天仁茗茶 (已結業)

一個正常人，係街一日無可能唔買野飲珍珠奶茶既發明真係俾我地呢d唔鐘意飲太甜野既大一種幸福呢間店既珍珠有口感，珍珠份量不會太多，有時太多就會有種討厭感，飲來飲去都仲係珍珠，而呢一間無呢個問題但有另一個問係太多碎冰，所以碎冰，珍珠，奶奶同時入口有種不知所措。對我來講少甜剛剛好。排隊購買是常識啊！

叫左杯珍珠鮮奶綠，叫左小甜，落左又唔覆一句嗯，幾錢又唔覆下。叫號碼，鬼死禁細聲，比張單距，竟然話不如你講你幾多號啊，又唔指出單放係邊，態度十分之惡劣，仲要杯野無落糖，茶味無，奶味都無，只有珍珠甜到好似食砂糖禁，茶筒又係前所未見既骯髒未，試過禁難飲既台式飲品。

食完晚餐, 心思思想食返個天仁嘅鐵觀音雪糕之前係一試難忘。20大元已經好大個，食到底都有雪糕，冇厄人。有別於抺茶雪糕, 鐵觀音雪糕有種茶味嘅層次, 少少苦澀中透出奶香質地軟滑, 一個人獨吞一個, 都唔過分, 而且冇其他咁膩, 感覺在食緊一杯奶茶個cone 好脆, 無令人失望! 

平時經過天仁都想試下佢哋啲茶味雪糕，但次次都勁多人排隊。難得今晚經過唔駛排，就買咗杯鐵觀音冰淇淋(抹茶味同阿薩姆味都賣晒)，味道幾得意，真係有鐵觀音味，不過太甜，似食緊珍珠奶茶雪糕，而且好快溶，食過一次就夠。

有一段時間沒來，今日陪澳洲好友掃完街太熱想要食就帶佢試下喇。。。鐵觀音雪糕20價性比高茶味又濃，她說也沒試過，好少咁早去食雪糕呀，原來十一點多先開呀，今天唧得幾高也深入筒內，但天气太熱太快溶喇，二人唯有乖乖站門外立食，不過即使咁但都溶到成手係，食到無曬儀態。

天仁喫茶趣最近係旺角東站都開左分店，一出火車站非常就腳就買左杯!洛神冰茶酸澀又帶小小香甜，味道似山楂，夠哂生津解渴!味道係唔錯既，但質素同口感非常差!!!!!洛神冰茶未飲時已經見到面層非常多泡，飲到後尾約1/10既時候更加係全部都係泡泡，飲唔到d茶~

店鋪位於旺角火車站，下午人流不多，放工時間爆滿，以前是另一家手搖杯店。天仁茶業，創始於台灣，以前旅行社到台灣很愛到此店買茶當做其中一個行程，現在以手機搖杯形式流傳到香港，茶葉的質數應該能有保證。來了這家店2次，海報寫著冰淇淋都是沒供應。以前在別家吃過鐵觀音口味的，有茶味，軟度雖比不上雪糕車，質地也算軟滑，價錢不算貴，$20。鮮奶珍珠奶茶＄21是次叫了鮮奶珍珠奶茶，少冰。寫著是皇牌推薦。喝下去，奶味是足夠的，而且喝得出來不是奶精。但茶業自居的茶味不夠足，被奶味蓋過了，珍珠帶有甜味，有咬勁，看來下次叫普通的珍珠奶菜看來比較好。而上一次喝的蜂蜜茶比較好喝，以蜂蜜的香氣為主，茶味也足夠。服務員態度一般，旁邊有茶葉出售，但匆忙的鐵路站不會是品茶的好地方，真要買這家的茶，應該會去別家能靜心品嚐的地方。

一直想試，終於有機會試到！而家$20 一杯！平左定貴左呢？大大杯，有成4-5 轉！ 係呢個30幾度高溫嘅天氣，都依然夠凍唔會好快一路食一路溶味道非常清香，有茶味但係唔甜！好高境界！無咩奶味，食食下覺得有點雪芭feel 添！但係我就真係食唔出係咪真係鐵觀音喇，始終飲係會容易分啲嘅脆筒都夠脆，似係一般窩夫皮而家M當當抹茶新地筒都要$5，呢杯大大杯天仁茗茶出品，鐵觀音$20 一杯都抵食呀

好熱真係好熱，行到身水身汗，唔買黎飲都唔得呀，所以又叫左我至愛珍珠奶茶茶香，奶滑，最愛咬佢地既珍珠，唔太細粒又唔會太大粒，剛剛好，又夠煙un，好有咬口叫左少冰少甜，甜度剛剛好

行經旺角火車站見倒間愈開愈多嘅天仁茗茶，朋友話未試過，就陪佢試下啦。我點的是熱香芋鮮奶綠，要求標準甜。25蚊都叫合理嘅，因為份量是大size,熱熱的，飲落每啖都有細細粒芋頭，但成杯味道好淡，無咩香芋味，更加無咩奶味，我差啲以為自己叫左無糖。朋友叫的是凍珍珠鮮奶綠，21蚊，綠茶味好濃，啖啖都有珍珠，而且夠甜，好餘過我嗰杯。

叫左抹茶latte加珍珠。先講珍珠，d珍珠好難吸上黎，飲料飲完先發覺原來d珍珠系個底度癡埋曬一齊。唔只甘，d珍珠好明顯系未煮得夠諗，個心仲系硬硬地。再講飲料，抹茶latte系ok嘅，抹茶同綠茶的分別都飲得出。

聽朋友講哩道既雪糕好好味! 因為唔係間間天仁都有得賣雪糕!見到更係即刻唔執輸啦今次叫左鐵觀音雪糕! 都幾期待!因為本身我好鐘意飲茶! 朋友又話茶味重! 都幾大杯! 食落...覺得有D覺得中伏既!食落都幾滑其實! 又夠結實! 但係鐵觀音味就不重...我食唔到有茶既味道!而只有雪糕的甜甜味...佢味道同質地都唔錯架! 只係沒有茶味而己! 

朋友介紹宜間茶味雪糕好出名一聽到茶味雪糕…最多都只會想起綠茶雪糕!估唔到雪糕都可以有咁中式!!鐵觀音軟雪糕真係聞所未聞!!!$20大大杯，雪糕份量之多多到成個筒都係!!!最後一啖唔會只吃到乾爭爭既雪糕筒，抵讚!!!!雪糕質地幼滑，入口即溶，濃郁既茶味隨之而散滿口腔中!!!茶味香濃，有少少甘甘甜甜既味道，回味無窮!

成日經過見到個個拎住一個綠茶雪糕，仲要係無論男女，所以想食好耐了，呢兩日想買，售罄。今晚又去問，睇下有無，點知原來紅茶同綠茶味係交替出，激氣得濟，照試：鐵觀音味20好大個的一個，好抵食囉，唔怪得咁多人買啦！雪糕茶味濃郁，真材實料，十分好味，香軟幼滑，大愛，一試難忘，無試錯！紅茶味22一人食完一個後唔抵得，又買賣呢隻味黎試。伊！都好好食喔呢個，似奶茶咁既味，好香奶味，口感滑溜，價位低，又大個，很出色，奶茶味不能錯過！兩個筒都好脆，但可以做得更香的，因為味道相對淡點！

今日放工要去上堂，在旺角東火車站一出就見到天仁茗茶，於是就買了一杯珍珠鮮奶綠($21)上堂飲了。黑珍珠十分煙韌，份量都很多。珍珠鮮奶綠的奶味很重，綠茶味比較少。可能是「如果太多牛奶味，綠茶味又無定企」。不過，個人都喜歡奶味較重的茶類飲品，整體還不錯。另外，鋪頭還有售賣其他茶包飲品，價錢都十分相宜。