大鍋口海鮮火鍋店

營業中

休息中

突然間好口痕，想打邊爐，咁同一朋友傾開大家都有咁嘅打算，於是就一拍即合，跟手就來到莊士敦廣場12樓嘅大窩口海鮮火鍋打邊爐，對唔住成日噏錯咗，係"大鍋口" 唔係"大窩口" 全名係“大鍋口海鮮火鍋店”。有多種湯底可揀，我哋揀咗比較少有嘅“川芎天麻魚頭湯底“，內有川芎，天麻，薑片仲有半邊魚頭 。順帶一提，呢度9點前入座每位228，任食任飲2小時，假期，假前每位加10蚊，好合理。一嚟到就送一碟牛肉，跟住就剔纸仔揀咗海鮮類嘅生猛海蝦，白鱔片，脆鯇魚腩，脆鯇魚片，墨魚滑，帆立貝，九肚魚，水魷魚，吊桶仔，全部都好新鮮，尤其海蝦，吊桶仔，之後嗌多咗幾轉。食肉獸嘅朋友就嗌呢爽滑豬肚，爽脆豬潤，鵝腸，豬頸肉，羊肉片，黑豚肉片，當中羊肉片幾有羊味，唔錯；跟住再嗌埋大家都重鍾嘅木耳， 炙燒芝心丸，麻辣鴨血，韓國年糕，茶樹菇，鮮淮山，唐生菜，油麥菜和一口魚腐，吃到飽飽返歸。

由於好中意食打邊爐，朋友帶我黎佐敦呢間大鍋口食火鍋，話又平又抵食，性價比高，果然係無介紹錯！除左一般的火鍋，仲可以升級食海鮮+和牛！今次上左普通餐，其實都已經幾多款式。一開始食左個雞煲先，味道濃郁，雞煲好惹味，食完一轉仲可以添加！食完個雞煲就選左牛腩湯底，出面火鍋店好少有牛腩湯底，所以就試下，味道都唔錯，唔會太淡又唔會太咸，牛味都幾出。基本的海鮮都會有之外，欣賞佢既豆腐係新鮮既布包豆腐！而唔係一般既百福豆腐，幾有驚喜！另外仲有好少見既海帶結添！仲有要講下呢度既麻辣鴨血，係另外有碗裝住上，真係有自己整過，鴨血好滑，唔似出面盒裝買返黎既鴨血，中意食既朋友千萬唔好錯過！必試自家雪糕～

今日放假約咗老友行街睇戲食飯,睇完戲諗住喺附近搵啲嘢食,佢帶咗我去佐敦食我最鍾意嘅打邊爐。大鍋口海鮮火鍋店 ,地址係佐敦彌敦道219號莊士倫敦廣場12樓,上到餐廳環境非常開揚,地方又闊落,一大片落地玻璃望出彌敦道感覺真係幾舒適。今日我哋選擇咗238元餐,2小時任飲任食,海鮮加和牛,火鍋配料任食,啤酒汽水任飲。沙嗲湯底味道鮮甜有少少香料辛香味,用嚟打邊爐真係一流。火鍋配料種類繁多最鍾意就係食手切肥牛,四寶丸,滑牛肉,鮮蝦滑,脆鯇魚腩,生猛海蝦,白鱔片。手切牛肉色澤紅潤,睇得出好靚,入口牛肉味好香濃,加上有少少油花,令到牛肉味更加突出。脆鯇魚腩肉質爽口,魚肉味鮮甜,食落去魚肉結實一食就知道好新鮮。新鮮海蝦,海蝦好生猛,蝦肉爽口彈牙,味道鮮甜,食到真係舐舐脷。另外四寶丸同樣做得好出色,尤其是手打蝦丸同墨魚丸,爽口彈牙真係一流。一個價錢任飲任食性價比真係好高,材料豐富,食材新鮮, 下次一諗起打邊爐都會再過嚟幫襯。

好多年前食過一次今日老朋友外國返嚟, 點都要嚟食返次門口明碼實價寫咗幾多錢今晚 食七點半都幾多人,不過好彩都仲有位坐低落咗湯底就即刻睇下有咩食款式大致都係傳統嘅打邊爐料大部分都唔需要另外再加錢清清地都係揀咗芫茜皮蛋湯底飲品簡簡單單，但係基本上想飲嘅都有先整點料，有少少美中不足， 竟然係冇芫茜，不過都有麻醬，不錯不錯第一轉主要叫肥牛、滑牛， 丸、冬菇、生菜、魚皮、蕃茄、南瓜可能真係年紀大喇，食咗一轉之後，都唔係點可以再食多好多嘢唯一係重點將好食嘅再叫其中就滑牛…超好食，冇筋又唔會覺得肥膩另一個超好食推介係肥鵝腸鵝腸我哋總共要咗三次任食打邊爐真係一定唔可以闊肚窄，唔可以浪費食物， 我哋今次完全冇食淨，捧住個肚走另外值得一讚係，逢係食完食物嘅碟，都好快收走，所以令到檯面可以空出其他空間再叫其他嘢食希望下次朋友再喺外國返嚟，又可以繼續返嚟食過

經濟實惠既打邊爐放題～🍲我地叫左椰子滑雞湯底 + 新鮮豬筒骨湯底，椰子🥥都幾好味；豬骨亦入味✌🏼肉類有好多選擇: 手切肥牛, 滑牛肉, 黑豚肉.. 不過因為我地個鍋已經係椰子雞所以我地就無再專燈叫雞🐓啲雞都好滑🫶🏼第一條牛肉好靚，清晰既紋理另外魚類都有好多款式: 魚腩, 九肚魚, 魚片, 白鱔... 基本都有齊哂🐟滑類: 我地叫左雞軟骨滑, 蝦滑, 可以自己不出黎好好玩🤲🏼仲有其他既丸類都應有盡有食足兩個鐘有野飲有雪糕🍧#佐敦美食 #火鍋 #hkfoodie #hkfood

今天我來到了一家位於佐敦的餐廳，這家店以打邊爐及雞煲自助為主打，而且價格非常優惠。店家位於12樓，正對面就是地鐵站，交通便捷，方便您的到來。我和我的朋友已經預訂好座位，不用排隊也可以就座，非常方便。店內人流量非常大，座位幾乎爆滿，我們走進去，感到很熱鬧。 店家提供的雞煲味相當不錯，雞肉非常嫩，湯汁味道濃郁，而且我們點了小辣口味，香辣可口。店家還提供了別樣口味，比如說椰子雞湯等。環境也非常宜人，店家的服務態度也非常到位，給我們帶來了良好的用餐體驗。 店家的自助區域提供了各式各樣的飲品和甜品，以及其它食材，比如海鮮、手切肥牛、墨魚仔等。店家的菜單繁多，想吃東西的能夠在這裡找到自己喜歡的食品。其中，四寶丸和海蝦尤為值得推薦，它們滿口爽口，味道十分鮮美。 總之，今天在這家店裡就餐非常的愉悅滿足，無論環境，服務，還是菜品，都能夠得到高質量的品質，給消費者帶來了非常好的體驗。以後有機會，一定還會再來試試看其他的菜品。

近年市面上多咗好多日式同台式任食邊爐，但呢類嘅火鍋店通常都較少海鮮同內臟，呢排想食較地道嘅港式任食火鍋，所以就黎左大鍋口火鍋專門店，大鍋口喺我讀書嘅時候好出名，當時通常要早幾日訂位先食得到，今日就睇下佢水準如何啦花膠蟲草花雞湯底呢個湯底用料十足，花膠係用花膠筒，絕對冇揸流攤，仲有唔少豬骨，蟲草花同雞腳，啖湯真係飲屋企煲果啲，可以飲幾碗先開始打邊爐火鍋配料呢度嘅配料比較多選擇，肉類，海鮮，內臟，丸類，菇類，蔬菜，粉麵都一一俱全肉類 - 肥牛，肉味香濃，肥瘦均勻，質素幾好，金錢展新鮮，幾重牛肉味，羊肉片就有粉少羊騷味，唔錯海鮮 - 海蝦新鮮，有蝦味肉質爽彈，鱔片鮮甜又冇骨，九肚魚肉滑魚甜，但有細骨，食果陣要小心👀肉臟 - 鵝腸，牛柏葉，豬潤處理得幾好，唔會有異味，味道又新鮮，而家都唔多任食有鵝腸了🤫🤫丸類 - 手打雞軟骨丸最好味有脆骨口感，味道啱啱好，出面亦少見雜類 - 響鈴，炸魚皮都新鮮香脆，水準係中上水平，飲品&甜品 - 一般嘅汽水可樂都有齊，另外仲有自家製嘅竹蔗茅根，係唔錯嘅選擇幾香竹蔗茅根味道，甜度亦適中，呢度仲有軟雪糕，出面較少見

熱辣辣都可以打邊爐，今晚就同屋企人一齊黎到到佐敦呢一間大鍋口海鮮火鍋店度打邊爐。佐敦站落車既話，行3，4分鐘就到啦！呢度嘅火鍋放題都都幾抵食，食完免費雞煲又可以自選湯底。我地就先食雞煲，再打邊爐，雞煲夠辣夠惹味，好過癮。打邊爐之前揀咗醬料先。炸蒜又脆又好食簡左個椰子滑雞湯底，終於知道點解呢度叫大鍋口，因為個鍋真係夠曬大！湯底多，又濃郁！食肉之前食啲菜先，呢度都有好多款菜可以選擇，菜心，生菜，油麥菜，海帶結，粟米，重有各類既菇任君選擇！呢碟極品肥牛真係好新鮮好肥美，脂肪均勻分佈。再嚟多碟手切肥牛黑豚肉片鮮蝦滑同埋墨魚滑，食落好彈牙。脆鯇魚片好爽口，好彈牙！打邊爐梗係唔少得蟹柳同埋各款丸類啦！今晚食左好多菜，營養健康達標！

好耐無去打過邊爐啦～ 竟然揾到間坐得舒服, 地方闊落， 多款新鮮食物揀， 同冷氣好夠既火鍋店，滿足晒我咁多要求❤️呢到入座時間都有不同價錢～ ❤湯㡳： 新鮮豬筒骨湯底, 好鮮甜～ 帶有胡椒味🥰下面都係我最鐘意食既野： ❤手切肥牛：牛肉味濃旭～ 好林😘❤羊肉片：好鮮嫩呀 ， 仲要一d 蘇味都無❤鵝腸：洗得好乾淨👍🏻 咬落去爽口彈牙～❤墨魚滑/ 雞軟骨滑：有墨魚粒 同雞軟骨粒 ～ 令層次好豐富， 有咬口😍❤ 吊桶仔： 新鮮～ 好爽口！ ❤台灣一口黑椒腸： 黑椒味辣辣地， 好惹味🥰❤炸魚皮： 好脆口～ 點落個湯㡳到~ 一流飲品：可以係自助區到拎～ 有多款選擇👍🏻我地一落完order, d 餸好快就送晒過黎😘讚讚讚

好久沒有跟老公出來撐枱腳，他說很想打邊爐，朋友介紹下，來到佐敦的這間叫「大鍋口海鮮火鍋專門店」打邊爐！我們8:30來到，座無虛席，熱鬧程度回復至疫情前一樣。今次我們坐卡位，位置很寬敞，見現場還有大量大枱，下次可以帶爸爸媽媽一起來！先來一個免費湯底，我們點了椰子雞湯，顏色非常奶白，內裡有大量新鮮椰子肉，雞件也很嫩滑。趁湯底未滾起，先快快點食物和調製醬料！光看餐單，都有超過80樣，火鍋配料，樣樣都很吸引！我和老公肚子餓得打鼓，餐廳店員先送上一碟雪花靚牛，很細心！打卡美美的！牛的色澤很鮮艷，雪花分布平均， 滾10秒8秒就吃得，勁有牛味！肉質很鮮嫩！老公大讚讚魚類的CP值超高！尤其是鯇魚片和鱔片，超級新鮮，沒有腥味，肉質亦很嫩滑！我特別喜歡脆肉鯇，真的勁爽脆，很久沒有吃過這麼完美的脆肉鯇了，我們encore了三次！海蝦非常生猛，肉質很彈牙，用竹籤串起，吃的時候也很方便。老公是肉肉獸，再來三碟手切肥牛，從沒有漏單，很滿意。除了吃肉，我們當然也吃了不同的蔬菜！一整枱都是，超誇張。最好吃的是油麥菜，完全沒有渣，清甜又爽脆，顏色亦很翠綠。而這個價錢可以吃到這麼多選擇又高質，而且服務不錯（收碟速度超快）

今日嚟到佐敦嗰間打邊爐雞煲放題，地址好易搵，就係地鐵站對面。呢度係先食雞煲，再打邊爐，飲品同甜品係自助區。我揀咗烏龍茶，其他枱嘅人都攞咗竹蔗茅根，好好味，打邊爐必備呀！雞煲好好食，雞肉嫩滑，我哋揀咗小辣，配埋芫荽，好正呀！份量啱啱好，留肚打邊爐。唔夠的話重可以再叫雞褒！湯底都可以自選，我哋揀咗沙嗲湯，惹味濃厚。火鍋食材都好豐富，推介手切肥牛，唔韌唔膩，好味！金錢牛𦟌好香牛味。海鮮都好新鮮，尤其海蝦同墨魚仔，爽口彈牙。四寶丸好正，尤其手打墨魚丸同手打蝦丸，彈牙好食。豬頸肉柳軟脆，油脂豐富，另外羊肉片同黑豚肉片都好出色，牛筋腩炆好，入味，肉質腍身，魚片都處理得好，白鱔片帶脆骨感，脆鯇魚片甜嫩。手打墨魚丸同雞軟骨丸有爽脆咬口。蔬果類有鮮淮山軟綿，菇類吸汁超甜，雞脾菇同茶樹菇味道濃郁，凍豆腐爆汁過癮，鮮腐竹大大片唔油膩，唐生菜同粟米都新鮮。總的來說，晚市人氣好高，侍應做野好快手，服務好讚，平日同假日價錢亦唔貴。

想當年剛剛出黎做野好鐘意食食大鍋口，貪佢性價比高！價錢優惠之餘，湯底同配菜都多選擇😁不過而家好似只係得番一間分店，可惜🥲而家係進步左嘅，多左雞煲，打邊爐前可以先食雞煲！而值得一讚嘅係其他食店只會加清湯比你打邊爐，而大鍋口係可以比換咗個煲，再比你揀埋湯底👍👍👍夠哂有誠意😆湯底方面揀蕃茄湯底，香濃蕃茄味配上洋蔥令湯底更香～任食火鍋放題，有鱔片選擇，鱔片冇骨又滑，encore 左幾次👍手切牛肉，脂肪均勻，牛肉嫩滑，大約要加百幾蚊👍

大鍋口呢間火鍋邊爐，開業多年。有傳統港式邊爐風味。晚市$238一位兩小時任飲任食。首先可以食雞煲，再打邊爐；但係我哋都主力打邊爐，所以冇食雞煲。我哋揀咗牛雜鍋，湯底入邊有牛肚、牛蒡、牛肺、牛腸等等，味道好足料。不過最令人驚喜嘅，係佢嘅和牛。一碟定量嘅和牛，肉質肥美，每一口都好嫩滑。另外，佢嘅肥牛、豬肉、羊肉、雞肉等等都好新鮮，同埋味道都好好。啲肉類煮熟後都好嫩。配料方面，呢度真係滿足你啲口腹之慾，仲有唔同嘅丸類、餃類、蔬菜類、粉麵類等等。我哋特別鍾意嘅係佢啲餃子，皮薄餡多，真係好好味！另外，佢啲豆腐類都好滑嫩，啲菜類都好新鮮。呢間平價港式傳統火鍋放題係一個好選擇，唔單止價錢實惠，仲有好多好味嘅食材任你食到飽。嚐嚐香港嘅火鍋風味，呢度絕對係一個唔錯嘅選擇！

每次聚會都好糾結應該任食雞煲定打邊爐好？呢度任食麻辣雞煲再直落打邊爐任食都係一個價錢，兩種享受，真係幾抵讚！😆😆😆首先，雞煲食落去肉質嫩滑，麻香味重，夠辣味，不錯！🐥👍🏻食完之後我地就揀自選鴛鴦湯底，揀咗胡椒豬肚湯底同新鮮豬筒骨湯底，豬肚湯胡椒香氣重，豬筒骨湯底就滋味鮮美，兩款都幾好。🍲🌶️🐷火鍋配料有滑牛肉、手切肥牛、金錢牛腩，牛肉鮮嫩多汁，海鮮方面有白鱔片、脆鯇魚片、生猛海蝦、帆立貝，全部都幾新鮮，最緊要係肉質好結實。🐟🐙🦐另外仲有手打墨魚丸、雞軟骨丸、手打蝦丸、鯪魚丸、潮州白魚蛋，好彈牙，特別啲嘅黑松露水餃、台灣一口黑椒腸、麻辣鴨血、炸芋頭條、爽滑豬肚等都有，幾多元化！🍖🍢🍤

位於佐敦的大鍋口海鮮火鍋店，係K先生無論由大學時期到依家出社會工作，約家人及朋友歡聚嘅心水任食火鍋之一！🍲 對於K嚟講人生不同時期都有喺「大鍋口」開心暢飲暢食嘅回憶！ 是晚就帶作為佢未來老婆嘅我來大吃大喝！😆🍲👩🏼‍🤝‍👨🏻 佢仲好雀躍咁一邊食一邊讚最喜歡的生猛海蝦好新鮮！ 又話每次來都會叫鮮蕃茄薯仔豬軟骨湯底、又介紹邊款係佢必點火鍋料、邊度可以拎竹蔗茅根水🤣☺️🍲 2小時任點任食火鍋 🍲7:30pm前 (離座計) $1989:30pm前 (入座計) $2289:30pm後 (入座計) $198🍲 湯底可選：四川麻辣湯底 / 新鮮豬筒骨湯底 / 花雕醉雞湯底 / 鯊魚骨猴頭菇湯底 / 沙爹湯底 / 胡椒豬肚湯底 / 椰子滑雞湯底 / 鮮蕃茄薯仔豬軟骨湯底 / 皮蛋芫茜湯底 / 川芎天麻魚頭湯湯底 / 牛什湯底一款湯底(自選) $0鴛鴦湯底(自選) $48花膠蟲草花雞湯底 $88 (四位或以上免費,售完即止)✨🐮 入座免費送一碟極品肥牛 (原價 $148)🥤 任飲： 罐裝汽水、罐裝茶、竹蔗茅根水(壺裝)🍨 甜品： 自助雪糕機 (雲呢拿 / 蜜瓜雪糕)，topping有爆爆珠、迷你綿花糖粒