天然甜品

營業中

休息中

今日天氣實在太熱, 係長洲遊覽咗ㄧ小時後, 好想即刻找ㄧ間有冷氣而又有位坐的甜品舖頭飲杯沙冰解熱。我同老公無意中找到這間天然甜品, ㄧ坐下急不及待點了兩杯芒果沙冰(本人太口渴, 唔記得影相), 第ㄧ啖已充滿芒果鮮味, 不像某些甜品舖狂加糖水, 不是太甜, 唔錯唔錯, 之後再點了兩個芒果糯米磁, 雖然唔算大個, 但糯米軟绵绵, 芒果肉鮮甜。下次來長洲, ㄧ定會再捧場。

去長洲一定去呢間天然甜品店食野，因為好食得呢又平。唔知係咪星期日太熱，無咩人去長洲。平時都要等下位，今日一入去就有位。真好我地一行四人，食左招牌芒果糯米糍、榴連糯米糍、椰汁雪蛤黑糯米、雜果茯苓膏、糖不甩、仲有一個唔記得係咩什果我個黑糯米好足料，加埋椰汁好好味，椰汁分量都好多。芒果糯米糍不用完說，8蚊雞，糯米糍入面大大舊芒果，好好食。榴連糯米糍（8蚊雞）味道都好濃郁，好香，不過記得要食左芒果先，唔係就比榴連味蓋過芒果味食個時，坐係我對面個friend係咁話好大味😅😅😅我都試左少少個茯苓膏，有少少苦苦地，唔錯👍

端午节一行四人来长洲岛行山同埋食野，睇龍舟比賽。長洲島有好多唔錯甜品店，我最終選咗呢間，物超所值！選擇多價錢合理。四個女仔要咗八樣甜品上圖！其中我最最最鍾意栗子豆腐花，朋友鍾意薑汁撞奶同酸梅湯（未影相）

This dessert place is located in the heart of cheung chau. It is not hard to find because you would see a number of people lining up in front of the store. Their mango cube in a round clear jello are quite famous(at least that is what we came for). We ordered two desserts, the first one is mixed fruits with something like coconut milk in a bowl, and a bowl of coconut milk mango purée with chopped mango and shredded grapefruit on top. The texture of the mango cube jello is chewy, the mango inside

桂花香芒卷（$10）三色雪凍香芒湯圓（$30）👅大家黎親長洲係咪都會鍾意食呢間甜品架？☺️我就最like呢度嘅雪凍同埋香芒湯圓啦😆因為都係出面見唔到有嘅，仲有個香芒桂花卷都係幾正正子的！😋雪凍係類似糯米糍咁但係入面包住雪糕😍外皮就沾滿晒啲芝麻同花生碎粒🥜一咬就知自己有冇敏感牙齒啦😂😂而香芒湯圓就係爽口嘅透明珠入面包住甜甜嘅芒果👍🏻但事關呢個甜品係豆腐花底😲所以食落有啲失望因為豆腐花麻麻哋再加埋啲涼粉又出晒水咁搞到成件事差咗🙁🙁所以大家食既話就唔好嗌豆腐花底啦😗😗另外個香芒桂花卷係好得我歡心🤗外面嗰層桂花啫喱滑嘟嘟咁好爽口又有桂花香，中間個芒果又甜喎，成件事好清新😌

有間甜品店真係好好食，好食到每次黎長洲都會食一次！佢叫天然。甜品價錢相當經濟實惠，廿幾蚊已經有得食。今次叫雪凍凍奶。我最中意食佢既雪凍，即係花生粒包住雪糕，口感豐富。頂層芒果夠甜，奶凍加花奶滑上加滑，冇得輸！

大家都何長洲出名甜品係大大粒糯米糍，哩間都有好多人黎買！但其實佢嘅其他甜品都大件夾抵食！雖然無影佢嘅menu，佢一碗可以平到十蚊唔洗！ 有多combination比大家揀.今次我就揀左雜果椰汁湯丸凍奶！啲芒果好甜 個湯丸係蒟蒻 個人勁中意 ！

揀平日入嚟長洲係非常正確, 星期六/日/假日必定坐無虛席嘅天然甜品 (就算外賣都要排隊慢慢等) 今日終於可以入去HEA住坐 慢慢嘆糖水了.鮮雜果西米露 $23.00--都有好多生果啊 有西瓜, 蜜瓜, 哈蜜瓜, 芒果, 火龍果...  百厭仔一個人清晒就知yummy啦!栗子豆腐花 $12.00--豆腐花非常滑溜, 加有少許白果腐竹糖水, 配上幾粒粉林栗子, 味道清新椰汁粟米馬蹄露 $12.00--味道唔太甜, 椰汁香, 粟米馬蹄有少許咬口, 掂!埋單$47.00咋 一個字 抵!

黎長洲又點可以唔試甜品呢😍肥呀！呢杯雪糕香芒椰汁冰不太甜，芒果味好香，加上有堅.芒果肉，好飲👍🏻但令人失望既地方係四點幾就無晒香芒湯圓類產品、芒果糯米糍、桂花香芒卷。。唔通真係要唔食午餐，就食甜品🤔如果老闆可以係假日做多啲呢啲甘受歡迎既甜品就好了同場加映，新成員，為食兄妹&為食豬😝以後一齊帶大家搵食#smalltoysinbigworld00 #肥仔獸為食團 #為食家庭食通天

之前黎過呢度食榴槤布丁，覺得好食，所以今次入黎帶埋fd過黎食，但係依家個布丁一d都唔好食，散收收，入口即時散到渣狀咁。除左呢樣唔講，服務態度真係好差，唔會再黎呢度食，亦都唔建議朋友黎。今日酷熱天氣，仲特登由沙灘過黎呢度食，點知坐低半個鐘多d，就比人叫我地唔好喺度玩手機，叫我地走，明明我地d野食都未食完，而出面又冇人等位，真係唔明我地係黎食野定係黎受氣。

天然長洲之旅食食食！呢間係每次來長洲必到嘅甜品店，大家來到，好在大枱有位置容納晒我哋咁多人，地方光猛乾淨！店員好勤快遞上餐牌！大家即刻叫自己最愛！楊枝甘露（$14）肥髀食晒！芒果糯米糍（$7）皮薄芒果厚肉，芒果酸甜！正！椰汁粟米馬蹄露（$12）呢款我食，西米煮得透好滑，椰汁滑，粟米粒多，增加咬口，難得味道不過甜，仲食到各種食物嘅原味！薑汁撞奶（$17）試了一啖，燉奶滑，但薑味超勁，係會覺得好辣！足料過了火！栗子豆腐花（$12）呢種豆腐花未試過，豆腐花滑溜，豆味濃，味道微甜！栗子碎煲得淋！唔使再加黃糖都好味！呢間中西甜品選擇都多！今次試嘅熱甜品比較多，亦有新意有驚喜！希望每次來都有新鮮感！

今次黎長洲諗住食糯米糍, 但黎到又有另一樣甜品好吸引, 肉桂香芒卷.本來會怕佢太甜, 2種味道唔match, 但食落原來好fresh, 外皮係類似桂花糕, 唔係太甜, 好香肉桂味, 入面件芒果雖然有少少酸酸地, 但配合返個外皮, 係好特別既配答, 而且佢雪得好夠凍, 夏日炎炎真係一流.

尋日襯天氣好，入咗長洲行咗一個圈，一個人去咗食長洲出名嘅大魚旦同埋芒果糯米糍！長洲有好多鋪頭都有賣糯米糍！最多好評嘅就係呢間位於海邊，喺長洲街市附近嘅天然甜品！可以堂食又可以外賣！因為趕船，所以外賣左一個芒果糯米糍同埋一個桂花芒果卷，盛惠十六蚊！邊行邊食！芒果糯米糍超正！最正係個糯米皮，超級煙"un", 同許x山果d真係冇得比，芒果茸又香又甜，一個字：「正」！桂花芒果卷係用桂花糕包住舊芒果，桂花味好重好香，可惜呢舊芒果有d酸！入開去長洲，可以去一轉「天然甜品」呀！

黎到長洲點可以唔食下甜品架？！比起平時係香港市區食價錢平一半呀！今次黎到長洲既天然甜品試試~我地一共叫了4款,分別係楊枝甘露,芒果黑珍珠,什果涼粉及糖不甩.1.楊枝甘露果肉算多,味道合格2. 芒果黑珍珠附有一球芒果雪糕,果肉只有幾塊,少得可憐. 黑珍珠個底唔係用芒果汁,只靠花奶及糖水調味,味道偏淡,甚至可以話冇味. 3. 什果涼粉生果種類及數量算多,生果都算甜. 涼粉有少少澀味. 糖水係自己落的,可以自行調教適合既甜度.4. 糖不甩花生椰絲糖碎份量多,足夠令每一塊都沾滿.份量都算多.

雖然最近市區也有長洲名物芒果糯米糍，但難得來長洲一趟，也沒有不吃的道理。加上是日雖然是星期日，但正值香港59年最冷冬天，北風呼呼再加毛毛細雨，體感絕對跟大風雪下的寒冷不遑多樣，所以整個長洲遊人不多，只有食店等人，人卻不用排隊光顧。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊甜咖店位於大興堤路，下船後向右一直走約五分鐘就能見到。雖然不感肚餓，但見到甜品店，也禁不住衝入內躲避刺骨的寒風。甫坐下，即將餐牌掀到糯米糍的一頁，共有六款選擇，價錢是逐粒計。香芒糯米糍($7/粒)糯米糍每粒呈隨圓形，有如嬰孩腳板般大，上面灑滿粘米粉。切開糯米糍即能見到裡面的芒果蓉傾瀉而出。糯米糍入口軟糯而皮不會太厚，裡面的芒果不會過甜，反而是甜中帶一點點酸，正好中和糯米的飽肚感，令人吃完一隻又想再想多隻。因為太好吃，最後還多外賣一隻帶走。海藻香芒卷($9/粒)本想點榴槤糯米糍，但可能由於不是榴槤的當造期所以沒有貨，於是就點了這香芒卷試試。香芒卷雖然外表同樣是白色，但表面卻是令身的。香芒卷外皮其實就是甜品店經常用來河粉的蒟蒻粉，雖然蒟蒻粉本身口感也微彈，但其彈性實不能跟糯米粉同日而語，加上芒果卷來的是切