太平洋咖啡 (已結業)

仲係病病地既時候,想飲返杯熱朱古力,黎左pcc,杯朱古力好夠熱同甜度適中,唔錯~frd叫左個類似smoked ham+cheese panini(我唔知個名)食,我都唔知pcc有d咁既野叫,嘩~d芝士溶化緊兼係熱辣辣,好好食~去pcc都會有好選擇,呢個真係好得~

好耐無寫藍苺芝士餅既食評。pacific o既cheese cake其實不錯，o的芝士夠香，口感亦幾好。不好o既是餅底，是消化餅餅底，我最唔鍾意o既。面頭的藍苺醬較乾身，可能係放得耐。最值得讚既係我只買一件小小既芝士餅，佢竟然俾埋紙碟、膠叉、紙巾同埋紙袋我拎走。$25一件，當下午茶都幾扺。

好多時經過都喜歡食個薯仔沙律，但自從Taste 變身後，各色各樣的三文治和沙律都有供應，價錢又相對Pacific Coffee 的便宜，吸引力因此而大減。

我係去黃埔果間,叫左個"健康低脂熱情果芝士蛋糕",原先我frd以為係d熱情果好健康,點知係成個蛋糕都健康埋,係用代糖呀!!!食左幾啖真係唔想食...但係果杯vanilla latte 唔錯,叫佢用skimmed milk,味道都冇乜分別~

自問唔識嘆咖啡我著重間野舒唔舒服多d裝修後第一次黎細左但好似都好多位(of coz都好多人)有唔同parts (電視位,兒童位,自修位for students,普通圓台,sofa位,門外位)我同個位一個位都坐唔到=.=so都係take away叫左中cold hazelnut latte好飲...(發現唔係得mocha先飲^^)有時飲下新野都好員工手腳快,唔明點解PCC同starbucks0既staff講d coffee名d音都怪怪的如果有得住就好喇!!!

少有地去又一村行街,商場太大行不到三層就要找地方休息下.要了杯"莫加"咖啡和blueberry muffin,唔知係咪真的莫加=不要加??好像飲朱古力,一點咖啡味都沒有,而且又太甜.好彩muffin好鬆好好味乍,拉番唔少分數.如果唔係去M記食好過!!

20050407 7.30pm工作煩惱, 約o左男朋友見o下傾計. 因為佢要返屋企吃飯, 最就大家腳就係去又一城搵間coffee shop hea 一陣.要o左2杯tall Vanilla Latte Chillino 走cream ($28@), 加多個Brownie 無icing 果隻($10). Brownie 幾好味, Chillino 即係果o的飛雪冰咁上下o既東西, 有部機搞得好勁果o的呢~都幾好味.有PS 可打GT 同o的格鬥game, 有好多部電腦上網(起碼6部!), 我就真係用果度o的電腦上網同男朋友打o左陣機. 暫時見過最大設備最齊o既Pacific Coffee. weekdays 無人等, 用幾耐都得.不過有一點要注意, o的杯杯碟碟無人執, 唔夠乾淨.

個名應該改做特"甜"朱古力蛋糕...見佢賣相ok 得,咁叫左個黎食啦,點知好甜,個蛋糕有好鬼實...真係好麻麻,d朱古力醬仲多過件蛋糕....

行了半天又一城, 有點倦意亦開始呆滯, 又是注入咖啡因的時候, 個人對連鎖經營的咖啡專門店不會有太高要求, 但這間咖啡專門店的環境和設備可真沒話可說, 互聯網, 遊戲機, 電視, 書桌, 雜誌真的十分齊全, 只是假日時客人比較多了一點; 服務亦十分主動有禮, 略嚴出咖啡時安排有點混亂.點了一杯黑咖啡, 味道一般偏於清淡; 另加一個藍莓鬆餅, 藍莓味道適中, 質感鬆軟討好. 略嚴價錢高了一點.

環境好好，sofa 好正，又有機打，又有書睇我叫左個kiwi juice , 比起我一年前食真係差左好多d juice 好甜，好淡，好似加左水咁d 甜品，唔知佢d 未係咁定我唔識欣賞，好難食。服務很差，我地去左到坐左一陣，未買野住，個經理好似好睇唔起我地d青年人咁，係到迫我地買野。唔應形容丫，總之好差啦。單一個kiwi juice 來講，以前d 未好好多，好濃。而家好似加左水咁，唔抵食乾淨ok 乾淨總評，態度好差，不怪得比starbucks 超越

朋友張咭吸印吸滿左, 免費贈飲一杯, 梗係叫杯大野- grande mochaccino extra - hot. 朱古力o既甘味好濃下, 加蕃少少糖就perfect 喇. 又食左個pesto pasta salad, 係蝴蝶粉, d pesto sauce 好惹味, d 蝴蝶粉又煙韌, 不過差唔多三十蚊盒就唔多化算.

不嬲都覺得starbucks 好的, 但又一城得佢又想飲野, 咁就閃入去啦. 的人service 唔知點解, 唔中意理人又無來精神, 杯mocha 好難飲, 真係難飲過starbucks的好多, 個muffin ......硬, 無味, 以後都唔會再去, especially 呢間.

又一城pacific coffee環境真係勁正~ 同男朋友想搵地方讀書(好勤力呀~ ^^)，於是就買左杯Hazelnut Iced Coffee同支Perrier慢慢坐~ 坐下坐下有d餓，就去買左一隻chinnamon donut試試，原來好麻麻... 對donut類唔再抱希望lu...

Apart from the grand decorationThe service and the attutide of the staff is very poorThus the coffee they made is so disgustingThe food is also awful, which is uncovered ...... even the cake is not worth the priceI feel bad there is no alternative besides Pacific

我都覺得這店的服務態度不是太好，員工不太友善。