大自然素食

營業中

休息中

大自然下午三點至五點半價這個很吸引人，剛好朋友說下午想吃清淡點就過來了，pizza直到3:40沒來就跟職員說取消，因為都吃完了，可以買單了，職員說正在焗需要時間，兩個字就好，如果過十分鐘沒好可以取消，完了還說如果那麼著急走就不要點要焗的菜呀！其實我聽來氣了，來了那麼多次都沒試過pizza要焗那麼久，但是朋友在算了，於是答應等一等，到3:55分催問時說還沒好，我說那取消吧，可以買單走了，就在這時拿出來了，吃了一口發現餅底沒熟，嚴重欺騙，阿姊態度又不好！惡劣！

昨晚和朋友又去一趟, 我們 order 左一個松子魚, 但不是我們想像的味道, 但都還可以.跟住又order 左一個焗多士仲可以 keep 到以前的味道.還 order 左一個什菇煲, 都算好味.但銅鑼灣果間分店環境太嘈雜, 好似一舨街市, 同朋友庭座著對面要好大聲講野.

砂鍋菜膽雲吞翅ortion較大，兩個人食可裝起八小碗，每粒雲吞好似一個碗仔咁大隻，脹卜卜、肥嘟嘟，咬落去就好多菜，有些素肉，非常清， 好明顯有菜嘅甜味😋 另外，翅量好足夠，湯底亦都好甜，仲好香冬菇味!九製陳皮骨:咬落爽口， 陳皮骨上面鋪了酸梅粉，錦上添花好香口、好醒胃。好值得食!Menu上其實好豐富，分類很多，有豬、牛、雞肉；有日式壽司；有炒粉麵飯， 包羅萬有，感覺新鮮!下次一定要叫夠一圍朋友黎食哂所有素菜。

香港人多外出應酬晚飯， 經常肉多菜少， 偶然食素菜也是一個好選擇。 如果厭一般齋菜館太乏味， 不防一試這間素食館喇! 款式多，口味層出不窮。它不像傳統菜單， 菜單內看到豬﹑牛﹑雞﹑海鮮類， 噢! 放心放心， 其實全是素食啦! 最適合我這喜愛雜食類， 就連菜單字面上滿足也是好的。當小菜端出時也嚇倒呢! 不僅外表像一般有肉菜， 就醬料也跟上酒家的像。 這裡很多常客， 如何要試吓， 記得預訂枱啊! 太多試途老馬了。 如果你白撞， 就要等很久才有枱啦! 除咗一般酒家菜外， 還有， 意大利薄餅﹑日本魚生﹑壽司， 全是素的。有時晚餐後，菜館免費送糖水，一般糖水， 是免費的， 所以不要要求過高。

因為有老同學在美國回來，所以就相約幾個同學一聚......原本有9個人，決定好食齋後，最後得4人出席，我本身吾抗拒食齋，橫掂我未試過大自然素食，有人提議就來試下吧！通常我有時間都會上去OPENRICE看看D食評，不論食評是真是假，這間的評價好壞參半，有人話服務態度吾得，今早打去改人數時，聽電話的人果然態度有點冷淡。我7時到達，選了冇咁大冷氣嘅座位，啲服務員都ok吖！洗完杯杯碗碗後佢地陸續便到，餐牌裡有好多款新派素食選擇，最後我哋選了：胡椒酸菜大芥菜雲吞煲、薑蒜炒翡翠苗、燒汁蘆筍牛柳卷及潮式苦瓜烙。啲餸上得好快，第一味是牛柳卷，味道都幾好，有食緊肉的感覺，之後炒菜苗，又係我favor，好食，再來苦瓜烙，這個我覺得很好食，熱熱的，有蛋香味，送飯好食……最後雲吞煲，有胡椒辣味，不過啲菜吾夠腍，雲吞皮厚咗少少，但整體係ok嘅！服務又冇想像中咁差！日後可以有多一間素食選擇了，雖然價錢不算很平，但可以接受的。

昨晚去同事的Farewell宴，因為他愛吃素食，一行十二人去了公司附近的大自然素食。本以為是清心寡"肉"的一餐，誰知一點也不DRY，小菜似大牌檔，很有鑊氣!原隻鮮菠蘿咕嚕肉賣相一流，咕嚕肉假可亂真，但其實是菇芋頭魚好好味! 芋泥鬆軟瑤柱金菇炆伊麵夠鑊氣!秘製客家盬焗雞上菜時包到實好有神秘感，拆開後賣相還可以吧，其實是豆乾，算是今餐比較清淡的一道菜泰式南乳燒骨加了南乳的菜都很惹味香口!燒骨其實是菇，炸得香脆不油膩，正!秘製沙拉骨這類炸物大概離不開菇，我比較愛南乳骨芝士海鮮焗飯原來芝士也是素食?我這個芝士控表示十分滿意竹笙紅燒豆腐鍋, 餃子避風塘脆茄子炸物都做得很出色! Juicy又香脆! 加州卷賣相很不錯呢! 豉油王雜菌炒米粉普通炒米但做得好食三絲炒上海年糕上湯浸菜苗真的是最似素菜的一個菜了!很滿足又抵食的一餐

8月4日星期五，我和兩位朋友於銅鑼灣大自然素食晚餐，7點鐘去到都即刻有位，仲俾咗張六人枱我哋，三個人當然坐得好闊落，第一時間當然叫咗嘢食先，點知等咗好耐都無嘢食，後來才知道職員忘記了落單，唯有再睇多次餐牌，重新落單。等餸到嘅期間，有位職員清潔完隔離張枱後，當鋪枱布時，竟然完全無理會到其他食客，好大力地將枱布打開，即時將枱布嘅上嘅毛粒，飛到我哋成張枱都係塵，唉，連茶杯嘅水，都唔飲得。建議換哂啲唔甩毛嘅枱布。當晚我哋叫咗三個餸及一客八件嘅加州卷，講真食物水準還可以，不過加州卷就一般，仲有蘆筍素菜湯餃，餃子實在太大隻啦，皮又比較厚，浸住係湯度，當要食嘅時候啲皮就唔係個個鍾意食啦，如果包細隻啲，口感一定會更加好。最後值得一讚嘅就係走之前，每位客人都有綠豆糖水一碗，唔會太甜，味道唔錯！總括：銅鑼灣咁多食肆，短時間都唔會再約朋友到這間大自然素食，因為兩位朋友都不太滿意佢哋嘅服務態度。

我朋友無啦啦話想試吓食素，呢間野想試好耐，但係成日都醒唔起，今次終於可以試一試😸一入到店內，裝上好似一般酒樓，好中式， 好多客人都係上咗年紀， 同埋傾計好大聲，可能加上回音問題，覺得有啲嘈。呢個牛油果鰻魚壽司，好似係推介嘅，望落個樣真係有九成似，食落又唔係好似，有少少怪，但都係幾特別。炒四季豆好好食，嗰啲食落去好似真嘅肉，好香口，送飯一流，推介！呢個係牛肉蘆筍卷(唔記得個名)，食落幾好味，不過略嫌有啲太油膩，好快滯。

我只是買外賣己感到態度極差，堂食半價，外賣要付原價！我己手持95折會員咭，問她們可否適用！她們佷不友善態度說外賣不能用！那我亦算數！見店內有空席，我問他們可否左內等外賣，她們亦用極不友善態度不回答！我見她們冇回應！自行入內等！在等待過程！眼見她們亦對每枱食客很惡哋下單！而其中一枱食客丶忍不住她們的態度亦大聲喝罵！整個過程我完全看到！她們服務態度竟然會出現在今時今日的社會！真的很失望大自然素食竟出現這咁差服務態度！

同事last day 都成8個人怕難找，所以最後決定食素食，我地訂左1桌都等左十幾分鐘先有位，最後用會員咭有9折，每人$77，價錢可接受但食品質素就有點失望。我地叫左3快餐加主菜和小食……湯好味吾錯又足料，耐何湯上得勁慢，第三個湯係直情差不多食完先到。雪菜咸蛋黃肉碎蒸煲…如果沒有豉油係零味道，幸好有少少蛋黃味，同根本吾係蒸煲，完全係有黏煲。時菜胡椒魚片湯米粉…好淡，連咸味都吾太覺得有，只可講配料多而已。牛油果醬雜菌炒意粉係零味道，牛油果去左邊呢?雜菌份1都偏少。只可講意粉吾淋身。潮式黃金糖醋面…講明糖醋面，當然要糖，但竟然冇，問待應2次先有，味道正常冇咩特別。大自然燒味拼盤…吾知點解都係冇咩味 ，只可講口感有吾同咁解。法式牛油果焗多士這個夠脆又大件，但都係牛油果見到見吾到，連一點蓉或綠色都吾見，不過整體吾錯。原隻木瓜蟹籽沙律…沙律青瓜好少得一口咁，蟹籽色都吾覺有，當食左半個木瓜會開心點。鬆化芋頭魚係未䉠家都想食，點知竟最失望，只可講吾油但冇口感同味道，8個人食8個都話吾得。

聽朋友講大自然素食唔錯, 好多食素既人都會試, lunch 時間諗住同朋友去試一試. 我地到既時候唔算好多人, 但d 兩人枱已經坐滿, 所以要同人搭枱. 成個餐廳setting似茶樓飲茶. 但侍應服務唔太好, 我地叫左好耐想落單都無人理, 有個見到我地舉手想落單, 但又去左聽電話. 我地點左三樣野: 酥皮金湯蟹皇翅, 蜜汁燻魚塊, 梅菜肉片蒸煲仔飯. 個蟹皇翅係好濃椰汁同南瓜既香味, 但食落就太淡. 魚塊係冷盤, 真係整到有魚味, 口感亦都似. 佢地d 飯好大碟, 如果一個人食真係太多, 梅菜同d 肉偏咸. 價錢都偏貴少少. 要$88 一碟.

呢幾間舖的好評已聽過不少，一日晏晝同埋親友經過去食，下午茶半價（提一下只係散叫食物半價，茶錢係一位十二蚊，套餐係無半價），要喺門口外counter排隊，排咗十幾人嘅龍𨋢附近度，等夠鐘入去。個招待猛咁話唔好叫咁多，食得哂先好叫，食唔哂打包拎走要收原價。質素果然好，人哋用麵筋做肉佢材料用到喉頭菇。叫幾碟餸已飽，計埋白飯甜品咁，不過都幾百蚊落樓，旺區鬧市，算係咁啦。不過一侍應態度真有問題，我見一隻瓷羹上面竟黐有菜葉，叫佢換過，佢竟用手捽甩就算，唔肯換，如非親友在坐本當投訴，咁息事寧人便用洗碗茶沖吓佢先。同埋當時坐人多亦不會有太多人手替你沖茶。雖然如此，也是值得去食的。

昨日18/12，因為去銅鑼灣又唔知想食乜，，所以去大自然食，因為去開太子個間，食物都唔錯，所以自以爲銅鑼灣應該都差唔遠。首先叫咗每次必叫嘅柚子什菜沙律同兩隻木瓜沙律，侍應好細心提醒兩樣野都係沙律，但語氣好差，我地唯有確認係啱嘅。到柚子什菜沙律上枱，賣相已同太子有分別，食落個汁又唔同，我地都明白分店不同廚師不同，有差別係唔出奇，只要不難食。點知有某種沙律菜太老，苦，所以只食了其他菜，咁啱有個著黑色套裝（應該經理級）嘅人行過，於是同行大廚就同佢講“啲菜老，好苦”，點知個阿姐就好串“啲菜係苦架喎，你唔食得苦唔好叫啦”，大廚有佢嘅執著，同佢理論，同枱嘅我覺得阿姐好差，於是我出聲叫大廚唔好同佢計較。其實，我寫呢篇食評，除了覺得食物質素點可能同其他分店差咁遠，另外仲想講，我地出黎消費食個午餐，不是想受氣，同你反應意見只希望會有改進然後下次我地又可以食到好味嘅野食，我地無要求換亦無要求要咩著數，好想問個經理，你憑咩話呢隻菜係苦？人地做西廚，一日唔知整幾多份沙律，認知會俾你差？順帶一提，餃子味道不錯，炒飯就略為濕，唔乾身，但唔難食。

本人是一個肉食女，午餐都會揀食猛獸餐 (雞扒香腸午餐肉飯) ，齋 一向少食。上個月約朋友食飯，原來他初一十五要食齋，這天，正正是初一。好吧，就吃一次齋吧。在我印象中，齋舖都是逼逼夾夾，而菜色只有竹笙扒粟米仔同芋頭魚是好味，原來現在的齋舖也很潮。點菜環節當然交給朋友拍板啦!頭盤- 魚生，我不是眼花，看上來是如假包換的三文魚刺身，蘸上芥末豉油，哈! 與吃真的三文魚差別不大。素肉卷- 可能是醬汁的關係，當你吃到肉卷上的醬汁味，感覺上真的以為食緊肉呢!素雞- 未食前，在視覺上已攞滿分，它真的是一隻雞呢，吃上來少了雞味，多一份豆香味。雖然素菜不是我杯茶，不過偶然食下，也帶來新鮮感。而 齋 絕不是減肥的食物，但始終比日日食肉健康。

今日同埋屋企人共三人去到銅鑼灣大自然素食食晚飯六點九到就唔洗等位（七點三左右已坐滿）叫左沙嗲羊肉串 - 好好食😍😍沙嗲好香好正燒味拼盤 - 一般般🙈唔太鐘意「叉燒」個口感日式幔魚飯 - 原來燒味拼盤都有幔魚，但幔魚飯比較好食軟。蟹壽司- 正🙈唔會太咸四季豆 - 偏咸，送飯會好點之後仲送左個甜品- 粥有d好似豆既野好好味，不過偏甜整體都好好食又大碟但佢好似逢3-5點都做半價半價會更抵食😆😆