6
2
2
港鐵筲箕灣站 A2 出口, 步行約6分鐘
繼續閱讀
電話號碼
28563266
營業時間
今日營業
18:00 - 03:00
星期一至日
18:00 - 03:00
以上資料只供參考, 請與餐廳確認詳情
食家推介
食評 (14)
大成由細食到大，每逢諗唔到晚餐食乜，佢都係個好選擇。最近天氣開始涼，次次經過都好多人排隊，今晚咁啱見到冇人，當然即刻幫襯！。環境從來都未試過堂食，永遠都係企喺門口叫外賣，而家等外賣時，仲可以睇下隔離店嘅兔仔。。食物粥加腸粉套餐係40蚊，今時今日真係良心價。最鍾意佢地真係即叫即整，全部熱辣辣，好啱秋冬食。雖然係普通巳嘅皮蛋瘦肉粥同埋炸兩，但由於新鮮整，我都覺得好好味～不過腸粉嚟講，平時都係食開蝦米腸，今次轉下食炸兩。。服務每次叫外賣，店員落單都係神速，你叫多蔥的話，佢地一定記得加多啲蔥比你。
繼續閱讀
本身係想試生滾豬膶粥配腸粉但原來只係晚市宵夜供應反正坐低左就叫個豬膶拼牛筯麵試下落完order，老闆就入咗廚房預備等左成十分鐘，碗麵終於上枱即叫即煮呢點令人有些感動口味嘅嘢好個人呢碗豬膶牛筯麵賣相平平但老闆即叫即煮已經覺得好有誠意豬膶厚切啖咪肉唔腥牛筯稔滑最正係個麵底爽口超彈牙極加分咬到最後一啖個質地都冇變本身唔好麵，落完order仲諗不如轉米粉但食完老闆碗麵之後就覺得下次去其他地方都要叫麵了雙拼連嘢飲$42呢個已經係散叫非套餐價小店大家都要好好珍惜
繼續閱讀
筲箕灣低調街坊茶餐廳 呢到分開早晚兩班人做 晚市會有雲吞麵 同粥品 但係就冇左奶茶水吧 每到晚市都會keep住好多街坊排隊買外賣 因為佢哋開到凌晨 同埋價錢真係好平 雲吞麵雖然加咗價 但只係賣$22 簡單記錄一下.⭐️生滾豬膶粥$23 （$40套餐 跟腸粉）上次出完post 講呢間沙嗲麵 好新奇之後 有幾位朋友仔同我講呢間豬潤粥唔錯👍🏻終於試到 佢嘅豬潤粥 超級厚身同大塊👍🏻超級足料 有成4大片 放滿左成個碗👍🏻口感方面 做到爽滑 高分😋因為足料 所以佢地粥入面有豬潤嗰種甜味😅好過香港好多薄切嘅豬潤粥😅亦都唔會好似譚仔咁煮到老哂只係$23黎講 超級好評.#hkfunfoodrecord窮遊香港#hkfunfoodrecord_筲箕灣 .#大誠餐廳 (筲箕灣)地址：筲箕灣筲箕灣道372號地下.⭐️評分：味道：4.5/5環境：2/5 老舊服務：2.5/5抵食：4.5/5.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #筲箕灣美食 #雲吞麵 #豬潤 #豬潤粥 #腸粉
繼續閱讀
今晚食粥食出了只曱甴。换个新粥比我的，但系心里唔舒服。之前住港岛，经常食宵夜过来。发现以前味道好许多，炸良都多许多，现在分量少佐，价钱贵佐，中食出来只曱甴。 哎，感觉非常不好，以后都唔会去了。味道都差佐。
繼續閱讀
今日去筲箕灣一間好大嘅玩具舖度睇玩具，咁睇之前就有啲肚餓，就醫下個肚先啦！見到有間餐廳都幾多客人，咁就試下啦！望下埲牆， 見到有一個生滾粥再加腸粉嘅套餐。點左個粉腸加豬潤，再加多個叉燒腸。落左單之後，見到個師傅會即拉腸粉，非常有工架。咁上菜啦，個粥底好綿，而且好足料，塊豬潤大大塊，粉腸都係乾淨嘅，唔洗落咩調味都已經好夠味道，而腸粉就好滑，中間d叉燒都好足料，好抵食，食飽就行去買玩具啦，有機會會再去幫襯。
繼續閱讀
您可能會有興趣的...