天龍咖喱

營業中

休息中

天龍咖哩係元朗名物😍大份又抵食，男人可能都會食唔晒一個飯🤣咖喱味香濃，個汁唔係剩係得咖喱汁，仲有啲洋蔥同薯仔蓉，超正！另外隔籬枱食咖喱吉列豬扒飯超大塊，下次一定要去試！咖喱豬扒飯咖喱豬扒飯份量十足，其實已經嗌咗少飯，但仲係好多，嫩嫩的豬扒加上濃濃的咖喱醬，香氣撲鼻，配白飯一流 每一口都是滿滿的幸福感，特別適合喜歡咖喱的人！金牌牛魔王咖喱大四嘉囍飯這道咖喱有齊牛腩、牛筯、牛舌、牛肉，個名改得冇錯，牛魔王就一定啱㗎啦，牛腩煮得夠腍質地厚實鬆化，牛肉香軟味道濃郁，配上特製的咖喱醬，滿滿嘅洋蔥，唔會好辣，味道非常特別，啖啖肉加埋咖喱撈飯真係好正！另外仲有兩塊酥餅可以同朋友share😳蘸上咖喱超香口。香煎牛仔骨牛仔骨大過成個手板，骨肉分明肉質比較軟，容易入口。特級花枝丸炸得金黃酥脆，配上泰式辣醬，吃起來香得不得了。醬汁同丸搭配得相當好，口感層次分明！

一間喺合益路既咖哩飯小店，鋪面唔大，但飯既份量都幾大😅老細都好細心提到咖哩本身都係小辣，我見佢餐牌都有一堆唔辣既飯可以揀，不過既然主打咖哩，咁就緊係試下先啦！咖哩雞扒飯咖哩汁同雞扒係分開另上既，飯底份量好多，雞扒都有兩大件，煎得幾香口嫩滑。碟咖哩汁都好大兜呀！呢間咖哩同平時港或茶記食既都幾唔同，佢入面有勁多洋蔥碎，但已經煮到軟身哂，啲薯仔都煮得好綿，送飯係幾好既。咖哩滑牛肉飯咖哩滑牛都係大大兜上黎，就咁睇以為係汁多餸少啦，點知啲滑牛肉食極都仲有，起碼有十幾塊。滑牛食落都真係幾滑，而且唔柴，口感剛好，幾夾呢個多洋蔥既咖哩汁底。香酥雞香酥雞新鮮炸起，炸粉唔算厚，食落都幾香口既。順德炸鮮奶炸鮮奶外皮炸得酥脆，中間奶味幾香同軟綿，都ok。野飲方面都幾多款揀，試左佢地主打健康既柚子蜜茶，飲落唔太甜，冬天飲幾滋潤。

專門食港式咖喱的餐廳不多，而元朗應該得這一間天龍咖喱，所以我久不久都會來品嚐。他們的咖喱汁加入洋蔥和他們獨有的香料，顯得格外惹味，十分開胃。今次點了咖喱香煎青衣柳飯和咖喱羊架飯，三塊羊架和煎到恰到好處的青衣柳，配上他們獨有秘製的咖喱汁，非常香濃惹味。另外加了餐牌推薦的唐楊魷魚鬚和順德炸鮮奶，魷魚鬚炸到香脆味道一流，而炸鮮奶則香滑可口，非常特別。飲品方面，柚子梳打、話梅可樂，清爽解渴，十分配合今餐咖喱飯呢！

📍 天龍咖喱（元朗）除咗咖喱之外，仲有蔥油飯/冇咖喱既飯可以揀，就連小食款式都好多，店舖細細，座位都好舒適！✨ 惹爆蔥油三黃雞飯惹爆蔥油撈飯一流，三黃雞色澤金黃，皮脆肉嫩，而且份量好多，就算係一個男士嘅食量都夠晒！✨ 咖喱羊架飯咖喱帶點微辣🌶️ ，濃郁卻不油膩，羊架鮮嫩多汁，仲可以用手拎住食，另有一番風味🐑✨ 時令油菜食健康啲食吓菜先🥬✨ 牛肉薯餅牛肉薯餅口感外酥內軟，每啖都食到濃郁肉汁，配沙律醬，更美味😋✨ 蜂蜜柚子茶勁多柚子喺底 ，果然真材實料，蜂蜜亦都唔會太多，搞到好甜，反而加咗少少蜂蜜仲有少少滋潤嘅感覺🩷

咖喱都有好多種類，有日式甜咖喱，印度青紅黃咖喱，仲有天龍咖喱😆呢間餐廳嘅咖喱我個人認為都幾fresh，因為入邊有好多洋蔥、香料、紅椒同埋薯仔，小小香辣，醬汁唔會好黏稠，送埋飯覺得唔會好滯，係咖喱中唔錯嘅選擇。今次我就嗌咗🌟咖喱牛腩牛筋飯：牛筋同牛腩份量都幾足，牛筋軟腍腍，牛腩就有兩大舊。🌟芝士漢堡扒飯配豉油汁漢堡扒用牛肉肉整成，肉質比較結實，配埋芝士都幾match。🌟香脆牛奶卷兩條香脆嘅麵包包住牛奶芯，正常發揮唔錯，炸物炸得乾身。🌟蔬菜蝦仁春卷比較少見嘅蔬菜蝦仁春卷，感覺似條狀蝦餅，入邊有啲蔬菜，配咗椒鹽粉好惹味。🌟話梅冰可樂一向都好鍾意話梅嘅我，配埋可樂係最Perfect 㗎 ！食評總結：如果想試吓唔同口味嘅咖喱，我覺得呢間都唔錯，晚飯時間好多街坊幫襯，見到隔離嘅街坊推介咖喱牛脷飯，下次我都會試吓先。

天龍咖喱2月14日情人節，單身嘅我當然要搵美食陪我，今年我搵咗隻牛陪我過情人節，大家應該聽過「愛你愛到殺死你」，仲記得上次入到元朗食厚切牛脷，一食就回味無窮，「天龍咖哩」入面嘅牛脷係我情人，今次係我第二次回訪呢間餐廳，希望將來我會搵到肯陪我一齊食牛脷嘅真情人啦！呢間「天龍咖哩」門口係有一級，輪椅人士如果要入去食嘅話，記得自備斜板，入面空間雖然唔係好大，但都容納到我咁大部嘅輪椅，店員仲好好招呼，鍾意食咖哩嘅你記得要嚟試下啦！1.咖哩厚切牛脷飯$59+傷檸樂$13（9.5/10）呢碟咖哩厚切牛脷飯個牛脷勁厚勁大塊，牛脷有3大舊，今次牛脷咬落有少少韌，咖哩味非常香濃，辣度又唔會食到流鼻水，白飯份量夠多，足夠兩個人食，鍾意食牛脷嘅你真係要試下啦！傷檸樂：呢杯傷檸樂入面有兩種檸檬，黃檸檬同青檸檬，再加埋一罐可口可樂，唔算太酸，飲到我唔會太傷心，哈哈！2.咖哩滑牛肉飯$59+青檸柑桔蜜$8（9.5/10）呢碟咖哩滑牛肉飯個牛肉真係幾嫩滑，牛肉片都唔少，大約有10片牛肉片，咖哩味非常香濃，辣度又唔會食到流鼻水，白飯份量夠多，足夠兩個人食，整體唔錯！青檸柑桔蜜：呢杯青檸柑桔蜜唔會太酸，又唔會太甜，味道

上次黎已經係夏天Lu~有少少懷念呢度D咖喱，今日特登過來，好幸運可以食到特色小菜😉【生煎羊架飯】羊肉愛好者的必點之選，羊架有少少騷味，好香，同時又會外酥裡嫩，配上牛舌實在不錯😝【厚切牛俐飯】牛俐煮得夠鯰，一口咬下去啖啖肉，這份主菜簡直是經典☺️【炸鮮奶】簡直是炸物中的經典，外脆內嫩，甜甜的😁【椰子冰】椰子味比較濃，好想飲多杯😍【鹹檸碧】每一口都讓人感受到鹹檸檬的香味👍好味指數：9/10 性價比指數：9/10餐廳名稱：天龍咖喱 餐廳地址：元朗合益路17-53號合益中心地下23號舖

主打咖哩嘅天龍係低調得嚟出名嘅用心小店，水準保持得好穩定，深受區內街坊歡迎咖哩羊架飯 - 足足三大件羊架，份量媲美西餐廳，燒到皮脆肉亂，羊肉香味突出，肉質軟腍，配埋咖喱味道更有層次蔬菜蝦卷 - 外皮炸到脆卜卜好香口，滿滿嘅蔬菜蝦餡料，爽口彈牙，口感豐富天龍雞皮卷 - 雞皮口感煙韌得嚟唔會話難咬，包住紱嫩嘅雞肉，啖啖肉咁食得好滋味咖哩牛腩牛筋飯 - 咖喱香氣撲鼻，牛腩牛筋好入味，有咬口得嚟完全唔韌，仲有粒粒都煮到好入味同淋身嘅薯仔凍奶茶 - 茶底香濃，口感順滑，甜度剛剛好凍鴛鴦 - 咖啡味濃厚，提神之選店面簡潔乾淨，街坊小店嚟講唔算逼之餘仲坐得幾舒服，上茶速度快，份量十足，水準穩定，幾抵食餐牌選擇唔少，特飲都有，就算嚟得多都唔會厭，值得推介

天龍咖喱元朗地區地址: 元朗合益路17-53號合益中心地下23號舖人均消費大約$51-100「天龍雞皮卷」!天龍雞皮卷 $42 ~ 雞皮炸到脆卜卜, 一咬就覺得雞肉好嫩滑入口爆汁, 雞皮愛好者必試金牌牛魔王咖喱牛大四囍飯呢個飯係餐廳最Signature嘅咖喱飯，個咖喱汁入面有濃濃嘅洋蔥碎，所以食落口感勁豐富。入面嘅牛腩，牛筋，牛舌 同牛肉片都炆得好入味，最驚喜係塊牛舌有我半個手板咁大咖喱香煎青衣柳飯這道咖喱香煎青衣柳飯都好正，青衣柳魚煎得香酥可口，配上特製的咖喱醬，滿滿嘅洋蔥，唔會好辣，味道非常特別。青衣柳魚肉鮮嫩，啖啖肉加埋咖喱撈飯真係好好食

星期日放假補完眠就出去元朗陪姑媽買野兼醫肚，去左合益街市附近兜下睇下有咩好食，見到Tiffany blue既天龍咖哩就去試下都幾多人。叫左兩個主食、兩個小食同兩杯野飲🐮金牌牛魔王咖哩牛大四囍飯 (附油酥餅兩塊) $114真心好大碟，除左牛腩仲要皮、牛筋、牛肉、牛舌，當然唔少得薯仔。咖哩好香椰汁味，唔算太辣、牛筋炆到好腍好黏口，係我喜歡既口感。牛腩大舊厚肉、塊皮可以話係精華所在，保持到QQ口感都唔會韌。咖哩飯好少會見到有牛肉，口感爽滑。牛舌超大塊，有我半個手掌咁大塊，非常入味軟爛口感。咖哩汁除左撈飯外，仲可以蘸油酥餅，大滿足。🐑生煎香草羊架飯$98一上枱就聞到香噴噴既羊肉味，食落口一d都唔騷，火喉剛剛好，直接揸住黎食正過用刀叉。🐥天龍雞皮卷$42雞皮脆卜卜，包住既雞脾肉鮮嫰多汁，蘸埋泰式甜辣醬，別有一番風味，呢款個人覺得幾有驚喜。🦑唐揚魷魚鬚$48份量都唔少，食落十分香口，有埋沙律醬。🥥椰子冰香濃既椰子味，唔會太甜，幾鍾意。🍋‍🟩凍青檸柑桔蜜食左咁多熱氣野，飲呢杯濯下喉就啱晒。

耐唔時想食咖喱就會去位於合益路嘅天龍咖哩，我覺得佢哋嘅咖喱絕對可以做到元朗名物 咖喱牛仔骨飯咖喱牛仔骨飯真的超級好吃！嫩嫩的牛仔骨加上濃濃的咖喱醬，香氣撲鼻，搭配白飯簡直完美。每一口都是滿滿的幸福感，特別適合喜歡咖喱的人！咖喱香煎青衣柳飯這道咖喱香煎青衣柳飯都好正，青衣柳魚煎得香酥可口，配上特製的咖喱醬，滿滿嘅洋蔥，唔會好辣，味道非常特別。青衣柳魚肉鮮嫩，啖啖肉加埋咖喱撈飯真係好好食唐揚魷魚鬚魷魚鬚裹上粉炸得金黃酥脆，外酥內嫩，口感超棒，加啲美乃滋同檸檬，更加美味天龍雞皮卷雞皮包裹著鮮嫩的肉或蔬菜，炸得金黃酥脆，吃起來香得不得了。雞皮的油脂和裡面的餡料搭配得相當好，口感層次分明！椰汁冰椰汁味香濃滑滑，食完咖喱解辣一流

元朗出名多好野食，所以趁今日放假就同朋友入元朗試下呢間好多人推介嘅餐廳。睇完個餐牌勁多野都想食，最後我地簡左兩個飯同兩個小食share。金牌牛魔王咖喱牛大四囍飯呢個飯係餐廳最Signature嘅咖喱飯，個咖喱汁入面有濃濃嘅洋蔥碎，所以食落口感勁豐富。入面嘅牛腩，牛筋，牛舌 同牛肉片都炆得好入味，最驚喜係塊牛舌有我半個手板咁大，咬落去好淋，一d都唔韌，個飯仲配埋兩塊油酥餅，油酥餅點咖哩汁都係勁夾😋咖喱豬扒飯豬扒煎得剛剛好，唔會鞋口，同埋佢個咖喱汁係另上， 可以自己控制返每啖飯同咖喱汁嘅比例😚雞皮餃子香脆嘅雞皮包住肉餡真係好正，外脆內軟，一咬落去d雞油香就出哂黎，但食完又唔會好漏香酥雞類似台灣嘅鹽酥雞，但大舊好多，啖啖都係肉，炸粉唔會太厚，可以配埋酸甜醬一齊食都非常可口我地仲叫左兩杯特飲，椰子冰同柚子梳打，為呢餐錦上添花。好親民嘅價錢就食到咁高質嘅咖喱飯，性價比極高，真係唔可以錯過呀！

周末跟朋友過來元朗，去完恆香買完餅，想找個地方吃飯，剛好經過天龍咖哩，朋友說很久未吃過咖哩了，想吃。那時都差不多3點了，裏面還是滿座。我和朋友等了一回，有座位便進去。這裏的選擇也很多，也照顧到不想吃辣的朋友。我點了不辣的魚柳飯，朋友點了咖哩飯。♥️咖哩吉列豬扒飯 一上菜，豬扒非常大塊，炸得非常香脆。終於明白為什麼客人那麼多了，才5X元，真得份量相當驚人，咖哩味濃但不太辣，而且咖哩和飯分開，相當貼心。♥️香煎魚柳飯 魚柳超級巨型，煎得相常香脆，我一個人吃不了，下次再來真的要叫少飯。♥️順德炸鮮奶 炸鮮奶，外皮鬆脆，內裏鮮奶香甜，奶味濃郁。♥️唐揚魷魚鬚 魷魚鬚炸得相當香脆，魷魚鮮味。口感彈牙。🍹傷檸樂檸檬及咸檸份量也很多，配上可樂，咸酸甜非常有層次，而且非常解渴。🍹話梅可樂話梅味相當香濃，配上可樂，非常可口。天龍咖哩元朗合益路17-53號合益中心地下23號舖#天龍咖哩 #元朗 #元朗美食 #元朗美食打卡 #咖哩飯 #咖哩 #香港旅行 #香港美食 #元朗好去處 #香港好去處

今日同朋友去開雞地食飯 突然間好想食港式咖哩 知道呢度開咗間天龍咖哩 佢哋嘅咖哩都好出名 就好想試下自己本身係牛魔王 就梗係要嗌個咖哩牛魔王大四喜飯 份量真係好多 咖哩辣度食中啱香港人食 最鍾意入面個牛腩炆得好入味 牛筋都好唔錯另外朋友嗌咗個咖哩豬扒飯 有時餐廳叫豬扒都有啲緊張因為驚煎得好乾 但係呢度完全冇呢個問題而且仲好juicy 外脆內軟 整得啱啱好 食完咖哩都想食返啲清清地嘅菜 嗌咗碟油菜 係時令嘅菜心 份量都算多炒得好綠整體性價比都好唔錯 值得推介

襯今日去咗大世北，一於試下最近好多人推介嘅元朗平民飯堂 天龍咖哩我哋2個人總共叫左2個主食 2個小食 2杯飲品後來發現其實可以叫少啲，因為真係好夠飽但樣樣都好食，真係有啲難揀主食咖哩牛仔骨飯 咖哩吉列豬扒飯: 咖哩份量好多，會係分開用碗上，入面會有薯仔粒，真材實料！因為係港式咖哩，所以要有心理準備係會有少少辣我大推吉列豬扒，炸得好鬆脆，皮又薄，啖啖肉，基本上係可以直接用吉列豬扒餸飯，唔使用咖喱汁小食唐揚魷魚鬚: 炸物真係好出色，味道都好食，強烈建議大家一定要揀至少1款炸物食孜然羊架: 唔會太重騷味，而且肉好鬆軟，唔會澀野飲方面都有好多選擇，尤其特飲及時令飲品，總有一款岩飲整體食物都比想像中好食，大推大家去試！