天羽壽司刺身專門店 (已結業)

天羽壽司係巷仔入面，完全唔起眼，因為附近有好多裝修得好靚既日本舖，你好多時就會錯過左。我都係有幸有朋友係附近工作，先有機會試到。你可以堂食，又可以外賣，但我今次堂食經驗一般，因為冷氣機滴水，中左招壽司質素好好，好新鮮，值得推介係蟹子蟹肉腐皮壽司（$8)，甜甜地既腐皮包住爽口既蟹子，味道清新又好食三文魚加州卷（$25) 唔錯，超大舊，三文魚都多，令人好滿足帆立貝壽司（$8) 新鮮肥美，要encore鰻魚飯（$55) 望落細細兜，但係好夠飽，熱辣辣，好香好肥美，汁又夠多火灸芝士玉子（$6) 芝士醬同玉子好夾，食落漿住個口，大推火炙芝士皇帝蟹棒（$12) 必點，條蟹棒一啖係塞唔晒入口，要分兩啖食焦糖鵝肝（$28) 最最最正，焦糖既外層令你咬落會脆脆地，又甜甜地，入面又好軟滑，而且油香滲埋落飯到，融合一齊真係世界級享受海膽手卷（$35) 係足足半版海膽架，先$35,非常抵，好鮮甜，好想再食呀大家記得預佢即整，會等得耐少少架，我自己最耐係等左超過八個字，但為左食，等一陣都值得💪🏿…查看更多

天羽壽司刺身專門店🍣依間壽司店設有whatsapp落單外賣自取服務，因為舖面較小，只有2個位，所以唔係成日有位坐，通常外賣較多。1️⃣黑松露玻璃蝦壽司🦐 $8黑松露同玻璃蝦刺身好夾，玻璃蝦刺身肉質夠厚身又夠彈性。2️⃣火炙芝士玉子壽司🧀🥚 $6玉子好甜好大塊，一啖食唔哂，上面層火炙芝士真係好加分，入面仲有一粒粒既芝士(⁎⁍̴̛ᴗ⁍̴̛⁎)3️⃣火灸芝士三文魚壽司🧀🐟 $6同樣都係好中意既火炙芝士，依個火炙三文魚唔會好薄，肉質肥美，脂肪均勻，燒完仲更加有口感!4️⃣饅魚壽司🐟 $6饅魚切得好厚，受熱均勻，魚肉微微帶左一點腥味，不過有醬汁既配搭令到冇咁腥，反而仲甜甜地！5️⃣汁燒牛肉壽司🥩 $10依個我都好推薦(⁎⁍̴̛ᴗ⁍̴̛⁎)個牛肉幾乎冇乜脂肪，肉質唔會太靭，加埋個醬汁真係好juicy!仲叫左辣味三文魚手卷同蟹子沙律手卷，$10黎講都好大份，性價比高！…查看更多

開係屋企附近我成日幫襯:)裝潢普通，平民價錢，但有高質壽司刺身價錢雖然平但質素高！師傅絕對有要求，全部壽司刺身即叫即製保持質素～等一陣絕對值得～我會早d whatsapp落order，去到好快就有得拎～:)$3件三文魚壽司咁平都絕不欺場味道食得出係用新鮮靚三文魚，$3件有呢個厚度同長度係勁抵食今次仲有少少腩位～正帆立貝$8/件都好新鮮，食得出係用日本帆立貝極力推薦！$18/件海膽鮮甜軟滑！入口即溶既感覺超正呀！海膽滿瀉～芝麻八爪魚/螺肉/腐皮蟹籽沙律都好足料好好味八爪魚$4/件新鮮帶八爪魚香味鰻魚又長又厚味道一流:)希望大家多多支持高質小店！…查看更多

天羽雖然得好少位堂食，但外賣都一樣新鮮！天羽既三文魚腩個厚度一定唔會令你失望，如果大膽嘗試，可以試吓平時壽司店食唔到嘅款式。咁又唔特別推介汁燒魚皮同埋焦糖鵝肝！價錢仲好抵食添！仲可以電話預訂㗎！…查看更多

每個星期至少黎兩 三次，之前都係食爭鮮外賣，但自從試左依間就返唔到轉頭。全部食物都係即叫即做，品質非常好，價錢合理，啲料亦好足。特別推介海膽手卷，海膽份量非常多，而且好新鮮。亦都好鐘意厚切壽司。同埋可以係whatsapp落order，慳番好多時間，去到即刻有得攞。…查看更多