大榮樺

營業中

休息中

今次又係大埔搵好嘅餐廳食🤣聽朋友介紹喺大埔中心有一間價錢又唔貴味道又幾好既餐廳🤤一於去試一試先😍🧊西冷牛扒飯 $70 8/10塊牛扒嘅份量都幾大😂配埋飯一齊食都好夠飽😆牛扒味道唔算太鹹👍🏻咬落去都唔太韌😚肉質正常都有肉汁，側邊嘅沙律菜一齊食冇咁油嫁🥰白飯可以加$8轉沙律菜薯菜或意粉🫶🏻🧊凍咖啡 餐飲加$3 8.5/10咖啡味幾香濃🤩質感比較厚👍🏻不過冰就算多，🥲同會少少偏甜，🙈不過可以少甜少奶令咖啡味更突出🤤味道都算唔錯而且價錢唔貴 ，都幾推薦大家去試一試嫁😝🥳不過lunch time時間就會比較多人等位🤣如果想試吓嘅就早啲去試比較好！人均消費💵： $60-70性格比： 8/10好食程度😋：8.5/10回頭指數💓：8.5/10

從網上得知大埔呢間餐廳，人人話好好味，每一日都排長龍，加上我有朋友喺大埔區住都係話好好味喎，我終於同我朋友入了大埔去試下，以餐廳嘅裝修真係一般 冇乜特别，可能我期望太高啩，我就食咗最好味top 紐西蘭仔柳，而我朋友在食咗炭燒黑毛豬，先講牛仔柳嘅味道一般，但係就好大件，牛味又唔係太濃，真係好一般餐廳嘅水準， 唔似得個個話咁好味， 我朋友食嘅炭燒黑毛豬，都係話一般般，唔難食但又唔係好好食，意粉就啱啱好，如果要我畀分100分可能得70分中規中矩，但係如果我要我山長水遠再食多次就唔會去囉，順路經過都會嘅😋

周不時都聽人講呢間嘢有幾好食有幾抵食，但係我去親都好多人，或者係食晏時候，所以好多次都敗興而回。不過我真係好想去試一下，咁唯有有緣再試啦！撞啱今日我可以同個女早啲出嚟食嘢，本來想去麥當勞食早晨全餐，但係剛剛過咗11點，又咁啱諗起呢間大榮樺，所以就滿懷期望過去一試。我點咗一個肉醬意粉比個女，我就叫咗個吉列豬扒飯。半個鐘頭後，我個豬扒飯到咗，但係我個女個意粉仲未到，所以都追下啦！於是我就先試下個豬扒飯，一食之下..... 好普通喎！再20分鐘後，我個女個意粉卒之都到咗。點之一食之下，唔單止普通到非常，而且仲有啲唔係咁熟添，點攪呀！不過要趕住接細佬，所以求其食啲就走。百一二蚊好似係幾抵食，但係質素都好重要。希望佢會跟進一下囉，不過我就唔會再去喇！

自從幾年前男朋友帶我食呢間餐廳，去開大埔都好想再食，可惜成日都大排長龍，今次終於的起心肝10:45去排隊，終於都比我食到！🤣餐廳入面位置都算幾迫，唔係話坐得幾舒服，不過為咗佢嘅黑毛豬，都唔介意啦！我哋兩個都係食炭燒黑毛豬 ($70)加$8轉意粉，因為呢個勁好多人叫，所以等候嘅時間都比較長～店員會先上咗個湯先，個湯就似正正常常嘅街坊西餐，冇乜特別驚喜～去到主角黑毛豬，佢個份量係好大塊，加上切開之後，佢嘅生熟程度啱啱好，食落去非常軟淋，亦都唔會覺得佢有一陣臭豬味😌而佢嘅意粉亦都非常有誠意，本身都撈咗啲白汁，成個意粉唔會好dry～當然跟餐都會跟返一杯飲品～我覺得呢個價錢食到咁大塊黑毛豬，都算係物超所值啦，食完呢份餐真係又飽又滿足🤤

因為聽朋友講話大埔呢間店好食，而且好快賣晒我最想食既西冷牛扒意粉，今日專登同媽咪早D去，排左半個鐘左右，終於食到啦。西冷牛扒（燒汁意粉 ）$ 68我就叫左西冷牛扒，個燒汁，牛扒份量都算大份，味道真係唔錯，多汁唔會煎到好乾，意粉煮到岩岩軟有彈性唔會太林都幾好食。北海道帆立貝珍寶號黑松露忌廉燴飯 $108媽咪就叫左燴飯。三隻珍寶蠔+一隻帆立貝，加埋芝士，好惹味。黑松露飯啲黑松露唔算好出。兩個餐都配有椰菜花忌廉湯，幾濃幾好飲

一個人食午餐，一於要揾好嘢食，心思思去大埔昌運中心的「大榮樺」食午餐，好掛住佢平靚正大大份嘅午餐，中午12:00去到，已經非常多人等候，我估今次又要等半個鐘。攞咗飛之後呀姐姐已經叫我落定order揀定想食乜嘢，耐心咁等了一陣，都好快有位。差唔多兩年冇幫襯，今日再次去試吓佢嘅黑椒牛扒飯。果然冇令我失望，牛扒大大份，雖然俾我上次嚟嘅份量少咗啲（上次係兩塊㗎，非常誇張），這個份量性價比已經非常超值。牛扒嘅味道好好，有調味但係又唔覺太多鬆肉粉，等咗20分鐘都值得。不過佢哋啲服務有啲混亂，落咗單張單會落錯，我見其他台都好似啲order亂咗籠，我叫咗飲品，但係等咗好耐，我再追嗰陣時先發覺原來係漏咗單。

大榮樺係大埔一間又出名又抵食嘅餐廳😋每一次去都要大排長龍，同埋發現佢哋長時間都冇黑毛豬食😂已經1:00先去，就已經冇晒黑毛豬🐷🐖幸好仲有西冷牛扒🥩🫶🏻如果再晏少少去可能西冷牛扒都冇得食🤪今次係同阿妹一齊去食，我地一人一個餐，而我就要咗個西冷牛扒配薯菜，今次餐廳嘅職員無問我西冷牛扒要幾成熟，所以牛扒嚟到嘅時候係全熟，然後佢哋嘅薯菜係傳統嘅紐紋薯條🫶🏻好耐無食過紐紋薯條🍟而且份量相當大份😋而阿妹就叫咗一份蒲燒醬汁鰻魚飯🫶🏻大大塊嘅鰻魚😎相信食果戈個人見到都會好開心🤪大大份又抵食👍🏻而且個賣相唔差，而且阿妹係咁讚好好食好好食😋😋⭐️蒲燒醬汁鰻魚飯 💰$56⭐️西冷牛扒飯 +$8轉配薯菜 💰$58+8

今日遲左放lunch, 兩點幾先去到。等左15分鐘就有位，不過最出名的牛扒同黑毛豬賣晒，所以試下未食過的吉列炸蝦配芝士肉醬意粉（含牛肉)。當食物黎到就聞到好香芝士味，原來肉醬意粉上面係一大塊熔左的芝士同芝士粉，口感一流！炸蝦亦都正常發揮美中不足係肉醬意粉味道較淡，當食健康啲啦

話說本人同家人去晚餐二人,都未晚餐餐廳人員質素好差跟本趕客,排隊先就要人落單先可以入,張飛係我哋8号兩人,跟住又比張8号4人,枱係叫我哋先,跟住又話唔係我哋先,,到排隊排到叫人入坐,坐下後又比人趕走又話未到本人,我同佢講妳哋安排好亂囉！d員工重答我話係,態度極為囂張,跟本不怕少了客人一樣,今時今日甘樣做生意趕客,以後都唔洗幫襯！

大榮樺 - 大埔頗有名氣的平價西餐廳<<天婦羅軟殼蟹忌廉煙肉意粉 🍝 - HK$118>>每次我經過呢間餐廳都大排長龍，第一次買左外賣，今次就去左堂食晚餐⌛️等左30分鐘先有位，等位期間店員會事先為我落單我坐低左成30分鐘先上菜，真係有d耐🥲 金黃色既軟殼蟹天婦羅上面鋪滿脆脆，咬落去外脆內軟咁好好味😋 天婦羅旁邊分別有忌廉煙肉意粉同🍝 雜菜沙律🥗 意粉都算有賣相，扭到成座山咁上唔會一pat 咁上，唔算al dente. 下次我會試下黑毛豬同埋牛柳，因為呢兩款都好快賣晒🥹牛柳係晚市限定⚠️留意番係無得訂位架，想食好野就要預早排隊

我地一家大細晚上5點幾開始排隊等呀等呀都係為左等食紐西蘭牛仔柳同炭燒黑毛豬因為聽朋友講話大埔呢間店好食所以去完大埔龍尾灘游水過來試食一下先之後終於7點左右等到第二轉入去食啦因為實在太多人排隊等 第一轉入唔到去食入到去都要等一下 唔係即刻有得食好彩入之前要落訂食咩先可以入去坐不過落訂左就無得改食物同再加食物啦除非個款食物買曬就可以轉其他喎！我哋就係咁唔好彩要轉其他（想哭）無曬黑毛豬 要改轉西冷牛扒配薯菜今次試左紐西蘭牛仔柳配意粉 呢個真係堅好味呀！食物評分：（5為滿分）試左西冷牛扒配薯菜食物評分：我哋一家大細食到好飽 份量都算大份！下次要再排隊試返炭燒黑毛豬先得啦！

大埔出名野食又抵又平，而今次呢間街坊扒房係一個超唔起眼既商場入面，而且仲要係一個唔起眼既角落，夠晒隱世。雖然唔起眼，但係呢間扒房非常受街坊歡迎，平時lunch time 12點左右已經排晒隊啦🤪今次大概1點黎到等左45分鐘🫠咁多人排隊既原因，係因為佢真係大件夾抵食👍👍大大塊西冷扒午餐時間只係$62，原隻鴨胸亦只需$50，呢個價錢嚟講，牛肉嘅質素正正常常，反而鴨胸配埋個蜜糖芥末醬幾惹味嫁😋😋

喺昌運有一間係角落頭唔係好起眼嘅西餐廳，可能係街坊先會識得佢，因為佢個位比較隱蔽喺走廊嘅最盡頭，亦都算係商場嘅背面，當初我都係朋友介紹先識得嚟但係其實作為平民西餐廳來講，佢算係幾高質，啲牛扒大大塊，而且好厚肉絕對唔係Hea你嘅程度其實我都嚟過食幾次，都幾推薦黑椒汁西冷牛扒飯，意粉其實都唔錯，不過我個人就比較鐘意食飯喇佢都會有少少沙律菜喺度，另外仲有少少車厘茄同埋粟米，食落感覺都幾新鮮嘅全部食晒絕對夠飽啊

大埔人應該都有聽過這家餐廳的大名，繁忙時間要等好久才有位呢，這次幸運地於週末中午來竟然不用等位，所以馬上入座～午市比晚市價錢更抵食，所以不論堂食和外賣都有好多訂單呢！今次叫了兩份午餐精選一開始看上去好像很creamy，而且大榮樺一向是「大件夾抵食」路線，有點擔心太膩吃不完🤣怎料慢慢地也吃完整盤又不覺太膩～烏冬是冷烏冬那種煙韌口感，麵條十分掛汁🤤來大榮樺一定要點扒類！🥩超級大塊！而且西冷牛扒不會過熟或口感太韌，牛扒亦有一定厚度。本身牛扒已經醃得很入味，但亦不會遮蓋了牛肉味✔️基本上我們都沒有加入伴碟的燒汁哈哈😆· 餐飲 熱菜蜜 免費／凍奶茶(少甜少冰) +$3奶茶質素亦不錯呢，是奶味較重的，非常對我口味～

自從大榮樺開店至今，基本上每個月都總要黎食野，計清楚d其實由佢地舊舖均一居開業已經開始食，食左咁多年，食物質素依然咁高，價錢都仲係咁平民，即使有幾好生意都冇大幅加價👍今次黎叫左一個西冷牛排意粉，基本上每日既餐牌都一定有呢個餐😄西冷牛排意粉係我既超級推介，基本上黎10次有9次都係食佢🤣🤣🤣牛排大大塊 (仲要有兩塊 一大一細)，煮得淋之餘，仲好入味，唔使點汁都已經好好味，細食既朋友可能食塊排已經夠飽🤤🤤🤤意粉唔係就咁烚熟就算，佢應該係用牛油同忌廉之類逐份煮出黎，食落濃郁爽口，即使冇餸淨食意粉都好滿足😋😋😋整體而言，成個牛排意粉都相當出色，每次食完都好飽好滿足。其實唔止牛排意粉，其他食品都一樣做到好高水準，可見餐廳對食物質素既重視。最重要係價錢親民，員工態度又好，基本上冇咩野可挑剔💯💯💯