影片
招牌菜
好鍾意食香口野...所以只要有機會都會叫黎食o係香港黎講我覺得算幾好食...始終做依種炸雞o既舖冇乜同台灣比當然冇得比啦~BBQ 17蚊有6~7大件...可以叫佢再剪細D至食D雞肉好滑...炸粉厚薄都適中...好食滑雞扒都係17蚊...食落都係好食...不過我唔明...另一款雞扒都係17蚊,我都食過...但就鞋好多唔通有人鍾意食鞋雞扒?
繼續閱讀
上次冇認真地吃,凈係咬O左一啖,今次認認真真買O左$17 BB雞 + $8 薯條做lunchD雞出面果層炸漿都叫做ok o既,不過由於味係靠D粉,所以D雞肉真係淡O左D薯條都一般....有幾條太硬,有D又太淋.....又冇咩味
繼續閱讀
係紅磡返工，日日都係佢門口落巴士，一個月前佢突然朝早都開門，做埋早餐，不過朝朝都唔見有好多人幫襯，睇黎生意麻麻.. .. 早餐價錢一般，野飲要另買，不過平一蚊，早餐menu比平時menu多左包類，價錢由$10 - $17。我買左個牛角包司華力堡($14)，因為拎到返公司先食，個牛角包扁左，不過都幾好食，請真，包夠熱，一般都好食既。如果有埋野飲，應該會多d幫襯既。
繼續閱讀
聞名已久，我又鍾意食香口野，呢日就特登去搵呢間野，搵左一陣就搵到，叫左出名的BB雞，佢地一早炸起，有客叫再番炸。之前聽人講太咸，所以我叫大叔唔好落太多粉。不一會OK，到手感覺熱辣辣，我等左一陣先食，無咁熱氣，咬落好脆，但有D過硬，可能由於番炸關係，第一舊唔錯，但越食越濟，D粉太厚，不過D肉係幾滑既，所以食到最後我只食肉不食外層。$17有6,7舊算OK，不過下次唔會再特登去搵啦。
繼續閱讀
見個名同門面咁可愛就入了去幫襯，買了個雞味薯條，話全球首創，咁厲害梗要試下，食落完全無雞味，問店員有無俾錯，話無，打開望望，有大半再番炸的，吃多幾口，就拋棄了。
繼續閱讀