太子冰室 (已結業)

間餐廳環境唔錯,都幾舒適, 不過D日式食品就唔係好掂!!係用中國大米怪怪地 其他都ok 啦.

昨晚同朋友去金都取結婚相後要搵個地方坐下睇相，這裡是個方便的地方。兩個女仔，只叫芝士海鮮闊扁麵套餐,藍莓cheese cake, 加多杯凍飲, $121. okay啦! 可以任坐,唔會趕人走,但無分非吸煙區這個不太好了!

似乎係一間幾懷舊DESIGN 的餐廳, 裝修唔錯, 而當晚服務態度都幾好.叫左個精選晚餐.....包括:1 .羅宋湯: 凍的.....無誠意, 幾好都無用.2 .煙三文魚沙律: 幾好.....當晚最好的一道菜3 .碳燒豬仔骨+ 香菌飯: 好大舊, 好肥, 好"UN" 不過個汁同D飯幾香口. 4 .甜品雜果西米露: 算啦....食左一半5. 咖啡: 一般.......合共HK$58, 單睇價錢就幾低食.

陪準新人行金都, 佢地見呢度幾骨子, 又試下啦!幾十蚊下午茶餐, 有一半係食貴租同裝修, 因為用料同師傅都唔對路, 班樓面又論盡, 幾張都落錯單, 我個炒公仔麵漏單唔止, 仲攤凍晒至擺出, 加倍唔好食, 講幾十句唔好意思都把鬼喇!

上次黎個一次, 個friend話幾好坐. 今晚去左dinner. 叫左個北菇蝦炒面, 好食就幾好食, 不過有點食油大平賣, 好油膩. 另外仲叫左一個日式牛扒定食, 呢個就真係唔係好得喎, 個雜菜天婦羅仲核突過旺角街邊的炸薯餅, 唔係好見到有菜. 碗飯係中國米, 仲有d硬添, 好失望呀. 呢度好坐還好坐, 食野都係冇下次勒

環境都算寬敞, 招呼就好一般. 自選配搭的意粉其實都ok, 好似三文魚煙肉菠菜麵配橄欖油汁都ok啦, 五六十蚊, 差不多啦. 另外佢o的二人或四人餐都ok啦, 幾多o野食呀. 不過呢度o的扒類就麻麻. 如果想o向o個區搵間新淨o的光鮮o的o既, 都可以考慮o下呢間餐廳, 不過好唔好食就取決於你識唔識以間餐廳o既環境同感覺去order 喇. 呢間餐廳都不至於完全唔掂o者.<br>

香港地近呢幾年多o左好多呢類以廳裝修，茶廳食物做招徠O既舖頭，但質素真係冇間得，點知呢間都係一樣。先講裝修，都幾講究，又夠摩登，樓底又高，卡位又坐得幾舒服，而食物好似幾多元化，有日式(定食)，有中式(小菜)，有西式(扒同意粉)，所以對呢間廳都幾有好感，點知整出o黎就大失所望。o個晚叫O左個鐵板龍利柳，一上台就知唔得，一d鑊氣都冇就知晨咁早整定，而且d魚一入口散修修，好明顯係雪O左好耐既雪藏貨，連d伴碟著菜都係冷冰冰，叫人點食落口。不單食物有問題，連服務都有問題，有個女侍應成日見你未食完就收O左隻碟，明唔想你坐得耐，到最後個經理直頭走埋O黎同你講有好多客等緊，問你仲會坐幾耐，咁O既情形，除非你想同門氣，否則都會埋單走人。講真每人平均都要六、七十蚊先走得，價錢同一般廳差唔多，但食物同服務仲差過茶廳一截，咁點解我仲要幫襯你呢？

我都去過呢度。不過o野食送上檯都駛等太耐，大概10 分鐘左右，跟普通餐廳差不多。服務生禮貌普通啦！不過好似好新手咁，做耐o的就有改進o架喇！不過o個日有個女侍應成日都俾錯o野我，無啦啦俾支豉油我、俾多張賬單我咁喇！這裏的的確確似茶餐廳多過Cafe 。因為環境好嘈，o的客都係街坊多，最難成為Cafe 的原因是污糟──檯面抹唔乾淨、椅上黐有飯粒，多粒蚊滋不停o係碟飯度飛來飛去、揮之不去。去過一次之後，我都冇去過囉！憎佢有蚊滋丫嘛！

擒晚一行十二人到呢度食飯，經驗好差！！！！先講環境，呢度有o的似"大排檔"的feel，茶餐廳得o黎又扮得幾似cafe。o係呢頭確冇乜呢類的環境。檯的數目比茶餐廳少，所以感覺舒服少少，不過收費貴過茶餐廳1/3 至1/2。環境唔重要，最重要係所有o野都唔掂！！《記住：餐廳內只坐滿三份一，即係冇乜客！！》首先，由我地落單到收到第一碟菜為止，等o左九個字(真係45分鐘)！！其中一個人食的set dinner 由上第一度菜至到甜品(唔計食，只係計上菜)，足足用o左一小時！！！仲有，上第一碟到上最後一碟可以相差一個鐘！！！即係第一個人一早食完，眼巴巴睇住人地食......其次係佢地的品質：我地叫o左好多款日式拉麵，但係只得一個感受──淡而無味！！個湯底有色，但係無味道！牛扒滑潺潺，食得出係梳打粉醃成，而且仲有味道，真係乜味都冇o個隻！！咖喱豬扒飯──個汁確係日本咖喱，不過塊豬扒係煎的，唔係日式炸的！！最經典的莫過於晚餐o個個朋友仔：白汁焗西蘭花好細碟，好醜樣之外，朋友仔都可以食唔晒！可想而知有幾好？！主菜係意式XX 腸配意粉(名字忘記o左)，條腸個樣真係好似兩條屎咁，啡啡黑黑.....攪到個朋友仔