天機棧扒房 (已結業)

未坐定就煩到你嘔，唔食推介和牛套餐即臭臉，要節扣就先呃like！仲要最低消費，食物水準與快餐店無異，茶餐廳般殘破裝修，大排檔式大聲大氣招呼，從未如此失望過！！！

 唔會再黎, 食牛扒同食炭無分別!!我黎食牛扒不是食炭!!!環境已經黑媽媽, 仲要黎件咁既野件牛扒質素差過茶記什扒, 食完狂飲水豬扒無味, 可能件牛扒令我食唔出其他食物既味道... 甜品要三摧四請, 大佬啊, 我都係客, 比d誠意招呼, 咪黑口黑面趕收工啊! 一句講哂,搬左廚房仲差, 無下次, 完.

行街見到呢間天機棧扒房，抱住試下既態度上去試下誰不知一試以後決定以後都吾會再黎服務態度極差...忌廉湯味道淡而無味牛排完全吾熱，配飯，啲飯又凍又硬（同隔夜飯無分別）上甜品速度就如龜速

返左成個星期既實習，大家都累了 咁就實要約出黎，食個靚飯，Relax下啦今次，我地過左去旺角呢間西餐廳食晚飯。雖然已經係週未既晚市，不過人流依然唔算好多，仲有少少疏落。不過，靜靜地咁食飯亦未尚唔係一件好事! 沙發座位夠多，空間亦大，環境舒適;燈光偏暗，如果放少少藝術品裝飾，氣氛就更為理想了⊙⊙我地一行人就各自簡選個精選晚市套餐，包括一個前菜;餐湯;主菜;甜品。夾埋都大概$110-130 價錢尚算中上。 前菜方面就叫左個雞肉沙律主菜叫左自家製牛肉漢堡配芝士酸甜洋蔥甜品當然要試呢個心太軟雞肉沙律份量唔多，剛好用黎醒醒胃。 雞肉略鹹，烤得軟軟，風味甚佳。沙律好清淡，只係加左幾滴油作點綴，調味主菜既主角絕對係個牛肉漢堡了，芝士略略過少，兩口就食晒，牛肉亦唔算烤得好好，質感略為散。 不過味道方面，牛肉同芝士就偏向濃郁，岩我口味!! 配菜亦有驚喜，烤茄子甜甜地，夠正 甜品點左心太軟切開既瞬間朱古力係湧出黎 正朱古力暖暖地 不過個皮就淋左少少但總體來就，朱古力味好濃 和味呀PS (提一提大家，而家佢地推緊promotion,like and share 佢地既fans page,就可以獲贈一碟法式鴨

記得上年係瓊華中心食過幾次，果陣時啲格調又好，野食又好質，又有氣氛，已經將佢立入好味之選。今日再search呢間野，原來搬左，上到去好靜，同舊時相比真係好似第二間餐廳咁。講返野食，真係差左好多，我地兩個人都叫左炭燒肉眼扒既set。前菜： 牛脷芝麻醬沙律+地中海烤雞凱薩沙律沙律味道係唔錯，但同舊鋪相比細碟左好多湯就中規中距，味道偏咸到最離譜既主菜，12oz既肉眼真係好難食，我地叫左五成，岀到黎既肉質係un過食牛肉乾，完全無牛味，應該係雪左好耐既倉底貨，係真係好難食。其實厚身啲既扒先適合炭燒or封煎，但師傅就搞到成塊扒都係燒焦既味，真係食唔落口。唉～唔怪得之人流少左咁多唯一贊既就係杯咖啡，係好香好純，但唔會為左杯咖啡去扒房掛

這日和一班中學同學聚會吹水，當然要選一間好食又坐得舒服。有朋友食過，以及食評的評語也不錯，就選這間了。看了一會菜單感覺這個套餐性價比最高，我選的是五號香草蜜糖燒雞扒配法國鵝肝。未計加一，只需$128沙律選了地中海烤雞肉凱撒沙律，雞肉香口，加上脆脆的麵包相當開胃。主菜來了，蜜糖燒雞扒配法國鵝肝。雞扒煎得不錯，好香嫩。鵝肝豐腴甘香，吃得人嘴帶油潤。甜品的心太軟就較為失望，不夠內裡的朱古力不夠甜，外層質感也做不到心太軟應有的感覺，反而帶有橡皮糖的口感。

琴日行過煙廠街，抬頭一望先知原來天機棧搬左黎依到，佢地係瓊華ge時候已經成日都食，因為佢地價錢好大眾化！今次去到亦唔令我失望，先有佢地ge同事好主動咁行埋黎講解佢地公司做緊個fb優惠，食和牛餐送鵝肝！心諗唔係咁平麻！一上枱，我同我朋友都嘩左一聲，真係冇希場，大大件鵝肝(ps係一人一件嫁)湯係個好好咬口ge野菌湯再講講個主菜m5澳洲和牛肉眼有8oz，成數岩岩好，牛味好重，仲有陣陣ge炭燒味另外一個主菜係龍蝦海鮮大會有半隻龍蝦，有魚柳，有個放滿左蟹肉ge蟹蓋😍😍不過朋友掛住食冇影相😩到最後仲有個心太軟配雪糕，keep得住係瓊華時候ge水準，外脆內軟👯👯真心，468依個價錢有鵝肝有和牛同龍蝦食真係好抵

百幾蚊個餐，有甜品有前菜主菜，其實都算平既!不過呢度地點有少少難搵…前菜南瓜沙律中的南瓜好淋好入味，係當既亮點。當日好彩有素食選擇，我order左個翠玉瓜番茄天使麵。麵同外面既唔一樣，較坊間的天使麵粗。有咬口，我鐘意。而且欖油好香，香到唔記得自己食緊素，有食肉的滿足。但基本野麻麻地，例如意大利雜菜湯好酸同唔知點解會有煙肉；同埋麵包好硬硬到咬唔開。個甜品我選擇左心太軟，個皮企身得黎好moist,入面啲朱古力夠曬熱。朱古力醬唔太甜，配上曲奇雪糕真係唔錯!

呢間餐廳之前係矎華中心的，搬左黎呢邊之後都唔黎食過，今晚係搬左黎呢邊之後第一次食，餐牌同之前冇變，食物都冇話特別好定差，不過相度我會再講多Ｄ，但係一樣野可以提下你地ＧＥ係，如果生日ｏｒ紀念日，可以訂位個陣同佢講定，因為有得加＄４９要一個大大地的心型心太軟，真係好流心ｇｅ，不過唔好處係冇配雪糕架，就咁食就好齋啦，所以俾幾蚊加返一兩球都抵ＧＥ，因為我就覺得有雪糕同冇雪糕配心太軟都差幾遠。仲可以叫寫字ＴＩＭ架＝〕

想當年, 呢間野係于砵蘭街果時真係超旺超多人,今時今日點解星期六8點幾得果兩三檯其實佢氣氛唔錯, 價錢都係百幾蚊,坐得舒服服務又好, 真係好過好多地方啦~叫左個dinner set前菜有個扇貝, 好好味的~唔加錢的湯都就梗係正常白湯啦...不過都幾多肉係裡面好硬的..又無咩味...不過算係咁吧..最近都幾鍾意食意大利飯, 呢個飯好香黑松露味...連個蟹殼都多糕~正~男友叫的西冷...應該正常吧....春雞...朋友話好鞋...味道就真係唔知點了..最後來個甜品......應該不是自己整吧..味道正常,最起碼佢真係有流心的朱古力漿總括黎講, 其實佢d野呢個價錢算係唔錯又唔迫又唔嘈仲可以慢慢坐930入坐好似有75折...我地臨走先發現...早知book 晏d啦~哈哈~

🍴微微燭光既晚餐🍴頭盤：煙鴨胸凱撒沙律 及 蟹肉田園沙律 沙律比較少 但可接受熱湯：黑松露野菌忌廉湯🍄 及 粟米磨菇忌廉湯🌽🍄 配 蒜蓉包🍞難飲！不值一提 因為 飲既係湯水 suppose忌廉湯係會creamy一d 但係佢同水無異 仲要+$18先轉黑松露野菌忌廉水😢😢主菜： 炭燒黑毛豬豬扒配薯菜🐷 及 澳洲M6牛扒配薯菜🐮本以為牛扒實好味！點知原來係比較遜色 因為好un！反而黑毛豬係最正！爽口！飲品： 冷熱檸茶☕🍹 無特別甜品： 藍莓芝士餅🍰 及 焦糖燉蛋🍮甜品唔好抱咁高要求都可以接受

多年好友生日食飯... 凍冰冰唔知食咩好 朋友提議食呢間...坐得舒服 可以慢慢傾計, 價錢唔算貴, 而且味道又ok!我地每人揀左個dinner set, 跟埋湯 飲品 甜品 都係百令蚊... 環境加味道質素 值得!個扒 幾嫩口 D肉唔會太乾身, 不過我要求5成熟.... 就熟左D 變左7成熟左右..甜品  個朱古力蛋糕好好食......  唔會偏向超甜....而個心太軟就 重黑朱古力味 個蛋糕面食落去有少少黑朱古力苦味... 呢樣就未必O岩人人口味, 對我黎請是OK的

餐廳地點和電梯入口都很難找，在街上搵左好耐先搵到 晚餐都算抵食，百多元包沙律、湯、餐包、主菜、甜品同飲料。頭盤同一般西餐廳差不多，主菜就比較有驚喜，我點了羊西冷(不是很多餐廳有羊西冷食哦～)一上枱，嘩!!成舊都係肉!! 冇骨架羊帶點點羶味，生熟程度煎得剛剛好! 份量超多，完全食唔曬! 意粉不是普通烚意粉，而是蒜蓉炒意粉，味道不錯，但因為太飽啦，食左少少就食唔落啦～甜品有四款可選，我選了心太軟蛋糕，雖知心太軟是由大量牛油做成的，所以食左一半已經覺得好溜好甜，如果有雪糕伴著食會更好。