太興 (瑞豐大樓)

營業中

休息中

自從食過一次太興的鮑汁雞翼撈公仔麵後，每隔一段時間都會掛住佢既味道！今日撞岩下午茶時間，又去回味下先。今次公仔麵煮得剛剛好，質地彈牙，鮑汁不會太多或太少，份量剛剛好夠撈晒個麵，抵讚！不過公仔麵的質地都唔係太穩定，有時會偏稔身，視乎當日廚房手勢和自己運氣吧而鮑汁是否真的是鮑魚汁，我就冇考究了，淨係覺得個汁幾香幾好味又唔會太鹹，撈埋公仔麵食好夾就係囉～上面仲有三隻雞中翼，唔算太入味不過肉質都嫩滑，而且大大隻！還有兩棵小棠菜伴碟，感覺冇食咁多肉咁跟餐仲有杯泡沫咖啡，都幾好飲，冇乜苦澀，不過我就唔小心落左兩包糖所以有點過甜，一包都夠晒了。

午後，與友伴見面，在行上走走，買點東西，就找個位置小息，於是來到這間多次過門不入的小店。最近常看到廣告，什麼太好味道，希望不太差就好。外牆其中一邊是玻璃，掛著別緻的吊燈，很是特別。最後點了兩個下午茶：大都牛肉麵、羅未湯通粉配香脆雞翼，兩杯鹹檸水。鹹檸水，家中過去曾有自制，很久沒試過，這杯卻不錯，鹹檸香，卻不鹹。羅宋湯通粉，羅宋湯濃香，蕃茄味比一般為香，通粉雖沒驚喜，也不失為過，只是份量大細，就連伴侶作為女孩子也略為不足。雞翼算是香脆，不過不失，雖沒驚喜，口感也不太差。雖沒廣告一樣，說是太好味道，不失為港式味道，這點算做得不錯。

常常去大圍太興, 發覺早餐來來去去都係果d., 可唔可以轉下呢?  首先, 公仔麵實在太軟, 但有時又太硬, 不過我見煮麵亞姐其實好快整好, 只係侍應好慢才送上, 所以嚴重影響食物質素.  想點通粉, 但唔好食, 好硬又細粒, 點解唔用其他傳統茶餐廳d通粉, 大粒及軟身.  另外, 侍應既態度也十分參差不齊, 有d應該係新移民, 服務態度十分差, 清潔也十分隨便, 黑口黑面, 我諗可能太忙吧, 但也不應這個樣子, 好想罵她, 唔想做就唔好做, 要做就唔該專業少少.  其他食物還可以, 不過真的來來去去都係果幾款, 好冇新意, 好悶.  太輿既然呢幾年花咁多錢係marketing, please do something for the food especially breakfast!!

燒肉唔跟餐都係全部皮肉分離嘅。d皮仲要有d益益地又唔脆。口感似翻叮。星期日黎都係咁，閒日會唔會更差???????????????????????????????

大圍呢間舖搬咗去新舖位，都未試過新嘢 !兩個叫咗兩個小菜套餐， 包括 : 京都豬扒、蒜蓉炒芥蘭。套餐包括 : 一杯飲品及一碗白飯。京都豬扒食味幾好，不太酸；份量適中。蒜蓉炒芥蘭用太多油炒， 賣相係靘； 但係太過多油，不太健康。 蒜蓉味亦唔多夠。 餐茶叫咗杯熱咖啡，唔話俾你知係咖啡； 仲以為係杯奶，勁多奶整體呢說，呢個質素； 呢個收費，真係不太抵食 !

曾經幫襯不同地區太興，覺得食物質素不錯。但今次大圍太興，真係令人失望。木瓜雪耳燉唐排骨湯 : 湯料好足夠及可食，排骨肉幾滑及木瓜好甜，但最敗筆是湯水油淋淋，吾想飲，可能是排骨無飛水所致。啫啫蝦醬通菜煲 : 因有蝦醬，再加蝦乾，令到通菜鹹到食吾落。北菇雲耳蒸雞 : 這碟餸稍為可以送飯。

新開左一排，假期成日見到多人等位，今天唸住試一試。叫左「叉燒拼燒鵝飯」套餐，另叫咗「豉汁蒸魽魚」套餐，另加一個$28燉湯。燒鵝好肥，脂肪好〜厚，太肥了（忘記影相！）真係未試過食，第一次！咁肥叉燒又太瘦（唉！忘記叫半肥瘦）。豉汁蒸魽魚等左25分鐘，終點到了，味道不錯！燉湯都OK! 

今晚路經大圍看見開咗太興，就順道試吓$75波蘿生炒骨套餐加$20忌廉紅豆冰。生炒骨不糊口甜酸又啱啱好却不衛生，獻汁沾染點點黑點，相信是鍋的焦黑物，真係倒胃口！熱辣辣的白飯是可口吃得飽飽！柚子蜜都是用熱水沖調開，不過甜不過淡，算適中！紅豆冰加忌廉感覺賣相不錯，紅豆夠諗！

下午茶至愛午餐肉蛋出前一丁，香煎厚切餐肉極度香口，咬落每一口都是厚厚的感覺，厚切是皇道，大滿足。蛋是以煎滑蛋方式上，我至愛，加上出前一丁簡直是完美配搭。這裡店員服務態度很好。

呢間太興開左無耐, 所以過黎試下~ 海鮮什菜煲 - 來來去去都係魷魚, 不過想清清地就叫個菜... 湯底都清甜既~ 香煎咸魚蓉魚餅 - 呢個又幾好味喎!  咸咸地既咸魚加左落魚餅一齊食, 又夠香口, 餸飯一流!