天仁茗茶 (荷里活廣場)

營業中

休息中

今次試左經典款913奶茶，另外加左珍珠，。佢既珍珠煮到岩岩好，煙韌好好咬，而且有非常濃厚既黑糖味，應該系用黑糖醬直接煮，相當入味。另外913奶茶既茶味比較重，好好飲！

住開呢一頭，又非常之鍾意飲手搖，係一個上癮嘅效果添，但飲過咁多間都係好鍾意呢一間嘅奶茶。平時必定會嗌嘅就係鐵觀音奶茶，因為真係成日有咩關係，食佢嘅珍珠呢都會覺得好膩嘅感覺，只係個人嘅問題，所以都唔會加珍珠，但係呢，喺個咁熱嘅天氣，我落單嘅時候都會揀返多冰嘅，同埋大杯，成個感覺會更加似台灣嘅手搖，佢滿滿嘅冰嘅感覺，係會令到個飲品冇咁甜，但係又會有非常之冰凍嘅感覺，真係好好飲，但係我喺呢一間特別係星期日，每一次都排好長龍，同埋要等好多飛，所以要買嘅話，記住喺行商場之前就嚟買，買完可以喺隔籬舖頭行吓先再拎

天仁茗茶係咩味道咩水準我諗都唔使我點講😂所以呢篇食評嘅出現，係因為想update下佢嘅最新Menu順便讚賞一下佢哋間唔中都有唔同優惠都幾有趣，回收利是封減$3 最新嘅餐單呢個位人潮好旺，排隊基本上冇停過作為一個支持者嘅心態去寫呢篇食評✨因為經常都嚟幫襯天仁以台式飲料嘅水準係中上當然有更多出色小店但佢做到咁大規模嘅連鎖集團去過唔同分店飲嘅味道都幾好同埋硬係覺得天仁茗茶啲員工嚴格篩選過有充足訓練🤣好熟悉自家品牌嘅產品希望佢喺OpenRice有更多好評多啲讚賞

見佢冇乜人就去嗰度落單。落單嘅時候已經同佢講咗要加多個袋，又冇加。我又冇睇清楚，攞嘢飲先見到。搞到又要大排長龍咁俾個一蚊。😞又好似聽唔到人講緊啲咩咁，亂咁同人落單。個樣又好唔gur 咁😒買咗兩杯嘢，號碼彈出嚟嘅時侯得一杯，同佢講咗，另外一個店員又話咩：唔係整咗啦咩。☹️明明咁多人等緊，兩個女店員的一個做嘢。兩杯嘢就係糖溝水，同其他分店味道都唔同。買咗好多間，都係得呢一間嘢直接俾個袋你，自己去裝。

如果平時鍾意飲一啲茶味比較重嘅奶茶嘅話就一定要揀天仁茗茶，試過好多隻佢哋嘅奶茶無一例外地茶味道非常之濃郁，但係同時咖啡因含量都會相對高好多，我自己對咖啡因算係比較敏感嘅類型，下晝飲完會好精神夜晚會失眠😣😣但係我都依然好鍾意佢哋嘅芋香奶綠，除咗茶味救出之外，入面嘅芋頭肉都好有咬口！同時亦都鍾意天仁茗茶可以自己換鮮奶底，相對於用奶粉甚至係奶精沖嘅奶茶會健康好多，而且飲落去會冇咁有負擔。如果口痕想飲奶茶嘅話會優先考慮嘅舖頭

真的好難飲, 唔知是不是趕收工, 個女服務員沖得好難飲, 叫珍珠奶茶變了奶水, 茶味都冇,  還要我等15-20 MINS, 浪費時間及金錢, 以後都不會再光顧

最近在此買飲品時遇到了一些令人不悅的情況，我希望能夠向大家反映一下。當我們排隊點餐時，因為有很多人排，我們非常期待品嚐特色的飲品，但是當我們點黑糖珍珠奶茶及香橙綠茶時，服務員告訴我們它們的珍珠，以及橙汁已經售罄了。這讓我們感到非常失望，因為如果早知道這些產品已經售罄，我們就可以選擇其他的飲品，而不是浪費時間排隊等待來。更令人不滿的是，餐廳沒有提供任何告示或提示，讓我們知道某些產品已經售罄了。這讓我們感到非常不尊重和失望，因為它浪費了我們的時間。最後只求其點了913茶王，味道還不錯。希望能夠采取措施，確保這樣的情況不會再次發生。這可能包括提供清晰的告示，及時告知客人產品售罄，或者增加產品的供應量，以便更好地滿足客人的需求。

天氣太凍，係鑽石山呢間天仁買左杯熱普洱鮮奶茶+燕麥。前面其實人唔算少，唸住可能要等好耐，但買左幾分鐘就有，真係好快，而且杯嘢飲真係超級無敵好飲，之前一直飲913鮮奶茶，今次第一次飲普洱奶茶有點出乎意料，真係強烈推薦！我係走甜，鮮奶+普洱+燕麥+0糖（健康首選？） btw👍其實成間鋪頭氛圍好好，店員非常nice（態度好外貌身材都唔錯，不過天氣咁凍仲著短袖，間公司係唔係太唔體恤員工）體驗好，值得一試！！

一直以来都几钟意天仁 钻石山哩间买过几次 说实话 次次买次次都有不好的体验 特别是今日 落单时讲加袋 比钱惊店员无听到再讲一次加袋 拒完全无回应就收左钱 店员赶时间收工 奶茶袋内有不少水珠 店员冲饮品唔知快手定敷衍 入袋后就飞左去取餐位 叫号含糊 心捻 边个甘黑仔 等左一阵见无人喔 亲自上前请问 原来个黑仔系我……一直都很钟意天仁的珍珠 钻石山哩间的珍珠真系无敌 无敌软黏！无口感！最激气系咩 无取餐提示OK fine 店员见无人上去取系埋应该再叫多次？？反正我无下次

行完uniqlo 一出來見到天仁茗茶，時間尙早沒有太多人排隊，找一找袋中，竟然帶着了公司贈送的天仁茗茶coupon😜，一於先兌換一張。說時遲那時快，已經有兩個人排緊隊。珍珠鮮奶茶 | $27很久沒有飲珍珠奶茶🧋，點了常溫、少糖，人大了開始要學醒養生，少飲凍飲。覺得天仁茗茶的珍珠好好食，微甜又煙韌，茶飲甜味正常不會有一陣好假的糖味。但稍為覺得衛生欠奉，同一店員又收錢，又沖飲品，如果多個人幫手會感覺好點。

天仁係香港都好幾年，而家好似711咁🙂 開到總有一間係左緊。我好多時經過都會飲返杯！冬天最愛芋香奶綠，夏天呢，就飲清爽d既冰沙或者鮮水果茶系列。今日哩杯係香橙綠茶❤️ 係皇牌飲品黎架！好味道！因為水果本身已經有甜味，所以通常我都會叫去甜。橙同埋綠茶嘅配搭唔會互相搶咗對方嘅味道，仲會發生化學作用(?)，互相輝影！真係好夾。大家未試過嘅，我建議你下次可以叫黎試吓！另外珍珠奶茶同埋仙草系列其實都好出色！旺角天仁茗茶嘅茶底真係好唔錯，有興趣嘅自己喺嗰度買茶葉返屋企沖都好🙂

剛剛心血來潮諗住買番幾杯珍珠奶茶番屋企,咁岩見到天仁茗茶,諗住平日飲開其他分店都ok，於是係鑽石山呢度買黎試下啦一,點知個一男一女店員趕住收工咁,男既極速唔理衞生沖野飲，女既就一副hea住做等收工樣，兩個人做野又快又拿西,等左半個鍾到我no.拎飲品啦，我問個男拎個膠袋裝住幾杯野飲啦,要5毫子我明既,一比完錢,真心火都黎,個膠袋完全係同乸埋一舊跌左落地下再拎番上手一樣,又濕笠笠又痴笠笠！一定不會再買！！！！

喺鑽石山荷里活廣場門口 天仁茗茶 叫著杯 珍珠鮮奶茶 $27紋 少甜少冰呢杯珍珠鮮奶茶， 10分的話畀它5分吧 ，，，味道唔夠茶味， 唔夠香滑， 得黑糖珍珠可以 下次唔會幫襯hohohohohooooo

我叫左2杯嘢飲，一杯失手都算，兩杯都係無茶味，無奶味，係啲珍珠正常啲，成杯嘢飲，我要夾硬逼自己飲先飲得曬。同其它分店嘅水平相差甚遠囉。真係飲到好嬲但唔明點解仲咁多人幫襯，係咪因為附近無同類型店舖競爭，就可以做得咁hea?

拎完杯野都有不祥感覺，顏色同水無分別，番到屋企飲一啖真係講粗口，無味同水一樣……但係奶嘅顏色，不過又無奶味…我用23蚊買杯水番黎，沖野飲嘅員工係咪每個都有training?識沖野架?！??買好又間台式飲品知道有差別，但唔係差到咁杯野真係飲唔落，成杯掉左🤬🤬🤬今日假日見到都幾多人排隊，唔知有幾多人會好似我咁樣中伏！！！以後都係幫襯番3樓間賞茶，起碼水準會穩定啲，唔使又嘥錢之餘又無野飲……難飲指數10分滿分 係10