大阪李朝園 (已結業)

「自制小丸子」真係一個吸引力，食得又玩得。由於享用那天是復活節，所以一早打電話留枱，必須一提，如玩「自制小丸子」最好在先預約。一心以為好容易烹煮，但要翻轉小丸子，真的有難度，最終要服務員代為效努。因要燒熟透才能翻轉再燒另一面。另外我們二人再order 多一個「韓式炸雞紫菜卷」但味道一般，因唔夠熱，又無炸雞的香脆。但頂肚餓也可以。而店內亦有石煱食品，全部也滾熱辣，下次一定要再試。

今日本小姐終放有時間寫返最近用餐的個人感受!! 生日月真係中伏月, 食飯有一半係中曬伏!! 朋友生日指名要食這間, 好, 打去BOOK位, 講明要得一個鐘十五分鐘用餐時間, 已經好唔想食, 好似趕羊咁食物!! 不過朋友喜歡就去啦!!環境十分逼, 食飯要搭枱??唔好諗有空間俾你出去厠所 一去到真係嚇親, 好細間唔緊要, 點解要搭枱先?? 而家去左茶餐廳?? 我們一行四人同另外二人被安排一齊坐張6人枱, 真係超尷尬!!我見其他食客都係要夾枱食飯!! 想去個厠所都要同我同枱夾枱個兩個起身讓路我先出到去, 佢係咪覺得一個鐘零十五分鐘既飯係唔需要去厠所呢??入左去坐就無位出返黎仲要搭枱係邊個諗出黎??我立即諗到食神星爺開快餐店講既對白, 估唔到俾我係現實生活中係一間日本餐廳度遇到 如果知道個環境係咁, 我真係打死都唔黎!!食物質素是快餐店質素, 日本餐廳的價錢叫左個牛肉鍋, 牛肉唔新鮮, 無味, 得幾塊, 菜多過咩, 面鼓湯好咸, 我地四個飲左一啖完全無飲!炸雞紫菜卷好似整左好耐咁, 雞一D都唔脆凍冰冰, 紫菜"林"灑, 一點醬汁都沒有, 很乾身!!又係食剩!!服務十分差

6、 今日日子真係超級無聊呀，自己一個人系屋企無野做，作為一個陽光girl，我唔可以咁樣，要闖出去，同老友去大阪李朝園。去到的時候其實都幾多人下，等咗一陣。韓式炸雞紫菜卷，好多醬料可以加，睇自己嘅口味系點喇，紫菜卷味道還可以，口感也沒有到令我驚艷嘅地步，不過分量就好足咯。黑椒牛肉石鍋飯反而令我覺得好好食，石鍋飯很多材料，當我撈埋之後，我覺得連米飯都變得非常的有味道，中間伴隨著黑椒牛肉嘅香味，辣得嚟又可以充分接受到。好有趣的系我地自己製作章魚小丸子，成個過程都係親自落手製作，好有意義，當火候到左一定嘅時候就要淋啲汁液，當鋪咗幾層之後，差不多熟啦，雖然賣相不好，但係味道還是可以的，好趣緻，俾無上人地專業整嘅，但係都別有一份意味系裡面咯，大阪李朝園系尼方面都算落足功夫喇。環境又好令人覺得好舒服，關鍵系侍應真係好周到。

看見朋友介紹自己動手整小丸子，覺得很有趣，放假天拉寶寶陪我一試。地點很方便，在Sogo附近。大約8點左右到達，店內差不多坐滿食客。幸運地不用等位。坐下來看Menu才發現原來除了日式小丸子外，還有韓式食品。先點了韓國手卷，赤阪魚蛋紫菜卷。韓式的飯沒有醋味，而餡料為日式鳴門卷，蛋和青瓜等亦很淡。個人是接受這淡味的，但稍嫌飯太乾身。另外還點了一個牛肉飯，因為怕只食小丸子會不夠飽。牛肉因為加了黑椒汁，所以一點也不乾，還有濃郁牛味。飯亦加上濃味的黑椒汁和燒汁，配上煮得甜的洋蔥，十分好味。而且用石鍋能做出飯焦，很滋味。主角的小丸子終於出場。首先店員幫我門在燒小丸子的用具上倒油，再開火燒熱。第一次加一半的粉糊，再根據自己的喜好加入章魚、泡菜、洋蔥粒或紅蘿蔔粒。很貪心地放了很多餡料。煮好後再翻到另一邊，同時加入粉糊以做到一個完整的圓形小丸子。加入沙律醬或燒汁，木魚片，便成。粉糊味道其實跟一般在街邊食到的沒大分別，不過加了泡菜，洋蔥和紅蘿蔔，反而讓口感更多層次。可以自己動手燒小丸子，過程還蠻有趣的。自以為簡單的步驟，原來都需要特別技巧。算是一個蠻有趣的晚餐過程。不過由於燒小丸子時，加了很多油以致很大油煙

到這間店的食客，絕大部分都係想試佢的招牌菜，自製墨魚丸，包括我。不過這次食完後，我應該唔會再去。因為本人覺得唔好玩。這間店地方不大，入去時店員會問你是否吃墨魚丸，如果你表示吃，佢就第一時間拎用具，我開始時以為很快就可以開動，但都要等一陣子佢先拎食材出來，不過我都體諒。以下是今次的點的食物： 墨魚丸沒有味道，因為已經「窿 」哂，我承認自己第一次係唔太熟，但食材唔夠真係事實，很多料都唔夠分，所以我自己都唔敢落太多，還有因為用明火的關係，很快就熟，熟左的時候很多油彈出來，大家最好著深色衣服。唔係都幾論盡。我地食墨魚丸其間，店員不停問還有什麼菜式要點，但我地一開始問佢拎水，就半個鐘先肯拎過來，很反感，我要強調佢一支可樂係賣緊20蚊，最後我地點了炸雞，佢才拎杯水來，炸雞其實係炸雞朳，佢在朳面上落了沙津醬，講真，菜式就唔太特別，沙津醬都幾好食。老實講，我唔會再去，因為我坐得真係好唔舒服，沒有冷氣，職員都知道，冷氣系統係差點，望將來能改善，位太細，如果係肥仔、妹、或者很多東西在手，就真係好尷尬，桌子又細，佢地一直叫人點餐，其實點左餐都根本唔夠位置放。所以唔太適合本人。

說了很多次，這天終於又和男人再到了位於銅鑼灣的大阪李朝園。這裡有什麼吸引到我，看到這圖應該也能知道吧。就是這份DIY章魚小丸子呢！店內有詳細的教學，若有不清楚的地方，向店員提問，店員也會樂意示範一下的。動手做章魚小丸子，怎少得燒小丸子的盤呢。由油、粉漿、餡料到醬汁一應俱全，可以開始。看似很簡單，但原來也不容易，要小心油彈，也要把握好倒入粉漿的時機，轉小丸子也要有技巧，好玩又有挑戰。好不容易終於成形了，脹卜卜的小丸子很可愛呢。再加上醬汁、紫菜粉和木魚絲，賣相不差街賣的呢。另外點了這個魚蛋壽司卷，內裡有魚蛋、青瓜、玉子和蘿蔔，並灑上了芝麻。飯卷得夠實，也煮得剛好及未有變得乾硬，口感豐富，味道清淡，適合不愛濃味的朋友。再加了個牛肉石頭鍋飯，因男人不吃泡菜，所以泡菜另上，石窩很夠熱，拌飯要快手，就不會太燶又有少量飯焦。牛肉和其他配料的份量也不少，味道也不錯。重點是，這裡的泡菜真的很好吃，之前我更有試過買走呢。第一次自己動手做章魚小丸子，原來也不容易，這裡有已經處理好的材料和工具，價錢也合理，來這裡過手癮好過買個小丸子盤回家呢。

經常在外買章魚小丸子，看著人家製作就覺得好有趣。近期發現銅鑼灣駱克道有一家 DIY章魚小丸子，當然要找朋友一起去試, 一邊玩一邊吃!雖然地方不算大，但很乾淨整潔又夠光猛，店員服務都很有禮貌。我們二人點了，DIY章魚小丸子，黑椒牛肉石頭鍋飯，泡菜午餐肉飯卷!($128) 。店員很有耐性地學我們製作的步驟，起初都有些手忙脚亂，又怕多又怕不夠，弄多一兩個就很快上手，洋蔥，紅蘿蔔，泡菜，章魚肉，粉醬，沙律醬，燒汁，紫菜碎，全部有齊。不需要很長時間就做好，燒好的小丸子外脆内軟, 章魚味濃, 加起配菜口感一流，味道真係和出面街買係一樣的, 而最重要是這個美味小丸子是自己親自操刀! 黑椒牛肉石鍋飯($68) 。熱辣辣的，黑椒味濃但又不會太多而便飯過份辣，牛肉不會太靭, 牛味拈上點黑椒更覺惹味!內有粟米洋蔥等蔬菜所以不太油膩。。午餐肉泡菜卷($58)韓國的午餐肉不同港式午餐肉那麼咸，味道適中，應該是新鮮做的，因為紫菜沒有淋，同時泡菜卷中的泡菜不是太辣，配合得恰到好處, 辛辣中帶點口感, 又能飽肚。這餐飯很開心, 有得食有得玩, 大滿足~

本人幾喜歡吃章魚小丸子，所以知道有diy小丸子餐廳，即時走去試試。 首先需要一個爐及模具。餐廳有分普通檯及吧檯，如果想diy小丸子就不能坐吧檯。 店員隨後送上小丸子元料有章魚、泡菜、紅蘿蔔粒。點解有泡菜？一看店名應該知道是日韓菜式。 店員背急口令般將製作方法說出，他倒很多油在模具上，然後我就自行倒約7成滿的粉醬。但途中有很多油彈起，比韓燒還要厲害... 再約全部配料均勻放在每一粒。 差不多熟透就撥起成90度再倒粉醬，再將熟的一面反向面。 不過都後半段店員就幫我們弄，站在我跟朋友中間一段時間，老實說很打擾我們談話。 終於完成，不過賣相說一般。 自行再加沙律醬、燒汁、紫菜粉、木魚。質感是算是外脆內軟，但餡料太少欠缺一份咬口感。 也點了石鍋豬肉泡菜飯及烤香辣魷魚，味道不過不失，是因為環境及服務態度令我們感到不舒服而影響對食物的味道。今天的OK 是給食物的味道，希望店員會注意衛生及待客之度！

平時覺得心情好sad好無mood嘅時候，就會特別想食嘢，每次一想食野嘅時候都會去日本料理食下啲壽司同埋刺身，化悲憤為食慾，今次姐姐我失戀大過天，一定要食盡佢！！韓式炸雞紫菜卷，聽個名就已經夠曬吸引啦，又炸雞又紫菜卷，顧名思義就系紫菜卷入面有炸雞！！好特別嘅組合，而且一份入邊有超多舊，好抵食吖！！炸雞嘅味道非常酥脆，脆脆嘅外皮加上雞肉嘅鮮嫩，仲有好香嘅紫菜卷味道，軟熟嘅紫菜卷搭配酥脆嘅炸雞，真係一級棒！章魚小丸子，呢個平時成日食啦，同其他日本料理店嘅差唔多，不過勝在呢度嘅章魚小丸子系即整即食嘅，不過等嘅過程真係好難捱啊~~小丸子嘅獨特香味，熱辣辣新鮮出爐，鬆軟嘅口感！！最後出爐在系小丸子上面鋪上些少木魚！再加埋秘製嘅醬汁，絕對唔可以錯過吖！！石鍋牛肉飯，份量對於我一個女仔嚟講算系比較大嘎，我一個人真係食唔曬！而且石鍋飯入面嘅牛肉全部都好大舊吖，正宗嘅鮮嫩多汁，肉質絕對5A！！再加上芽菜、洋蔥、粟米等等嘅配料一齊食，味道更加好！

上星期係公司聽同事講，銅鑼灣有間餐廳可以自己DIY燒章魚小丸子，我即刻好好奇，唔知自己DIY係點? SEARCH下先，約埋阿B，今晚一齊去食! BOOK左6點半，不過人都多，要等一陣，埋到位就見到個小爐，有一格格比你DIY燒章魚小丸子既，旁邊仲有D配料。二話不說，當然叫左個燒章魚小丸子黎玩下先!店員好好，除左比個指示牌我地睇之外，仲過黎教我地添!配料有章魚﹑洋蔥﹑紅蘿蔔﹑泡菜。係我地誤打誤撞既情況之下，終於完成左我地既章魚小丸子啦!!!!好彩有店員過黎得閒同我地反兩反，如果唔係燶既部份應該仲多呀! 好!試下我同阿B個傑作先!幾好味喎又!個皮因為燶左少少，反而食落有D脆，入面既蛋漿就入口即融，章魚幾好食，煙韌，泡菜唔係好辣，加埋洋蔥同紅蘿蔔落去就更加香口!整體我都LIKE!有得食有得玩，仲係自家創作添! 食完小丸子都未飽，我地就叫多個「黑椒牛肉石頭鍋飯」同「韓式炸雞紫菜卷」食。黑椒牛肉石頭鍋飯幾好味，仲好熱，臨尾食到飯焦架!牛肉好大塊，肉質亦好滑，加埋洋蔥配埋飯一齊食真係無得嘆!!!但係黑椒味阿B就話唔係好食到，但OVERALL黎講個味恰到好處! 韓式炸雞紫菜卷就無乜特別，一如韓國紫菜咁

最近銅鑼灣大阪李朝園有新搞作，來個自家製章魚小丸子玩意，由客人自行製作，先玩後吃，有點新意。店舖位於駱克道鬧市地舖，面積不大，佈置簡潔，坐得比較擠迫。6點左右入座，坐下不久，已全店爆滿，生意不錯。今次主要來試試自家製章魚小丸子($128)，另叫了黑椒牛肉石鍋飯 ($78)。店員先預備爐具、特製小丸子燒盤和食材，並簡單講解如何製作小丸子。材料有醬油、麵粉漿、章魚粒、洋蔥、紅蘿蔔、泡菜、紫菜粉、木魚和日式醬汁，陣容鼎盛。先澆油在特製小丸子燒盤上，待油滾後，再放入麵粉漿，煮至糊狀後，再放入材料及重覆加麵粉漿。其間要不停翻轉小丸子，待其凝固後及燒至皮脆乾身就可以上碟。整個過程，好彩有店員來回協助，總算草草完成。上碟後的章魚小丸子，熱烘烘，外皮烤至金黃鬆脆，饀料章魚粒味鮮彈牙，微辣泡菜和洋蔥香口，再配燒汁和沙律醬，十分惹味。至於黑椒牛肉石鍋飯，石鍋超熱，黑椒牛肉味濃，飯香撲鼻、飯焦香口煙靭好味。此店坐得比較焗束，但勝在食物水準不錯。

成日收工行過見到都有D人排下隊, 終於黎到試呢到最出名應該就係章魚小丸子~可以自己整, 價錢真係唔算貴, $98 有18粒!黎到店員會好細心咁教step.先落50%漿, 落料, 再落滿漿之後一半熟時就反, 哈哈, 好難反!但過程好得意!幾經辛苦先整到~不過18粒好似太多... 有D難control... haha!最後加上木魚,醬,紫菜粉就食得幾好味~個人認為好食過好多章魚小丸子店賣既o個D, 有D會好滯, 但呢個唔會. 雖然章魚細粒左D, 但係好"煙un"! 所以都足夠我地有一半加左泡菜, 一半冇加到, 有泡菜既味道惹味D, 唔加既就淡口少少木魚好好食!!! 個人勁鍾意食木魚, 而份量都好夠!唔洗怕就住就住.不過由於唔識睇入面熟唔熟, 我地有幾粒好似唔係好熟咁..但我估全部D料都係本身熟的, 同事後都冇肚痛 就由佢啦哈哈!呢到有min order 除章魚小丸子以外仲要再叫其他野, eg 野飲(可能防止個個客只係入黎玩小丸子啦 )但如果正常晚餐, 只食小丸子唔夠的.所以我地仲叫多左個日式牛肉火鍋同埋軟殼蟹沙律但整小丸子真係好忙, 個火鍋我地搞到D牛熟曬, 個火熄埋都仲未食到第一塊牛

放工來個自制章魚小丸子輕鬆下先！二人套餐有三樣食物揀！計落都相當化算～我地一場黎到當然要玩下DIY啦。登凳！就係佢啦！好似雞蛋仔嘅燒盤呀！等侍應加小小油，夠熱就可以開始玩啦！ 粉漿係事先調好的，將佢直接唧入燒盤到7成滿，然後將一早準備好的材料平均地加入每一粒小丸子內。其實都幾好玩架！動作吾可以太慢，吾係粒丸子燶晒都未落完呀😂😂 好啦，落完晒材料呢～如果仲有空間可以再加多點粉漿填平個燒盤，好似下面咁。 完成左之後呢，正常啲丸子應該差吾多可以反架啦！但係呢，點反原來都有技巧架喎。首先要用叉刮下丸子四周，睇下凝固左未，脫離左燒盤就可以將丸子反90度，吾係180度將佢完全反轉，係90度，好似見到半粒丸子企係度咁，然後要再注入頭先嘅粉漿到水平滿，填平個燒盤佢。然後先好反轉成粒丸子到下圖咁。 注意成個動作要快但手要定，見過有人唧得太多粉漿，結果流到周圍都係！啲丸子仲爆開晒添！大家要小心啲啦～完成！係咪燒得好靚呢！😂再幫佢加小小裝飾先~嘩。。好似買返黎一樣！仲好好味添呀！👍👍 而呢份章魚小丸子只係套餐嘅頭盤咋！接下來有佢地！石鍋牛肉泡菜飯同赤阪魚蛋紫菜卷。 石鍋飯同平時食嘅

呢個DIY章魚小丸子成日都聽朋友講好正，講到咁吸引，無理由唔黎玩下。章魚小丸子就食得多，但係自己整真係第一次！DIY章魚小丸子($128) 一入座就見到桌面放好哂製作小丸子既用具同食材，大部分食客應該同我一樣為左呢個DIY章魚小丸子面黎吧！開左爐之後，就可以慢慢落材料，加到一半滿，除左一般小丸子既用料，呢度仲多左泡菜比你加落去，食落就會酸酸辣辣咁，會更惹味。加好材料，就要等一等，等一邊燒好，先可以反去另一邊。當小丸子外皮夠脆熟左，就會比較容反轉，相反，如果轉既時候覺得有難度，就代表要等多一陣了。製作呢個小丸子基本上唔會失敗的，因為店員會用心，教你點整，同埋會過黎幫手，最多好似我啲小丸子咁焦黑咗小小。上碟後，就可以加埋燒汁、沙律醬、木魚、同紫菜粉，當堂同專業既一樣！好有成功感！小丸子食落外皮脆卜卜，而且入面都仍然係軟心㗎！整左咁耐，初頭仲驚入面會熟哂，但點知整得岩岩好！章魚大大粒好飽滿，又食到泡菜辣辣地既味道，味道真係正，同埋好好玩！食完小丸子唔夠喉，於是叫多一個石鍋飯。石鍋牛肉泡菜飯 ($68)石鍋飯製作時間約15分鐘，一送上既時候熱辣辣，仲聽到滋滋聲。石鍋飯上面放面左牛肉、芽菜、菠菜

前排見到好多朋友去左DIY八爪魚丸，仲以為係日本先有得玩，原來銅鑼灣都有架！前一日預先Book左枱，去到唔使等就即刻有得入座，之後見到幾個walk in都無得入，好彩有book定。八爪魚丸唔難整，首先將粉漿到落模，7分滿就得。之後加自己喜歡的配料，有洋蔥、紅蘿蔔、泡菜。等到外殼硬身就可以轉一半，再入粉漿，之後再轉哂過去。等熟就有得食喇！製成品都唔錯，好似同平時食的八爪魚丸一樣味，不過就細粒少少。芝士年糕，外脆內軟，入面的芝士會流出黎，都幾好味。牛肉石鍋飯，都算用料豐富，拌埋之後味道唔錯，有時仲會食到飯焦。不過因為食完八爪魚丸好飽，所以食唔完，浪費左><