影片
開飯介紹
拉麵和沾麵配有不同口味的湯底，麵款全部均配搭錦爽雞腿肉；另有供應小食及日式飲料。
繼續閱讀
營業時間
*最後落單時間: 21:15
星期一至日
12:00 - 21:30
以上資料只供參考, 請與餐廳確認詳情
相關文章
嚟到元朗想食拉麵見到呢間200幾個like, 呢個市道都竟然前面仲有兩個人等緊，心諗一定係好好食啦.. 點知真係中晒伏 到底啲like係咪全部買返黎舖頭細嘅，冇乜裝修，人人面壁食，唔緊要，但係點解道門好似搖搖共閂唔到嘅？三十幾度被安排坐門口嘅我哋未食已經有啲熱..諗緊食咩果時後面嘅侍應已經一直企正喺你後面俾壓力，點知想嗌翡翠湯拉麵，係冇嘅.. 唔緊要！照嗌咗兩碗拉麵～ 之後想嗌嘢飲，靜岡草莓梳打？冇.. 密瓜梳打？冇.. 青森蘋果汁？冇… 「我哋得返汽水」.. 隔離碗麵嚟到，聽到個客問唔該係咪應該有乾蔥洋蔥㗎呢碗？「我哋今日用晒」….. 啊？？？！！？食咗兩啖真係覺得好熱，店員竟然話入面都係壞冷氣….. 果下個世界已經崩潰咗.. 汽水可樂都照叫啦點知係冇雪過嘅！！！聽到隔離枱問有冇冰佢話冇，話幫你雪一陣….心諗雪… 2分鐘有用？？…. 於是成餐我地就喺30幾度冇冷氣好焗好迫嘅環境下成身濕晒咁夾硬食… 講真乜食慾都喪失.. 加上兩個店員全程冇表情、好似差咗佢錢咁嘅面口口吻.. 真係好想講今時今日.. 香港餐飲業係真係會俾你搞歪㗎….碗麵嘅味道其實正正常常嘅，但係食完返到去係好口渴嘅，餃子就真係一pat咁一啲都唔好食～ 丫 仲有想叫嘅雞丸子都係冇嘅.. 總之就係一間百無感覺可以執咗佢嘅店…. 奉勸大家真係唔好嚟受難記完。
繼續閱讀
白雞湯完全冇味，啲拉麵好似食緊岀前一丁即食拉麵，餃子又係冇味，全部野都係百佳買到嘅味，建議唔洗食。未試過一飲啖湯就想走人，又冇服務可言。成件事係唔值個個價錢。。。
繼續閱讀
經過元朗，朋友介紹我食呢間日式拉麵，話好好食！入到去還原日本拉麵店嘅格局，見到小店仲有為流浪貓狗出分力🫶🏻我係沾麵派，所以揀咗鹽雞白湯熱沾麵，一黎到，個沾麵多到面積大過塊面！然後麵質軟硬適中！湯底方面唔會過鹹，但冇乜驚喜，溏心蛋正常發揮，有流心效果！雞叉燒偏薄，黑椒味幾出，如果大塊啲就好了😬我朋友揀咗海老味噌湯拉麵，同樣有大塊紫菜，木耳，同雞叉燒拉麵同沾麵都係用同一面底～湯底嘅蝦味幾出，幾濃！🍜
繼續閱讀
奇怪店員 我哋入去時店內無其他客人 入到去店員完全無反應🥹落單時又係 唔出聲 一句'啊/係/好'都無 全程目口目面叫咗一個鹽雞白湯 一個翡翠濃湯 兩個都係沾麵食物味道正常 不過啲湯唔太夠熱份量感覺唔太夠🥹女仔食都唔係好夠飽 (可能我哋太肚餓🥹)
繼續閱讀
小店位置喺千色店嗰頭，話說依間係一個住元朗既朋友介紹既小店，佢個位置都幾隱蔽😂上次已經食左海老沾麵，今次試下上次見到隔籬枱食嘅綠色湯底拉麵，問咗店員原來綠色湯底係翡翠拉麵嘅菠菜湯底，由於上次食咗沾麵嘅關係，今次試吓食拉麵另外都叫咗辛味噌，叫左沾麵版食估唔到個湯底都係好清新，唔會太過油膩，菠菜加雞湯又唔會太奇怪，係個賣相有啲特別，麵係比較有咬口嘅，好食，加埋京蔥同小小湯，好味雞肉係好似人地慢煮咁，好嫩，幾好食辛沾麵，又唔會太辣，食到食道好唔舒服，佢有d似四川風味，唔錯餃子就中規中矩，總括嚟講，湯底有誠意，唔會太油膩，棉質有咬口好食，會再次光顧
繼續閱讀