大滿貫 (已結業)

昨晚食左個美味什扒鐵板餐，個餐有一份鐵板什扒（豬扒、雞扒、香腸、漢堡扒各一件）、一個酥皮忌廉湯、一杯飲品，要$46，講真都幾貴下，不過諗住好食貴幾蚊都冇問題，點知．．．．鐵板什扒：豬扒同雞扒都好細件好薄，望落去份量比美心或大家樂扒餐細，最慘就係塊豬扒非常鹹，根本食唔到，而配菜的白菜同粟米好似唔熟，成碟得條香腸同件雞扒好食少少。酥皮湯：雖然酥皮做得OK，湯亦夠熱，不過湯味道唔得，偏鹹，而且忌廉湯材料得粟米粒同蟹柳，同美心的龍蝦酥皮湯差好遠。奶茶：水準可以。味道唔理想仲要$46（比美心同大家樂貴），下次都唔會食呢樣，仲話特別推介．．．．！？另外，呢度坐落亦唔夠其他同類快餐店舒適。

去九龍灣做野,時為十一點九左右,個客居然去左食lunch?乜工尼架!為左唔想白等,唯有又去食"早飯"啦!所以只食個細細地o既餐,糯米飯+菜肉雲吞.好鐘意食糯米飯,當然有所要求,佢D糯米非常腍,仲有D爛,明顯唔係佢自稱o既"生炒",當然喱D地方唔食都知唔係生炒啦,不過味道都ok,臘味都夠多夠香,但炒乾身D會更好.菜肉雲吞完全唔掂,皮厚,o係粒雲吞o既收口位因為D雲吞皮層層疊,所以更加厚,形成內層雲吞皮唔熟o既情況,好硬.函料菜肉各佔一半,好鬆散,冇樣掂.$28個餐,當然唔值,但o係附近食店尼講係最平......

之前同bf去德福睇戲~又未夠鐘就近近地去左大滿貫食飯入到去就好多人等位丫~都幾逼下~佢d食物款式都幾特別~我就叫左個牛肉石頭飯,仲送左兩串串燒幾特別~又好味,大家樂就唔會有呢d飯供應我bf就叫左個越式檬粉~真係幾好食有機會一定再去~

今日８點幾去食早餐～食左個早餐A。火腿通粉唔錯～起碼食落唔覺有味精。煎雙蛋隻隻都咁靚，但就生左Ｄ。厚多士我最尾先食，所以凍哂超級硬！下次記住食多士先～有埋野飲＄１７～朝早都好多人要等位呢，而且都好多２手煙下。但聽ｄ親戚講依度吃lunch 反而麻麻地=_______=

我只係飲過一杯熱奶茶，本來有咩好講，但係我好不幸咁坐在近落地玻璃個邊高台既卡位，就知咩叫做「D位有咁窄得咁窄，D冷氣有咁弱得咁弱」。個位短到非常，巴士車尾個行個位（註：巴士車尾張椅真係細少少）都長過佢好多，坐入去張檯已經頂住，十足坐入一級方程式度，點食野呀大佬，冷氣又唔夠，呢ｄ環境直頭趕客啦。大滿貫野食唔算太差，我係藍田個間食過都可以，但德福呢間就千萬唔好坐高左個排卡位囉！

曾經與家人在這裡吃飯，　我們order 不同的食物，結果超難食，　不明白為何依然有很多人幫襯．我家住德福亦不會幫襯了～～

昨天太肚餓,隨便便入了這店吃東西,已不是第一次來吃,平時的水準都可以的,今次叫了油雞飯($24) 和墨魚丸河($20),油雞飯就一般啦!墨魚河賣相不錯,亦很大碗,可惜墨魚丸就很難食,冇墨魚味..淡貿貿的!最後吃了一半都冇就放棄了..以咁的水準$15元都嫌貴呀..

tea 食左個西多....即叫即整....等得都算耐......但係好好味....連埋飲品都只係$14...抵食.....地方都算乾淨企理....員工們都有禮貌....

4月22日，17:45幾天以來腸胃不適，三天未沾咖啡和啤酒。幾天只吃麵飽，終於忍不住，來碗魚蛋河和齋啡。魚蛋河：魚蛋、魚片有魚味，入口不會粉一團，粉算滑。齋啡：極酸，但絕對可以接受，在一般食店少見。茶餐整體算交足功課。同座的男士比我先來，他到櫃台兩次，仍是空手而回。原來慢工出細貨，當我吃了一半，他才拿著那香噴噴的西多士回來，那油泡仍在跳動，金光閃閃，砌開來層次分明。可惜肚子不爭氣，不敢放肆。那杯酸咖啡的功力，不到五分鐘便出來了，迫我馬上離去- 原因大家心中有數^m^這店的員工很勤快，態度不錯。

d 午市做得幾好~焗飯好好食~卡位又好坐~平凡之中有驚喜~d waiter 仲會幫你拎野返去~服務都算幾好~好~

如上, 比大家樂, 美心為涷, 只有熱飲係熱既, 不過人流很多, 因為佢地點好吧, 不過都唔係太差既~

同男朋友食飯,佢買左大滿貫燒鴨加餸.之前經過呢度,都有d想試.不過隻燒鴨唔係好得.可能唔係新鮮鴨啦,味道始終差d.冇肉味,冇左新鮮肉0既質感.即使加左幾多調味都改變唔到呢個事實.有d失望.而且負責斬0既人0既刀法唔得,欲斷難斷.希望下次去堂食,佢會比到d驚喜我,等我可以化喊為笑啦~

其實我好少食快餐店, 但去親九龍灣都會去呢間快餐店, 佢個價錢比大家樂貴d, 但係佢d食品好多款, 又成日都有新菜式, 好似我上次去見到有原個蒸籠的蒸飯, 一般fast food的扒飯,燒味,焗飯(個樣好似幾好味)都有齊個日叫左個咖喱豬頸肉炒河, 雖然係無咩辣味, 但係味道好好, 豬頸肉好爽口, 濕濕地的炒河又唔會話淋晒, 但炒得有d碎啦!另一個炸海鮮籃,有個芒果salad跟, salad size都幾大份, 但係芒果就熟過頭帶點黑, 籃內有炸魷魚圈2件, 蟹柳2件, 蝦1件, 薯條咁啦,竟然無炸魚,好食就好食, 但係唔係好夠食, 有d唔抵不過d位就真係唔係咁好坐, 因為好多setting都好似自修室個d面壁位, 又有一大張長檯, 好似學校飯堂咁, 唉...如果可以改下就good啦!

其實我好少食快餐店, 但去親九龍灣都會去呢間快餐店, 佢個價錢比大家樂貴d, 但係佢d食品好多款, 又成日都有新菜式, 好似我上次去見到有原個蒸籠的蒸飯, 一般fast food的扒飯,燒味,焗飯(個樣好似幾好味)都有齊個日叫左個咖喱豬頸肉炒河, 雖然係無咩辣味, 但係味道好好, 豬頸肉好爽口, 濕濕地的炒河又唔會話淋晒, 但炒得有d碎啦!另一個炸海鮮籃,有個芒果salad跟, salad size都幾大份, 但係芒果就熟過頭帶點黑, 籃內有炸魷魚圈2件, 蟹柳2件, 蝦1件, 薯條咁啦,竟然無炸魚,好食就好食, 但係唔係好夠食, 有d唔抵不過d位就真係唔係咁好坐, 因為好多setting都好似自修室個d面壁位, 又有一大張長檯, 好似學校飯堂咁, 唉...如果可以改下就good啦!

唔講唔得...半年前食焗飯,食到一半,發現有鋼絲刷的鋼絲,好彩無放入口呀. 以前覺得佢好食過大家樂,食多幾次就發現差唔多囉. 另外,佢D車仔麵都算唔錯.