太湖海鮮城

之前都食過好幾次食，覺得點心幾好食，今天又再來，但今天竟然給一個矮男打呔服務員，用一啲亦差的嘅態度，可以講話係鬧人的語氣來鬧我。因天氣關係，今早一點到酒樓，以為可以享受優惠，在好短嘅時間選好點心，並交給俾嗰個矮打呔男服務員，近大部份茶客－樣，在優惠時間前結帳，但收錢姐說只落一個點心….， 矮男服務員便說，你剛給點心紙都只不過幾分鈡，他還跟收錢說，呢枱號唔可以比佢埋單⋯⋯我問收銀姐，我點優惠點心，過時後會如何計算？極之冇禮貌矮男服務員就講，你有冇睇清楚，是落單時間，但語氣和態度，非常之差。食物質素固然重要，但服務態度都好重要。如果想比人鬧，可以去試吓…查看更多

上次跟公司團隊到灣仔太湖海鮮酒家搞活動，擺咗五圍枱，試咗佢哋嘅商務套餐。 先講環境，典型老派酒家格局，枱與枱之間算寬敞，傾計唔使就住就住。服務方面，阿姐們手腳麻利，換骨碟、添茶都跟得幾貼，抵讚！餸菜方面，椒鹽豆腐外脆內嫩，調味恰到好處；涼瓜炒大蝦嘅涼瓜處理得夠爽脆，完全冇苦澀味。個人最欣賞係欖菜炒豆角，鑊氣十足，豆角保持翠綠爽口。鮑魚雖非頂級貨色，但炆得夠淋又入味；西芹腰果帶子就略嫌普通，帶子稍細粒。斑片火候控制得幾好，肉質嫩滑無骨，最啱我呢啲怕吐骨嘅懶人。整體而言，太湖嘅菜式穩打穩紮，份量十足，味道屬中上水平，尤其適合需要招呼客人嘅商務場合。雖然無乜驚喜位，但勝在唔會失手，價錢亦合理，難怪平日夜晚都坐滿晒公司客。如果下次再搞部門聚餐，呢度依然會係穩陣選擇。…查看更多

YT食評家麥花田，對此店三款得獎名菜，三弄回味牛肉，芝麻鹽焗雞，薑米活魚炒飯，有高度評價，引得揾食肥華和靚媽及細仔仔與其女友，在7月12日齊齊過江，到此店一試呢三款名菜是否如，知名KOL麥花田所講咁高。可能喺希望越高失望越大嘅效應，今日肥華四人，對此三款得獎名菜都覺得名大於實，味道唔講得差但唔值獲獎級数，與今餐肥華所點嘅其他餸菜，(一)甜醬油煎牛仔骨(二)無花菓咕噜黑毛豬(三)鮮粟米碧綠炒海班球(四)芥未墨魚豆腐，呢四樣平凡小菜相比之下，就真喺有低班半嘅感覺，所以肥華衹能夠給予此餐，得獎名菜宴。⭐️⭐️⭐️…查看更多

太湖海鮮城宵夜時段氣氛熱鬧，餐廳空間寬敞，裝潢典雅中帶現代感，枱距適中，環境整潔，即使深夜人流多仍不顯擠迫。服務員態度親切，落單和上菜效率高，補茶和清理桌面也很勤快，適合朋友小聚或下班後輕鬆用餐。1. 啫啫通菜
這道啫啫通菜用砂鍋盛載，熱氣騰騰，菜葉爽脆，保留了通菜的清甜，搭配濃郁的蒜蓉和豉汁，帶有微微的辣椒香氣，鍋氣十足。啫啫的烹調方式讓醬汁滲入菜莖，入口鮮香惹味，是宵夜時段的絕佳小菜。份量適中，適合多人分享，配飯或單吃都開胃。2. 叉燒燒肉
叉燒燒肉拼盤是太湖的經典菜式。叉燒蜜汁塗得均勻，色澤誘人，肥瘦適中，入口軟嫩帶有甜香，蜜汁調味不過膩。燒肉皮脆肉嫩，油脂分布均勻，帶有輕微炭燒香氣，搭配芥末或豉油食用更佳。兩者搭配豐富了口感層次，作為宵夜主菜相當滿足。3. 椒鹽豆腐
外皮酥脆，內裡軟嫩，椒鹽調味帶微辣和香氣，撒上蔥花和辣椒碎，開胃又下酒。油分稍重，但味道出色，性價比高。4. 豬肺湯
湯頭清甜，帶中藥材的滋補香氣，豬肺軟嫩無腥味，加入杏仁和紅棗，暖胃舒緩，非常適合深夜享用。5. 九層塔花甲
花甲新鮮，九層塔與蒜蓉、辣椒的搭配香辣濃郁，醬汁惹味，入口鮮甜，無沙粒，適合沾麵包或撈飯。6. 咕嚕肉
酸甜可口，醬汁濃稠，肉質軟嫩，菠蘿和青紅椒增添清新，甜酸平衡，是穩定的經典選擇。7. 蒸鮑魚
清蒸保留鮮味，蒜蓉和豉油提升香氣，鮑魚彈牙，質感軟硬適中，雖然價格稍高，但新鮮度值得。8. 蒸開邊蝦
蝦肉爽脆，蒜蓉和蔥絲讓味道更豐富，醬汁滲入蝦肉，鮮甜微辣，質素高，適合海鮮愛好者。9. 星洲炒米
米粉乾身，咖喱香濃，鍋氣十足，配料包括蝦仁、叉燒和青椒，微辣口感層次豐富，適合多人分享。
太湖海鮮城（銅鑼灣）以新鮮海鮮和經典粵菜見長，宵夜時段的菜式質素高且選擇多樣。從開胃小菜到滋補湯品再到惹味主食，完美展現了粵菜的豐富口感，特別是啫啫通菜的鍋氣和叉燒燒肉的香脆令人印象深刻。在銅鑼灣這個繁忙地段，這家餐廳是宵夜的絕佳選擇，無論是朋友聚會還是深夜醫肚，都能讓人滿足而歸！…查看更多

星期日中午同同事一行六人去咗**太湖海鮮城（銅鑼灣分店）**飲茶，整體氣氛熱鬧，坐得舒適，枱與枱之間唔會太迫，啱晒多人聚餐。埋單六百八十幾蚊，人均一百一十左右，以港島區嚟講，價錢算相當平宜。今次點咗多款點心，包括**香煎叉燒兩件、家鄉韭菜角、鮮蝦燒賣皇、杏甫蓮藕枝、蓮藕芝麻球（糯）**等。點心上枱速度快，熱辣辣、賣相吸引，餡料足、味道亦有水準。其中「太湖招牌餃皇」用料豐富，口感紮實，係當日焦點之一。餐廳服務有禮，落單清晰，補茶收碟都勤快。雖然係大型酒樓，但用餐過程流暢無混亂，適合朋友、同事飯聚。整體而言，係一次味道穩定、價格實惠、環境舒適嘅午市體驗，有機會會再嚟。…查看更多

前幾天去太湖食飯，又多咗啲新款菜式，其中一個石崇魚蕃茄豆腐湯幾好味又有益，好過自己煲！仲有一個酸菜魚雲粉皮又幾特別，裏邊加咗新鮮蠶豆，好特別，價錢又唔貴！魚湯係我嘅至愛！…查看更多

在清明節假期一家人食飯，朋友介紹往銅鑼灣太湖海鮮城晚飯，當晚很滿座，但菜式很有水準，六個人埋單約千三元，服務都不錯，還有甜品送，很有人情味的酒家。我十分推介他們的金湯焗龍蝦加煎米底！ 好像沒有在其他洒家食過，十分特別和煎米底很香口另外，我們也有叫蟹皇翅，初時以為$98的蟹皇翅是gimmick，但原來入邊真的有魚翅，份量還不少， 十分有誠意。太湖海鮮城簡直是便宜和好吃之選，但記得要預先訂座，如果唔係要等位…查看更多

今日同師傅去太湖慶祝生日，點咗一枱豐富嘅菜式，有乳豬、元貝、貴妃蚌、三味牛肉、芝麻雞、脆皮蝦球，甜品仲有蛋散紅豆沙，雖然仲有好多餸冇影相，但已經食到好滿足！人均 $422，覺得好抵食，值得同大家分享下！首先講講個乳豬，端上枱時真係好震撼，成隻乳豬皮脆肉嫩，切開後皮薄得黎入口即化，油香四溢，肉質嫩滑，唔會太肥，配上旁邊嘅甜醬同酸薑片，解膩之餘仲增添咗層次感。師傅話好耐冇食過咁正宗嘅乳豬，我都覺得係今次宴席嘅亮點！貴妃蚌同元貝都係海鮮控嘅最愛。貴妃蚌用蒜蓉粉絲蒸，粉絲吸滿咗蚌嘅鮮味，蒜蓉香氣撲鼻，蚌肉嫩滑得黎帶點嚼勁，仲有蔥花同紅椒點綴，食落去好清新。元貝就更加鮮甜，入口即化，調味簡單但突顯咗海鮮嘅原味，師傅同我都食得好開心。三味牛肉真係驚喜，牛肉切得厚薄適中，燜得軟腍入味，醬汁濃郁，帶點微甜同鹹香，仲有薑蔥同蒜粒嘅香氣，牛肉同醬汁好夾，每啖都好滋味。呢道菜同飯一齊食真係一流，可惜我哋太忙食，唔記得影多啲相！芝麻雞同脆皮蝦球都係經典嘅中式菜式。芝麻雞外皮香脆，裹上濃濃嘅蜜糖醬汁，芝麻香氣好突出，雞肉嫩滑，甜而不膩，食咗幾件都唔會覺得滯。脆皮蝦球就更加出色，蝦肉彈牙，外層炸得金黃酥脆，掛咗一層酸甜醬，仲有核桃同沙律菜點綴，口感同味道都好豐富，師傅話呢道菜係佢今晚嘅最愛！甜品有蛋散紅豆沙，蛋散香滑，紅豆沙甜度啱啱好，紅豆煮得夠腍，仲有陣陣豆香，係一個好溫暖嘅結尾。雖然仲有其他甜品，但因為食得太飽，冇逐一試晒，略為有啲遺憾。環境方面，太湖嘅氣氛好熱鬧，枱面用咗紅色枱布，喜慶得黎又有節日氣氛，圓枱設計好啱一班人聚餐，服務員都幾殷勤，會主動幫我哋添茶同收拾枱面。整體體驗真係好愉快，師傅話好耐冇試過咁開心嘅生日飯局，我都覺得今次慶祝好有意義！總結黎講，人均 $422 有咁多高質嘅菜式，乳豬同海鮮都做得好出色，芝麻雞同脆皮蝦球更加係錦上添花，甜品亦都好有水準。太湖呢餐真係畀咗我同師傅一個好難忘嘅生日回憶！如果下次有機會同朋友聚會，我一定會再返太湖試多啲其他菜式！…查看更多

今晚叫左圍12人餐食餐廳太窄 坐得唔太舒服服務員又趕住收碟😂😂😂更加見識到何其差既服務感度有個女既服務員大喝個客？問佢咩事 佢答驚人郁到佢失手整親我地？？即係我乜都唔理你會唔會郁我喝定你先？_？合理化咁接受左俾你喝 因為又係為我好？唔怪得咁多香港人北上😂😂😂野食整體上唔錯龍蝦好食蒸魚好食得獎鹽焗雞都好食個蟹黃翅都好好食 每位都附有個熱蠟燭慶住不過真係唔洗搞咁多野正正經經上檯咪算囉😂😂個泡枸杞無啦啦變左合掌瓜😅最後仲有好食既蛋散但服務態度咁惡劣 就唔係好想再俾錢受氣啦😂…查看更多

第二次来了，一般需要提前电话预约一下，翻台率蛮快的，需要坐扶梯上两层，然后有四部电梯可以上来，大厅里大约有40桌，菜式还算是比较全面，但一般来都是喝茶，吃些茶点，吃了两次大概20个菜都没有踩雷的，乳鸽尤其不错，有点深圳光明乳鸽的味道，酥脆美味。…查看更多

壽辰喜宴，中餐確實係最佳選擇，一大班親朋戚友，聚首一堂，共度開心快樂時光🎉🥳乳豬香脆好好味花膠燉湯超足料芝麻雞麻香肉嫩龍蝦大隻啖啖肉東星斑鮮甜美味黃金炸魚皮酥脆炒飯炒麵夠火候大大大滿足😚😋…查看更多

今天弟弟來港，難得一家團聚，選中了太湖海鮮城吃晚餐。我們八點半到達，已座無虛席，還好有預先訂座。 今晚主要吃海鮮及火鍋，熟食有蝦醬通菜炒鮮魷、椒鹽鮮魷和蝦醬碎炸雞， 火鍋魚湯湯底，配料則有象拔蚌、澳洲龍蝦、牛肉、芥菜及芥蘭。…查看更多

3月18日揾食肥華同靚媽，行完維園花展，便順道到銅鑼灣，呢間有米芝蓮星，光環照住嘅酒楼，食午饍，有米芝蓮車胎人，加持嘅效應下，此店非常旺埸有九成入座率，而此店各員工，對肥華及靚媽呢對稀客都服務週到，彬彬有禮，若果米芝蓮車胎人啲星，喺頒贈俾比店嘅，楼面前綫，服務員工，揾食肥華絕無異意。至於食品方面，肥華今餐除咗對，嗰味豉油皇鵝腸，感到滿意之外，其他嘅，䓤銀絲生蠔煲，啲蠔唔夠生鮮個芡汁似䊢糊，燒鵝飯碗飯夠唔淋口，啱肥華口味，但主角燒鵝，皮唔脆肉唔厚又淡口，兩個食品都係失敗之作，而個所謂雞絲粉卷，外層粉皮，又厚又嚡内祗見到， 一舊舊雞肉和配料，未見到有任何絲狀物體，咁嘅質素，鷄絲粉卷，更加喺，失敗中嘅失敗，所以此店得到米芝蓮星，應該喺憑，員工待客之道，並非；此店之食品！…查看更多

龍蝦唔好食，D肉太韌，蒸魚過火唔好食，芝麻雞冇雞味，也唔好食……連碗白飯都唔知咩米，失望，蛋散太甜了，紅豆沙唯一還可以接受，其它全部都食一口都唔想再夾，點解可以差成咁！…查看更多

老婆之前要趕Project, 所以晚餐的時間也很晏, 要在港島區晚上10時找到還有營業的晚餐, 還是不容易, 所以營業到深宵的太湖海鮮城是我的選擇, 而且經過我的介紹後, 老婆也不會抗拒. 晚巿孖寳的龍蝦份量不少, 是來自西澳的, 肉爽厚實夠件頭, 以芝士計處理, 和一般不同的的是色水更黃, 芝士味更濃, 配以底面也煎脆的米粉, 比伊麵更脆更健康. 除了海鮮之外, 它也有幾道撚手水菜, 除了之前介紹過的芝麻雞外, 也有這道三弄回味牛肉, 其實就是炆牛肋條, 以甜酸醋汁處理, 牛味更突出之餘也會更腍, 只是有點煮過頭, 肉質有點韌. 二百多元價錢來說, 定價依然相當有競爭力.…查看更多