天下第一腩 (已結業)

唔係ma!!! 我覺得呢間野得wor!!!我已經o係果度食過好多次野la~ 講真,如果唔好食o既話! 貼錢俾我去我都唔食la!!!果度有2 隻牛腩ga!! 一隻平d，要$20，不過d 腩就普通d。另一隻叫坑腩，$30 碗。我兩隻都試過，坑腩好爽好彈牙，而普通腩有咩野腩都會有，好似肥牛腩、瘦牛腩，不過醒目o既我次次去都會指定要半肥，因為指定左佢\通常都會切d 你想食o既腩比你。但係果d 牛腩味真係正!!!! d 食評家話湯底有味精，但係我完全唔覺wor!! 反而仲覺得好正!!! 我差唔多次次都會飲晒添!!! 如果有味精，我諗我飲左o甘大碗湯，飲成一公升水都唔夠la!! 我之後都介紹埋我d fd 去(好似emily，sally，stephy，men 等等) 都話得wor!!! 如果真係得我一個人話好食，我冇野講，但係佢\地個個都讚好味!! o甘差得去邊ar??? 仲有果度唔一定食牛腩ga!!! 有魚角( 超特別!! 出面好少地方有得食!)、花姿丸(佢\地自己打ga!! 正!! 好爽口)、雞腳(超入味ar!! 係鮑魚汁ga!!)不過去過o甘多次我都未試過食大腸，如果你地試過o既!! 可以講下

昨晚又係樹開餐,今次都係食餐,點了牛筋麵.個麵仍然少兼且今次係煮淋左的.牛筋又係少左,叫做比較好係淋啦! 餐飲凍檸水,ok,正常服務都一般,最唔好係講客人是非,都唔知轉背係咪俾人講緊.埋完單出門口見到唱歌的夏昭聲買左兩碗外賣坑腩,唔通坑腩真係咁好味,下次要試下先得

"天下第一腩"...真係無咁上下嘅"食力"都唔敢打正旗號叫呢個做鋪頭名，呢間嘢竟然斗膽咁叫自己，仲要開响樂富入面比較隔涉嘅地方，今日就去試試...一坐低就叫招牌坑腩麵，竟然賣成三十蚊碗，就睇吓你有幾好食...呷一口湯，比較偏鹹，亦有少少味精，不過不太多，查實齋用多D牛骨煲湯底已經夠甜，實在無需要落味精，扣分...食一舊腩，唔太腍，食到有D"黐牙"，當中都有一兩件係腍嘅，但即係表示水準唔平均la，失望...反而個麵就幾OK --- 夠爽亦夠彈牙，一d醶味都冇，幾好...真係枉稱佢自己為"天下第一腩"，咁中環九記及天后阿華姐又叫乜嘢lei...

6月21日17:45是日大魔怪在付近考ORAL，回程路經這店，被店名和店外海報吸引了。大魔怪祇顧煲電話粥，淨飲凍檸茶，我要了牛腩麵。湯底：超咸著色味精水。麵：爽口，略帶點鹼水味。牛腩：不淋，不入味。極硬身，有部份咬不開，不夠肥美。店寬敞整潔，全店祇有兩檯客。店內海報流於浮跨，食味與宣傳內容相差太遠。坑腩麵賣HK$30.-，我絕對無信心。這店無下次。

天下第一腩的坑腩好正，一碗坑腩河要$30，雖然價錢頗貴，但坑腩入口鬆化，有鮮味，湯底清甜；魚角的賣相很有趣。服務方面，不會殷勤，衹見黑面神對著你。

服務態度超差!!好似本著\\\"少你一個客無所謂\\\"咁...黑口黑面,惡到死!!座位有d逼=[牛腩也算不錯...

這間店一開張我就開始吃了。那時的師傅是個年紀大的﹐最近一次去已換了一個後生的。牛腩的確有不同﹐還好那天叫了半肥腩﹐還是比較好吃的﹐至少入口香滑﹐但湯底喝了會口渴﹐以前會吃到蝴蝶腩﹐現在要分開買﹐成40幾元一碗。以樂富來說﹐水準還是可以的。但跟上的蔥和"東"菜就不行﹐乾巴巴的﹐沒有水份﹐影響食慾。

上星期lunch time和幾個同事來.各同事們叫了牛腩麵餐, 我叫了咖哩牛根米線餐, 餐可選飲品or 油菜.咖哩牛根和米線分開上, 牛根無特別, 湯底很淡有臭粉味..好難食!同事話牛腩唔林, 超淡,唔好食.唔會有下次

唔知你邊個時段去食，我只會晚上七點左右去食，也未曾遇過這些問題，不禮貌對待，昨晚我也有去食，入到去坐時我縮下縮，有位女待應問我和妹妹係咪凍，可以熄左個冷氣．還有，俾碗粉我們時我們講唔該她都話唔駛．很有禮貌．這間鋪的外賣湯和粉是分開放的，所以唔怕食時沒有水的.

我到此店買外賣, 當他們末做我張單時, 我想改回堂食, 費時路途遙遠乾晒d河粉, 我仲要係好唔好意思, 好有禮貌地問。其中有個侍應用眼BEER BEER 我, 好似好唔LIKE, 我坐低之後, 聽到收銀員問條使唔使俾番D外賣盒錢呢位小姐, 個侍應話唔使, 聽到呢番話, 我就立刻問點解? 佢地個解釋係因為入機唔可以退番錢, 個侍應就開始出聲同我吵架, 咁既服務態度都得既!!!!! ..我覺得你唔俾番個幾蚊我唔緊要, 但你都好應該講聲俾個客人知MA, 如果我聽唔到OR 怕事唔敢出聲......香港再多幾間店就死啦.

路過此地,見到間野自稱"天下第一腩",所以入去試下.叫左牛腩牛根麵,個湯底幾清,有肉味,我個人覺得幾好飲,味精唔多,至少飲左半碗都唔覺得口渴.牛腩都幾淋,可能切得比較細件,幾好.最正的是牛根,切得幾大舊,但完全唔韌,又唔太淋, 幾爽口.正!

昨晚放工去左附近學車........諗住係呢頭食碗野先去學....見到呢一間野, 話自己係"老虎岩" 出哂名,咪走入去試下.....食落去, 味精味勁重....牛腩又"um"....最攪野既係, 隔黎枱叫左碗咖哩牛腩, 我見到d 店員先將碗咖哩牛腩係雪櫃擺入去microwave 叮熱, 之後同米線分開上.....佢見到都話, 咁食法好似去seven 食咁, 無分別.......今次當比人搵笨, 下次再入去就係自己有問題

今天在樂富又想唔到吃甚麼,所以又到此處開餐.叫了牛筋米線:湯唔知點解好深色,平日食的淺色好多, 一飲便覺得有味精,唔掂,又淡.米線唔知點解有點怪味,個牛筋仲不濟,完全唔淋的.餐飯叫了凍檸水,呢個都ok.因為食餐只要20元包飲品,可以飲汔水,有可樂,light coke,忌廉,不用加錢,凍飲加一元.服務都ok,老闆娘笑面迎人.呢個店起初食都唔差,現在唔知係咪換了人煮,總覺得水準每況愈下,應該會一陣子不來的了.

有一次無意中比我見到有間自名為"天下第一腩"..而且有報紙貼住...咪走去試下得唔得囉...但8:00鐘度一個人都冇...都知唔對路..叫左個牛腩河...D湯...周街都係咁煲..冇特別..D牛腩...真係把鬼到...咬唔開咁濟...

舖頭外面吹得自己Ｄ牛腩好巴閉，入面又貼晒老板同阿發哥拍晒膊頭既相，忍唔住要入去試下有幾堅，原來係主打清湯牛腩，咬落甘香，味道幾正，但可惜太韌，我諗比較適合鍾意牛腩有咬口既人，反而牛丸有牛味又爽口，另外舖頭推介既所謂“首創牛墨丸“（即係牛丸溝墨魚丸），又冇牛味又冇墨魚丸味，兩頭唔到岸，失敗，食淨牛丸冇咁嬲，魚翅墨魚丸更加係笑話，加幾條突出黎既假翅，好似Ｄ蟲捐左出黎咁，睇見都唔開胃，失敗中既失敗，廿幾蚊一碗唔算抵食，不過非假日可以加一蚊多一杯咖啡或者油菜，咁樣計落價錢合理好多，最欣賞係佢Ｄ訂做既兩層式外賣碗，上層擺麵，下層放湯，好有心思。