天湖甜品小食 (已結業)

幾好食咼天氣凍既時候食岩晒

上星期三太夜一點我去接男友回來,男友體貼比我肚餐,我想去食甜品,我在堂食,試下食番薯糖水($12)加湯丸($6),見糖水散芝麻餡,我很失望~我唔介意,我食後feel很ok,男友付$18,我想再食紫心番薯,員工講冇紫心,有黃金,我唔要,我feel失望~算了,下次我會機會買^^

今凌1點30分我和男友去天湖甜品,我買薑汁湯丸($12)外賣($5毫),我和男友再去金沙角食牛雜($10),我們回家後,我打開見薑汁好像水,我試下食沒味薑汁,很失望~~><,湯丸好多六粒,湯丸內芝麻~~很OK,下次我會買冰花炖蛋($13),^^

昨晚我和男友去沙角村天湖甜品堂食坐,我選豆腐花($9),我試下食,我feel 很麻麻,但有糖水很甜,豆腐花冇味,我男友知試下,很唔好味,我睇薑汁湯丸,我和男友建議下次我們再去食薑汁湯丸($12),男友付9元,我想送貨外賣,我男友取送貨外賣食物紙,我很開心,我可以在屋企打電話外賣,很方便~我們再去買紫心($5)和黃金($6)番薯,因為唔同幾磅,重有買栗子($10),我男友想買食,我男友說食栗子很麻麻,我feel一樣,我們去食沙肚($5),很好味,下次我買八爪魚串($5),我忘記說魚肉湯($6),我feel唔好味,因為好像水,冇湯,我屋企附近餐廳經常幫襯買魚肉菜湯($10),我食好味,唔鍾意食碗仔趐($10),很麻麻~~我有食糖水($10),很ok~~我回家食紫心和黃金番薯,很少ok,沒feel好味,下次唔吃><

凌晨1、2點我會去天湖甜品食,我是外賣,我唔想堂食,我回家食,我是住乙明村附近很方便,我上次買過凍腐竹雞蛋糖水,我feel很好甜,上次2個禮拜我再去食雞蛋燉奶,我feel很麻麻,唔過帶回家打開很爛,唉~~下次我會再去食,我想食紫心和黃金番薯,唔過我慣宵夜1、2點去,可惜不能食,下午我會買紫心和黃金番薯

15/10/2004 去開個頭附近食飯，就想食返碗燉奶啦~ 冇其他選擇之下，就去左呢間。熱燉奶一D都唔熱，只能話係溫；燉到好老~ 成碗都硬晒咁。熱芝麻糊仲見到一舊舊粉~ 食芝麻糊最驚見到咁o既情況，睇到都唔想食！唔夠芝麻糊味，唯一可說就係好食過燉奶囉。可能我叫唔中佢o既招牌糖水啦，感覺不太好。

今晚同班老友在金沙角食飯，其實唔使叫菜，淨係睇金枝慾孽都食得落兩碗飯。飯後老婆大人要吃甜品，就同佢行過隔離呢檔度食。難得的是呢度係全場少見不播金枝慾孽的舖頭，兩架電視在播曼城對修咸頓，簡直如沙漠中的一股清泉，早知早D過來呢邊睇波啦！翻著北風，原本想叫碗芝麻糊加湯丸，點知阿姐話無湯丸。又叫麥米粥，阿姐又話無......有無搞錯？不如叫下新野，望住個餐牌，叫了個3Q果紅綠豆沙。點知阿姐話，3Q果都要等十分鐘.......&%$%@#%^@&！等左十五分鐘，好彩有波睇。杯野有點水汪汪，3Q果原來是三種顏色、切成細細粒的啫喱狀物體，加在紅及綠豆沙冰入面，味道沒有太大分別，15蚊一杯，早知都係叫杯什果紅豆沙好過，都係好奇累事；老婆要的什果涼粉，都幾多生果，有芒果、西瓜、香蕉、哈蜜瓜等，仲有大粒西米及椰果，加埋墊底的涼粉，食完都米話唔飽。埋單34蚊，算係咁。離開時聞到蕃薯香，是蕃薯狂的老婆當然又要買一舊煨蕃薯。唔知係唔係天氣未夠凍，始終蕃薯未係時候，條條都廋廋弱弱的。選了條紫心又似D樣的，都未夠兩磅。12蚊一磅，比往年平左一半有多，可能凍D會貴番都唔定。

去過兩次第一次去，十幾個人食，有四五食完都肚屙第二次去，有幾個ｆｄ叫左豆腐花，都覺得有"叔"味冇食而且又唔係好味喎

係沙田,要宵夜食糖水,其實冇咩選擇. 呢間o野冇十年都有八年歷史gar啦,相對而家咁多特色o既甜品店,呢間就梗係冇咩睇頭. 對於我o黎講,呢到o既芝麻糊都keep得幾好.又有腸粉,燒賣果d小食,叫ok law! 不過夏天就幾熱啦.

天氣好似而家咁涷，食燴蕃薯就最適合。呢度同其他燴蕃薯店一般，有黃心及紫心的蕃薯，有得選擇當然要甜甜的紫心。<br />要廿幾蚊一斤唔平，但在寒風細雨時能揸住個熱騰騰又香甜的燴蕃薯，真係諗起都正。

好多住沙田0既人都會識得天湖, 而且仲幾好生意tim, 好多人0係附近食完飯都會0黎整返碗糖水~味道幾好, 印象中就冇食過邊款係特別突出0既, 因為我都只係試過幾款大路野, 不過真係好多選擇!!

我最鍾意食天湖o既芒果黑糯米,入面多芒果, 芒果切到細細粒, 每口都吃到芒果,不像某些地方, 切到大大舊,一口食到芒果,又混唔到黑糯米,而天糊的黑糯米又做得"煙"又唔"傑"正呀!!!!!!!!!仲有伙計好好人

鐘意食意大利菜o既朋友一定去過好多唔正宗o既意大利餐館. 咁就一定要去呢間響灣仔o既<中間界>喇! 佢外表上一o的都唔似係食意大利菜, 仲好茶餐廳feel, 好似幾個細路柴娃娃咁開o既茶餐廳, 係o個d行過都唔會諗住入去食野o既格局. 入面都有其他菜式, 但佢o既意大利菜就最正,亦好正宗,好到連成日去意大利o既我阿媽都話佢十分正宗,尤其佢o既汁,真係無得頂~~~~佢地個廚師以前係酒店大廚, 依家自己出來開舖, 所以佢入到正宗煮意大利菜o既料, 總之就好正~~~~價錢方面就仲正, 幾十蚊就有一個dish, 碟頭雖細, 但就可以食多幾樣都得嘛!!就我上次去, 我同2個人一齊食o左5/6個dish連埋drink同甜品, 埋單都唔使$300, 抵食~~~~

未搬屋前, 都成日同男朋友黎食. 貪佢就腳, choices 又多. 不過我淨係會叫什果杏仁豆腐, 好多生果, 好正. 但係加左蕉, 好似唔多match. 杏仁豆腐有杏仁味, 不過實左D!!<br />咁0既價錢, 除左甜品, 仲有D 小食叫. 所以真係好抵架!!

通常在隔離金沙角食完飯都會走來吃甜品，老實講味道一般但勝在夠多選擇，少說都有六七十種咁多。加上附近沒有選擇只此一家，所以都幾好生意。冬天仲會賣埋燴番薯同炒栗子tim。 <br>