大班Friends (已結業)

自從老公上個星期同班同事嚮啟田練完波嚮度食過晚飯後，就一直叫嚷著話要帶我同個仔嚟試一試，今日終於懷著極之渴望的心情來到，點解咁講﹖因為我老公對食係極高要求，真係好想感受一吓係咪咁堅呀﹖因為仔仔好鍾意食炸雞翼，所以首先叫咗炸雞翼、同豬扒包，D雞翼炸得好香，香得嚟有少少黑胡椒味，唔太辣，非常可口，而個豬扒包件豬扒都好大件吓，豬扒煎得恰到好處，個包更加係外脆內軟，豬扒D肉汁滲哂係個包入面, 第一口咬落去已經覺得十分滿足。正！之後我地仲叫咗鳳梨生炒骨、西蘭花伴賽螃蟹。碟鳳梨生炒骨，甜甜酸酸零舍開胃，而且仲非常之有鑊氣，好有大排檔既風味。而西蘭花伴賽螃蟹，炒得非常乾身，唔會好似一般茶餐廳咁油淋淋食到成口油；而且D蛋白仲炒得非常香滑。Yummy Yummy. 最後最值得一提既係D例湯，聽D侍應講，每日都會有不同既例湯，而今晚既係合掌瓜肉排湯，通常去親D茶餐廳，D例湯都係一大煲水加少少材料再加味精就算，但係依度D例湯就唔同，雖然係叫套餐送既，但係一飲就知道係完全冇落味精。真係值得一讚。總括而言, 十分滿意。 座位寬敞舒適，侍應的服務態度不俗而食物亦相當有水準, 再加上價 錢合理, 如果唔係真係距離屋

十年都唔去一次藍田, 去到都唔知有咩好食, 一出地鐵站除左個商場就見到呢間茶餐廳, 個名改得幾得意... 由於突然好想食牛河, 所以就入左去. 入面好光猛, d位好闊落, 同一般茶餐廳唔同. 可能係新開, d野都好乾淨. 未食牛河之前先要左我的最愛 - 奶醬多!! 果度有好多好得意的野飲, 有奶茶冰同阿華田忌廉冰, 掙扎左一輪之後都係決定要阿華田忌廉冰, 好好味呀, d忌廉好香滑, 加埋阿華田至岩我呢d鐘意甜既人. 之後到個牛河, 一上台見到係有芝麻ga, 太好了, 而家去好多茶餐廳食牛河都無芝麻ga!!! d牛河都炒得好香同夠鑊氣.... 拍得住我屋企附近已經執笠好多年果間聖羅蘭.... 仲叫左個豬頸肉炒公仔面, 我怕辣所以覺得辣左少少, 不過d豬頸肉都好脆又唔會太瘦, 岩我呢d食肥肉既人!! 埋單80蚊都唔洗, 勁抵! 最衰間野離我屋企太遠啦, 如果唔係一定會係平時食飯好去處.

尋日同阿媽一齊去探姨婆, 走的時候咁o岩撞正落大雨, 咁就入左去大班friends避雨兼打個底, 食番個下午茶先入到去樓底幾高, 又闊落, 環境都幾舒服, 而且又夠光猛我地叫左兩個下午茶, 一個係豬仔包, 一個係豬排薯條餐, 超抵食wor初頭以為個豬仔包咪同出面其他的豬仔包一樣, 點知原來佢個包入面原來係放左一塊牛油ga, 等如鮮油豬仔包一樣呀突然我勁想食蕃茄wor, 所以就叫左個煙鴨胸蕃茄麵, 湯底幾好飲, 真係好鮮, 好有蕃茄味, 個湯真係幾唔錯, 不過下次我唔嗌煙鴨胸, 因為好似唔係好襯咁下次經過的話都會去再食先~因為實在係太抵食啦wakakakkaka

周日問老豆夜晚食0的咩﹗佢老哥二話不說地講呢度開左間新既餐廳﹗仲話味道不錯，佢介紹得就當然要去啦﹗去到先發現原來係開正0係馬會隔離，怪不得佢咁推介﹗自之前馬會搬左之後唔再去美心食飯，到呢間又開番間新大班，睇黎會是老豆的寵愛﹗無他既﹗方便買波買馬，食完成幾步就到馬會，我老豆至愛﹗岩岩開張當然企理，周圍都好乾淨亦都坐得舒服﹗呢度以前係匯豐銀行地方當然夠哂大，燈光充足，食野都開心0的﹗叫老豆叫小炒佢又唔叫，係都要食碟頭飯，我要左個xo醬蒸排骨，排骨同飯分開碟上，份量都不少成碟都係﹗食落有少少辣不過就唔多覺有xo醬味﹗但整體味道都不錯，最鍾意係佢0的排骨幾多有軟骨吊住，夠哂o趙口過癮﹗要讚個飯，我最憎就係軟腍腍濕爛爛如飯的，呢度食的粒粒分明，岩我皮胃﹗老豆見到對面叫小炒又話呢度0的小炒不錯，真係俾佢老人家吹脹，隔離飯香吧，只有說下次同佢來吃小炒啦﹗