天然甜品

營業中

休息中

三個女仔入嚟長洲,食完平安包,素包坐低食下糖水呀 什果黑珍珠 一般, 糖水要自己另外落呀 味道一般者) 黑糯米, 好味道, 椰汁不是太多, 有口感呀.. 楊枝金露, 好似假咁, 味道怪怪呀.... NO GOOD

因為今天約咗長洲人出來香港區唱ｋ佢知我吔鍾意呢間既芒果糯米糍佢專登買比我吔食呀．．．好耐都無食過丫～　個皮真係做得好較熟呀．．．（我好鍾意呀）包住甜甜的芒果肉．．．ｇｏｏｄ　ａｒ期待我們下次長洲之飲食團

下午4:00 食完師妹甜品,唔夠喉, 到喉唔到肺, 就去試下呢間天然甜品叫左香芒湯圓伏苓膏 $16.00 同埋香芒雪蛤凍奶 $20.00香芒湯圓伏苓膏--D芒果夠多, 湯圓幾特別, 唔係普通湯圓, 透明爽口的, 伏苓膏唔苦, 唔使加糖水, 好味!香芒雪蛤凍奶-- D芒果夠多, D凍奶幾滑幾香, 但D雪蛤有腥味, 麻麻地, 下次只係叫香芒凍奶我諗會好食D呢間價錢唔貴又大碗, 今次真係到喉又到肺喇, 超滿足, 正!

呢度既甜品都幾多下, 又唔貴..2 個人食左好多甜品薑汁湯丸 好似係$15蚊: 薑汁夠辣, 湯丸都ok凍豆花好似係$6: 唔知係唔係雪得耐… 硬硬地咁… 唔算好滑芒果糯米糍 $4 - 糯米糍皮薄餡靚, 不過, 個人覺得糯米糍外面層粉厚左d. 佢地用紙包住糯米糍, 如果外賣邊行邊食都方便~ 有人一買就一打. 香芒湯圓什果椰汁西米露 $20: 香芒湯圓是透明的, 幾爽口既, 無味既. 食食下又覺得幾得意喎. 落足料, 佢地落好多生果架!!經濟抵食, 如果都唔order咁多啦!

不要小看這是小小的店舖一間，供應的甜品種類可也不少。大部份人都會選擇榴槤甜品，可是我不吃榴槤，其實這裏造甜品大部份都是質素有保證，雪糕西瓜沙冰十二元大大杯，有很多的西瓜肉，算唔錯，雪凍芒果湯圓楊枝金露二十蚊，雪凍好像是這裏獨有，一粒外面混了花生粒，糯米皮內裏有雪糕的特色甜品，幾過引，芒果湯圓不是一般的湯圓，皮是透明的，好像是海澡粉造，內裏有芒果肉，相比之下楊枝金露就很一般了，這裏還有8蚊一枝的豬籠草汁，都幾特別！http://icuteee.mysinablog.com/index.php?op=ViewArticle&articleId=1598419

今次野外定向系長洲同爸爸同完m記..仲有段時間先到野外定向出發時間..so ... 我地甘岩經過呢間甜品店.就入左去啦=]佢D款式真系包羅萬有有一本書,好厚的,全都系吾同款式既甜品^^可是價錢吾平=3=好難選擇...我吾知咩系雪凍..所以冇選.要左雜果涼粉..芒果吾甜..雜果涼粉..冇咩特別姐...花奶同糖可以自己既idea幾好聽聞香芒糯米糍系最出名的.但系佢竟然冇! =3=唉,算啦,要下午一回先有..果陣先11點幾-0-所以我覺得我果碗好普通既雜果涼粉吾值16蚊...如果有下次我吾會選雜果涼粉,會選D特別D既! ^V^

九月初五‧陰天吃過魚湯米線，本想試試出名的心太軟，但原來平日的午市是不開門的，就行番出海旁道，見到這間甜品舖，空調充足的，入來涼一涼又正好。也不要看這裡只小舖一間，供應的甜品種類可不少。聽遊客的選擇，芒果糯米滋是必選。但看左右隔離的選擇，似乎豆腐花及馬蹄露是不二之選，就來個涼粉雪糕豆腐花及雪凍馬蹄露。先來馬蹄露，看賣相是相當的對辦，除了粒粒馬蹄，還混有腐竹、蛋白及薏米，吃起上來又香又清涼，非常不錯。就這個簡單的馬蹄露，但在坊間可以找到的地方已不多，來這裡要一吃。「雪凍」是一粒外面混了花用粒及朱古力的雪糕粒，幾得意，但跟馬蹄露的味道不太夾，建議來吃淨馬蹄露已經很好；豆腐花也很嫩滑，也像馬蹄露一般，是淨吃還比加上雪糕及涼粉美味的；也想這裡的糯米類食物應該做得不錯，再追加一碟糖不甩。糯米果然做得軟糯煙韌，很可口，又大碟，如果不吃糯米滋的話，這個糖不甩也是不錯的選擇。埋單34蚊，經濟抵食，可以一試的。

剛剛來到長洲，走到海旁附近，本來想找「師妹甜品」，未幾就見到店外掛滿大大小小的甜品相都幾吸引，於是去了天然甜品。什果芒果雪糕 - 芒果略縑太熟，咬落好淋，無乜質感，可能個人鍾意生少少。雪凍什果涼粉 - 本來都唔知呢間雪凍係乜，但見到相後知道黑蚊蚊，但見都幾特別咪試下，原來好好食。花生外屠包住雪糕丸，外脆內軟，仲好夠凍，有驚喜。其他什果涼粉一般。芒果糯米滋 - 糯米滋皮較溥。芒果卷 - 只有滑及凍的感覺，一般。

行著行著又相遇海傍的另一間甜品店，聽小食友講其糯米糍也不差，反正師妹還未開門，又來吃了。　芒果糯米糍($4)-這裡比允升便宜$2，但比去貨量明顯有所不夠。因此店方很醒目的包裹起糯米糍，令食客在食用時糯米外層仍保持濕潤軟滑口感；不過芒果明顯比允升酸很多，因此被比下去了。同場還有香蕉/榴槤糯米糍，我懷疑後者會味道不錯，下次找龍來試!桂花香芒卷($6)-又是酸芒果，不過桂花糕外層極香極香，雖然口感不夠軟棉吸引，比起陳氏出品略遜，但水準還是值得讚許。一大支天葵紫貝($8)-食友的柯打，不知味道如何，但據講以此價位極為抵飲。　其實還有多款水晶湯圓、雪糕甜品很吸引我，但要留肚去食師妹了! 　長洲之行全紀錄可見：http://siuyan824.spaces.live.com/blog/cns!26E81014A01166DB!9294.entry

長洲呢間甜品店都真係幾多人幫襯.. 次次都好多人~ 不過偏偏open rice唔多人寫過食評..呢度既甜品都幾多下~ 而且唔貴..好鍾意食佢D甜品上面個粒朱古力糯米皮包住雪糕..真係好好味* 次次都要叫有呢粒朱古力糯米皮雪糕既甜品我叫個個係什果榴槤XX (唔記得左)..好好味~都幾香榴槤味..不過可能因為食左LUNCH先再食.. 就覺得有D"劑"~

一行14人黎呢度食宵夜,我地去到都11點3佢本身話叫我地坐出面話11點半入面要收..但係熱熱辣辣點都梗係叫佢俾我地坐入面最多11點半走..menu大部份都係芒果為主..我諗佔左85%呢!!!我又唔食芒果..不過最後嗌左香芒湯圓什果豆腐花$20咋喎俾左d芒果朋友食..出奇地d香芒湯圓食落唔覺有芒果..重好好食呀我覺得!!好煙un好得意呀個口感!!!甜甜地 好好味呀!走之前重買左枝紫貝天葵都係$8都好大枝下但係唔好飲....不過我第一次飲呢樣野所以唔知係佢煲得唔好飲定係本身我就唔鍾意呢隻味~其實食個甜品都好快者..唔洗幾耐都食完啦~11點半都走lu我地佢最貴既甜品都係$25..其餘都係under$25..好抵

師妹突然延遲左開，唯有去附近既天然甜品到食甜品。薑汁撞奶：薑汁夠辣，但個人認為奶味唔夠。芒果糯米滋：個皮都幾煙韌，但太痴張紙，而且芒果唔甜。雪糕芒果沙冰：芒果沙冰冇芒果味不特止，仲要係有陣怪味咁，街邊果Ｄ都好飲過佢，好失望。下次黎都係去返師妹好喇。

fd 介紹話呢間ge香芒糯米糍 ($3)好得, 所以就試下同行朋友買左一舊 ,我咬左一啖 ,外面個層糯米皮煙煙韌韌,仲可以拉到好長 入面就係芒果,甜甜地好好味最後同朋友買左半打番去可惜榴槤糯米糍買晒,唔係都想試下

以前成日同朋友入長洲，而每次例行動作就係落黎食糖水+買糯米糍。呢兩個星期日都入去長洲，帶朋友黎食，推薦"雪凍"，好似雪米糍ge野，不過外面層皮有少少朱古力味+花生粒，幾特別的。另一樣必食係，香芒糯米糍($3)，每次都會買一打返屋企。推薦朋友食之後，每個都買在半打走，到第二個禮拜再去長洲ge時候，個個都增加數量。榴槤糯米糍冇試過，不過食親ge朋友都讚，比芒果貴DD，要5蚊一個。走ge時候，有朋友買左百幾蚊糯米糍走，誇張。

女朋友的朋友介紹要到這家店吃糯米滋叫了一個香芒糯米滋+餾蓮糯米滋+香蕉卷香芒糯米滋$4 : 好好味,皮好薄,芒果亦好大舊餾蓮糯米滋$5 : 我唔食餾蓮,女朋友話好味香蕉卷$4 : 好大舊香蕉,味道好濃郁,但係唔特別