太鬆化.老婆餅,餡都係好足,塞到滿滿,皮亦好薄,食落,甜過恆香,而口感亦同恆香唔同,呢個冇咁實的的,不過似有食椰絲o既口感,我對椰絲麻麻,否則我都會鍾意呢o度o既老婆餅o既,不過呢個整體都唔錯.服務:唔錯吖幾位亞叔都幾好禮貌,又手快.$9.00

試左佢既光酥餅的確有水準,唔同士多賣果d鬆軟得黎,有好香既蛋味!雖然略甜,不過咁抵食又擺得耐下次經過一定再買返去當零食豆沙燒餅返到去已經好多油出哂黎不過真係好煙un,豆沙唔會好甜幾好食!