奇納百川 (已結業)

又到海港城shopping( 因為仲有好多消費券🤣) ， 我已經差不多食盡海港城的餐廳， 今次就試下奇納百川， 餐廳是一間韓國菜， 店內有海景位置🏞️， 都幾舒適的。 下午大約三點到達， 我們下午茶有牛油果田園沙律$108、泡菜煙肉蛋包飯$168、 海鮮炒粉絲$148、 榛子咖啡$48、 荔枝烏龍茶$48。 🔸牛油果田園沙律🥗 ～ 沙律菜很乾，完全食不到有醬汁， 整碟沙律沒有味道。 🔸泡菜煙肉蛋包飯🍳🍚 ～ 蛋的質感厚身不嫩滑， 切開裏面的餡料只有微溫。 🔸海鮮炒粉絲🥘 ～ 炒粉絲是幾款菜式最好的， 起碼粉絲入味， 但海鮮就只有少量魚蛋絲。 🔸榛子咖啡☕ ～ 有咖啡味，但沒有榛子的味道。 🔸荔枝烏龍茶🍹 ～ 賣相吸引， 入口清新。 兩個人的午餐帳單$572🧾， 用了兩張海港城$100消費券🎫🎫， 食物質素有待改善， 飲品還可以。

同閨蜜食飯梗係想搵間可以靚靚打卡又好味嘅餐廳，而因為有商場優惠券所以喺海港城都搵吓有咩餐廳食，發現原來新開咗呢間韓國餐廳而且可以見到海景👍🏻因為喺平日，所以都唔使等位，但窗口位只有四枱，所以如果想坐海景位應該要一早預訂。同閨蜜吹水所以嗌左米酒一邊傾偈一邊chill下食物方面就帶咗一個海膽烏冬同一份辣汁芝士炸雞🍗三文魚子忌廉海膽烏冬係10萬個推薦👍🏻👍🏻👍🏻海膽份量都幾大，而且魚子好大粒份量唔少，成個烏冬都充滿海膽味，十分juicy。睇返啲相都好想再食🤣芝士炸雞方面就有少少失望，因為炸雞外皮比較多粉，成個感覺有啲硬，感覺KFC的更好味，同韓國炸雞唔太似。另外芝士好快乾，變到硬晒，所以要趁熱快啲食。因為有用優惠券，配上海景嘅環境，價錢都算幾合理。有機會可以再試下佢其他食物。

如題啦，好睇唔好食😅😅嗌左個舊幾水既芝士辣雞飯，最基本既飯係又乾又硬，芝士同雞好難會唔好食，所以係正常發揮，至於兜泡菜同芽菜就麻麻地兼好細兜。同行既男朋友嗌左個泡菜炒飯蛋包飯(冇影到相)，成$168，但根本唔係蛋包飯，而家蛋冚飯😅仲要乾到蛋餅咁，個飯就係一般西炒飯，又係又乾又硬，除左貴，就真係唔知可以用咩形容。最尾我地都食到消化不良，胃痛喇，真係冇下次，除非大家中意食環境或者想同我地一樣胃痛啦^^

呢間餐廳以店主設計嘅卡通人物「奇太郎」作主題🧑🏻‍🎨奇太郎以其海量般嘅胃腩，吞噬多款美食🇰🇷💗三文魚子海瞻忌廉醬烏冬 ($188)烏冬煙韌滑溜，加入大量洋蔥粒同鮮味嘅三文魚籽，配上濃厚自家調配海膽忌廉汁煮成，非常掛汁，不過略為膩滯同偏鹹🍝面頭放上新鮮海膽，味道奶滑甘甜，最後以蔥絲點綴🟠💗芝士辣雞定食 ($138)無骨炸雞炸得外脆內嫩，被韓式辣醬汁包裹住，味道香濃辛辣，刺激開胃🌶配上鐵板芝士，口感柔軟拉芝，中和辣味🧀💗炸午餐肉條配芝士醬 ($68)午餐肉炸得乾身唔油膩，車打芝士醬濃郁鹹香🐷💗荔枝烏龍茶 ($48)烏龍茶清幽芳香，帶香甜清爽嘅荔枝味，最後放上新鮮荔枝🍹

係海港城行到攰去搵下野食同有卷用1730去到唔洗等位就試下服務態度好好問你想坐海景位定舒服d既卡位menu 既食物相同真身食物係相同架d野食重要好好食望住日落食好野

呢日起尖沙咀行咗海港城 聽到朋友介紹嘅一間韓式餐廳話環境幾舒服 仲可以入面邊睇海景邊食韓國嘢 真係幾chill吓而且仲有CBDcoffee同啤酒可以揀 我哋當然唔會錯過 😳去到叫咗個辣雞沙律 牛肉飯定食 牛肉都幾惹味而且洋蔥都幾多下 炒到幾甘甜 送飯一流 如果辣雞沙律就相對重香料同埋好多椰菜絲 份量好大 大到我哋兩個人都食唔晒🦦望住五光十色既海景 梗係叫返杯野飲品味生活 我叫咗杯荔枝烏龍茶 上面有乾花點綴又有竹籤吉住荔枝 睇得出都有啲心思設計下 而且好夠冰凍 味道啱啱好 唔會太甜🥴而CBD coffee表面仲有層奶泡上面仲有個公仔 幾盞鬼 飲咗真係個人都放鬆咗 食過飯仲好快眼瞓 當晚都早訓咗😌

今日嚟到海港城嘅呢間新派韓國菜，喺傳統嘅韓國菜式中加入左唔少新意，充滿驚喜！人蔘雞湯糯米飯用韓國傳統嘅人蔘雞湯，改良出全新嘅食法！將人蔘雞湯倒入糯米飯再拌勻，完成品就好似意大利式嘅risotto咁，入口軟韌Creamy，甘香嘅人蔘清香撲鼻，食完暖胃又養生。人蔘湯仲長期reheat住，包保你暖入心！醬油牛肉炒年糕經典嘅韓式醬油，鹹甜適中，牛肉嫩滑，年糕煮嘅時間都啱啱好，煙韌Q彈，而且非常入味。炸午餐肉條配芝士醬午餐肉係韓式料理嘅常客，但係切到好似薯條咁炸又真係第一次見。脆卜卜嘅午餐肉，點埋鹹香嘅芝士醬，係一道非常好嘅下酒菜。太朗花生BB聽個名淨係知道同花生有關，原來係花生醬香蕉奶昔。香濃嘅花生醬估唔到同香蕉奶昔咁夾，不算好甜，有Nutty嘅香~

去海港城行街，最容易會肚餓 見到呢間韓式餐廳，個公仔咁攪笑，就入嚟試吓 ......炸午餐肉，正正常常，不過可以再脆啲同少油啲 😅煙肉手搓粉，個汁幾好味，又掛到上麵，good!炸雞夠脆夠味，而且芝士分開上，可以用又可以唔用。如果食曬個芝士汁，應該可以做相撲手 海港城咁多選擇，下次要試吓其他先

百川莓莓 $72開頭覺得個定價有啲偏高 黎到發現超大杯貴啲都合理👌🏻 怕肥的話可以同朋友share🤣 🍓賣相黎講都幾吸晴 飲落好香士多啤梨味 奶昔都打得好滑又唔會太甜 加埋面頭既cream飲就更加邪惡😈評分: 8.5/10🌟富士蘋果香梨乳酪 $72呢杯睇個名都覺得好吸引 飲落好香蘋果味🍎帶淡淡既梨香🍐 感覺好清新 而且面頭有蘋果乾同巨量粟米片作裝飾 整體黎講鐘意自然啲同唔想太甜既朋友建議揀呢款✨評分: 9.5/10🌟三文魚子海膽忌廉醬烏冬 $188唔好睇個盤好扁 其實個份量都好多架😆 首先個烏冬幾掛汁 而且海膽忌廉醬都好香又唔會太膩🤤 不過啲海膽食落好腥 即刻扣咗好多分 係整碟既敗筆🥲評分: 7/10🌟奇太郎原味炸雞(跟鐵板芝士) $198食韓國野必食既當然係炸雞喇🍗 因為驚芝士好濃味就揀原味 點知啲雞係冇調味😂 淨係得芝士味 不過啲雞都炸得幾脆 肉質又幾滑 如果有返啲味會更好同埋有啲膩😮‍💨評分: 7.5/10🌟———————————————————————奇納百川 (尖沙咀)尖沙咀廣東道3-27號海港城海運大廈3樓LCX34號舖

星期四放假前夕約左男朋友一齊食晚餐，去左海港城一間以奇太郎為主題既韓國餐廳食。坐窗邊位仲可以望住海景，一路食飯一路欣賞夜景。我地叫左三樣野食: 明太子蛋卷紫菜包飯卷、海鮮炒粉絲、三文魚子海膽忌廉醬烏冬。明太子蛋卷紫菜包飯卷我好鍾意食紫菜包飯，所以一定要叫黎食。包住既材料有青瓜絲、紅蘿蔔絲、蛋絲、漬物，加左好多芝麻，麻油味幾出，簡單又飽肚。海鮮炒粉絲份量幾多，海鮮有小元貝、小蝦仁、小蜆，調味帶甜，好有韓國既感覺。三文魚子海膽忌廉醬烏冬忌廉醬十分creamy，甜甜地，烏冬非常掛汁，加上大量三文魚子同海膽，好食。

我想重點說明 炸雞($198)佢係畀7粒雞件爛肉比起kfc 其他小食店 急凍炸雞 差很多 Gobee Chicken原隻雞($188)好食過佢多多聲全間餐廳食物超鹹 份量少 性價比極低👎🏻👎🏻👎🏻👎🏻👎🏻最差食品: (完全不能接受)1.奇太郎原味炸雞 (鐵板芝士) $198共七粒雞, 雪藏肉, 超鹹👎🏻👎🏻👎🏻👎🏻👎🏻2.海鮮煎餅 $128麵粉一堆, 超鹹👎🏻👎🏻👎🏻👎🏻👎🏻3.泡菜煎餅 $108麵粉一堆, 超鹹👎🏻👎🏻👎🏻👎🏻👎🏻次差食品:1.香煎帶子炸醬烏冬 $178 超鹹👎🏻👎🏻👎🏻👎🏻2.三文魚子海膽忌廉醬烏冬 $188超鹹👎🏻👎🏻👎🏻3.韓式醬油軟蹄 $138超鹹👎🏻👎🏻👎🏻可以接受食品:1.海鮮炒粉絲 $148超鹹👎🏻2.明太子蛋捲紫菜包飯卷 $108👍🏻可以接受, 不過唔係好食3.荔枝烏龍x4 @$48飲品ok好飲👍🏻👍🏻👍🏻

好少寫comment, 但不得不寫低這間過份收費同服務態度差的餐廳。朋友推介話好接近韓國口味，所以知道貴都試下…..- 蜜糖蒜味炸雞 $188 (以為有咩咁驚喜先會收咁既價錢，仲要係最便既炸雞option)- 牛肉飯卷 $108 - 咖啡 食物: 非常overprice！計埋加一係$400 的二人午餐，但至係食咗兩碟不能再普通的小食。份量不能稱上大份之餘，質素真的非常一般。$188 炸雞有雪味之餘，味道平平無奇。$108 (10 件)細份而無咩料既飯卷(無咩味既牛肉，紅蘿蔔，青瓜)。 服務: 趕客？由門口個位小姐(帶位)開始已經不能接受。客人係門口望了一會兒到行入去，店員只係拎轉面，用個背脊對住仲以不耐煩既態度問 ”小姐你幾位？！” 然後不太有禮貌地用手指身後既方向 “你去掃番安心出行先啦好無呀” 吃了一小時，枱上還剩20% 食物的時候，店員居然行埋黎問”仲要唔要？(想收碟)” 當時餐廳只係坐滿30%人，我們坐的也不是海景位，無人等位，但都要趕客一樣趕人埋單走。餐廳最基本的服務質素也沒有，這樣的食物質素還收這個價錢？其實這個價位，就算有海景都不值得！

一直想試LCX這間奇納百川已久了，剛巧朋友有海港城的美食優惠券，當然不能錯過。店內人流非常之多，用餐時間只有九十分鐘，近窗邊的位置景觀好優美，有維港的景色，部份店員只能以英語溝通。三文魚子海膽忌廉醬烏冬 - $188一粒粒晶瑩剔透的三文魚子爆出魚子的鮮美，那濃稠的忌廉醬汁均勻黏上幼滑的烏冬，變得更滑溜、惹味，兩片海膽好大片，奶滑而又濃郁，不帶半點腥味。韓式牛肉包飯卷 - $108喜歡韓式的飯卷用上多種蔬菜如紅蘿蔔和青瓜，有清爽清新的口感；中間的牛肉好嫩滑濃郁，還蘸上些韓國芝麻油，有一粒粒的白芝麻；旁邊的韓式辣醬則比較辛辣但惹味。炸午餐肉條配芝士醬 - $68將午餐肉切成粗薯條的大小，份量也比想像中多，變得更外酥內軟，蘸上旁邊的芝士醬增添濕潤感之餘，又能增添芝味。菠蘿椰香冰 - $72酸酸甜甜的菠蘿味比較起椰香重，還有兩片原片菠蘿，沙冰打得細膩幼滑，沒有冰顆粒感，加上薰衣草乾花作點綴，賣相精緻。牛蒡桂圓菊茶 - $52營運豐富的養生茶組合，茶味甘醇，旁邊有少許蜂蜜可自行調配甜度。

Lunch time 見到個海景嘉陽光真係無得頂所有工事都可以暫時忘記今日四位😁主食烤煙腩蛋黃忌廉手差粉👍🏻三文魚籽海膽忌亷醬烏冬👍🏻👍🏻海鮮薄餅 醬油炸雞手差粉做得唔錯 煙煙韌韌有咬口最出色係個海膽烏冬 海膽有兩塊超大塊 嗰啲汁同烏冬炒完配合得好好海鮮薄餅有少許偏鹹炸雞ok Drinks 藍紫氣泡 strongly recommended ! 有藍莓味加氣泡水😊奶醬多 (太甜) 荔枝烏龍茶 清清淡淡有荔枝亦都有茶味好好味好滿足嘅一餐

經過見到呢間韓國fusion餐廳，#奇納百川, 友人好想食韓國菜，見佢餐牌食物都好啱心水，於是進入開餐啦！ 被安排到可望住超美嘅海境，整個維港夜景盡入眼簾，簡直令人心情開朗啊😍！點了3款食物一齊分享，首先來的奇納百川沙律🥗，食材很豐富, 已切好的牛肉、雞肉，一粒粒方便食用，煙肉、烚蛋、車厘茄、牛油果🥑、芝士同沙律菜，份量認真唔小，呢個啱晒長期減肥中的我😘。 🧆帶子炸醬麵, 輕輕煎了的帶子彈牙鮮甜，炸醬個味道調理得相當不錯，唔太甜唔太咸，撈拌埋個爽口嘅烏冬，好味到不得了😋啊！ 🥘牛肉炒粉絲，牛肉夠柔軟，條條粉絲都索到惹味醬汁，但又不會很油膩，非常之咁惹味。