大阪王將 (已結業)

上次叫左3號,今次試下賣相好吸引的天津飯......$55,由於預設飲品只係1杯日式礦泉水,於是叫罐烏龍茶,但要加$8.....反而汽水只加$5,不過我都叫左罐烏龍茶,因為好奇心.蛋花湯同上次一樣咁清,餃子同上次一樣好食沙律,料一樣係椰菜絲為主,但今次係伴檻欖油...ok啦天津飯- 外觀已有其他食家介紹,我就講下味道啦.塊蛋好香,主要係䓤花香味和蝦仁/肉味;汁一旦冷卻就會稀,係由日式醬油煮成,味方面卻不錯,對我而言,唔鹹,而且伴蛋和飯十分夾.烏龍茶-清清的,無糖,以罐裝茶來說ok的,對中和之前的濃味十分適合,但加$8一罐,見仁見智了~一分$,一分貨,價錢高但這店的食物卻不錯,對我而言,我不介意俾近$60一餐呢而且去過2次,2次的水準又唔錯,如無意外會有3rd,4th或更多....

上上個星期六同朋友去apm食野, 已經幫佢個curry餐打左食評, 反而自己個天津飯餐唔記得打, 而家補返…大阪王將既餃子出名就知左好耐, 不過自己不嬲唔好餃, 所以次次來food count都冇試過, 今次想下新野, 就即刻行左埋去大阪王將個counter度揀野, 見呢個天津飯餐賣相幾吸引, 雖然55蚊唔平, 不過都決心食呢個~ 個套餐包括蛋花湯, 沙律, 6隻餃同埋天津飯。蛋花湯: 冇一般日式味噌湯咁重味, 有少少味精既咸味, 不過d蛋花好滑, ok沙律: 椰菜絲+千島醬, 新鮮&健康!餃子: 大大隻, 塊皮厚薄適中, 煎得幾脆, 亦有唔少肉汁, 幾好味, 只係個人口味問題, 隻半就夠皮。天津飯: 好大碟! 個樣好似蛋包飯加個茨汁咁, 塊蛋同蛋花湯d蛋一樣好滑, 仲有少少蝦味同蔥, 好食, 不過個人覺得少少偏咸(食開濃味野既人應該會冇問題)。Overall覺得呢個餐食得過, $55其實兩個正常食量既人都夠share又好食, 我食到1/3已經飽飽地, 只係唔想浪費頂住食夠1半, 另1半朋友幫拖, 細食既朋友最好搵人share先好食, 唔係一定食剩好多!! 仲有記得一定要帶定支水!!

今日下午在這店叫了一客3號餐,有炒飯,餃子6隻,沙律和蛋花湯蛋花湯-清清的,有少少蔥花,蛋絲很滑,味道不錯沙律-大量生菜絲和千島醬,菜絲質感是爽脆的,中和一下濃味炒飯-一流,有鑊氣,而且不是十分油膩,恰到好處餃子-餡料以椰菜,肉等為主,餃子內有肉汁,使餃子的美味更上一層樓雖冇飲品,但會隨餐送一杯礦泉水,如果想要飲品的話,餐加$5食得過;D

尋晚一行五個人睇戲前去food court食, 大阪王將其實之前己經食過，今次再食依然水準冇變，餃子皮薄餡靚唔會乾爭爭，另外主要叫左天津飯&麻婆豆付套餐，雖然係簡單菜式，但味道真的不錯。麻婆豆付唔覺得辣，但個醬汁幾惹味，值得一試。

叫了一碟六隻餃子作為晚餐的side dish.一咬落去, 嘩! 感覺...皮的厚度恰到好處, 不會過黏或過韌, 煎得脆口又不會一夾就穿. 肉汁自口中留出來...每人三隻, 五分鐘內一整碟報銷! 讚!!!

無錯~ 今次是為了傳說中的天津飯而來的~ 叫左個飯餐, 兩份食, 留肚食其他野~等廿分鐘至食得, 期間走返去個counter度睇~ 樣樣黎齊, 只欠餃子~見到個師傅一排排餃子煎起~ 好壯觀~ 隻隻都痴住痴住~好整齊~ 上碟後食完個飯, d 餃都仲好熱~ 皮係薄, 但薄到無乜質感, 一片粉皮般~ 師傅上碟果陣係好好睇, 但到自己食果陣, 要整開d餃子時, 隻隻都痴得好實, 好容易撕爛哂~ 皮餡撕散哂, 無哂食餃子的趣味個飯...so so 啦~~ 驚喜係有蝦lor! 個味好麻麻~ 唔夠送飯~旦花湯~ 有咸味和旦味~ 可有可無

一直都是從日本卡通或是一些日本媒介去認識「天津飯」這東西.今天經過大阪王將,見到竟然有這日本特色食品,於是就點了個天津飯+餃子6隻望上去真的很像食物模型,感覺不真實味道有點像煎蛋飯加醬油茨汁,而這個茨汁拌飯都不錯.餃子仍是那麼味美,皮薄,脆!蛋花湯很細碗,但用來濕口也是可以的.

某日放工同女朋友食飯，揀個就腳地方，結果去了apm，一試這間好評如潮的大版王將。叫了個天津飯加餃子餐，跟碗蛋花湯。天津飯賣相有點似白色版的福建炒飯，有一塊好大的蔥花炒蛋蓋面，再來極多的玻璃汁，個賣相都幾吸引人去試，食落味道ok，個汁唔錯，但可惜只係白飯底，我地期望係炒飯底嘛! 餃子煎得幾脆，食落有肉汁，好食，不過沒有好似日式的跟個餃子汁，但個蛋花湯，就好君子喇，淡如水但又能令你口渴喎，真係連街o既例湯都不如，差! 味道4分係比個餃子o既!

唔點sauce的餃子我都覺得過咸; 另外炒飯都好咸.本來餃子應該都整得幾好, 不過因為覺得咸我扣哂分...咸到我食唔夠3分1就放棄唔食了.

睇食評話D餃子好食，今日去試試。買咗半打($20)。都算唔錯，唔會煎得太燶，仍然能保存肉汁。但用來點餃子ge 醋就真係好咸，咸到連餃子ge味都蓋了少許；如果唔點sauce就好D喇！

佢既餃子係好食..煎既時間幾好..皮又簿又脆得黎香.但又封得住d肉汁...好香... 但慘在獨孤一味..其他可以不試..

聽家姐講話佢地d餃子好味, 今天行開咪專登試下, 叫左個lunch set 有6隻餃子, 一碟炒飯及例湯($45) 個湯就麻麻, 不過d餃子真係好多汁個皮又唔會好厚. 佢地點餃子個sauce都好正好特別...個飯亦都有水準. $45都覺得值.

因為時間關係所以先會去food court食野,點知...等左好耐先有得食囉!!!攪錯!!!一分鐘真係耐到喊囉算!我唔會話比人知呢度既餃子又真係皮薄多汁幾好食架,d炸雞都幾肉嫩多汁,我係唔會幫你地賣廣告架!

前排同朋友去食, 見大家都好評如潮~ ~ 但半失望而回~ ~2個人叫左個2人餐~ ~ ~有2個蛋花湯有一碟炒飯有一打餃子~蛋花湯- 一般, 可以接受~ ~ 淡淡地.....餃子- 一句講曬"皮薄涵靚”　煎得又脆～但美中不足既係無餃子醋~ 炒飯- 唔掂~　~ 咸到爆炸.....但個set 既份量係唔足以填飽2個人既肚ga, 份量唔夠...即使2個女仔既份量都唔夠lo~ 又唔包野飲ga~ ~

下晝係個位都"灘"左十幾分鐘, 先同個同事決定走去apm 食餃子。原來係巧明街上港貿中心, 就連住apm 個入口, 都係依家同事講起至知。兩個人點左個二人餐, 一個炒飯加十二隻餃子, 話就話二人份量, 但以一般食量黎講係唔夠食, 炒飯有肉碎, 蛋, 都炒得幾香口, 不過略咸, 餃子外好油, 層皮好薄而帶有彈性, 幾好, 不過餡料又係略咸。