太興 (德福廣場2期)

營業中

休息中

煙三文魚菜粒炒飯飯不算是粒粒飯偏硬 不算乾身三文魚有點腥混著菜粒有點清新雖然如此但味道還可以紅豆奶茶走忌廉太興的奶茶依舊很好喝紅豆稔而且起沙 稍偏甜混合著奶茶就剛好燒肉飯燒肉皮已經不脆了偏肥跟平常的質素相距甚遠可能跟就黎閂門有關

肚餓，鼠左去食 tea , 睇見餐牌都幾豐盛，選擇多多。有多士雞翼類又有燒味飯，吸引， but 坐底六十幾，不了.....炒粉湯飯都有最後叫左重量級三文治餐 $52等左十分鐘先有得食，一望到個樣果然冇令人失望。明顯係即叫即做架近鏡望望，三文治有烘底，堅係幾精神的。話明重量級，真的幾多料。有煎蛋、生菜、蕃茄、double 火腿、仲有芝士，加上 club sandwich 一貫的三層飽。特別一讚係生菜同蕃茄，好新鮮，加上少少沙律醬吊吓味，成件事都開胃左。熱咖啡，尚算香濃，不過唔夠熱，扣左少少分數。每枱有自助熱水，感覺衛生好多。

太興集團最出名既係燒味同埋佢地招牌奶茶。太興已經成為最成功既茶餐廳之一，但反而急速擴展之後，食物質素反而下降，已經好耐無幫襯過。今晚係九龍灣搵野食，德福商場入面既食肆大大話話都有幾十間，要選擇一丁點都唔容易。結果行過太興俾佢個新promotion 吸引左，百幾蚊就可以有魚有雞。松子魚🐟💲5️⃣9️⃣，高山茶香葵花雞💲8️⃣0️⃣一隻。松子魚🐟醬汁酸酸甜甜好醒胃，魚身仲炸到脆皮，抵食！高山茶香葵花雞🐔茶味好香，d 雞都入哂味，不過d 雞肉再滑d 就perfect 啦。總括黎講都算抵食😋唯一要批評就係店員d 態度可以再改善下。😒

本身個人黎講就唔鍾意食茶餐廳既, 除非返工就真係無可避免, 而太興理應係有品質保證既其中一間, 起馬食過其他分店都無中伏,呢間德福分店係第一次食!食完真係喊3聲!瑞士汁牛柳絲炒河, 嘩。。。瑞士汁啫,唔合係糖水呀ma, 成碟野除左甜味之外,都係得甜,而且黎到碟野係凍既,當然唔係雪櫃拎出黎, 但好明顯係一盆野到夾出黎比我囉, 好得人驚!分量細到不得了,但我都食唔落,因為太甜!叫左杯熱柑桔, 無咩特別,唔難飲但又無出色另外又叫左個奶茶。。。。嘩。。我會形容為奶水,完全無茶味!另一個係叫左欖菜肉碎炒飯。。。我真係唔識欣賞。。啲飯乾到以為飯蕉。。又咸, 食完成個tea個人都濟晒,分量細食唔晒都可以濟晒!油到不得了。。希望大家唔好中伏!

今日行過九龍灣，一個人食飯，入到去大興人頭湧湧，好彩一個人比較易搵位，服務幾有效率，先安排坐低遞上餐牌好快咁就揀咗個"煎蛋肉燥飯"，加凍檸茶走甜，等左冇幾耐，個餐就送到，煎蛋睇落煎得剛剛好半熟蛋，肉操當然係主角啦，肉燥味道中上，唔會過鹹，重有兩條菜心，補充纖維啱晒我，但係個飯都睇落有少少細，附興d食物，一係辣，一係熱氣，今日想食中式快餐，太興都係一個幾好嘅選擇。

難得唔使早起，#小秘書 把握休眠時間，一於瞓到最後一刻先出門口🏊🏻‍♀️ 太好瞓嘅關係，#小秘書 已經有十幾個鐘頭無食過嘢👀 不過上堂前點都要食少少嘅🍽 本來諗住去 #太興 求其食個茶餐，點知碟飯似乎比我想像中大咗三倍，震吓震吓嘅🐣 #太陽蛋，配襯厚切嘅🐷 #豬扒，場面實在太震撼🤩 件豬扒都煎得幾香口，不過個豉油汁就咸咗啲，同碟頭飯唔多夾味，而且份量實在太多，我只係食咗1/3就罷手👉🏻👈🏻 嘥晒喇😌

今晚要加班工作，放工都差不多9點，個肚打晒鼓，就入咗有飯食又夠飽既太興。梅菜扣肉煲$70扣肉炆得好淋同入味，梅菜用來撈白飯好開胃，不知不覺食晒食碗飯。而且用砂鍋上菜，保溫效果很好，可以保持食物溫度。蝦乾魚肚浸娃娃菜$68叫咗比較肥膩既扣肉煲，㨂返個清d既娃娃菜平衡返。鍋入面有蝦乾，魚肚，豬肉粒，娃娃菜索晒d濃湯精華，食落幾鮮甜。杏汁潤肺湯辛勞完工作一天，當然要慰勞一下自己，套餐加$28可轉燉湯。燉湯份量都夠兩人飲用，送來時用蓋蓋好，就算食完飯先飲湯都夠熱。湯底杏仁味好濃郁，豬肺亦清洗得夠乾淨，仲有雞同瘦肉一齊煲。

情人節唔想周圍逼，求其搵幾碟小菜食.本來想穩穩陣陣揀太興.大失所望.燒鵝叉燒雙拼，皮唔脆唔怪你.鹹到狗掉毛.鹹鹹鹹鹹，除左鹹咩味道都食唔到.諷刺既係隔離有份menu，推薦咩都係鵝乸正.滑香皮脆.呃鬼，一樣食唔出.可以差成咁.街市20蚊燒美都不如.在太興吃到這樣的燒美完全接受唔到.以為最差，還有更差.有請咕咾肉，賣相嘔心，味道PK三送飯水準，汁太水了，肉爽口？點解咕咾肉會爽口，原來係用豬頸肉，奇怪奇怪奇怪，越食越覺得核突.奇奇怪怪的口感，過酸.最後還有海鮮豆腐煲，味道算正常.這個就不評論.成餐飯食得極不開心.調味過重，賣相嘔心.食過咁多次太興，就這間如此垃圾.唔知道以為食緊街市碟頭飯.失望black list.九龍灣德福這太興究竟有無關心過自己的出品是否達標？

小秘書過幾日就去旅行，下晝約埋朋友仔出嚟傾吓行程，坐埋食個下午茶☕️ 今日我揀咗 #餐蛋麵 + #冰鎮奶茶。唔需要多講，#冰鎮奶茶 一向係「太興」嘅鎮山之寶，茶味夠濃👍🏻 炒蛋香滑，師傅將餐肉煎香咗先擺上麵，夠香口！湯底加咗麻油，極香濃，可惜湯底實在太咸，邊食麵邊飲奶茶都得掂🥴 唔通師傅輸咗馬仔？

呢幾日皓熱天氣警告不停襲港,星期六放短週都唔想周圍去,唯有同friend 去睇完戲之後去嘆午茶.行過德福商場見到間餐廳入面都好多客人，原來係下午茶時間, 我叫咗個惹味排骨拉麵，醃得都好入味，麵質煙靭靱，好有口感。另一款鹹蛋叉燒飯，叉燒半肥瘦都好淋，鹹蛋伴飯吃好惹味😋。埋單100元有找，真係好抵👍

難得放假就同屋企人食下午茶，門面乾淨叫左一個T14 大都牛肉麵（細）咁呢個味道都可以啊最大問題係 雙拼燒味飯大家可以睇下個圖，一睇就知唔係脆皮，需然唔係叫5🌟級燒肉飯但相信都係同一款燒肉呢款一d都唔配有5星級既名稱再次證明 圖片只供參考😅

是日lunch alone, 入到太興諗住食燒味飯算啦。見到啲相介紹，燒腩仔都好似唔錯。落單嗰陣時阿姐話燒腩仔飯要$80， 勁貴。莫非又加價？再問清楚原來燒肉飯係$66， 燒腩仔呢因為係靚嘅部位，所以貴D。但係我都唔係好接受到，所以都係食$66 算。食落份量都OK多啦，皮都脆但係肉有啲韌，同埋偏瘦。＄66連野飲不過不失囉⋯⋯好處係Service都唔錯，阿姐起碼會提醒你價錢有分別，唔會隨便同你落左單然後收貴D，都幾均真。冇加一，同埋食完唔會即刻趕人走，午市可以坐多幾分鐘，十分難得。另外德福商場今年新年嘅佈置老夫子系列，OK特別唔會來來去去又係嗰啲新年狗。

今日同朋友去九龍灣展貿中心BB展，行完個BB剪，大家覺得肚餓就咩住BB去德福商場搵嘢食醫肚，行經太興， BB又瞓着咗就諗住入去坐下問咗職員冇BB櫈要抱住食，我BB瞓咗我就幫佢擺咗佢係度訓，座位知好集BB瞓得唔係好舒服一轉身就會跌落地，所以安全起見我都係抱住食朋友叫咗一個雪菜肉絲米拼西多士，我就叫左一個牛肉麵，西多士睇落賣相都唔錯，雪菜肉絲我見朋友都有俾佢仔仔食，佢仔仔都食到三份一碗仔應該幾好食至於我嘅牛肉麵，牛肉味唔算十分濃，牛味都可以接受，不過如果下次再去食嘅話我會嘗試叫其他嘢食我叫左杯熱檸水朋友就叫咗熱奶茶，領水水唔夠熱，需要改進

係九龍灣食lunch 超多人，只有太興可以唔駛點等位就可以入座。雪菜肉絲炆伊麵 $61很入味，但豉椒比較多而少雪菜，所以似食緊鼓椒炆伊麵多些，比較油左少少。手工牛丸湯米 $44牛丸唔係好彈，比較軟身，但都重牛味燒鵝燻蹄飯 $69始終燒味都係太興賣點，保持水準！

今日去咗MegaBox睇戲，睇完戲出返嚟德福廣場搵嘢食。想食小菜，所以就去咗太興到食飯。叫咗個北菇豆腐青衣魚柳煲加蝦皇醬炒鮮魷芥蘭。見佢紅酒燴牛尾做特價$28 蚊，所以叫咗個嚟試吓。另加兩杯鹹檸水！魚柳煲啲魚麻麻哋，冇咩鮮味。碟菜到鹹到你唔敢相信！食之前要用杯水來浸一浸先食得落口！好似啲蝦醬唔洗錢咁！個紅酒燴牛尾就不過不失，始終收你$28 蚊就唔好expect 太多。鹹檸水都係普普通通啦！叫做幾特別，唔係太多地方有！