大觀麵膳 (已結業)

收工諗住去買晚餐，見到呢間小店以為好好食點不知中伏首先去入到間餐廳有個冇戴口罩嘅肥仔我本身以為佢係食完野嘅客，見到我就繼續撳電話，真係好冇禮貌，之後就係一個包緊餃子嘅女人幫我落單，個肥仔最後幫我收錢我先知係staff，見到個客都唔戴口罩，一d衛生意識都冇不如返屋企打機啦我叫咗個雲吞雞（$50），啲雞勁少得兩舊雞細雞同埋一隻雞翼尖，食雲吞嗰時浸味已經食到好臭，浸味係勁怪，食咗少少已經要扔講真佢價錢又唔係平仲要唔好食呢個價錢附近有大把好選擇…查看更多

醉雞好滑而且份量多，好味又抵食飲一啖花雕酒，再食一舊雞，正呀！40蚊淨醉雞，加5蚊就可以加埋上海麵，另外因為材料費上漲，所以加多2蚊，都明既~疫情期間係要，做飲食好難.....加油呀！我仲想下次試下佢地既自製餃子和魚麵架支持小店，咁用心製作平靚正食物！…查看更多

經朋友介紹，搵到呢間好出名食魚麵同醉雞既麵店 ，不過店鋪比較難搵，都要搵左一陣先搵到，係家庭式經營既好味道老闆娘超級好客，見我地排隊等左一陣就每人送左一碗自家製靚湯，落足料試左醉雞魚麵，醉雞入味，又啖啖肉，另外杯凍檸茶茶味夠濃，雖然要散叫，但成個套餐甘食簡直係好享受食完之後真係一試難忘，好想再去試…查看更多

今次食左雲吞雞上海麵+葱油雞家鄉伴麵（上海麵+$5）。對比下，雲吞雞比較優勝，餃子有蝦、菜、肉做餡，仲有五粒，粒粒都人手製造雞好滑，份量亦都好多唔食荽茜嘅朋友要叫走茜啦相反葱油雞爭少少，面頭有少少鼓油，雞肉都滑，不過冇咩味，葱油都唔太多同唔夠入味至於家鄉伴麵可以㨂麵底，有尖椒粒，花生，肉碎，辣椒粒，蘿蔔絲，辣到好過癮伴麵材料好多滿足…查看更多

因為今日繼續呢頭附近做野，就再嚟到呢度試下其他口味嘅雞，今次叫咗個蔥油雞，賣相同醉雞一樣吸引，我都係揀咗魚麵，仲叫多咗一份小食，炸墨魚餅。果然都係冇令我失望，蔥油雞分量大，肉滑，好有住家味道，墨魚餅唔會好厚粉，仲食到粒粒墨魚！…查看更多