太子餅店 (已結業)

有次公司有人請食餅,看見盒子......「太子餅店」?盒內那件朱古力米芝士切餅、朱古力泡芙,深深吸引了我。吃過後也非常滿意!!然後立刻search,又看到cupcake很想試!得閒放工去買!誰知放工時段,cupcake售罄,只淨餘小量切餅。那星期六下午來的話,有喇卦......!這天買了Tiramisu cupcake、朱古力軟心切餅、斑蘭提子麵包。我問店員,tiramisu cupcake的蛋糕底係咪咖啡味,她說仲有d芝士味。真係咁特別咩?唔係囉!佢係嘉頓蛋糕的化身......這蛋糕質地同面頭的Mascarpone Cheese唔係咁夾。cupcake cake底唔應該咁求其囉。松露朱古力蛋糕與朱古力軟心切餅,分別是前者是mousse cake,後者是朱古力漿與朱古力蛋糕層層疊。所以揀了後者。朱古力漿比重太多了,唔係咁似食cake,一件share食無咁溜。其實看它的麵包,感覺不有點......沒有生氣,不過給我看到特別點的「斑蘭麵包」,也好啦,試吓麵包如何。麵包質地麻麻,少許的椰味,斑蘭味模糊,感覺似吃椰絲檳(走椰絲)。太子餅店裝潢比平民高檔少少,但好吃的,只有芝士餅和泡芙而已。

當人人都去買泰昌,蛋撻王,甚至乎美心,聖安娜,作為"散水餅"之時,近日有位同事升職之喜,便送來一盒太子餅店的西餅,也是一點小驚喜.吃了當中的朱古力蛋糕,質感濕潤,朱古力味濃厚,餘味帶點甘,比千篇一律的連鎖為佳.多謝女同事K的心意,希望繼續努力,更上一層樓

屯門無好味蛋糕吃！上月要去上環律師樓，想找好餅吃，上openrice看看，這間不錯，剛巧又經過，一試門面不錯，餅很精緻，而且是驚喜價cupcake好靚,可惜我不好cupcake,只好chocolate cake於是挑了朱古力軟心蛋糕,好像是15元左右,價碼已先令人驚喜,平時買一件普通餅起碼20元一吃,有驚喜,一件15元(還是...18元?總之算好平)的蛋糕, 竟咁有水準!蛋糕面鋪上一層巧克力粉, 蛋糕做到千層糕咁,一層蛋糕一層濃厚的朱古力漿,濃度算好高感覺有很多層layer, 好好食!比起美心一類那些mousse多過cake的, 這個感覺好rich!比起starbucks要好得多!自此,一直念念不忘,成日想再去買,可惜一定沒機會去....大家經過呢間一定要去試下呀!男友就生日,諗緊好唔好去買個蛋糕給他

最近，我經過見到有新甜品：木槺布甸系列。有士多啤梨木槺布甸、 芝士木槺布甸及芒果木槺布甸！另外，有 Tiramisu 同係新出品。我先買個麵包打底，然後食木槺布甸做飯後甜品！粟米鮮奶包 ( 原價 $12，特價 $8 )有些粟米粒，包質鬆軟，又有粟米味！令我想起山崎麵包嘅粟米方包味道。粟米經過烘焗之後，不可是爽甜，反而變得有點煙韌！略有口感！芝士木槺布甸 ( $15 )之前係 Cup-cake，今次木槺布甸係新產品。賣相跟 Cup-cake 同樣吸引，芝士木槺布甸表面設計取自上次 Cup-cake ( 請見相片 ) 嘅元素，好似朱古力 Cup-cake 嘅朱古力片；今次採用白朱古力片。另有4粒忌廉粒蓋上咖啡粉作為裝飾；同上次個Tiramitsu Cup-cake 相似！不過，呢部份依然好餾！所以，我只係食咗4份1！白朱古力片，薄薄幾片，不足以令人覺得餾，甜嘅味道跟三角白朱古力有幾分相似，以白色朱古力與啡色咖啡粉配搭之下，使賣相錦上添花。精彩部分，係下面木槺布甸。呢度唔係用瑪利餅壓成木槺粉，而係用瑪利餅乾碎代替，濕濕腍腍，配合滑溜溜嘅淡忌廉布甸，擁有雙重口感！一食就愛上！士多啤梨木槺布甸

午飯後，路經此地，看見蛋糕的價錢不貴也挺漂亮，於是買了一件作為飯後甜品。藍莓乳酪蛋糕($9)：面層是藍莓醬和數粒藍莓，而蛋糕是藍莓乳酪及清蛋糕相間著。藍莓乳酪是粉紫色的，甜中帶酸；而清蛋糕軟綿綿，兩者配合得很好。整件蛋糕是甜而不膩，很清新又美味。另有綠茶蛋糕、芒果蛋糕、草莓蛋糕、Tiramisu、朱古力Truffle等，樣子也十分吸引，價錢都是$9-$10，有機會要試試。

喺我住嘅屯門區，絕大部分賣西餅係連鎖式西餅店，見嚟見去都係果啲款！好 standard !上環呢間 "太子餅店"，西餅及蛋糕做得精美、設計獨特、價錢合理！記得上年買咗 "美心" 個 <魔鬼蛋糕> 一家人食；結果，要分兩日食足 3 餐，就算幾好食都食到怕！今次，我唔買大蛋糕，加上媽咪膽固醇過高要戒口。索性買西餅一人一件，起碼唔使食得多咁餾！Cup-cake 唔係度度都有得買，雖然呢度只係得 4 款：Tiramisu 、 朱古力 、藍莓及雲呢拿！行行地買Cup-cake 賀細佬生日！順便俾個驚喜佢！買咗：朱古力 Cup-cake ( 俾細佬 ) $12好似朱古力花，有美感之餘又有藝術品 feeling。朱古力花係用薄身朱古力片做成，朱古力片淡味少少，唔會搶咗底層朱古力蛋糕嘅甜味！Tiramisu Cup-cake ( 俾自己 ) $12面層有幾粒朱古力豆，另有些cream 狀嘅裝飾被朱古力粉cover，底層係幾香幾甜又好味嘅咖啡蛋糕。食完變咗「烏嘴狗」！藍苺乳酪蛋糕 ( 俾爸爸 ) $9由於到咁上下年紀，新陳代謝會減慢，連味蕾會有所改變！我食嘢覺得甜，佢會覺得酸。所以我唔買

車輪飽$6個門面幾企理光鮮，都係啲一般麵飽款，又有啲蜜糖同果醬賣見有車輪飽賣，買嚟懷念吓細個嘅時光拆開個袋都冇香味，食車輪飽都係為咗食啲提子，點知少得可憐，食落冇麵粉同牛油香咁簡單嘅車輪飽都唔好食，都唔會再試其他嘢囉

放工經過太子餅店，見到佢喺門口個玻璃櫃擺咗 4 款 cupcake, 仲話做緊 promotion, 由原價 $18 減至 $12 一件。4 款杯子蛋糕就分別係藍莓、朱古力、雲呢拿及 Tiramisu. 我呢個朱古力怪自然係買咗朱古力同Tiramisu各一件返屋企，同亞仔齊齊分享喇。朱古力蛋糕 --- 有好多一片片嘅朱古力塊插喺頂，朱古力味真係好濃郁，朱古力片下就係一層螺旋形嘅朱古力醬，啲醬唔係淋嗰種，比較硬身，朱古力味好香好滑，個頂就真係攞滿分，不過個底層就只係一個普通嘉頓朱古力蛋糕，但已經滿足到我呢個朱古力怪Tiramisu 蛋糕 --- 頂層喺朱古力粉蓋着用咖啡及乳酪做成的一個個小波波狀，底層同樣係普通咖啡蛋糕，咖啡味好淡，可能個朱古力蛋糕頂層做得比較出色，所以這款Tiramisu 蛋糕便給比下去了好彩依家做緊特價，如果用原價$18買，又好像有點不值啊。

最近看見太子餅店有牛油曲奇賣,雖然價錢算貴($2x), 但都忍不住買了一包,因為我覺得這間餅店的曲奇應該不會差。而且我還買了一盒芝士蛋糕, 這款反而不算貴 ($48)先講牛油曲奇: 一包約有十塊到, 而且size算大, 食落牛油味香濃, 而且十分脆口,不會太甜, 完全滿足了喜歡吃牛油曲奇的我。但我還是覺得太貴,如果2x一包, 那我倒不如吃jenny bakery的一罐吧......芝士蛋糕:先將這盒蛋糕打直切八份, 已經不算大件, 食落口芝士味好濃烈,所以食一件已經有滯既感覺, 但你又會忍唔住想再食 !!整體黎講, 以$48來說已經算抵食了。

一來呢度近公司，二來佢o地糕餅o既質素的確係好過那些連鎖店舖，咁當然價錢都會貴番少少啦。所以呢度間中就會成為我o地買生日餅或者"臨別餅"o既選擇今日，放長假都返公司，就有機會食到呢件"臨別餅"設計特別，佈滿朱古力同朱古力粒粒o既泡芙。朱古力味非常香濃，o的粉入落口又令我咳，哈哈。泡芙身略軟，凍凍o地食落口再配埋入面份量剛好o既朱古力忌廉，令成件餅都變得好得！希望Eva 姐得到解脫！

o係公司對面開了一段日子，無幫襯過，亦以為只係一間普通餅店今日同事買了個生日蛋糕回來一來係鍾意o既朱古力，二來係有驚喜因為入面o的朱古力味，濃度係俾我以往食過o既所有朱古力cake 為高！又香又甜，上面仲有macaron，真係睇見都興奮

小妹因為太為食, 特別是甜食, 行行下見到蛋糕或者麵包店都會停下腳步。就像這次, 被門口賣相骨子, 價格平的蛋糕所吸引著。記憶中有長條形$9的綠茶芝士、松露朱古力、綠茶紅豆卷、芒果芝士、卷蛋, size和東海堂的差不多; 多款切餅$18如雲石芝士、藍莓芝士、桑梅芝士等。 栗子芭芙$10: 見很久無吃過泡芙, 加上又是心愛的栗子味, 雖有想過栗子蓉有可能只得表面那薄薄的一層, 內裡多數是忌廉, 但不試過可不心息。回家後即刻用刀切開看看, 果真如我所料, 內心滿是忌廉。 芭芙蛋味頗濃, 較為實身。忌廉份量看來極多, 對怕cream的小妹可說是個惡夢。豈料忌廉的質感竟是十分香滑不鞋口, 不會有甜膩的感覺。細心品嚐那朱古力餡, 吃到有酒味, 是冧酒嗎? 只是栗子蓉質感較為乾身, 不軟滑, 易和芭芙分離。 軟心朱古力蛋糕$18: 層次十分齊整, 數過有十層咁多, 由朱古力蛋糕和朱古力醬相間而成, 蛋糕鬆軟有蛋香, 不會乾身, 配上軟滑細緻而帶甘苦的的朱古力醬, 非常滋味。 若以這個價錢來說, 蛋糕水準絕對是交足貨的, 至少無給我粗製濫造的感覺, 再來的話反而會試$9款式。付款時店員見我拿著

開張禁耐! 都係第一次買黎食~今日經過見佢又有吞拿魚薯仔沙律$12, 所以又買黎試下啦...我仲買左兩件蛋糕都係$8 一件, 我買左朱古力蛋糕同埋 Tirumisu......吞拿魚薯仔沙律$12 : 唔好食, 但勝在夠多生菜, 仲有d紅蘿蔔 ,但好鬼硬, 薯仔唔淋, 吞拿魚都幾多, 呢個沙律勝在夠健康,因為冇咩沙律醬....如果減肥就絕對可以食,但我就覺得好dry... 朱古力蛋糕 $8 : 好食到痺~連我呀媽平時唔食朱古力既都話好食, 又唔太甜, 入口又滑, 仲好香朱古力味, 頂層係脆脆朱古力, 中間係幼滑既mousse, 底層係朱古力蛋糕....三個口感都係唔同嫁... Tirumisu $8 : 又係好食 , 唔會好苦, 又唔會好重酒味, 最頂層灑上咖啡粉,好香嫁, 一層芝士, 跟住一層咖啡蛋糕, 又跟住一層芝士, 最 底層係原味蛋糕. 我覺得好好味呀, 仲好食過鈴木仁咖啡館~~~呢度D蛋糕真係值得一試~~

經過上環, 看見此店於永安對面新開張, 就黎睇睇價錢都不算貴, 有幾款包都想試試, 如blueberry muffin都係6蚊而已最後睇中了綠茶紅豆包, 12蚊有4大舊紅豆幾多, 但又唔會太甜, 麵包既包有好多芝麻, 好香口如果麵包既綠茶味多d就更好會再黎買其他包試下