天后甜品

營業中

休息中

｛天后甜品｝算係天后一間開業好耐啲甜品店，但每次想食甜品都唔會率先考慮佢🙈今晚就決定試試佢～舖頭客人唔多，星期五夜晚嚟講都算冷清🥶Menu好厚好多頁，不過本Menu好殘好舊，完全見得到歲月哪痕跡🫢甜品選擇非常多，仲有唔少小食串燒，連壽司、魚生、手卷都有，大包圍🤟🏻✴️芒果天后✴️由芒果布甸、涼粉、芒果汁西米露同芒果組成，盛惠$50～芒果汁無芒果味，得啲好假好人工嘅甜味，而且食完會有些微回甘味😅芒果布甸正常，但成個甜品嘅配搭唔多夾～✴️芋圓西米紅豆豆腐花✴️同想像中有出入，本身以為無咁水狀，因為平時食嘅依類台式甜品都好少會好似一碗湯咁😅最大問題係芋圓，一啲都唔煙韌，當然都唔會有芋頭、地瓜味，好耐都無食過質素如此嘅芋圓☹️

呢個故事教訓我地入食店前要先上openrice! 經過今次會學精！正如過往食評一樣，一入到鋪頭就有個女人話淨係收現金！我叫咗一個熱嘅生磨腰果露 ($35)、老公叫左個芒果冰（$55)，最初我無睇老公叫嗰碗野嘅價錢、又無留意個餐牌有寫加一，最終埋單個女人話齊頭$100，我地出返去鋪頭外面再睇餐牌先見到原來咁細碗芒果冰要$55，仲要加一！但$35+$55+10%=$100?條數點計？不過老公話$1豪比佢，以後都唔會黎！個芒果冰細碗過酒樓裝白飯個碗，點都唔值$55+10%?!個生磨腰果露無腰果味，我地兩個都係食到火麻仁味，仲要超甜，都唔知碗野點整出黎嘅！我食左半碗就食唔落去！一定唔會再黎！

芒果天后 $55芒果+涼粉+西米+芒果布甸，芒果一般唔算甜，芒果汁睇顏色已經好濃，只係一般，中間個芒果布甸都係一般，唔算好芒果味😅杏仁茶 $35呢個睇個樣都知勁淡，差過茶樓飯後糖水😅😅有十分大進步空間喎😒

食品質素平平，未見用心製作。更差的是服務員的服務態度，每個客人進店，第1句不是説歡迎，店員衹是說我們只收現金！店員對客人的服務態度，語氣冰冷，西口西面，只顧著用心打手機遊戲，完全忽略對客人的需要及照顧。很痛心，香港仍有這類人從事飲食業,絕對影響香港的旅遊業形象！今時今日，這個服務態度！相信這間店鋪，不久的未來，將會消失！但亦是必然的需要！

出來食糖水，期待小小，估唔到咁難食，仲貴，芒果冰小小一碗，同墻上post張相大唔同。食咗半碗，甜到食唔落，簡直難食到爆。失望至極，下次唔會再來幫襯。今次係第一次寫劣評，真係忍唔住。

要了碗沒有酒糟既酒釀丸子，只用薑汁加桂花再加些丸子就算數，貨不對版，索性叫薑汁丸子吧！甚可以收酒釀的價錢呢？做生意如此不老實，索性叫薑汁丸子吧！難怪被人走數，都怪不得人😤

同眾多其他食評同樣，後悔冇睇OpenRice 就入嚟…嗌左個三色芋圓同芒果雪花冰加荔枝爆珠，兩樣都份量好偏少，尤其個芋圓真係細份，又得堆糖水浸住，芋圓唔算好食（同堆台灣甜品鋪比輸幾條街）雪花冰啲冰還可以，芒果好少唔算甜，爆珠更少，咁樣要加十蚊。埋單成舊水，心諗我食左啲乜。個店員一副厭世樣完全冇招呼，以食物質素黎睇好合理。希望其他人睇左食評先唔好中伏入黎。雖然你睇到呢度應該都好大機會已經好似我地咁坐左入黎😂

當我入嚟呢一間餐廳坐低第一刻，已經感到唔對路，品嚐完甜品之後更加可以確定一定冇下次！夜晚飯後時段，本身諗住食附近橋底既甜品鋪，但係見到其他幾間都客滿同埋要排隊，我就廢時等，恰好見到呢間甜品鋪比較空閒，同埋都知道呢間甜品鋪都開左十幾廿年，就選擇左呢間，結果令我好後悔。不可一、不可再！我入嚟嘅時候間餐廳好多空位，但個店員叫我坐門口？都唔緊要！跟住同我講正係收現金，個語氣好似趕我走咁。由落單叫甜品，叫兩碗甜品都可以漏單，埋單個服務態度都好似我欠左間餐廳咁，店員方面樓面一個、廚房一個，所以等甜品送達時間起碼要超過15分鐘以上！甜品咁低成本咁簡單既事都可以咁慢，以及做到咁一般真係佩服。薑汁雙皮奶 $35楊枝甘露 $40甜品份量都非常細碗，對比返價錢唔成正比，認真望望雙皮奶有啲一點點一細粒既物體，都唔想再認真望，希望係薑皮啦。楊枝甘露都正常發揮，個人覺得材料比較少，落既較多都係糖漿，變成好假甜既甜品。而且見Menu有埋串燒燒物等小食同埋有壽司，我心諗連甜品都可以咁冇用心點解仲要搞埋其他熟食！仲有Menu真係冇更新，連成本甜品相薄既相都用緊咸豐年代既相... 我後悔了。食完第一碗甜品即刻上Openr

相片係我攞到返屋企影、一打開見到白雪雪都覺得冇咩特別，跟住就食咗一啖個味道勁奇怪好似水喉水嘅味，仲要應該係加咗勁多糖水係入面，唔明點解一碗冰可以咁難食，價錢貴不在話下碗糖水要$72，淨係放龍眼同椰果都可以中伏，糖水陣味仲要越食越奇怪，最後選擇放棄、其實大開門口做生意店主都俾啲良心試咗啲塘水先攞出嚟賣俾人，真心有試過嘅應該都真係唔會覺得係叫正常或會放到‘好食’呢幾個字眼喺呢度….唔會再有下一次，請打算去幫襯嘅人諗清楚避免受虐

在天后食完晚飯諗住高高興興食甜品， 點知就出事了🥹， 即興到天后甜品，位於天后電氣道91號地下。 入到店內先看看餐牌， 餐牌黐立立😯， 衛生程度有待改善。 點了兩碗中式甜品紅豆沙芝麻糊$35、 海帶綠豆沙$28。 ⬜紅豆沙芝麻糊⬜ ～ 這兩款甜品大約等了十五分鐘， 萬眾期待之際一見到賣相😫，是用微波爐翻熱的🤔？ 再試試味道， 紅豆沙芝麻糊裏面冷熱交融😅， 代表微波爐翻熱未夠， 雖然三十幾蚊唔算好貴，但都畀返啲誠意啦😑！ ⬜海帶綠豆沙⬜ ～ 當然綠豆沙都是淡而無味， 我都沒有補充了🙄。 今次唔好彩誤入這間甜品舖，一定沒有下次😮‍💨。 🏷️溫馨提示～ 整個用餐體驗均屬個人分享意見， 只作參考😊。

食完晚飯有啲口痕，所以同屋企人經過呢間甜品店，諗住入去食糖水。我點咗一碗桂花酒釀芋圓，芋圓係ok既，煙靭，有香芋味和番薯味，但個糖水就真係..！有啲特別…酒釀得好少，桂花都唔多，平時食開係偏白色的，但呢個比較深色，味道比想像中甜🥹

味道一般，涼粉無涼粉味，細份，但最令我成肚氣係好無禮貌＇感覺我入嚟食嘢係麻煩咗佢咁，好似我欠左佢咁，如果有咁唔想做，不如去改行。今次係我第一次寫劣評，因為我真係忍唔住。

一個客人，在電氣道那麼多食肆中選中一間幫襯，在某程度那客人對此店是有所期望。 一客芒果豆腐花，價錢為$40，芒果和豆腐花份量少，糖水卻浸得滿滿。 本人嚵吃甜品，尤其是芒果豆腐花，差不多每次到訪香港那一區的甜品店，都會品嚐這款甜品。今次，當店員奉上這碗甜品時我徒然感到失望，實在不敢相信一間甜品專門店連最基本的甜品也可以做得那麼馬虎。 我離開店後，上OpenRice 查看食評，真後悔沒有早點看，原來已有那麼多過來人評得更徹底。 我不禁心感詫異，難道店員沒有認真去檢討自己的甜品質素問題，堅持我行我素？我給了$40，換來失望，物非所值，心想，做好一點不是太難吧！

【 🍡(熱)薑湯三色芋圓 】($30)---【 🍶豆腐布甸 】($25)---【 🥭楊枝甘露 】($40)～～～📍評分：8.5/10～～～⏩ 深夜1點鍾，上網揾邊到仲有甜品食呢🤣，誤打誤撞就黎左天后甜品，營業到好夜啊，發掘到食夜宵好去處😈！睇網評見到評語好差⁉️但問心自己食完覺得幾好食🫣，不過係份量唔多lor！～～～夜麻麻叫左三款甜品😛，就黎冬天嘛係時候儲定d脂肪啦🤫！---薑湯芋圓好食borr，三色芋圓口感好煙韌😚，有原材料香，配埋暖笠笠微辣既薑湯食jeng🤤！---豆腐布甸口感so good👻，布甸既jelly彈彈既口感我好鍾意啊！而且好重豆腐味😋，豆香夠濃郁！---楊枝甘露都唔錯，西米露加埋芒果🥭，香香甜甜收個尾👅！～～～✅ 整體黎講，質素真心幾好吖👀，可能份量相對唔多，但真係唔係咁差啫🫣！都係個深夜放毒甜死人好去處😹，咩名siusei...～～～性價比：4/5回頭度：4.5/5賣相：4/5環境衛生：3/5服務態度：3.5/5

人數：1個日期：10月時間：宵夜時段天氣：涼原來行過黎想食附近出名榴連個間甜品舖，但遲左少少收左，但個心態預備好食甜品，所以轉彎見到呢度開就睇下。買左碗：龍眼黑珍珠鴛鴦撈問左鴛鴦撈係咩黎～叔叔答即係新鮮龍眼同龍眼乾～正呀，我好喜愛吃龍眼乾！番到打開好失望⋯新鮮龍眼同龍眼乾嘅比例應該係1:0.1咁上下（下圖）味道就普通屋邨糖水舖嘅味道，沒有特別難食，也算不上好食～就很一般～