天鳥居酒屋

營業中

休息中

天水圍站📍天鳥居酒屋-新一年第一餐都要食好d💡慶祝2022開始🍾️希望大家新一年都豐衣足食，日日有口福🤍極上壽司盛盒（$158）呢個壽司盛盒總共有8件壽司、4件卷物同埋1舊厚嘅玉子燒🍣海膽壽司鮮甜又creamy，仲有淡淡海水味。三文魚籽壽司甜而不腬，食完之後個口都係食陣油香味😽黑松露赤蝦壽司好彈牙爽口不過黑松露味略淡。北寄貝壽司都好甘甜、爽脆柔嫩，女朋友至愛😍另外有吞拿魚蓉卷，入面有少少青瓜絲，配搭埋一齊感覺都幾清新。壽司盛盒整體黎講都幾ok，舊舊都好味😋迷你火炙醬油三文魚帆立貝丼拼紫菜蟹柳烏冬（$85）由三粒火炙帆立貝同埋三片火炙三文魚片組成嘅迷你丼都幾惹味，不過三文魚片比較薄。呢個set包埋一碗蟹柳紫菜烏冬，味道不過不失，份量黎講就啱晒大胃王。以上兩個set lunch都包左櫻花蝦沙律、茶碗蒸、味增湯同埋綠茶蕨餅。環境方面，裝修非常日本風，如果係坐卡位嘅話就好有居酒屋嘅格調🎏落單採取自助scan QR code嘅形式，都幾方便👍🏻

上星期五放工 自己一個 去左天水圍一間居酒屋me time dinner 有朋友介紹過好食咪去試下 搭輕鐵係頌富站落車 都方便易搵ge間居酒屋環境佈置真係幾似去左日本居酒屋咁 好掛住日本海赤蝦三色丼飯＄98有3隻大大隻ge蝦 好肥美又鮮甜 三文魚亦都好好食 仲配埋蟹膏tim 呢個飯仲有個特別之處 就係飯上面佢加左一d飯素 令成個丼再加分 正益力多燈＄24唔想飲酒 點左杯特飲 都唔錯鮮帶子刺身（三片）＄45嘩 3片帶子大大隻 好鮮甜肥美 太正喇法國皇家蠔 $52 per 一隻我最鍾意食生蠔 呢個重頭戲冇令我失望 雖然細細隻 但真係好鮮甜 同醬汁好夾 特別一提 佢有係夾榨檸檬汁 好方便總括而言 呢餐happy friday me time dinner令我好滿足 正呀

有驚喜既日式餐廳！今日附近餐廳都唔多人, 唯美依間餐廳要排隊拎飛, 等左十幾分鐘就有位～叫左個極上壽司盛合～ 有驚喜！ 整體好新鮮壽司9貫 海膽同三文魚籽好甜 夠肥美 有依2件已經抵番晒！ 另外仲有三文魚同花之戀～ 岩晒鐘意食三文魚既朋友另外仲有吞拿魚 帆立貝 深魚池魚 非常新鮮！仲有3個蔥拖羅卷, 好出色！！ 另外仲有一舊玉子 夠甜～實物同menu 真係差別唔大 好評！距外叫左個刺身, 係愛媛縣八幡鯛 口感好好！個皮都好味！整體性價都唔錯既日式餐廳！下次會試埋佢既熟食

依間商場都算區內多日本餐廳, 就算好多連鎖店, 依間小店都仲生存三 仲大排長龍, 可能就正正因為佢既人情味？ 見到店員同客人講野都好friendly 而唔係有距離感果種禮貌～有一個季節限定既menu, 有齊當造既食材～我地就揀左愛媛縣八幡鯛既刺身 $88/3切. 食落肉質甜嫩, 油份都幾高另外試下佢地既丼飯！ 聽講個名有店舖名都唔會差, 依個天鳥丼果然唔錯！ 有雜錦魚生, 例如三文魚 吞拿魚, 三文魚籽, 仲有馬糞海膽同碎蔥拖羅！整體好新鮮 海膽好有驚喜！

天水圍T Town越黎越多美食，今日去食日本菜。呢度嘅下午茶好抵食，又包熱飲👍🏻金線雕3切 $78今日啱啱到嘅魚生，師傅採用燒霜手法，烤熟刺身表面，但保持裏面係生嘅狀態。食落肉質非常鮮嫩，加上少少嘅鹹味，真係令人回味無窮🤤什錦魚生丼（轉大盛）$73幾豐富，有三文魚、希靈魚、蟹籽、帶子、魷魚片、北寄貝沙律，鮮甜新鮮，我尤其鍾意個沙律。飯粒圓潤飽滿、有咬口。精選芝士蛋糕 +$28係柚子芝士蛋糕，芝士層味道香濃，質感細緻、略為Q彈，表面仲有粒粒柚子，清新香甜，餅底香口。熱蜂蜜薑茶 $0暖胃滋潤，適合而家轉涼嘅天氣🍂上菜速度好快，女職員阿寶幾好服務態度，有下次吖😋

今日同朋友仔去天水圍嘅濕地公園玩 有啲肚餓就去咗T Town商場睇吓有咩食 見到呢間日本菜門口好多人排隊 就入咗去試吓 大約等咗半個鐘到😉呢度嘅裝修好有日本嘅傳統風格 佢哋星期六有提供午市套餐 全部免加一👍🏻我哋一人點左一個午市套餐 套餐包括日式茶碗蒸 野菜沙律 甜品 玄米綠茶😆今日嘅甜品係綠茶糯米糍🍵我哋叫咗一個吉列豬烏冬 配豚骨魚介湯 $78👍🏻 吉列豬扒揸得好香脆 有燒汁同埋沙律醬提供 烏冬好彈牙 湯底豬骨味好濃 應該係用新鮮嘅食材煲出黎炙燒三文魚腩左口魚背脆脆飯 $85 三文魚腩好新鮮 入口即溶 燒得剛剛好 配埋脆脆同玉子 特別開胃😍另外佢仲有一張餐牌係季節推薦 我哋揀咗入面嘅伊比利亞串燒黑豚豬頸肉(2串) $42 肉汁鮮嫩 好香碳燒味😎仲有兩件手卷

行過呢個商場，記得好耐之前喺度食過日本嘢平日夜晚周圍都要等位見呢度等兩三張枱就食呢間喇。吉列豬扒定食$66睇相已經覺得個吉列豬扒炸得好吸引🤤分量一個女仔啱啱好唔算好Juicy，但味道都唔錯!脆卜卜，炸粉薄，肉質唔算鞋大大粒雜錦魚生野菜沙律$87好多粒帶子同三文魚，算幾抵食想平平哋食到唔同刺身係好選擇宮崎縣劍魚腩壽司$38最後想食埋劍魚腩先滿足，超肥美。一入門口有卡位坐得舒服啲入到去全部都係櫈仔就有少少迫不過都算抵食。

位於天水圍的日式料理-天鳥居酒屋🏮位置方便 環境舒服 行日式風格⛩設多個位置 大大粒雜錦魚生飯$85飽肚之選😈滿滿的魚生 真係啖啖魚生飯啊😆呢度有魷魚 芥辣八爪魚🐙三文魚 一隻刺身蝦比起坊間既魚生飯 與眾不同😳8件壽司盛盒配牛肉手打烏冬$100呢個組合滿足晒我2個願望🥰壽司🍣好新鮮!!牛肉手打烏冬 雖然係迷你尺寸 但因為係手打烏冬既緣故 所以都有d飽肚感🤪日本真牡蠣壽司$38/1大滿足既真牡蠣壽司🍣味道十分之鮮甜厚肉😋火炙手釣池魚壽司$10/1是日精選🤩係店員獨定推薦😝又幾有驚喜🤤果然冇介紹錯😃

我之前已經用過兩至三次t&g 嘅消費劵 個日啊妹落去買嘢食 入左我張消費劵落佢手機 但到最後唔知係手機定佢地部機嘅問題 用唔到 啊妹同佢地講 之前都試過用 點解唔得 個女店員答佢可以用t&g 但唔可以用t&g 嘅消費券 仲叫我啊妹拎張實卡俾佢 笑死我咩 消費劵除左八達通之外 係無實體卡 仲有用到t&g 但唔可以用t&g 嘅消費券係咩邏輯？都唔緊要 唔想同佢地執著 於是就拎現金落去俾錢 啊妹就繼續係間餐廳等 點知佢地自己出左張單 其後仲拎埋嘢食出黎 好似焗我地俾錢咁 仲要啊妹係等嘅其間 佢地不停俾說話啊妹聽 大佬你地個大人 咁樣恰個學生。。。最後講一講 我之後再去幫襯 我特登用t&g 嘅消費劵 我手機顯示成功付款 佢部機出埋張單 原來咁樣係唔收t&g 嘅消費劵唔識收呢啲就唔好懶係科技發達或者識好多咁啦 用下腦先講啦 仲要扮曬蟹

今日又同我嘅好朋友high tea!呢間居酒屋，居然有下午茶喎！咁就去試吓啦！選擇亦都算多嘅！今日大家都叫咗唔同嘅嘢食！我就叫咗個生牛肉蕃茄烏冬嘅！烏冬質地都唔錯嘅！有啲似手打嘅！湯底都有蕃茄味！但唔算濃郁！只係有少少鹹，但係可以接受！然後仲有四件壽司！三文魚就都算新鮮嘅！魷魚都OK！唔會太腥！另外一件唔知係什麼同埋蟹子，普普通通不過不失，蟹子都是足料嘅！至於飲品嗰度就可以再做好啲啦！奶茶又唔係好夠滑！有啲澀！下次可以試吓其他飲品！或許有驚喜呢！

今晚自己食自己，就食返呢間食過幾次的居酒屋吉列豬扒烏冬，豬扒上先，等左一陣至上烏冬，雖然如此，但豬扒冇淋到，仲好脆口，反而等左一陣至食仲好，因為豬扒係即炸，即食會太熱氣，烏冬好滑身，配上好多海帶同粟米，好似健康少少👍🏻雞軟骨，平時老婆唔比我叫，一來話肥，二來話唔健康，今日佢唔係度，我可以食喇，雞軟骨炸得乾身，好脆口，味道啱啱好，如果你係重口味，咁可以加粉紅岩鹽同辣粉。會有另一番風味.鰻魚壽司，帆立貝壽司，八幡鯛壽司同鯛魚腩壽司🍣鯛魚腩壽司好好味，好似食緊吞拿魚的口感，帆立貝壽司好鮮甜

一直都知道呢間居酒屋好多人幫襯，今晚預早book位去食一入居酒屋，就見到好多日式擺設，仲播住日本歌，好似返左鄉下咁我地2個女仔叫左一個牛肉火鍋，原因係見枱枱都有人叫，應該好味，所以叫牛油果軟殼蟹沙律，同少少壽司牛油果軟殼蟹沙律份量唔少，有3大隻蟹件，炸粉唔多，好味，沙律係配上胡麻醬加柚子醋，牛油果都有半個，夠熟，好味，沙律菜好fresh, 2個人食啱啱好牛肉壽喜燒好似吉x家咁，但好大份量，大約2-3人食，有大約6片牛肉，牛肉正常，但值得一提係佢入面的配菜超多，食極都食唔完，除一般有的娃娃菜，豆腐外，仲有粉絲，秋葵同羽衣甘藍呢d貴格材料壽司就叫左一客帶子同八幡鯛帶子唔腥，八幡鯛就第一次食，夠爽口

近排都食過幾次元朗d貴價居酒屋，今次一於試下天水圍既居酒屋，之前行過睇過d餐牌價錢都算平，今日一於同老友一試。晚飯黎食都驚多人要排隊，我地都6點鬆d就到，門口攞完飛等10分鐘就入得，門口有得拎個口罩袋好有型點餐係掃code的，而家好多餐廳都咁玩，感覺都幾好侍應無咁忙，客人又可以慢慢睇慢慢落單，叫左呢d食物櫻花星空係雞尾酒黎，太細杯串燒粟米好食，牛油少少咸粟米夠甜串燒雞腿根幾特別，雞肉嫩滑有汁帶少少筋，但唔鍾意食筋既朋友要留意下啦串燒雞肉棒價錢比出面居酒屋平，出面3十幾蚊枝，呢度33蚊有兩枝，味道都差唔多，幾抵食，免治雞肉帶點軟骨，好特別既口感黑松露玉子燒，味道都ok，係細粒左d，食左粒先記得影相鵝肝海鮮炒飯好足料，有d3文魚粒，章魚粒蝦粒，飯係珍珠米炒得都算粒粒分明，又係食左d先記得影相個牡丹蝦刺身就有d失色，師父做法係幫你起晒蝦頭起埋尾，蝦膏放上蝦度俾你一啖食晒，做法係唔錯，但隻蝦食落唔鮮唔甜，感覺唔多新鮮，扣分整體黎講食熟食無唔錯既，性價比算ok，無試壽司，刺身就剩係試左牡丹蝦（唔靚），其實他未試唔知，

下午3點轉下午茶，2點十個字就話無午市，轉下午茶。OK，無問題，第一次食咪試下。見間店都7成空，咁咪問可唔可以入去坐住等，大拿拿十分鍾企係門口等?反正都無得點午市MENU咪話想入去坐住等，入去坐喊定下午茶，點知個侍應又話收緊台，唔比入，有睇既人都知上面講左7成空，完全唔明唔比入既原因係乜，侍應懶做趕客? 咁學咩人收加一服務費。茶樓飲茶D侍應見你早喊左都叫你等一陣先落單，下午茶抵食D啦，跟住最好笑既係下午茶賣埋D垃圾烏冬，壽司鰻魚剌身都無，學咩人賣日本野。

去得食嘢，當然係想坐得舒適，食得合適。呢間喺大西北嘅居酒屋雖然喺街坊商場，但都空間感大，坐得幾舒服😌牆上面都有啲日系嘅掛飾同畫，係營造緊居酒屋嘅格調，都幾有意思。咁雖然係中午，但都想試下呢間居酒屋嘅日本嘢。係用手機掃收據嘅QR Code落單嘅，都幾方便。Menu上面嘅選擇都唔少，價錢實惠。未落完單，都已經送上咗一set前菜：沙律，茶碗蒸同小甜品。首先上嘅係鰻魚手卷，一個字，正！鰻魚好有味道同埋手卷大小都適中，食落覺得好滿足😏之後就係壽司拼盤，有成十種咁多！係鐘意樣樣都試下嘅好味之選😜花之戀，唔錯唔錯！海膽，都幾好食。仲有另外兩款壽司，都幾鮮同好食：等菜都唔算等好耐，同埋嘢食都ok，去開附近都可以一試㗎！