影片
前幾日去咗觀塘駱駝漆一間隱世小店——大碗熊貓，專賣台式食品。買完之後可以去隔壁舖上樓上嘅food court，環境舒適有冷氣，枱凳乾淨企理，非常適合慢慢享受美食。 最推介嘅一定係佢嘅手抓餅！😍 我試咗鹽酥雞手抓餅（$42），份量超大，夠兩個女生share食。內餡豐富，一咬即爆餡，手抓餅烘得脆卜卜，加埋鹹香芝士、鬆脆肉鬆同鹽酥雞，味道層次一流，真係冇得輸！🤤 另外，我哋仲試咗$68嘅套餐，包括小食、煮食同飲品，仲可以加$2要糖水。小食推介花枝丸口感彈牙，配搭酸辣醬，真係一流！主食方面，我哋叫咗經典滷水全家福，有滷水雞翼、豬軟骨、腐皮、牛丸、雞蛋同台灣腸，材料非常足料，滷得入味，令人回味。🥢 飲品揀咗百香果青桔水，清甜解渴，果味純正，夏天飲返杯真係透心涼！🍹 整體而言，大碗熊貓嘅食物質素高，價錢合理，環境又舒服，絕對值得一試！👍
繼續閱讀