大盛日本料理

營業中

休息中

十年前我係觀塘番工o既時候，好多時都約朋友係呢間餐廳食晏，實在近互相o既工作地方，且午餐又經濟實惠。恰巧有朋友剛轉職係觀塘，我又休假中，當然再次踏足大盛了。餐牌當然唔同晒，但價錢就貴左好多了。係觀塘地方食實惠o既日本菜o既餐廳實在不多，尤其宜家好多寫字樓都由中環移師至觀塘一帶，故中午時間揾食實不容易。幾經挑選，我揀左燒鯛魚腩飯，我又唔食魚生，其他定食都係見慣見熟o既日本餐廳必備菜式，如三文魚、鯖魚等，反而鯛魚令我產生好奇同期待。鯛魚腩只有三件，每一件大概薯餅一半份量，鯛魚肉質好滑，同平時食開粟米魚塊果類，完全唔同。食唔到鯛魚腩o既任何肥膏，食落啖啖魚肉。燒汁唔算多，好幾惹味，少少甜甜地。飯o既份量都唔多，大概平時飯碗o既一半多少少。整體燒鯛魚腩飯雖好味，但份量唔夠飽。奶茶比較苦澀，冇茶餐廳咁滑，當然係日本餐廳唔可以要求咁多了。值得下次再黎過

每逢星期五中午都會同同事出去食飯，今次揀咗呢一間日式料理。點左一個鰻魚飯定食， 比我預期中鰻魚較大，食我去冇骨，唔錯。 而且燒汁足夠亦唔會太鹹。另外亦都叫咗一個壽司定食 ，定食中有件捲物係指定嘅，其餘五件壽司可自選。選擇好多跟餐包一個沙律同細烏冬 ，沙律冇乜特別， 烏冬我就覺得麻麻無咩味。另外又叫咗一個泡菜豚肉鍋， 呢一個鍋好濃泡菜味 ，入面肉嘅份量適中，鍋內仲有啲菜，豆腐，金針菇但食落有啲辣。最後，一個係咖哩豬扒定食，咖哩唔辣 而豬扒炸得幾脆，肉質又唔會好鞋 ， 整體嚟講都唔錯

難得同事們都無帶飯，就緊係外出午膳啦。離開公司呼吸下外面既空氣，人都輕鬆啲😂呢間餐廳其實已經食左好多次，一來係公司對面夠近，二來食物質素都唔錯，又唔會太貴。好多時諗唔到食咩，都會選擇黎呢間，因為都多選擇，符合到每個人唔同既口味～然而間接成為左我地公司飯堂雞扒夠大塊，一上菜已經聞到好香，雞肉夠嫩同有汁唔會好乾～壽司定食就係我最常叫既餐，星期一至五每日都set定唔同既卷物，再自選5舊壽司（都有大約20款可選），包沙律，飲品，烏冬。但係可能本身唔係喜好食烏冬，就覺得個烏冬麻麻地。如果可以轉成其他款面就更好啦～同埋個湯有啲中湯味咁，唔係好襯。同事每次黎都好鍾意叫鍋，今次係泡菜鍋，有牛肉同豚肉可以選擇。泡茶味道夠濃，但都偏辣，嗜辣愛好者就岩晒啦。但係相比起，我個人就比較喜歡壽喜燒牛肉鍋，甜甜地，都夠濃味，唔會好水。服務方面，上菜速度都算快。暫時都未試過漏單或者態度唔好。野食份量都算多。值得推介～

工作最近好忙，本身午飯時間得壹個鐘，已經好少，仲要半個鐘趕返去做嘢諗到又快又好食嘅一定係公司附近嘅呢一間。食完好滿足所以今次要介紹下佢。我最鍾意食嘅係佢呢個生姜燒牛肉拉麵，啲牛肉係真係吵完放喺麵上面，好香又濃郁雖然係肥咗少少但係就好香口食完有好大嘅滿足感同飽頭。拉麵嘅硬度適中好彈啊。

放工食得快又食好啲之拉麵篇。依家食拉麵吓吓都100蚊，咁要求普通啲嘅時候就食吓觀塘大盛啦。豬軟骨拉麵（HKD58連熱飲）有3嚿軟腍豬軟骨、半隻熟少少嘅溏心蛋、木耳、粟米粒，仲想點呢？有啲人覺得鹹咗啲，可能我重口味啦，連湯都飲埋都仲ok，飽到棒住個肚走。美咪指數：7.5/10抵食指數：7.5/10

有一間位於觀塘工廠大厦內的日本餐廳，每次在午飯時段經過，都會看見有很多人在等位。今日再次途經這裡，決定要進去試試。由於我是一個人，餐廳很快幫我安排好位置。其實餐廳的面積很大，只是來用餐的人實在是太多。餐牌內的食物款式很多，壽司、拉麵、炒飯、魚生飯等，真是令人目不暇給，不知道如何選擇才好。最後選定一碗北海丼，原因是好奇這麼好聽的名字會配甚麼食材。原來北海丼是一碗魚生飯，而且食材十分豐富。最上層是吞拿魚蓉配京蔥，下一層是八片鮮帶子，最下ㄧ層則鋪滿了三文魚。而且整碗魚生飯都佈滿了魚子。嘩! 份量太多了吧!先試試吞拿魚蓉配京蔥，甜而不腥，味道很好呀。帶着微微辛辣味的蔥把腥味完全掩蓋，而且突顯出吞食魚的甜味。而鮮帶子則十分爽口彈牙，味道鮮甜極了，感覺到食材的保鮮做得很好。再嘗一口魚子，一粒粒魚子好像爆炸糖一樣，在口中爆裂開來。開始有少許苦味，轉眼變成甘味，感覺十分特別。而三文魚的份量很多，伴着飯吃，鮮甜味美。很滿足，很滿足……

幾年前已經是大盛的常客在觀火塘想食平貴好味壽司 就是首選！因為呢間真係大件夾抵食，現時普遍大多時間都不用等位！鰻魚炒飯鰻魚飯很久沒有點了，印象中比過往多左塊大紫菜同生蛋，飯都炒得幾乾身，撈埋蛋汁，正！鰻魚切到細細粒，有保護色咁款完全融入啲飯度，真係要認真望落先覺眼喎，如果多啲鰻魚就好嗱！三文魚腩、三文魚、海老蝦、火炙帶子壽司件件都好大件夠厚實又新鮮，尤其是三文魚腩壽司，脂肪比例均勻！芥末八爪魚追加芥末八爪魚軍艦，足料！夠辣火炙左口魚群邊成日都想食佢，成日都唔記得叫咩魚！今次終於見圖醒返起嗱！好好味呀！燒雞軟骨串最後以呢客有肉有骨有咬口又juicy 嘅雞軟骨做finishing, 真係perfect!二人份量食到飽飽，最後埋單都係288！

記得十年前食係要大排長龍，但可能近十年大家都日食的要求都改變咗，當apm元氣丼丼屋拉麵全部要排20張枱時，呢度得唔夠半場滿。環境有點昏暗陳舊，樓底有點壓迫感。當年經典是條魚生水蛇春咁長嘅壽司。閒日還有差不多八折的激安價，實在抵食。壽司質素比預期中好，三文魚好肥美，軍艦的紫菜還是脆身。三文魚子有點過鹹。炸物就是放題質素。新品的五重芝士pizza有少少過鹹，都係叫返傳統日食穩陣。服務也很好，如果想平平哋食吓日本嘢又唔想排，呢個係唔錯嘅選擇。

晚餐同朋友黎食 第一次黎一坐低覺得有陣廁所味想轉位但店員話其他area要清潔 或者話無8人枱既然無其他位就算數所以照坐同幾個朋友每人叫一樣野肥牛烏冬 野菜烏冬 叉燒烏冬 海鮮拉麵泡菜豚肉鍋 鰻魚炒飯 中華冷麵4碗湯麵個湯都係太油用左幾分鐘想片走d油但最終放棄因為成碗基本上都係油隻蛋黃仲要係黑色令我無晒胃口朋友個炒飯睇落正常少少但中華冷麵配芝麻醬有d奇怪 好似通常都應該配醋但真係唔好叫湯麵湯烏冬估唔到仲要加10% service charge唔會再黎呢間到食

第三次到訪值得再次再去亦都介紹咗其他朋友 價錢公道服務ok 品質一流 係唯一缺點呢就係 飯堂 有種異味呀 其實整坐大廈走街都有 陰濕嘅味道 約咗朋友十一點到 星期日 誰不知佢係開十一點半嘅經過門口仲以為佢哋冇做 嘩急忙通知朋友但再望清楚門口嗰個營業時間 係11点 30就非常之模糊啦 整體嚟講呢食嘢真係唔錯好多選擇 服務因勤

又黎食呢間大盛喇~ 其實每次行過都會黎食，不過自己本身唔係住呢頭，所以後尾都食少左，難得今次有野做要黎APM，落雨都要行去食。雖然係假期晚上7點幾，門口都有人等緊位，但好彩地方夠大，排左唔使5分鐘都已經入座~叫左兩個鍋物，左邊係蟹粥，入口感覺非常黏稠，唔似平日加左大量水個皇口感，食完一碗真係有飽足感，重點係入面會有一隻蟹，比想像中多物同鮮甜，意外地好味；右邊雞肉鍋就不過不失啦，同平時差不多，雞肉一樣係好多好多，可惜有少少雪味，而菜都係好多，叫一個應該可以2-3人食。之後就叫左少少壽司，個人最愛火炙三文魚，魚肉係長長個種，上面燒焦少少，但入面都係生的，入口油脂味好濃郁。其實次次黎食，刺身都幾乎係滿意，特別係呢個價錢，食落係鮮甜就好滿足。最後黎多個蝦卷，呢個係新鮮赤蝦，唔係平時個種炸蝦，入口甜甜地軟軟地，仲幾彈牙，蝦頭睇落都有光澤，新鮮度滿分。不過呢個就等得好耐，成半個鐘先上檯，如果下次可以快少少就更好喇。

間唔中都黎食晏，十次有九次都食泡菜鍋，因為好香泡泡菜味，又唔太辣。點知依次黎時，一上個鍋，見到個湯底比平時紅好多,都覺得有d唔妥😨飲左一啖湯，比平時辣好多😭平時因為唔太辣，又香泡菜味，所以我會加d湯落去落到，撈堆一齊食。但今之辣左咁多, 唔可以加好多落去撈飯.平時D娃娃菜帶有泡菜味,又唔係好辣, 岩岩好.但今次食片娃娃菜, 媽呀! 我唔食得好辣的 T.T但又唔想唔食, 好似好浪費, 所以死頂.D豬肉片都幾辣, 而且又硬......今次真係趺晒水準!如果鍾意食好辣既, 應該好鍾意, 但我之前鍾意食就係因為佢少少辣, 又香泡菜味, 但今次我真係食唔到

侍應服務態度真係極極極差，中午時分顧客人數不多，一客魚生飯一個多小時也未來，已經多次催單，最後原來係待應漏單，最生氣是明明佢做錯事，但侍應反發客人脾氣。食物質素下降，拉麵、芝士波等食物凍。炸豬扒凍、有雪味、唔脆

這間日式餐廳，已經是第三次與家人一起光顧，雖然每次都是隔很長時間，依然都是我們的首選。 爸爸不喜歡吃刺生，可惜我和媽媽一致贊成光顧大盛。他有鰻魚炒飯就足夠了。今次編排的位置是旁邊的卡位，比上次編排坐外面四人枱更舒適。發現多了一張餐單，上面的選擇很豐富，都有很多海鮮。本來打算只叫$88那個，最後決定叫了$158的龍蝦爆丼、鰻魚炒飯、豬軟骨拉麵和燒三文魚長壽司。 首先，推薦限定的龍蝦爆丼，跟餐單展視圖沒有太大分別。本來以為蝦頭是空的，裏面卻有很多蝦膏，要靠自己發掘。雖然龍蝦比較乾，但是花中間放了一些類似紅色蝦籽，挺有心思。cp值高！三文魚和蟹籽粒都足夠。其次，大推和抵食的是各種長壽司。$20多就有兩件壽司，三文魚整片送上。爸爸不喜歡吃三文魚，要了燒三文魚好讓他能容易接受。他不單止不抗拒，還比我們吃得多。至於其他都是外面餐廳差不多，不作太多評論。 這間餐廳推廣大激安，要是會員能夠享有優惠價。要光顧＄550便能成為會員，原來一次未能達到，只要今個月再來累積就可以。我們今天是27日😱如果要成為會員必須要在明天28號吃多次

總結: 份量一如以往的大，味道整體座位都算闊。好耐無黎食，難得約左朋友就黎呢間啦刺身厚切，正三文魚壽司炒飯炒什菜金菇肥牛卷話係豆腐皮壽司但好似蛋壽司...話係香芒卷都唔覺有芒果...