大自然素食

營業中

休息中

自從開始了主要食素後，荃灣廣場的大自然素食是我經常光顧的餐廳，性價比高而且餐單經常也會換，所以不會可以不停回頭。例湯：下午茶時段才$44-49，但還包了一個足料例湯。火鴨絲炆鴛鴦米粉：這道米粉是我最喜歡的主菜之一。米粉的口感很滑順，鴛鴦配搭也很特別。炆素鴨絲的肉質非常鮮嫩，配搭著熱騰騰的米粉，非常開胃。黑松露芝士鮮水蜜桃焗飯：這道焗飯是我在素食餐廳中吃過最好吃的一道！飯的口感非常軟糯，黑松露和芝士的味道完美地融合在一起，讓人吃得停不下來。鮮水蜜桃的加入也讓整道菜更加豐富多彩。整體來說，荃灣廣場大自然素食是一家非常值得推薦的素食餐廳，他們的食物質素非常高，而且價格實惠。如果您是素食愛好者，絕對不要錯過這裡！

今日工作關係途經荃灣廣場，又到了午飯的時間，進入商場看看裡面有什麼好食肆。見到這間叫大自然素食的素食館，由於近幾天因為去了燒烤和火鍋，食肉太多想轉一轉口味，所以今餐食個齋當作清吓腸胃。😅望進去見餐廳裏面都頗企理、整潔，於是進去坐下看看菜牌見食物價錢亦經濟。點了一個套餐 :印尼黃薑海鮮炒飯，跟兩串仿肉的串燒，並有例湯奉送，另外加多一個炸素🐙墨魚餅。🥗炒飯賣相就十分好，素海鮮粒和串燒的像真度很高，單看外表彷似真海鮮和牛肉一樣👍;但不足的是飯底不是即炒的，倒有點像剛煮熟了的飯，再把黃薑粉和素海鮮粒等加入攪拌似的、而且飯粒又煮得有點過稔欠咬口感。兩串燒的味道亦調味得像真牛肉一樣。💪例湯雖然是奉送的青紅蘿蔔湯，但飲落有湯味火喉易足夠值得一讚。😋總括今餐食肄的環境舒適，明亮、整潔而且價錢又合理，如果想一嚐素食的朋友，亦是一個不錯的選擇。

我不是素食之人，但約了素食的婆婆吃飯就當然要遷就婆婆去食素。選了婆婆常去的大自然素食。下午2點左右，食客不多，我們在一個寧願的角落坐下。餐牌的食物很多款，花多眼亂，但婆婆點了餐牌上沒有的咸魚雞粒炒飯，可能她是熟客，餐廳也特別為她煮了。炒飯粒粒分明，有蔬菜粒及蛋，還有扮咸魚及雞粒的東西，味道比真的咸魚雞粒炒飯清淡。(因為餐牌上沒有，埋單時才發現這飯要$110，也有點太貴了吧！)另外婆婆還點了牛油果醬多士，一份有兩件，餐牌寫著$15，我還以為$15一份，埋單時才發現$15一件，一碟是$30。(但餐牌寫著不能單點一件)多士邊烤得脆，牛油果醬及芝士覆蓋的地方是軟身的，味道尚可，如果多一點醬就更好了。我就點了一個燒汁鰻魚，是中伏之選，是炸的，沒有鰻魚味，燒汁也不夠，太乾身，就像咬著紫菜包著的炸粉團。這碟4個人吃都嫌有點太多，因為不好吃。但它的價錢也是最貴的，要百多元！我不明白為何素食反而比真材實料更加貴！

平時大多數同屋企人一係就飲茶，一係就食西餐，餐餐都肉，得閒都想食吓齋中和一下。唔去到鑽石山/寺院食咁遠，就去大自然素食試吓。環境寬敞乾淨，仲有落地大玻璃可以望出去睇下景。口水雞凍素雞加麻辣，辣味入晒素雞嗰度，夠惹味砂鍋菜遠雲吞翅雲吞始終冇有肉嘅雲吞咁好食，湯底清，間唔中食下都OK蟹黃芙蓉翅炒蛋白炒得剛剛好，蛋黃整爛咗之後再加上醋酸酸地，夏天撈飯一齊食，簡直一流北京片皮鴨素鴨嘅肉硬左少少，但係都可以接受，加埋嗰醬甜甜哋，都真係有少少似食緊片皮鴨黑松露牛油果醬炒飯黑松露味濃，一上枱就成陣香味，係成餐飯最好食嘅一個主菜

其實以前食過好多次，一直印象，大碟好食，今次之後，我唔會再嚟。1）黑松露牛油果醬炒飯只有10% 黑松露，有少少味但完全無色，只有幾粒好凋零嘅粟米同埋蘿蔔粒，我問侍應係咪落少咗黑松露，因為根本似炒白飯，佢同我講相係唔同啲咖喇，但呢碟炒白飯價值$106 2）原隻菠蘿咕嚕肉只有3 粒菠蘿⋯⋯⋯ $1163）黃金豆，碟頭少得可憐⋯ 4）叫碟蓮藕餅，等左35分鐘，漏咗落單又唔同人，話取消又係咁同我講嚟緊⋯真係食到好失望

屋企人喜歡食素，於是黎試一試這間素食，叫了一雞絲粉皮，三色芙蓉蛋，雞絲，豆腐，炒飯，最令我意外的是雞絲竟然同真的雞絲口感差唔多，值得一試，另外，芙蓉蛋味道都好特別，整體黎講，喜歡食素一定要黎試下

疫情下好多食肆都冇開，有開就非常少人。同老公奶奶三人去食素，非常多位，三人坐六人位，用隔板隔住就okay。環境非常寬敞，光線充足，坐得舒服。黑松露炒飯，好好食因為我食齋連蛋都唔食得，侍應好細心，同我講聲呢個飯有蛋，問我得唔得。我直接叫佢走蛋😊蓮藕餅，一般般，只感覺到食齋肉，冇蓮藕一粒粒的爽口感覺斑腩豆腐煲，個汁好好食，但係個素魚同豆腐唔夠入味蛇羹，係侍應姐姐推薦，幾濃郁，其實有啲似碗仔翅。三人埋單$3xx，要收茶介。

放假日 月巴女馬話想出荃灣行下 食下野奴婢就要忍痛同張床講分手.... 陪太后娘娘出巡月巴女馬今日突然話要食素 好彩係荃灣廣場有啫🙈原來五點前下午茶埋單離座有半價可惜我地入座已經差不多五點好彩七點前離座都仲有個八折😂餐廳都幾多人 差唔多六點已經坐滿左九成幾乎冇咩點食過素既我 覺得個餐牌好神奇明明全部個名都係肉類 到底上枱會係一碟咩東東😂就等我叫來睇下咩料啦原黃耳素翅燉椰皇呢個係每日勁限量.....有幸叫到一個不過啲湯唔夠熱🙁令我對佢失去哂所有期望....原來隻木瓜蟹籽沙律個木瓜好甜 撈埋一齊食幾好味牛油果法式焗多士呢個每次最少要叫兩份比想像人大舊好多 食完都飽左....個包好脆 配上牛油果醬同芝士 個人覺得味道唔夠迷你招牌三色骨好睇又好食 三個口味都唔差 最好食係士多啤梨醬😋瑤柱金菇炆伊麵炒得幾香 唔會太油 不過唔係好見到瑤柱同金菇既存在🙈夏日限定：香酥花枝圈勁香口 入面有啲似豆腐 但又比豆腐硬身啲 醮埋個泰色辣醬食 👍🏻食到最後原來仲有糖水送😍雖然已姐飽到上心口 枱面都食剩左啲野但有糖水唔食 罪大惡極🙈類似咋喳既糖水 有好多款唔同既豆 仲有啲米係入面唔會太甜 又唔會太稀無味道 免費糖

好一段時間沒有到此素食店吃午餐了。今天中午經過荃灣廣場，再嚐經濟實惠的午市快餐，$48/位奉送例湯，茶介加一，三位埋單$178.2。先喝一口久違了的玄米茶，雖然沖得較淡，也覺好飲。潮式芋粒砂鍋炒飯：砂鍋上枱溫熱，炒飯粒粒分明好嚼口，芋頭粒夠粉再加上介蘭頭粒爽口，整體美味可口。乾炒叉燒河粉：素叉燒軟滑，配上椰菜絲、芽菜、三式椒，河粉炒得剛好不會太油或硬身，味道不錯。上海粗炒：叉燒河粉較上海粗炒更有鑊氣。素菜湯用料十足，很清甜。值得一提的是用了新的器皿使湯能夠保持熱度，非常好。

今日黎食左個素叉燒，好好味，有4個包好似人地包片皮鴨咁，好得意😎另外仲有素蛇羹，好足料！材料有木耳絲，腐竹，碎豆腐卜，味道清而有咬口。10蚊一盅☺️好抵，下次會帶朋友或屋企人黎食其他野。

本身阿媽生日 特登同佢食素其實d嘢食唔算太差但侍應服務態度就不敢恭維首先笑住口請佢加茶 同俾多壺水點知個侍應走埋嚟態度都唔太好 侍應上菜時落錯單 其實好小事但個侍應態度好差 唔應落錯之餘 仲要屈返我阿媽叫錯真係好過份而家搞到生日都過得好唔開心順帶一提 我想加嗰壺水 都埋單都未有

今晚三人晚餐點咗芋頭魚，好明顯係交貨來的，一啲都唔鬆脆；印度咖喱羊腩啲素肉好膠，薄餅唔新鮮，甘薯咖喱角味道亦非常一般。唯一比較有質素嘅係什菜燒汁鰻魚粒，外脆內軟。環境、服務亦有很大改進空間。

今日去開荃灣，就陪🌹老媽子去食下午菜，阿妹好鐘意食🌿大自然下午茶。🍵一行三人，🌸叫左2個下午菜餐加個多士（一個米炒、一個飯、一客多士）。其實我本身唔太鐘意食尼間野，志在佢環境幾好，🌷坐得幾舒服。食乜我都無所謂，而佢兩個就鐘意食尼間。今次唔叫小菜🌼，叫啲餐～🌻多士係老媽子鐘意食，有勁多芝士係面，糠到個多士好脆。我個人本身唔鐘意食熱氣野，都陪佢食一件🙂味道麻麻～唔香芝士～（唔知點解？）🌻芋蓉焗豬扒飯又係老媽子鐘意食🤣，個人覺得見到就唔開胃，個汁咁結撻撻，舊齋扮豬扒嘅味道，就係食緊一舊粉團。老人家話好鐘意食個芋蓉汁😅我就真係唔識欣賞。🌻粉米粉尼個唔記得乜名嘅炒米粉，係比較正常啲。味道鹹鹹地咁，其實都係齋炒米粉🤷🏼‍♀️無咩特別～係家常一啲。總體而言，係價錢便宜，坐得舒服，又有服務～食物味道比較一般。

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗雖然限聚令準備再次開始放寬，不過超過4個人嘅聚會都仍然攪唔掂，朋友聚會又係食外賣嘅時候啦！今次叫素食外賣，試下呢個素宴半席，外賣自取仲有6折，相當抵食夾大件！可能因為2人限聚嘅關係，呢段時間應該食客order素宴嘅機會好微，廚師專心處理我哋嘅訂單，煮得好味又相當大份！另外員工非常有禮貌又好熱心幫手，仲幫手攞落去搭的士，服務滿分一流！💯我哋揀咗素宴C，有10款食物+ 甜品，本身半席係$1,588，我哋外賣自取6折後只需要$952.8，份量足夠8個大人食有餘，非常滿足！勁抵食呀！👍🏼😋好味推界😋🍴招牌三色骨呢個真係好好食！炸得好香口！一款係沙拉醬，上面有少少粟米粒，邪惡肥死人又好好味！一款係士多啤梨，個汁酸酸甜甜有少少士多啤梨肉，好醒胃！一款佢寫係陳皮，不過唔係好食到陳皮味，反而似炸蒜粒🍴榆耳竹笙雞絲翅大大盒勁足料呀！湯羹底做得好好，濃度剛剛好，啖啖料，好味！🍴竹枝花菇肉絲筍殼魚呢個都好出色！炸得好香口，個汁酸酸甜甜咁，減輕咗炸物嘅油膩感！同埋好多時素食嘅魚都係炸芋頭魚，食到勁悶，呢個好有趣！🍴黑松露牛油果醬炒飯開頭睇唔清楚以為係有牛油果粒，

大自然素食吃了很多年，久不久就會來吃晚餐。▶️情迷脆豆腐吃時在猜那是什麼。估計是由豆卜反轉過，加調味後油炸。意想不到的好吃，香香脆脆，調味也很 適合，整體就是少少鹹多多脆。沾泰式醬汁吃也很適合。可惜不知道如何調味式，否則在家試做。▶️秘製蜜汁叉燒 配荷葉包四件這個素叉燒不是最一流的，接近一般街舖的質素，都是偏濕偏稔，吃得多很膩。尤記得有一間餐廳能做到外表燒香的效果，外皮焦香，與真叉燒非常的相似。可惜已結業。▶️魚香茄子煲有鑊氣！加了素肉碎作為魚香的效果。整體不錯，夠香濃。▶️黑松露牛油果炒飯看著樣子平平無奇 ，更顯得師傅功架十足 ，因為這個飯炒得非常香口 ，很有鑊氣。 雖然食材不算太多 ，牛油果味不濃 ，但入口有微微的黑松露香氣，配搭其他餸菜一起吃 ，剛剛好， 沒有什麼配料也沒所謂。