大滿足 (已搬遷) 新店位置

快靚正的掃街文化，於香港飲食業中佔有舉足輕重的地位，速食、便宜又多選擇，豐儉由人的份量與價錢，就像上演街頭自助餐般，不亦樂乎。香港獨有的掃街文化因種種政策而日漸式微消失，這邊廂卻於葵涌廣場內熱烈地上演，不用汗流浹背，也不用日曬雨淋，更不用邊吃邊吸廢氣，無窮無盡的變化選擇，像尋寶般的熱鬧氣氛，一站式的吃個飽飽，相信這裡絕對使人得到十分的滿足。自從二樓一角重新裝修由服裝店、美甲店改裝成小小美食區後，多了很多掃街小食檔的開設，將同層及樓上樓下的食客吸引到這裡來。在這個新開闢的美食街中，以大滿足的鋪面佔地為最多的一間，除了主打的日式手卷外，另一吸引之作應該是玉子燒莫屬了。 玉子燒口味有十款，有基本的明太子、芝士蟹籽、三文魚、蟹柳；到較特別的韓式泡菜牛肉、龍蝦沙律、鵝肝、櫻花蝦；以及推介的黑松露流心芝士、鰻魚等，價錢由最便宜的$23起至最貴的$35。 玉子燒是落單後即叫即製的，所以需等上點時間，店側設有一張供立食的小檯，但為配合速食，大多數食客都選擇站到小巷的一旁進食。選擇了一款較為大路的口味試試水溫: 芝士蟹籽玉子燒 $27 玉子燒面灑了木魚片碎點綴，下面鋪滿數量不少的蟹籽，和滿滿的沙律醬

去得葵芳廣場行街，當然不可錯過抵食既海膽手卷。葵芳廣場入面其實都有好多間賣日式手卷，而且價錢相約，但鑑於有部分手卷店拍烏蠅，所以我地選擇左比較有人氣既「大滿足」。我地係平日下午4點去，但仍然有一大堆人等緊佢地既手卷。我地叫左半板海膽手卷（$32)海膽唔算鮮味，但勝在沒有苦澀味，呢個價錢有呢個份量海膽實屬抵食！當然大家唔好預期會好飽肚，這是一個小食。唔食海膽既朋友都有好多其他手卷選擇，甚至有刺身賣。下次要試一下海膽花之戀

鰻魚玉子燒入面有一層薄薄嘅鰻魚 比平時食嘅鰻魚少左d鰻魚醬嘅味道，所以鰻魚味不算突出，而且有好多細骨 蛋好滑 仲係好流心的 但蛋味不算太濃郁 整體我覺得好味過上次食個間魷味6.9/10

三文魚碎玉子燒($26) 玉子超嫩滑 唔會太老🍳切開中間好足料除左好多三文魚 仲超級拉芝🧀熱辣辣 超好食上面加上飛魚子😋😋完全係錦上添花👍🏻👍🏻雖然要企喺度食 但咁好食 好快就食完啦🙆🏻

主打手卷嘅大滿足 我哋叫咗個海膽手卷(半板)來試吓味 以呢個價錢其實我哋都唔expect可以真係有半板 就算真係有 質素應該都唔好得去邊 所以我哋都係抱住一個試吓嘅心態買咗一個來食 點知我哋一攞到嘅時候 見到真係足半板！足足有五行！而且望落去顏色係鮮橙色 完全冇一啲暗黃色 睇落去幾新鮮 食落去同望落去嘅一樣！呢個係最驚喜嘅 海膽好鮮甜 一啲苦味都冇 以咁嘅價錢食到咁嘅質素 完全係抵食！ 手卷嚿飯唔算太多 對我來講啱啱好 呢樣值得一讚 唯一美中不足嘅係 紫菜係唸嘅！可能係擺得太耐的關係 但係整體來講 呢個手卷係真係幾抵食！

黎到葵芳，少不免當然要食手卷啦！平時食開個間唔見左，於是就試左大滿足！個海膽甜蝦手卷十分唔錯，料算是十分足！唯一令到我中伏的是個芥末豉油！不知情的我落左好多，結果十分嗆鼻！不建議大家用呀！應該落普通豉油會比較好！

芝士蟹籽玉子燒（$27）👅葵廣掃街下一站玉子都算滑，但唔夠味🤔好在有蟹籽同粟米有番多啲口感同味道👍🏻同埋芝士🧀多到可以拉絲好香濃😍當食到淨番兩啖，我就話有沙律醬會仲正🤔然後先發現原來收銀隔離有囉😭😭即刻唧番啲食埋最後個啖佢😂果然沙律醬將成件事再提高一個level😎😎

呢間店有賣手卷同玉子燒今次剩係食左玉子燒佢個餐牌真係有好多款唔同既玉子燒可以選擇, 而且個樣都幾吸引而且咁大件黎講, 價錢好貼地我就買左三文魚碎玉子燒, 因為即叫即做既關係, 入口非常熱, 份玉子燒每樣材料都好足料, 蟹籽係配料, 但都好多, 不過就可能太多材料, 所以唔太食到蛋味同芝士味,不過, 係香港以呢個價錢黎講, 味道已經算唔錯, 下次一定會試埋其他味既玉子燒唯一唔好既, 就係係果個位置食完野之後, 個身會好大陣油煙味

以前葵涌廣場得三樓有食肆 早排連二樓都有食肆 食物價錢又相宜 食完又可以行街 行到攰又可以醫肚！今日試下呢間壽司店 見到排曬長龍唔洗search openrice都知有好野食呢到有好多款選擇 除左手卷 仲有魚生飯 小食等等 因為平時無咩機會食海膽 同佢半板海膽手卷只係$32 所以決定一試！登登～賣相睇起黎唔錯 海膽顏色鮮豔 係葵涌廣場買到呢d貨色既魚生算叫有意外驚喜了我估呢到應該有足半板海膽啩....食落味道唔錯 雖然唔會好鮮 但起碼無腥先！同佢有海膽應有既口感 整體唔錯 下次可以再幫襯喎！

收工之後約咗friend係葵芳買野，行過見到呢間鋪好多人排隊，加上睇到佢餐牌有芝士玉子燒，即刻忍唔住叫一份試下。最後揀咗黑松露流心芝士玉子燒$35。因為好多人的關係，等了差不多15分鐘先有得食，見到個玉子燒的時候都幾擔心，因為實物同餐牌張相有d唔同😂但食落真係好好味，熱辣辣，好多芝士，而且仲有少少拉絲😍1個人食可能會覺得有少少濟，但2個人share食就啱啱好，一邊行街一邊食真係好正，呢間鋪仲有做手卷，有機會會再試

難得經過葵芳，又聽講葵涌廣場2樓重新裝修完變左小食掃街場，咁緊係要去試下啦。今次黎到呢間大滿足，一邊係賣手卷，壽司，刺身之類。呢d周圍都有得食，唔太感興趣。但另一邊係玉子燒我忍唔住即刻揀左一份鰻魚玉子燒黎食。等5分鐘左右，玉子燒黎到，好香醬料味，咬落去啖啖鰻魚肉（佢用玉子燒包住幾舊鰻魚）個玉子蛋都好滑。食完覺得間舖頭真係無改錯名，真係令人「大滿足」！Ps:鰻魚玉子燒都係28蚊炸（仲有其他口味，都係大約30蚊左右），極力推介！

血拼一輪，消耗了很多體力，晚餐都消耗盡了XD 要食些宵夜(雖然還很早呢: p)，要來個快充電，補充能量然後繼續作戰XD 於是我們便去了「大滿足」立食專門店來個大滿足吧! 我們都點了海膽手卷。雖然價錢很便宜，但並馬虎，海膽大大份，密鋪手卷上，新鮮肥美，食落每一口都好豐富滿足! 好! 繼續作戰吧!

吃完章魚燒意猶未盡再去吃其他東西！玉子燒同大滿足手卷是屬同一間店，也是排同一條隊付款。今次沒有吃手卷了，覺得不好吃，所以試了玉子燒。玉子燒有10款選擇。我就選擇了三文魚碎玉子燒($26)。 三文魚碎玉子燒($26) 吃完章魚燒再吃玉子燒，感覺好像是同一樣味道的東西，兩者都是用燒汁、沙律醬，不過玉子燒再咸和濃味一些！ 起初不見三文魚，原本都藏在蛋中！玉子不是完全全熟，很嫩滑，保留了蛋汁(不過個人喜歡熟一點)，而且芝士做到微微拉絲。朋友說她下次可以自己吃一個玉子燒啊，我就偏好章魚燒

叫左最hit個個黑松露留心芝士玉子燒，真心唔錯! 咁多人排隊系有原因的。  芝士味好香，同d蛋融埋一齊，個質地軟綿綿，好中意，唔知點做到咁嘅效果，黑松露味道都幾香，味道唔會過重，整體味道好夾，好想再食，但就真係有d油膩，heheee，罪惡咁幾重的食物，非常推介大家試一試。

呢間大滿足好多野揀，手卷都已經多到眼花，玉子燒好多隻味都好吸引呀！價錢都係廿幾三十蚊，超多人買，好多人以為手卷同玉子燒係兩條隊，我都差啲排錯左隊呀，買玉子燒都係排買手卷條隊架。我買左芝士蟹籽，即叫即做非常熱呀！一個人食真係可以做正餐，但我仲有其他野想食，所以我同朋友一齊分享。非常好味呀，入面蟹籽非常多，一啲都唔孤寒架，可惜手拎住好多野未有第二隻手影相。呢間好多味，搞到唔知揀邊隻味好，明明隻隻好似差唔多下次我會試下其他。唯一要改善嘅係衛生，有前人唔小心跌左海膽落地下，但冇即時清理，其他唔知嘅人踩左上去，包括我，整到自己隻鞋污糟之餘個地下都超污糟！雖然唔係間舖入面唔乾淨，但我覺得個位對住佢地正一正，或多或少佢地都要叫人搞搞佢好過俾好多人踩到污糟垃塌。