天仁茗茶 (已搬遷)

天仁好早收門，次次黎親元朗分店都買唔到，新年個陣啲茶品一早賣哂，難得今晚提早掃街時間，即刻去碰下運氣睇下賣哂未先。黎到有兩二對情侶睇緊餐牌飲乜，第一時間沖埋去落order先，依舊係913奶茶，走甜，係要全走先好飲，半糖都太甜，新年後都無加價仲係廿蚊杯，ok啦，唔算貴。茶味香濃奶又滑，中式茶品加奶都可以好夾，無甜就啱啱好，加左糖會覺得好怪。咁凍天就梗係飲熱啦，熱飲其實都係半溫不熱，用管飲唔怕燙口。PS，賣茶位妹妹仔眼大大幾靚女喎，又好禮貌。…查看更多

臨近新春市面一片大好, (最起碼表面係) 零售業/飲食業都各出奇招, 各師各法, 什麼都有折扣 … 就連喝杯茶都有優惠有折扣, 真的叫人happy這家茶店推出了 “2017一起歡樂迎新年“的優惠, 就是以組合價 $35 購買 913茶王+（以下任選一款）冰香橙綠茶、冰香芋鮮奶綠、珍珠鮮奶茶、冰蜂蜜檸檬紅茶 ~我選擇了 913茶王 拼 冰香橙綠茶 .... 913茶王 (少冰, 無糖) : 入口清幽舒暢, 味道甘香醇厚, 喝後帶回甘味, 茶王之名, 可謂名不虛傳也; 香橙綠茶 ( 少甜, 少冰) : 入口清新怡人, 鮮橙味和綠茶味都十分配合, 可說是黃金比例, 既有鮮橙的 天然鮮甜味, 亦有綠茶的幽幽茶香, 感覺是天然又美妙 ~本篇完 ~…查看更多

抓緊夏天尾，一杯冰茶壓壓驚。今日飲珍珠奶綠，奶蓋過茶味，嘗唔到茶底既香，純粹覺得飲緊牛奶。珍珠過甜，而且外面係軟，中間硬，完全無珍珠應該既口感。感覺一次不如一次，難度飲杯野都要講運氣？…查看更多

去诚品都会去天仁买杯喝品慢慢嘆,听说有天仁有雪糕开始就想试啦,之前同老公在太古诚品时由于太多人排队,就放弃了,没想到元朗也有而且不用排队讲下味道先,雪糕有茶香味(但吃吾太出绿茶同铁观音的差别),吾会好重奶味,甜度可以接受,是我钟意的味道来:)由于天气热,建议在有冷气地方享用…查看更多

天氣開始熱，行行下覺得口渴，見到天仁就入左去買珍珠奶茶飲!係香港台式珍珠奶茶店多不勝數，但我偏愛天仁!我比較中意天仁，係因為佢真係利用鮮奶調製飲品，並唔係用奶精!!!沖調好既冰珍鮮奶可從蓋子裡看到密密既奶泡!入口時，茶味濃而回甘，但並唔苦澀!而且，添加左鮮奶，令整杯奶茶口感更順滑！相對平日係其他台式珍珠奶茶店買既珍珠奶，天仁既珍珠奶茶無咁甜膩!珍珠有嚼口感得黎又唔會好硬，唔會難消化!…查看更多

本身打算食抹茶雪糕黎到發現有鐵觀音雪糕抹茶雪糕都算係易食到，鐵觀音咁少見、當場轉左鐵觀音雪糕顏色比抹茶較深沉冰感質地，所以唔太易溶茶味都好重、唔係太甜不過種茶味就唔係太鐵觀音既味道2X蚊真係好抵因為佢比得滿滿、筒入面都FULL哂…查看更多

見天仁茗茶新出左鐵觀音軟雪糕，即刻買黎試試。坦白說，鐵觀音味道不算好重，但味道與奶味融合得不錯，脆筒食到尾都蠻脆的，都算幾好食～～美中不足的是軟雪糕溶得有點快。…查看更多

早前在朋友IG見到post天仁出品雪糕，我而家先知香港天仁連雪糕都推出了，天仁雪糕有何特色呢 ,有日在元朗行街時候就在元朗分店買下雪糕來試下,今次揀了鐵觀音雪糕，估不到天仁出雪糕又不錯，講明是鐵觀雪糕，雪糕有淡淡鐵觀音味道，味道又不會太苦澀，甜味出奇地剛剛好，兩者互相配合下十分不錯,我覺得這個雪糕真是好好味,天仁今次推出產品得到幾好評價，價錢只是20元,比起時下走賣相雪糕店,20元真的不貴,我覺得比起賣成40元藝術賣相品牌，天仁真的好味好多…查看更多

但有兩個鐘活動時,都唔知做過咩就出返元朗,食雪糕...呢到比較有鐵觀音味同紅茶味,,口感幾滑,茶味都香濃,20元一支算做幾超值,其實除了雪糕還有茶包,飲品等等.有機會,會試下…查看更多

元朗新開又唔洗排大隊所以就試下 ！ 買左鐵觀音雪糕，因為見幾特別同埋之前都食過仲茶味雪糕 覺得幾好 今次係呢度見到有 就又買來試下！ 雪糕唔滑 質感好似 啲碎冰加水甘，一啲都唔creamy，似係食緊水做既雪糕！m記新地既雪糕仲好味過佢。而味道 就有啖啖茶味，帶點回甘！ 評分 5.5/10。好難有下次…查看更多

我每次去台灣一定去天仁買下它的飲品,香港以前只有CWB才有天仁,仲要大排長龍,天仁在5年時間逐步擴張分店,近來發現元朗有分店,分店位置在恆香對面，以前賣魚蛋位置，而家是天仁,星期六去完大埔返元朗轉車,就見到天仁,屋企人話好口喝要買野飲,我就買了鮮奶綠茶，我同屋企人共同飲1杯,鮮奶綠茶味道幾淡,因為冰太多了,沖淡了鮮奶味道，連綠茶味好淡，這杯整體來講只是一般,元朗少人排隊，有人排下隊，大約只有5個人左右，可能又是夜晚少人排,我只是排了5分鐘左右，我想念台灣天仁,還是台灣店好飲好多…查看更多

一得知元朗開了天仁喫茶趣，迪迪當然二話不說直奔去買過過口癮。以往元朗都沒有天仁的分店，想喝的話，必需要到外面的旺區，實在太不方便呢！現在可好了 元朗分店開在光華中心附近，鄰近大棠道輕鐵站，非常方便 ◢ 店內跟其他分店差不多，擺放著整齊的周邊產品，也有足夠的位置讓客人排隊和等候。◢ 最喜歡這兩個清晰的飲品清單，可以供客人一覽無遺呢！◢ 今天迪迪買的是這杯《珍珠觧奶綠（熱）》（HK$21）。雖然天氣很熱，但對於奶茶，迪迪還是認為熱的比較好喝，也因為根據以往經驗，熱飲通常都特別容易覺甜，所以特地叫了少甜 :) 甜度剛剛好，奶茶與綠茶的份量也調配得很好，珍珠軟軟彈彈的很有咬勁，跟其他分店水準無異 讚～…查看更多