天池日式放題 (已結業)

天池位於油麻地譽發廣場 ，行過彌敦道就望到，位置好便利。而家新開張午市優惠只係98蚊，就可以食90分鐘。餐廳裝修有日式感覺，而且有大玻璃窗，自然光透入室內，感覺好企理清新。菜式十分豐富，而且味道有水準，性價比非常高。吧檯有一些冷盤前菜攞，亦有自助嘅甜品。 手機落單冇漏單，我們還加咗88蚊，選擇了升級套餐，可以任飲啤酒。啤酒嘅泡沫像思樂冰，口感綿密好有趣 ，清涼解渴配串燒食一絕。雪糕櫃有三款口味嘅雪糕任食，有海鹽味，港式奶茶味，同玄米茶味 。囡囡最鍾意食海鹽味，我就最喜歡玄米茶味，因為茶味好出，好濃郁，有驚喜!

行過油麻地見到開咗間新日式放題餐廳，就同屋企人去試下， 順道為她慶祝埋生日。因為新開張嘅關係，環境非常光猛新淨，裝修佈置以日式為主，木材色的牆身佈置，讓室內有種清新乾淨嘅感覺。 落單系掃qr code用手機落，食物選擇非常豐富，諗得出嘅日式菜色都有。每樣試少少就好飽。飲品方面，自己去飲品櫃拎，有好多罐裝樽裝飲品。因為我哋加咗88蚊有升級套餐，有啤酒飲。啤酒好特別，上面啲泡泡好似思樂冰咁，鍾意飲啤酒嘅人一定要試下。刺身好高質好新鮮，上桌時擺盤漂漂亮亮。壽司串燒炸物鍋物包羅萬有。我自己推介海膽甜蝦甜筒，海膽鮮甜筒脆卜卜 ，非常有趣，平時放題好少食得到呢!