大茶飯 (將軍澳中心)

營業中

休息中

收工諗住嗌外賣返屋企食啦 係蔣中見到呢問大茶飯幾多人等 就諗住試下啦 係門口問多二句menu既野 因為第一次嗌唔係好知 個女員工 勁西聲西氣超唔耐煩咁答囉 好似唔想做生意咁 咁之後我諗好食咩諗住落單 另外一個女員工又係勁西咁一個一個字咁話 入 邊 落 單 呀 唔 該 好似我殺左佢全家咁 入邊落單個男員工 件衫顏色唔同既 可能係經理啦？我都唔知啦 態度就好小小 不過都係西架啦 咁落完單等緊既時候 聽到佢地嗌外賣號碼嗌到真係好西 啲語氣差到好似唔想做生意咁 又西又惡又大聲 先唔評價價錢同味道啦 呢啲都係因人而異 但呢啲咁嘅態度真係唔會有下次囉 我都唔明點解會有咁多人喺度等呢間外賣 真係cls

上網搵喺將軍澳嘅黃店見到呢間有成百幾個正評，於是諗住過嚟試吓，一入去其中一個店員就倔擂槌「安心出行。😐」四隻大字「得」埋嚟，我當佢因為抗疫算數，然後仲要毫無感情咁話要「show針卡。🤨」，顧客唔係太清楚原因禮貌地問吓點解啫，個店員就超級不耐煩，粗聲粗氣咁話分咗C區D區，「你打咗先坐得入面！冇打只可以坐出面囉！😒」。原本都諗住show俾佢睇，但係服務態度搞到好似家有喪事咁，要人哋睇你面色，唔怪之得入面都淨係得小貓三四隻。你唔憂做都唔緊要，唔好拉低埋顧客對其他店員嘅印象，整臭餐廳個招牌吖嘛。😰**有作並未有任何用餐體驗，味道同抵食欄嘅分數不能夠作準。**

新年當然好多餐廳都未必會開門，所以係屋企附近行左陣見到「大茶飯」有開就入去左食晏。見到餐牌有台式菜之餘仲有港式車仔麵俾大家選擇，但黎到當然要食台式野。lunch set基本上有一半既選擇都係跟肉燥飯，今次就叫左「酥炸魷魚鬚配肉燥飯」。另外朋友仔就叫左a la carte menu既「花膠雞粥」。「酥炸魷魚鬚配肉燥飯」：以依個價錢黎講，個人覺得個份量算大份，雖然魷魚鬚大部分都比較細舊，但勝在夠香口，同埋唔會太多炸粉。肉燥都唔會太咸，但普遍感覺唔算太驚喜。「鹽酥雞」：套餐加左$22配埋「鹽酥雞」，初初以為得4/5舊，但黎到既時候見到個份量好似一碟小菜既份量咁，有成差唔多10舊。岩岩炸起既關係食落都熱辣辣，調味粉唔會過多，岩岩好，雞肉都夠嫩滑，小食黎講幾抵食。「花膠滑雞粥」：睇落去同平時香港食到既粥感覺比較稀身，但配料都算足料，花膠都有4/5舊。味道方面唔算濃，反而因為落左麻油既關係，比平時食開既粥有另一種香味，唔想食太重味既朋友仔不妨一試。

宅咗喺屋企成日，#初二 終於可以出去行吓👀 不過呢幾日實在太攰，起身嘅時侯已經差唔多中午兩點😅 梳洗一吓再執吓間房時候都唔早🤪 所以決定先去食啲嘢，再作打算。其實我哋都唔係太熟悉將軍澳嘅環境，所以朋友仔事前都做咗啲功課，見 #大茶飯 Tai Cha Fan 喺網上都幾受歡迎，雖然嚟到嘅時候見餐廳只得一個食客，都膽粗粗去試吓。入到餐廳嘅時候大概下晝五點鬆啲，為咗唔好阻人收工，我哋都快快手落單，但係就見幫我哋落單嗰位姐姐仔面黑黑咁走咗去😅 唔知係咪怪我哋唔跟單即時落埋餐飲呢😜 我哋等咗五分鐘左右，食物已經嚟到我哋面前。我哋叫咗兩個午餐， #雞扒配肉燥飯、#酥炸魷魚鬚配肉燥飯，另外加咗個 #鹽酥雞 做小食。食物賣相都唔差，#肉燥飯 還可以，不過完全唔似喺台灣食到嘅風味😙 至於配飯嘅 #雞扒，雪味太重，我無幾可食咗一件就完全放棄😅 好在都有肉燥送吓飯… 呢餐就當減肥啦😆

經常經過都有人排隊 想食就要等位等位既人又唔算好多 所以試下大茶飯雞扒配肉燥飯估唔到塊雞扒咁大塊 佢雞扒係另上既 大大塊炸左 唔算好油 好脆 好香口肉燥飯就相對普通 但配起黎好好送飯台式腸鳳梨炒飯勁勁勁大碟 佢個炒飯個賣相就知佢足料 一大碟飯 飯中間見到好多材料 同埋見到d蛋一塊塊 好多顏色 吸引到眼球蔥油餅唔算好油 可以

放幾日假唔想煮飯，行到去將軍澳中心,見到有間大茶飯, 就試一試啦！滷水雞中翼拼滷水蛋配肉燥飯 $66肉燥飯份量好多，雞翼好滑，滷水雞翼同埋滷水蛋都滷得好入味，肉燥好香好濃，送飯一流。皮蛋豆腐 $42皮蛋好流心，豆腐好滑，配埋啲汁好夾，份量重好多,好鬼抵食. 牛肉餡餅 $34牛肉餡餅有兩件，煎到熱辣辣，一咬開牛肉餡餅好多汁，牛肉味好濃，牛肉好香好滑，餡餅煎得好脆好好食，值得推介。喺網上落訂單仲有七五折，真係好抵食。

今晚一個人的晚餐，去咗大茶飯買個外賣，雞扒肉燥飯台灣嘢食我最鍾意就係肉燥飯。雞扒煎得好香，又幾滑，仲有肉汁。肉燥就好惹味，仲要分量十足，眨吓眼就食晒成盒盒，外賣的水準比堂食都唔差好遠

次次幫襯呢一間嘢都要等位，相信係因為啲食物尚可接受價錢亦唔貴， 今次叫咗個台式腸鳳梨炒飯、台式車仔麵、 午市套餐大茶飯雞扒配肉燥飯、再額外叫多個鹽酥秋葵同埋蔥油餅。味道不過不失，雖然炸嘅食物較多，但係都唔會太油，感覺仍有點清淡。 室內環境普通， 一般正常餐廳，亦唔會坐得太逼夾。「台式車仔麵」呢次車仔麵主要跟鹵水豬大腸、黃金蝦餅、炸魚蛋、配幼麵、跟豬骨湯、再加沙嗲汁。 講真同香港傳統嘅車仔麵真係冇得比，呢個車仔麵叫做食飽肚就算，沙嗲汁辣味唔夠，要再叫佢加啲辣椒油。「大茶飯雞扒配肉燥飯」炸雞扒大大塊，上面加咗啲胡椒粉，而且唔係太油， 所以味道唔差，容易入口。 肉燥飯上面啲肉燥就一般，味道較為清淡。 「台式腸鳳梨炒飯」非常大碟， 用台式腸炒飯亦好特別， 裏面嘅菠蘿亦都多， 唯獨可惜嘅係成碟飯比較濕， 即係冇用到隔夜飯炒嗰種感覺， 不過而家出面好多餐廳都係咁，呢方便又唔可以特別有太大要求了， 整體上算ok，都係飽肚之選。「鹽酥秋葵」可能本身比較鍾意食秋葵，佢呢一個鹽酥秋葵係幾好食，一樣唔係太油膩，炸得亦都清新。「蔥油餅」正常蔥油餅味道，冇咩特別。

次次嚟將軍澳都幾鍾意買呢間外賣，但呢一兩個月開始質素好似有啲下降，唔知係咪轉左廚師呢鹽酥雞依然係份量多兼且好食嘅！經過就咁買一份小食都OK，但係豬扒肉操飯就失望咗少少以前個肉操甜甜地會追飯食，但係今次個肉操食落似珍珠雞饀，一啲都唔似肉操味。牛肉麵雖然個湯底好香，但係啲麵就算分左湯都覺得有啲淋，牛肉都係好睇唔好食，希望可以改善下啦！

今日同同事嗌外賣，我嗌左大大塊巨浪豬扒配肉燥飯。一打開已經覺得好豐富，好大盒。d肉燥好好味，好足料，又吾會太咸。豬扒炸得脆既，不過粉集中某d位落得太多，不太平均😂😂所以有d特別咸，有d正常。用外賣加埋折扣盛惠68.5hkd👍

好少嚟將軍澳肚餓是但搵一間去食就嚟咗呢間大茶飯見到係呀麻辣鍋再配牛肉（煙韌)咬左好耐一個大茶飯炒河 乘風破浪鹽酥雞小食台灣香腸小食整體來講茶餐廳質素唔可以話好但如果想打邊爐過吓口癮嘅話都唔錯嘅

今日路過將軍澳中心，朋友介紹午餐去食大茶飯，一行3人去到全場滿座要等位，等咗大約10分鐘就可以入座，店員安排入座時都好細心同好有禮貌，會check好我哋安心出行＆量體溫再安排入座，抵讚，午餐餐牌選擇都幾多嘢食，咁3個大男人分別揀咗去台灣必食嘅炸雞扒，滷水排骨＆蒜香牛肉炒飯，等咗十幾分鐘就上齊所有嘢都算快，雞扒有驚喜，唔會太乾身，蒜香牛肉炒飯好香蒜味，好好食，滷水排骨肉燥飯都唔錯，碗肉燥飯好大碗，食到好滿足，下次有機會會再去

好耐冇食，諗住有改善，再比次機會佢。叫了車仔麵，湯底冇味，豬頸肉冇味，魚旦腥，最正常係菜芯。冇下次了，啲員工態度差，唔休做嘅款，不停講粗口，冇禮貌！唔會再食了！等執

【齊上齊落嘅大茶飯 食物賣相同味道一般】-大商場好少可會揾到黃店，大茶飯就係例外，仲要唔會好貴😛//環境🌕🌕🌕🌕🌑藍白色嘅裝修，同埋寫住齊上齊落嘅員工Tee，已經吸引咗我入去幫襯💕座位就唔會太逼，尚算舒適。//食物🌕🌕🌕🌑🌑1️⃣大茶飯炒河 （$68）佢其實就係乾炒牛河加蛋，味道一般，略嫌濕咗少少，不過份量都足夠既，無咩特別好或者特別差，但下次再嚟既話應該唔會再order😣2️⃣大茶飯雞扒配肉燥飯（$62）🌕🌕🌑🌑🌑個肉燥飯同我想像中既肉燥汁有d出入，有D好稀既汁，但個味道係無問題既，亦都足夠送飯😬雞扒上面灑咗D椒鹽，不過我覺得可以再重口味少少，同埋個外皮完全唔脆，有D厚粉，呢點有D失望☹️//總結環境係幾舒適，不過食物質素就麻麻，似大學Canteen，唔會特別推介大家去食🙈阿優推薦指數：🏃🏻‍♀️🏃🏻‍♀️

今日去食下午茶見到個價錢都覺得有啲貴50幾蚊 包杯嘢飲 唔知係咪日頭啲同事態度差啲㗎呢 上次夜晚去服務都好好😂🤣明明同佢講要拌麵俾咗個飯我 👍🏻👍🏻個態度仲要勁衰 如果食下午茶真係唔會揀呢間😂😂我亦都留意到佢對其他客人都好冇禮貌 我聽到有個客人唔知道冇午餐叫 落單嗰時佢照講午餐嘅嘢食啦 個職員話 冇㗎喇午餐得返下午茶㗎喇 聽落真係好唔舒服個客人仲要道歉🤦🏻💁🏻💁🏻🙅🏼🙅🏼🙅🏼諗唔明囉