大里餐廳酒吧 (已結業)

今日好早同朋友做完運動後，又想進食番啲好野落肚😂😂一個人番到上水去左上水廣場呢間西餐廳食番個lunch,之前早餐經過幾次都好多人既後冇食到佢，今日lunch黎到又唔算特別多人，終於可以比我食到諗左好耐都唔個食咩好三心兩意，因為佢地選擇都唔少啊🤓最後叫左黑松露煙三文魚意粉，重要左個是日精選蛋糕🍰三文魚意粉雖然未算有咩驚喜但都係正常好食嫁，Sauce 好creamy,三文魚都唔小集份量足😚甜品cheese cake亦都唔錯☺️

呢日帶左仔仔黎上水廣場呢間Tablier Bistro & Bar 食lunch，因為我自己好想食意粉，所以搵左間西餐食飯。😌位置都好寬闊，帶住小朋友拎住好多野都唔怕位置窄啊👍🏻佢地好好有兒童餐提供，內容都好豐富，有腸仔啦，薯條，炸蝦同肉醬意粉🍝都係小朋友一定會鐘意既食物😝阿B都有食得好開心☺️而自己就叫左個海鮮意粉，都好唔錯而且好多料啊🤤👍🏻👍🏻侍應哥哥都好友善好nice係咁同阿B玩哈哈😆

黎到上水有間西餐廳，個dinner menu好吸引就入去試下係free flow薯條 見到對眼發哂光 一定要點呢個餐叫左個Prime平鐵牛五成熟，好好食，牛扒鮮嫩多汁唔會好韌，呢個價錢抵到爛佢加薯條同黑松露芝士醬嗰陣一啲都唔會就住就住，超級大方，仲要勁快上菜，薯條熱辣辣，呢個free flow非常滿意小食揀左個啡菇，原來唔係平時睇開嗰隻大啡菇，但係牛扒真係好高質同埋任食薯條，呢樣小食已經唔重要配小甜品芝士濃湯ok加少少錢配青檸梳打：$240加一，6樣野，邊度搵

今日去左上水廣場搵食啊~黎到呢一間好似都開左好一段時間既Tablier Bistro & Bar我到有稍為睇過之前的評價好似都有d兩極~今日就黎試真的佢到底值唔值得食啦🤓今日我同朋友一齊黎試下佢地既晚餐如何😎叫左一個2人套餐,內容都好豐富下啊🤩每人可以揀一款小食,然後2款main🥳🥳重有埋個甜品拼盤加2球雪糕!!🍨🍨咁多野食,你地又估下係幾多錢?!只係$408蚊,嘩,咁良心既價錢🥹會唔會質素就唔好,好鬼難食嫁?但又完全唔會wor..你睇下我張相就知道😉個Burger其實都好足料啊,而且入面塊Burger都又厚又juicy🍔小食就正正常常,雪糕蛋糕呢d都係正正常常咁啦唔知佢地用咩雪糕呢,覺得個味都幾好食,應該唔係用維記XD

我本身係上水廣場上面寫字樓做野，每日都要好好地嘆番個早餐飲番杯靚茶先可以好好地工作嫁！呢間係上水廣場5/F 0既 Tablier Bistro & Bar~我其實一直都有幫襯開既～主要因為佢地既早餐完全符合我呢啲港人既要求～就係快！靚！正啦！😋煎蛋靚，薯餅正，又有啲沙律菜蕃茄仔～健康均衡營養☺️有時趕時間但都想坐低食，佢地出餐都好快手啊，5分鐘內早餐同杯茶就送到我面前！服務生都好好，大多都食到認得我嫁啦～呢排得閒D一定要黎寫番個好評比你地啊☺️

今日入咗嚟上水工作，在上水廣場諗住是但求其吃，上到廣場5樓都有多間食店選擇，最後選咗西餐廳⋯⋯Tablier 原字應該是法文，意思係圍裙，但中文名釋作大里又幾有趣，首次到訪，大鄕里是也。星期六中午12時許，開始多食客⋯⋯在門外看著這個餐牌，就是喜歡靈活多彈性，單是Starer 已經可加可減機制，甜品也如是，一讚。British All Day Breakfast $63~由於今日晏啲相約好友大食會，但中午又有些少肚餓，決定來個英式早餐，樣樣有少少唔使煩。就是喜歡它有丹麥飽，甜甜哋配上雞蛋味美。餐飲點基本飲品唔使加錢，而且不用加一，如果有即磨咖啡更完美。整體來說:坐得舒服，就算繁忙時段，店員都唔會給你趕急的感覺，靜靜哋，一個人的好選擇。

呢間Tablier好似係上水都開左一排一直想去試下食下～但本身人住粉嶺又唔太多機會落上水～今日要落去拎d野就順手黎試試佢地既晚餐啦哈哈😆晚餐選單中好多好豐富可以講係要乜有乜意大利粉，意大利飯，焗飯，漢堡等等甜品亦有好多香港女仔喜歡既朱古力心太軟配雪糕🍦重有多款口味雪糕可以揀🤓今日我就食左個平鐵牛扒Steak Set呢個餐都好抵食wor,又前菜小食又扒又甜品咁最重要係佢重任食薯條🍟😜先個200零蚊，果然係上水既清泉啊🤣😂🤣😂

今日去了上水廣場搵依晚餐晚餐既地方來到了這間叫Tablier 的餐廳諗住据番個扒啦其實唔係好識讀佢地既店名膽粗粗走去問下個店員啦，佢都好良善咁答我希望佢唔會覺得我on膠啦哈哈但依家問番我點讀我又唔記得左啦，真憐對唔住佢🥹講番食物先，呢晚我點左一個平鐵牛扒set薯條重要任食真係好吸引啊！！餐湯係我好鐘意飲既南瓜湯，勁好飲牛扒雖然唔係勁靚既肉眼西冷個d但對我黎講flat iron 係比較冇咁油膩會減少dd咁多罪惡感啦😂🤣下次會想再黎試其他steak set☺️☺️

今日同男朋友入左上水晚朋友到探d狗仔出番黎上水站都已經7點幾啦玩到好晏都唔知去邊到食飯好最後揀左係上水廣場5樓既Tablier Bistro & Bar食dinner因為我地都真係好攰所以無腦揀左個2人餐食其實個餐既內容都好豐富下嫁又冇兩份小食，2個main,有野飲重有埋甜品🍮都真係算CP值高啊！我地叫左小食雞翼同洋蔥圈，Main就叫左煙肉漢堡同埋平鐵牛扒味道都真係唔差嫁，而且份量都好足夠2個人食👍👍

同Mami 呢日出左去上水廣場個邊食Lunch,mami 話想食 smoked salmon pasta 🍝我其實都唔知到邊到有啊🥹🥹但搵到呢間西餐廳睇相食物都好似唔錯！又有mami想食既pasta,就帶左mami 去一齊lunch laa🥰Tablier 餐廳環境都好大，座位坐得非常舒適，nice☺️Mami order左 Black Truffle Smoked Salmon Pasta我order 左 Braised Oxtail in Red Wine ☺️Menu 都有好多其他選擇ahhBurger.. Ribeye steak..smoked Duck Breast..All day Breakfast…etc我都有少少選擇困難症左😛😛Braised Oxtail 擺盤很精緻☺️Mami 0既pasta就一般般，但佢話味道都好滿意☺️我個個都好好食啊Red Wine Sauce sooo yummy☺️☺️☺️☺️ 100分!

上水廣場呢幾年真係開多左好多食肆啊☺️身為上水區既居民其實我以前都好少係上水廣場入面搵食嫁🙃今日黎到呢間係上水廣場既Tablier Bistro & Bar 難得同朋友同一日放假我地就一早出黎食個lunch再周圍行街haha餐廳為於商場既5樓，見佢地都有outdoor seat,好似幾chill☺️今日我地坐左係室內啦，朋友話唔係好餓點左All Day Breakfast我就好想食肉叫左肉眼扒配薯條😇店員都好nice,服務唔錯喔🥳食物都上得快，牛扒肉質好ok,唔會勁淋又唔會un,岩岩好成數都有煎得7成岩岩好，好香☺️☺️薯條份量亦唔會太多，唔係真係會食唔哂嫁🤪呢餐有食得好滋味😋😋

最近呢個月跟緊個project都要去大西北上水番工😞呢頭其實真係人生路不熟啊，而且每日lunch要諗食咩都好煩惱😣自己好鐘意食西式野意粉個d係呢個地方好似冇乜選擇咁😕但今日發現左呢間Tablier Bistro！！佢地lunch都有好多意粉選擇，當然都重有飯啊麵啊同all day breakfast 咁啦🤓呢日點左黑松露煙三文魚意粉🍝上菜時間都係快既，熱辣辣送到黎☺️份量亦都好足夠，而且$88既意粉配料量都好有誠意喔👍意粉煮得剛剛好，唔會太淋好似d港式意粉咁三文魚正正常常啦，好香松露味亦都有好多菇菇～好正！都算係忙碌工作中既一個小小治癒啦☺️

今日老闆交帶落，要同我地個大客食lunch揀左呢間係公司樓下既Tablier Bistro & Bar佢地Lunch既價錢，以西式餐廳o黎講就真係唔算好貴啦依家係茶餐廳食個午餐都要$55蚊既時候佢地餐牌最平既英式All Day Breakfast 都只不過要$63都真係算係咁啦！我就點左紅酒燴牛尾配法國肉豆及薯蓉牛尾我平時就比較少食既，就試一試啦個客就揀左烤肉眼扒配薯條及新鮮時蔬出品都很不錯，份量對我黎講都岩岩好牛尾個汁好好食，配埋薯蓉一齊食真係正啊😋

呢日就來到上水廣場o既一間西式餐廳🍴愉快地嘆下～黎食番個下午茶咁🫖☕️見佢地好似不是連鎖o既經營咁，搵了就只係有呢一間店舖☺️惠顧既呢日～下午茶時間人都不是算特別既多o既坐位都很寬鬆舒服啊😇我見佢地既下午餐menud選擇都真係非常既豐富喔計算埋甜品既話，有成接近30個選擇！！厲害厲害👍🏻由飽肚既飯及意粉類至輕食沙律🥗三文治🥪牛角包🥐飛碟都有我就選擇左炸魚柳餐即沙律魚柳夠大塊，沙律的醋汁也很好食👍🏻

今日收工攰攰地想自己一個人食餐好既🥹黎左距離火車站只要3分鐘路程既上水廣場搵下有咩好食啦🥣5樓多左好多新既食肆啊～～而我就揀左呢間Tablier Bistro and Bar 🍷嘆番個美好晚餐，平日晚上唔駛等位就可以入座～侍應都服務有禮招呼周到點左香煎藍冰比目魚扒配刁草奶油汁🍴見佢地都可以優惠價配餐酒，但聽日好早要做野就唔飲啦🥲上菜都算快～擺盤都靚☺️最緊要係味道都好好！🐟魚扒外皮煎得香脆魚肉嫩滑🥰係非常滿意既一餐😋