影片
營業時間
今日營業
10:30 - 20:00
星期一至日
10:30 - 20:00
以上資料只供參考, 請與餐廳確認詳情
大前日（13-6-2025 Fri）晚，因老公幫佢男友人TW整嘢，所以都係我自己一個人食飯，由於屋企已經冇菜，又唔想整餐肉炒蛋或煎蛋，買外賣啦，食咩好？燒味，又想食燒味，但石圍角冇燒味，一係茶皇殿，跟住諗到我好耐冇幫襯嘅呢間，我連名都唔記得，咁環保啲，就嚟呢喥堂食。嚟到時，見佢門口貼住所有食品，堂食外賣全日八折，咁我入去，都重有位。睇完menu後，決定要$75.00嘅乳豬四寶飯，加$3.00要熱檸水。落完單，首先係例湯到嚟，撈起睇，係青紅蘿蔔湯，一飲，味道幾甜，幾好味。5分熱檸水到嚟，我食完飯至飲，都唔係篤得好犀利，第一啖都已經澀。0.5分乳豬四寶飯到嚟喇，睇見排得幾靚，有叉燒，半隻鹹蛋同油雞。油雞俾咗雞翼位，都幾鹹同肥，麻麻。0.8分乳豬，係全肉，但好細件，個皮唔脆係韌，好失望。0.5分叉燒係全瘦，都鬆鬆地嘅，但味道唔夠。2分鹹蛋應該係正常啩，但原來唔係，蛋黃有啲乾。2.5分飯就OK軟熟。3分服務：係有禮貌嘅。3.5分環境係3.5分抵食：八折後收$62.00，都係如果唔係有折，就唔會有咁高分。2.7分上次食評係2024年12月5日提交嘅呢篇：https://www.openrice.com/zh/hongkong/review/%E6%9C%89%E5%84%AA%E6%83%A0%E5%B0%B1%E6%8A%B5%E9%A3%9F-e5806122
繼續閱讀
晚飯去食燒味飯，叫咗半隻豉油雞同埋燒鵝下裝，再加一碟油菜，送兩碗例湯。例湯味甜有味素師傅嘅痕跡，油雞就夠晒大隻，豉油味淡而雞味亦清淡有啲嚡口，但好彩無乾淨淨嗰種口感。燒鵝一般，燒鵝皮韌而肉質亦都唔係咁腍，味道就濃郁有淡淡五香粉味，小店收一百七十八個大洋嘅燒鵝例牌下裝覺得有啲貴。油菜冇油淋淋屬於健康系列，兩個白飯就收錢$12一碗，第一次食到有微微發黃嘅米飯，唔知係咪撈咗少少雞油，但係睇落又唔似，米飯缺乏飯味而軟熱適中。屋邨小店埋單二百九十五唔算親民，堂食唔多客人，但係外賣似乎就多啲人幫襯。燒味飯店樓面及餐具都乾淨清潔，但係出現幾隻烏蠅仔飛嚟飛去，老闆需要立即攪攪衛生滅蟲活動。
繼續閱讀
這間燒味舖是在新冷氣街市，這間其實是一家燒味舖加餐廳，有燒味同燒味飯外賣，店舖就位於街市門口ok便利店旁邊非常容易找到，今天是第一次來，叫了一個油雞加燒鵝幼麵下午茶先有34蚊凍飲加三蚊，份量一般唔係話好大份，味道都唔錯燒味夠林，勝在係環境唔差，午餐就有平有貴50到90蚊都有，認為太貴嘅話可以食外賣燒味飯盒，35蚊單拼38蚊雙拼，都係畀其他燒味好貴幾蚊。算係喺石圍角多咗個選擇，唔使呀我都成日食麥當勞大快活同埋嗰間車仔麵。
繼續閱讀
颱風半日要返. 諗住食過15min快飯趕巴士返工好多人等外賣. 入面都有一個位.伙計有啲亂. 師傅3個. 切野速度慢，可能新埋位唔熟位唔就手。等左10分鐘先黎. 叉燒同燒肉好乾身比柴好少少. 同地盤飯差唔多。本身可能其望高. 失落大最最大問題係冇落鼓油. 同伙計講想要加d鼓油. 佢比竟然俾支家樂牌鮮露，完全唔夾味🫠60蚊食真心貴. 份量偏少. 最後我勉強食晒啲肉. 飯食左一半. 真係太乾食唔落。本來想俾1分. 不過佢新開張. 希望有改進. 食物提升下.
繼續閱讀