大戶屋

營業中

休息中

經過一整個上午的忙碌行程，下午時段當然要「慰勞一下」自己，所以決定吃一頓豐盛的日式午餐作為對自己的獎勵。我在康怡廣場逛了個圈，想到已有一段時間沒有到大戶屋吃飯，便決定入內大吃一頓。店員很快便安排我入內就坐，他主動地遞上暖水一杯。我看了看餐牌，突然很想吃一些以鐵板燒烤的食品，於是點了一客味噌燒牛舌定食。今天的胃口很好，嗅到鄰桌傳來酸酸甜甜的氣味，便忍不住多點了一客黑醋豚肉野菜小吃。不一會兒，黑醋豚肉野菜小吃先上桌，嗅到黑醋甜酸的味道，頓時胃口大開，豚肉炸得香口酥脆，肉質不硬，咬下去亦吃到啖啖厚厚的肉感。份量適中，作為餐前小吃真不錯。過了不久，最期待的牛舌定食也上桌了。牛舌的肉質厚，配上帶點微辣的味噌醬，即時減低油膩感。定食還附有一碗味噌湯、蒸蛋及小前菜，份量十足。這頓豐盛的午飯令我十分滿足，頓時覺得充滿力量繼續工作。

Japanese Fried Pork Loin and vegetables with Black Vinegar Source Set 🤤😋.The vinegar really increase my appetite in this hot weather. . The pork loin is soft and juicy 😋.Please try some 😊

同家人幫襯過2-3次, 每次都叫咗唔同嘢食明明餐牌上嘅食物都乜新意, 比較保守傳統🤦🏻‍♀️但發覺無論牛扒豬扒定食都好好食👍🏻😍豬扒炸得好脆, 牛肉好香定食內每樣食物例如蒸蛋沙律都做得好食份量好足料下, 每次食完都覺得好滿足長期好多人但係服務態度都幾好餐具碟同環境都乾淨價錢以區內來說, CP值超高, 仲有手機app儲分有優惠回贈👍🏻👍🏻會一直幫襯👍🏻👍🏻👍🏻好後悔咁遲先發現屋企附近有呢間野😅如果個定食餐有埋嘢飲更加好同埋希望可以有手機app排隊, 每次等位都成個鐘有啲辛苦🤦🏻‍♀️

康怡廣場食肆選擇不太多，較有質數的大戶屋，經常出現排隊人龍，已經有一段時間沒有光顧。地方寬敞，貼心提供放置手袋 / 雜物的儲物箱給客人，最鍾意大戶口提供免費添一碗飯這個優惠。吉列雞扒飯 + 凍蕎麥麵 $105天氣熱，老婆叫左個凍麵set，雞扒嫩滑，凍蕎麥麵放汁後入口，清甜又爽，軟硬適中，但個人鍾意凍烏冬多D。 味噌醬煮吉列豬扒（單點）$97厚身既吉列豬扒，肉味香濃、油脂均衡，配味噌醬煮好惹味。我只叫了單點，因為老婆個set 可以免費加碗飯，慳返幾十蚊。之後去食甜品，哈….

呢一間大戶屋可以話係康怡廣場人氣之最, 食飯時間撳飛起碼等半個鐘以上 。今日唔好彩一點先嚟到,一個人等咗十張枱, 差唔多用咗九個字先坐得低。 每一次呢到一定係會食 午餐之選麵豉醬吉列豬扒飯,因為實在太好食完全冇意欲去揀其他菜式。吉列豬扒炸得非常酥 炸漿亦都不會太厚 豬扒 亦都非常鬆軟 肥瘦亦都適中不會一口油膩的感覺 厚度起碼都有 吋半以上,有口感。麵豉醬嘅配搭亦都係好好 令到食落去唔會太過熱氣亦都為豬扒作一個好好嘅調味 白飯採用日本珍珠米粒粒分明非常彈口,但係 麵豉湯就找稍嫌味道不足。但整體我會比八至九分呢個餐,必食推介。

太古城食晏普普通通都過百，所以唔好諗住過百蚊就會食到高級午餐。唔記得係乜，朋友話唔好食，獻汁質感似漿糊，唔值，唔會再食。燒腩肉就好香，肥瘦平均，有驚喜，可以一試。

每次來到吉之島都看見大排長龍，決定去試試。排了個幾鐘終於有位。甫坐下，友人不斷介紹餐牌上的食物，大概就是說樣樣都好味。我心想：係真唔係？朋友叫了泡菜炒豬肉，辣度剛好，很香口。另一位朋友指她每次來都會吃這道菜。我起初被名字嚇怕，怕會很肥膩。誰知一試難忘，一點也沒有肥膩感，也沒有看見很多脂肪，旁邊的芥末鹽與燒豬肉的味道亦很夾。燒花魚。燒魚很多時都會被燒得很乾而變得嚡口。這燒魚定食令人喜出望外，不乾身之餘亦很入味，大讚。每份定食均配有蒸蛋，麵豉湯和白飯。蒸蛋很滑，淡淡的清湯味，令人感到很舒服。這裏的白飯值得一讚，用上日本越光米，好吃！如此高質的日本菜，怪不得吸引食客紛紛到來。果然排得有道理！

每到飯市，都不難見到舖頭出現人山人海的情況，等大半個鐘也算少，假日晚餐我們會早點吃，五點半等到六點已有位。舖頭裝修簡約不浮誇，寬敞舒適。 食物選擇都多，牛豬雞魚樣樣都有，味道也不錯，份量都算多，價錢亦相當大眾化，難怪開餐時間出現人山人海的景象！

星期天睡多一點，起床已經十一點幾，午餐時間又到了，去了康怡Aeon百貨地下那家大戶屋午餐，但人很多，要排隊，半小時左右才輪到，入座就點了個日式燒甜辣醬汁豚肉合子飯（$108）定食包括有前菜沙律，味噌湯，主食是燒汁豚肉，溫泉蛋，白飯等！這套餐定食份量足夠，溫泉疍也軟滑充滿蛋香！薄切燒好的豚肉，肉身也夠腍滑入味，配以日式燒醬汁，十分好味！值得一提是米飯選用日本新潟米，特別香滑而不會黏口，好開胃的一頓午餐！

是咁的，有位同事就嚟離職，搵咗日約埋同team嘅同事一齊食返餐最後晚餐。肥仔同事A用積分換嘅，蔬菜煮得鮮甜入味，雞肉嫩滑，成碟酸酸甜甜好開胃。同事B點咗個牛脷定食，跟餐有埋白飯、麵鼓湯同蒸蛋。牛脷雖然有啲韌，但點埋味噌醬味道唔錯。同事A點咗飯麵套餐好大份，吉列豬扒炸得香脆，配上滑蛋軟硬兼施口感好好。烏冬熱辣辣咬落彈牙，湯底味道咸咸地唔會太淡。都係飯麵套餐，雞肉燒得燶燶地好香口，滑蛋撈埋飯一齊食好好味。蕎麥麵麵質彈牙滑溜，沾上醬汁更好食。普普通通，日本汽水味。紅豆大大粒好甜，雲呢拿雪糕好creamy，湯丸軟中帶韌有口感。雖然要等好耐同埋價錢有啲貴，但食物味道唔錯都值得一試。

係太古上完堂，都差唔多到老公放工時間，不如去排下大户屋，次次經過都大排長龍排好耐，最尾放棄食唔到。見5點幾幾早，就行過去攞飛排隊，等得嚟應該老公都嚟到。但原來甘早都已經坐無虛席，仲開始出現等位情況。攞飛個陣5點半，原來都要等15張枱。所以行下附近嘅超巿商場消磨時間，大約等了45分鐘就有位。餐牌上有各式各樣嘅定食，每一款都好吸引，令人花多眼亂添。燒鹽麴熟成五花腩定食老公第一眼就睇中呢個五花腩定食！五花腩份量有3條切細件，件件燒得香嫩又帶少少燶邊，入口甘香但完全冇油膩感呀，亦有黑椒粉隨自己喜好添加，我覺得點少少，加左更加好食呀，伴碟嘅薯仔沙律亦都好好食呀！蒸蛋清微嚟非常滑，定食仲包埋味噌湯，老公表示食完非常滿足，捧住個肚腩。生薑醬油牛脷定食牛脷份量相對嚟講比較少，嚟到個下仲炸炸聲，每一件煎得好靚，入面爽口微嚟又好juicy，配埋個微辣面鼓醬幾match。大家都食到好滿足呀。一份定食一百頭左右，份量足夠，又好食，性價比高，如果唔洗排甘耐隊就好啦！

夜晚同朋友約左太古食飯大戶屋似乎永遠都好多人排😂都等左半個鐘先入得首先叫左d小食雞翼非常香口 但都幾油下食完成個碟底都係油😂吉烈蠔炸粉唔算厚食落香脆檸檬汁同沙律都好解膩😗仲叫左個豆腐小食細細份 但豆香幾濃！主食我就叫左個親子丼定食飯既份量唔多但味道幾好 蛋好滑🤩牛蒡絲我都好中意食😋麵豉湯就略嫌咸左少少喇朋友叫左呢個燒雞定食有薯仔沙律！雞排燒得夠香口但份量唔太大男仔食麵真係唔太夠飽🤔🤔埋單一人$160 都幾抵食既🤣

好幾次都黎唔成，今次係第二次食到！話說太古呢間嘅大戶屋總會有好多人排隊，所以我都好幾次放棄左。落單既食物有燒鹽五花腩定食、黑醋雞肉椰菜定食。🌻今次我都係食黑醋雞肉野菜定食，因為首先佢酸酸甜甜嘅味道，令人好開胃，其次係佢嘅份量都唔少，好足料！。。。。。。。。。。。。。。。。。。。。。🌻雖然呢張相影得麻麻哋，但係佢嘅五花腩味道恰好，表面既鹽亦都分布平均，滲入肉質當中，如果可以再熱啲就更加好！！！！

身為街坊，基本上每個月都會光顧大戶屋，不過一定要夠早！只要那天早下班我能趕及6點前回到康怡，我都會去大戶屋碰碰運氣😂老公喜歡試不同菜式，但我總是點一樣，一樣百吃不厭的燒鹽麴五花腩定食。無他的，五花腩燒得香嫩，少許燶邊更香，入口油香甘香但不覺油膩，用鹽麴來醃製，豬肉不會死鹹，鹹味較天然。薯仔沙律雖簡單但也很好吃，除了薯仔外還有洋蔥、蔥、紅蘿蔔，味道豐富。茶碗蒸超級滑溜，裡面有香菇、鳴門卷、白果，還有雞肉，出些許雞油使蛋味不會太淡。老公這次吃燒牛舌定食，牛舌厚薄適中，不過不是塊塊爽口，有幾塊韌一點，要多咀嚼。

許久未食這間大戶屋，周六午後二時左右落座。落單久候，終於上菜，卻發現賣相差劣，份量稀少。三人先分享八片細小的<燒生薑醬油牛舌>，另外兩份<燒鹽麴五花腩定食>與<燒鹽麴牛扒定食>既少且燶，侍應一見我地示意立即端回廚房另製，顯然已清楚問題所在。定食附的白飯尚可，茶碗蒸亦唔錯。可能是廚房代班兼職所致，但開門營業卻未能保證基本質素，亦反映該舖品質管理可悲。三人埋單$410。整體是令人不快的一餐。會避免再光顧。