天龍泰越餐廳

營業中

休息中

香嫩爽口、層次豐厚、肉汁飽滿等等的形容詞早已不在話下，它恰如其分的肥瘦比例， 再配以酸甜而帶點辛味的醬汁，這招牌泰式海南雞簡直叫人吃得如癡如醉，彷佛再度置身於曼谷夜市的喧鬧之中，可謂真正體現了「食而知其味」的奧義。可是，味覺的享受都只不過是滿足了一時的口慾，真正令我萌生執筆的念頭是人情味，我指的是暖意窩心的那種。 小弟最近身體抱恙，進餐時不宜攝取糖分，因而需要進行長期的生酮飲食。於是在點餐時，我說了一句以往經常拿來開玩笑的屁話，「海南雞飯走飯」，其無聊程度與「凍檸茶走茶」同出一撤，但這次我是認真的，並沒帶半點嬉戲的意味。侍應生當場愣住了，顯得一臉無奈並有點兒尷尬，但他亦沒有多問爲何。過了一會兒，背後突然傳來一把響亮而帶點霸氣的聲音，問道：「邊個走飯？！」小弟頓時嚇得臉無血色，只能低著頭緩緩地回應道：「係我...」，微弱而顫抖的聲線早已把我徹徹底底地出賣了。「你係咪唔食得飯？食麵得唔得？」那聲音在此時顯得更具威嚴。「都...都唔得...」當我正準備硬著頭皮解釋甚麼是生酮飲食時，那人早已揚長離去，沒說點甚麼，亦沒帶走一點雲彩，只留我一個在原地納悶的呆坐著。而那人正是店舖的老闆娘。說時遲那時

二零二零年八月十三日星期日七時多"天龍" 冬菇亭熟食檔已經全部冷氣化何文田地鐵站B2出口 行1分鐘就到一入到去老闆就主動問幾位同探熱都已經係滿座揀左以下幾款泰式菜：紅豆椰汁冰 夠哂凍又多紅豆 啖啖紅豆肉龍眼冰好多龍眼肉 解渴 亦唔會好甜 太多冰肉碎生菜包份量超大好多生菜肉碎好香口 唔會太油炒金邊粉份量大好多蝦 上菜時夠哂熱 唔會太咸小食拼盤有4x蝦餅 4x冬陰功魚餅 鳳爪 春卷全部小食嘅份量都好大 冬陰功魚餅好令人驚喜 冬陰功味好濃蝦餅好彈牙 好大件

冬菇亭應該是很多人的集體回憶吧！這個位於愛民邨的冬菇亭我還是頭一次來食午餐。看均四周似乎這間坐得最舒適$平均50元，也可以啦～試下冇壞，哈！今天下雨又限聚令入內當然要探熱，一坐下立即有侍應清潔抹檯消毒，檯面後的牆上放著消毒酒精給客清潔雙手。是每檯也有，抵讚！柯打了濕抄泰式肉片河驚喜地滿滿一碟是菜同肉河粉底是那種厚厚的像千層麵那種～冇碎到，更好雖然河粉比較少，但對我來說正合胃口呢！味道唔錯喎，沒有很重的味精味又合我心意，間侍應拿辣椒醬仲拿多一碟泰式海鮮汁比我！有驚喜，服務好我鐘意，下次會再來試下第二樣！希望下次一樣咁好

呢排喺何文田翻工 中午心血來潮想食泰國野 上網search 搵到附近呢間餐廳 見到價錢尚可 就去試下 位處愛民邨 冬菇亭內 雖為疫情時期 有限聚令 午飯時間仍人流唔少 環境唔錯 坐得舒服午市有 海南雞 豬頸肉飯等 頗多選擇去到叫左碗泰式冬陰功豬扒河粉 加杯特飲-青蘋果綠茶一共 48+6河粉都幾大碗 味道唔錯 豬扒有3-4塊 頗為入味 有番茄芽菜等配菜 辣味唔明顯 酸味剛剛好 青蘋果綠茶 唔會太甜 有果肉 總括黎講 幾好味 價錢適中 環境舒服 呢間泰式餐廳值得推薦

今日屋企人揀左黎食呢間泰國餐廳，一開始都無咩期望，但原來都幾好食喎半隻燒雞依家做緊優惠，$75！食落去燒烤味好重，而且仲搽左d蜜糖係面，甜甜地幾好食肉質雖然稱唔上好嫩滑但係都可以接受依家係街閒閒地叫碟菜都要成$70幾$80，所以小弟好少會係街叫菜食不過又係做緊優惠，碟菜只係$38，唔過份呀而且份量都好多，兩個人食啱哂呢個咖哩飯望落好似平平無奇，但好好食首先牛腩份量好多，不過略為un左dd～咖哩汁味道好正，帶微辣，甜甜地，送飯一流

新搬來何文田見食評ok 特登過嚟買了外賣1.泰式肉碎飯特價$40所以叫了，呢個已經係最好嘅選擇2.香茅豬扒$60未食過無味嘅豬扒3.咖喱牛腩飯$60差過大x活,大x樂冇辣味冇叻喱味，黃色水撈飯4.串燒沙爹牛柳牛肉柴皮咁個沙爹醬冇味屋企人再叫過嘢食先得，唉！

在這個新冠疫情蔓延時, 飲食業備受影响, 社交距離, 限聚令界線下, 就像打梗淘汰賽, 仍可維持良好食品和服務水準, 已可當作贏了一半！今晚在此餐廳享用的豬扒湯河, 以冬蔭公為湯底, 味道濃郁, 份量十足, 另外的腐乳通菜鹹淡適中, 炒菜配料多選擇, 還有馬拉盞, 蒜蓉...等, 特飲亦各具特色, 整體實在值得一再品嚐.

第一次來呢間野食，比80分，雞好滑，生菜包鹹甜辣度剛剛好，分量夠大碟$78好抵食，冬陰功湯唔算辣適合香港人口味，最差就系芒果糯米飯，下次來唔會再食，其他主食唔錯，不過我最中意都系☞海南雞同豬肉生菜包

舊式冬菇亭依然保留住，翻新左成為三間唔同餐廳，其中一間就係呢間天龍嘅泰國餐廳。午餐都係$48-60之間，包一杯飲品我同女朋友食左咖哩香茅雞扒飯，雞扒醃得好香，燒得夠香口，咖哩汁唔係茶餐廳果種港式咖哩汁，食得出汁醬入面包含左好多香料，因為有少少渣，而且唔辣，但略甜少少另一個叫左泰式雞絲炒金邊粉，碟頭好大好夠飽，金邊粉炒得夠鑊氣，而且口感剛剛好，非常煙韌，但係調味唔夠，比較淡食物非常好味，不過服務真係一般般，始終呢種地方唔會請到啲有質素嘅伙記，餐牌要叫先會比你，仲有啲質疑嘅態度，轉枱又話「岩岩食地走你地就坐落去」，坐唔坐你都要執枱架啦，而且又未叫野唔洗轉單，就算有新客都會坐，有咩問題呢！？

淨係食過午餐，天龍有好多野揀，幾正，唔會淨係得ａｂｃｄ餐咁悶。我已經去過幾次架喇～佢入座方式有少少特別既，先去ｃｏｕｎｔｅｒ買左飯先，佢會比飛仔你，再安排座位比你坐，所以千奇唔好心急一黎就霸左位先～～食過泰式雞絲金邊粉，炒得幾好既，不過個粉好似唔多甩有雞絲ｈａｈａａ，但個麵質都係我喜歡食既炒粉黎，夠乾身又夠味，另外，仲食過個天龍召牌湯河，入面好多料！！有牛丸、豬肉丸、扎肉同香茅雞翼！食到ｌａｍｌａｍ脷

呢間店開咗超過一年？覺得呢排D嘢食好味咗👍🏻平日諗唔到食乜，通常都會叫燒豬頸肉飯（配埋個辣汁好好味)、咖喱飯、海南雞飯，或者係冬陰功米線。今日見到新嘢食梗係要試啦，叫做醉貓炒河（其實點解係醉貓呢？）即係香葉肉碎炒河粉，大大碟，少少辣，夠惹味，仲要熱辣辣好有鑊氣。河粉係濶條河，好飽肚。呢間D炒嘢食真心唔錯。環境乾淨，好濶落，坐得又舒服。仲有得睇有線新聞台💛下次想試吓檸檬魚柳飯。邨內最愛食店之一！

星期日早上帶小孩去了愛民村附近, 接近中午當然醫好肚才回家. 難得可在舊式屋村遊走, 當然不想吃連鎖食店, 最终選了到冬菇亭. 翻新過的冬菇亭有冷氣, 真的不錯.冬菇亭有粥店, 有茶餐/小炒店, 而小孩愛吃海南雞飯, 所以直接走進天龍好了.  午餐價錢由四十多元起. 我們自行入座, 不必等位, 而當天可能店內剛坐下點餐的人比較多,  所以我們坐下侍應未及招呼, 但亦有示意要我們等一下.約3分鐘左右到我們點餐了, 大膽地2人點了兩個飯餐. 不夠10分鐘食物已來了(睇現場環境以為有排等的) 2碟飯的份量不少, 海南雞只有酸辣醬, 小孩不愛此醬不過仍吃得津津有味, 雞肉也算絒嫩滑, 反而雞飯太立口又沒應有雞油的香味.串燒火車頭炒飯就比較好味. 雖然油份重了點, 不過串燒(雞肉及豬肉)味道真不錯, 而且炒飯有芥蘭菜段, 洋蔥粒, 蛋及車厘茄在內, 好看又好味.結果我及小孩都完成9成以上的食物呢!! 熱飲不用加錢, 埋單102元.

住愛民短短兩年，最初小食亭是一般舊式茶記，領展改革後變化很大，以前可以講不堪入目，自從天龍同領鮮開業改變好大。喜見天龍越做越好，初初啲伙記係好傳統嘅茶餐廳大佬大姐，唔好話基本上嘅禮貌，簡直好似要你掉轉頭招呼佢，(好似愛民茶餐廳咁)。換咗啲後生同埋加咗啲套餐，套餐有蝦餅，串燒，泰式鳳爪沙律，咖哩牛腩再加6塊蒜蓉包，兩杯特飲都係218，抵食。侍應亦換咗一班年青肯做，唔講得話好高水準，但都食得過。最欣賞蝦餅同蒜蓉包，非常惹味。絕對唔係蟮稿，做街坊支持一下。

今日同老婆去愛民練考車，之後到夜晚肚肚地餓就去左附近搵野食。無黎一排，呢邊既鋪頭都唔同哂，之後我地行左去冬菇亨個邊，發現到呢度有一間新既泰菜，咁就決定入去試一試。因為時間已經唔早，唔駛排隊就已經可以入去，侍應好快帶左我地去一張四人枱，非常寬敞。睇完菜單，決定左叫一客串燒拼盤同紅咖哩雞，另加兩客靚仔。先講一講肉串，明顯係即燒既，肉質同火喉都控制得非常好，沙嗲汁同d肉非常夾，唯一不滿的是沙嗲汁份量不足，需要再要求多一碟，但因為等得有d耐串燒已經凍左。另外紅咖哩味道非常好味，感覺到係認真之作，勁推介大家一試，不過雞肉略「雪味濃」，成其中之敗筆。

食物質素一般，價格卻不是吸引，服務員需要改善對客人手法，否則，恐怕難有返頭客。我們叫了一客軟殼蟹，收$158但酥皮係唔脆，不算合格，海南雞飯還算可以，但不可稱讚好味。評價偏低，不會推介也不會再來。